龍寶酒家

Open Now

Now Closed

食食吓望真啲先發現原來有隻小昆蟲，有翼有腳相當完整，一枱四個人都肯定嗰隻100%係昆蟲。唔知道係上菜有定飛落去，因為我遲咗到又冇人郁過嗰碟野，去到我郁先見到，咁就循例搵咗職員。第一個稍為有良心啲，就話應該係蚊滋仔，又搵咗第二個嚟睇，第二個講嘢前言不對後語死拗，一開始就話藥材湯就係咁，成煲個面都係咁（如果成煲個面都係昆蟲嘅我只可以祝福你早日執笠），之後又話可能係啲藥材有（咁你哋仲幫嗰間買藥材？），最後仲要咬定係紅棗皮拗話唔係昆蟲（紅棗皮原來有對透明嘅翼仲有腳可能仲會飛，一定係我孤陋寡聞）。其實自己都有做過廚房，對呢行嘅人我都覺得我相當寛容，我都唔打算計較啲咩，入面有隻昆蟲呢個事實拗嚟都冇意思，老實啲要換就換要取消就取消，我又唔打算搵食環署投訴。最後態度仲要好似兇我咁又話藥材湯點點點點，當人無煲過定無飲過？我都做過湯位較過湯，唔該你唔好當人傻，認錯咗有咁難？最後取消咗，其他野我都已經食唔落（如果成煲湯個面都係昆蟲衛生情況真係堪憂），嗯，都冇乜野繼續保持住呢種質素態度，我總會等到你哋全線執笠，祝福你哋。

The attitude of the staff there are very bad. The CP value is not that high to compensate this drawback.Not recommend to go. In Cheung Sha Wan, there are many restaurants and many options. Therefore, really a bad choice to go there. The above is my personal experience..you may have a try if you think your time is invaluable

昨晚同家人去龍寶食飯要咗個 $1688 全包套餐乳豬全體, 比顧客玩下, 自己落手剪. 今次隻乳豬好瘦, 啱晒我, 之前食過幾次, 次次都肥到唔想食.蝦球伊麵, 大蝦新鮮爽口, 個麵煮到啱啱好.雞肉就有少少 over cook 咗條魚夠新鮮瑤柱節瓜圃都唔錯, 瑤柱夠大粒餐飲只包 4 罐汽水, 少咗 d 囉, or 用 2 罐汽水換 1 支啤酒另外叫了 8 隻南非鮑魚, 都好淋另外要了芒果布甸, lee 個唔掂, 個布甸好實, 食落好假 d 橙都算甜套餐係全包, 其他散叫就要加 13%

舊區酒樓 唱K前路過 飲個早茶Hea 估唔到早茶優惠都有咁多選擇$25.8 點心拼盤 ： 燒米 蝦餃 潮洲粉菓 鮮蝦茶苗餃 蜜汁叉燒包 馬拉糕各－件 《太抵食嘞🤭 同朋友二人再點多個雞扎同煎腸粉 埋單$90😀😀 同－般茶餐廳早餐差不多價錢勝在可以嘆下茶 轉下口味🙌🏻

本人係長沙灣街坊，今晚出黎食特登去幫襯龍寶。成間酒樓好似冇人服務咁，落單要等，埋單都要等，令人難以接受。深水埗龍寶係自己物業唔洗交租，仲要13％服務費，服務態度竟然係咁。結果3個人埋單要605蚊，野食叫普通，咁嘅價錢我去第二間食好過啦。有見呢篇文嘅人，可以就去第二間食！

12月31日到這間龍寶晚飯兩人一坐低見到檯面有一碟花生同經理講我哋兩個都唔食得唔要。我同佢講消委會講過呢啲係強迫消費我哋可以唔要嘅。 問佢攞卡片佢唔敢畀。 仲話就算你唔要呢碟都要收錢最後佢話最多我轉蕎頭😡😡😡😡😡。其實唔係因為嗰十幾蚊嘅小食費你嘅態度可唔可以好啲呢啲客話唔食得可能佢有敏感呢。 或者介紹呀你唔食我畀第二樣嘢你呀或者你可以同啲客講其實呢啲呢下難錢我哋都會體諒下。但係你嘅態度差到咁呢真係永遠都唔會再幫襯囉🤬🤬🤬 一間咁嘅酒樓為咗個12元小費得失嘅客畀咁嘅服務態度以後都唔會再幫襯你都通知各親朋好友唔好再幫襯呢間食肆任何一間分店。平時朋友嚟食飯都喜歡畀貼士真係一毫子都唔好畀。如果唔係當天朋友生日真係想起身😡😡😡😡其實一粒星都唔需要但係你哋嘅系統係都要畀一粒呀應該係負數十粒星🤬🤬🤬🤬🤬

話說我地成班同事8人去食飯。本身張枱細冷氣機滴水 見到都冇理過 ，要我哋嗌佢過嚟同佢講轉枱，先西口西面行過嚟 ，之後叫左個龍蝦伊麵，個經理話我哋冇食過龍蝦，叫我哋食多啲，收我地13%服務費，人均40蚊服務費，橙冇人切重要我哋自己去切，叫佢俾個鉗我哋俾咗成10分鐘都唔見人，每人服務費加茶費都$40啦點解食餐飯，茶又要自己斟水又要自己攞，橙要自己切，個經理都要串我哋冇食過龍蝦要食多點，食咗三千幾蚊呀，食到背脊骨落，俾錢買難受😣佢話佢係返通脹，佢似系反我哋通脹..

星期六中午阿女話要飲茶,去一間大眾化酒樓,13:00去到羅位,等左30分鐘先有位,叫有好多回心食。最重要叫我最喜歡乳鴿。蝦餃幾好,燒賣好重槻水味,鳳爪都唔錯,不過腸粉就好似厚左少少,不過街芳價錢係甘上下。埋單$450都底飲

食大餐結果，一人3舊，一個套餐千五蚊，我哋六個人食，一個唔使比錢，有貴妃雞有燒豬鮑片鴨腳，蝦球大大粒西蘭花，有條生猛石班，炸蝦球伊麵，重有壽包，唔係生日都送過嚟，橙都人頭有一個。爽爽爽。

龍寶一向都有不同優惠時段及優惠食品。我地一行3位女士，在12點45分已經到達酒樓坐好，茶都未沖就立即寫紙落單，因為諗住趕得到食1點前落單的優惠XX炒麵($42.8)，寫好落單紙要1炒麵及2點心，就立即比酒樓阿姐落單，我地仲叮囑酒樓阿姐快啲落此單先，我地會再睇其他正價點心的。之後加了3個正價點心。當我地一共5個點心都食完，炒麵都未黎喎，我地就同番幫我地落單果位酒樓阿姐講，頭先我地1點前落單的炒麵仲未有，呢位阿姐去睇機話我地無點過炒嘢，仲話邊過幫我地收點心紙。我地3人好一致話...咪就係你收左我地張落單紙囉(由於她又高又瘦，外型好容易被認出)，但呢位阿姐堅持話自己無收過我地張點心紙，仲問其他阿姐有無收過我地枱張點心紙，我地話一定係佢收左張紙，但佢仲話機唔見我地1點前有落單，她語氣雖然禮貌，但態度“強硬”話唔關佢自己事。仲叫我地重新點過炒嘢幫我地跟，我地問係咪可以有番1點前優惠價先，佢話1點前截晒單啦。我地立即嬲嬲話...如果我地1點前無落單，呢2款優惠點心點黎架，好明顯有收過我地張點心紙，而係落漏左炒麵啦。當我地要求她搵番我地張點心紙，佢又話入左單搵唔番張紙。我地話點會落左單搵唔番張紙吖，

報紙見到友誼萬壽套餐$1388💥8位已經包茶芥,加一服務費六味餸, 有壽包同水果,仲送埋兩枝啤酒乳豬全體, 原隻上未切既,比膠手套同膠剪比你自己處理所以係真材實料原隻乳豬👍👍好有驚喜係真係脆皮,肉質亦嫩口多汁!東江鹽焗雞, 呢隻雞味道尚可,不過肉質鞋啲富貴彩鳳海中寶,有花枝片雞柳西蘭花等等我覺得都唔錯! 調味適中！海蝦伊麵 我又覺得無網友咁差評，至少啲蝦夠大隻亦唔霉，伊麵份量都足夠👍清蒸沙巴魚 正常發揮 肉質嫩滑 夠體頭呀鮑螺片扣鵝掌 炆得夠淋 又入味🤤而且係套餐最尾一道餸我一行六男一女 但基本上每碟餸既份量都好大份亦足夠，所以食到鵝掌都已經飽 食淨左少少🙈主菜後 仲有一籠蒸壽包(8個)同埋8個橙,我覺得每人一個橙都係驚喜,始於而且成本咁貴,生果都唔平啦!!🤭竟然每人一個,所以係驚喜的!!👍$1388呢個價錢每人唔洗$200仲要係酒樓食包哂所有野,份量充足,味道唔差, 十分抵食!!!😋😋😋不過好似套餐做到6月,唔知會唔會加推呢?

今年父親節飯提前一個禮拜食，一早預訂《友誼萬壽宴$1588 》相比其他地方呢個節日嘅套餐價錢的確係平好多，抵食大份！而呢個餐唯一一樣較特別係原隻乳豬上，但比鉸剪、手套自己剪🤭 🔸自剪乳豬全體🔸清蒸大沙巴兩斤🔸蠔皇鮑螺片扣鵝掌🔸東江鹽焗雞🔸壽包8隻🔸翡翠谷珍寶蝦長壽伊麵🔸富貴彩鳳海中寶另外再獨立叫咗四隻乳鴿。

態度超級惡劣！！！叫咗呢個8人餐平心而論，除咗伊麵其他餸是無咩大問題。 唯獨呢個伊麵，我叫嘅係8人餐，請問呢到幾人份量？得一主隻麵，兩個人食都唔夠啦。而且我食過好多圍餐，無一間圍餐伊麵會有菜，呢到擺明係唔夠麵搵啲菜塞滿隻碟！份量少到咁離譜點可能唔嘈佢！全場無嘜幾個侍應，得一個女經理長期係到，另外有幾個男經理成日唔知走咗去邊，見過露一兩次面，咁唯有搵個個女經理，呢個女經理開頭落單已經唔係好彩人，態度十分惡劣！首先係我地食哂其他餸， 碟伊麵好耐都未嚟，咁就搵呢條女經理問下啦，係到自言自語話廚房冧曬檔。之後黎到碟野少到離譜，搵返佢黎問，竟然話：係咁架啦，廚房係咁出，無話包你8個人架喎。真好笑，唔包我8個人咁你叫咩8人餐？想搵其他經理講，但全場真係得佢一個露面，佢每經過一次我就嘈佢一次，每次都係一副懶理嘅樣，仲話想食多啲咪叫多碟。又話你只係俾咗1388，即係咁嘅份量係好應該。如果你做唔起呢個價嘅，唔該你唔好咁set，set咗唔該你俾返應有嘅野客人！等咗好耐終於有個男經理出現，態度都唔係好，不過就肯補返少少麵黎， 放低個麵嘅時候仲補多句：啲蝦先係主角嘛，麵只係配菜🙄如果你真係唔夠麵可以出聲，唔係

2022年5月15日 (星期日) 6:00pm 26°C 環境光亮整潔，餐具乾淨。 人數：5 人 大約 HK$1100 不用等位 鴻運脆皮乳豬 (半隻) – 席上自剪乳豬，皮脆肉薄妙齡乳豬，芝麻皮黃金香脆，色澤均勻，用上秘製醬料醃製，肉質嫩滑，肉汁豐盈，皮肉脂肪比例平均，鬆化甘香，脂膏雪白晶瑩，骨香酥。【推介之選】❤❤❤ 龍寶生炒上肉排 - 肉排切成塊狀，份量頗多，肥瘦適中，外脆內軟，醬汁濃郁，甜甜酸酸，感覺開胃又美味，拌勻白飯一起吃，味道一流。菠蘿大大件，洋蔥香辣，份量不少。【推介之選】❤❤❤ 游水海紅東星斑 - 蒸得恰到好處，鮮味滑溜，啖啖魚肉，美味！【推介之選】❤❤❤ 西施蟹肉扒西蘭 – 蟹肉新鮮，蛋白滑溜，兩者配合起來簡直天衣無縫。西蘭花綠油油，軟硬恰到好處。整體來說，份量十分充足。 金銀椒鹽白飯魚 - 熱騰騰，非常香脆，點上椒鹽後，更覺美味。份量很多，叫人食不停，歡暢又盡情。【推介之選】❤❤❤ 金磚一口滑豆腐 – 外層金黃香酥，內裡柔軟滑嫩，配上七味粉提味，濃郁香氣及辣味令人忍不住大快朵頤。整體來說，份量充裕，適合喜愛吃辣之人士。【推介之選】❤❤❤ 椰香芝麻卷 – 芝麻香香

長沙灣這邊有茶市的酒樓好像不多，今天家人想飲茶，就到近來電視廣告看到的龍寶酒家。食物很一般，碗碟有食物殘漬，點心價錢不貴，但留意服務費+13%，下午茶有些點心只有三件。我們的位置在兩排冷氣下面，坐下未開茶已經打噴嚏，看到附近有幾張枱未有人坐，但經理說不能轉，䀲氣說一係你落去重新再等過。但當時直至我們走都不多客人，而且大風到枱面的點心紙都吹走。因為趕時間，而且在坐有老人家，我們坐下快食就走。全程部長都在附近搬枱搬櫈不停口像發洩。這是小事，但感覺很差，連帶不想再光顧同集團其他分店。