龍寶酒家

Open Now

Now Closed

貨不對板，從來冇食過咁難食嘅帶子，鹼水味重到苦，冇一啲鮮甜味，十幾蚊雪凍帶子都好食過佢問職員投訴難食，就咁一句“哦”問呢個“澳洲帶子”原材料係點樣，佢指住碟嘢話就係咁樣，唔肯俾我睇原材料，咁嘅態度服務費仲要13%，兩個人食左差唔多四百蚊平心而論嗰啲優惠菜招牌菜係抵食有保證嘅，今次專登搭左一個鐘車先黎到，但每次只可以叫一碟，其他真係一唔覺意踩曬伏之後都唔會再食，大家如果唔係研究好策略夾多幾個人都小心小心再小心喇

我訂14位 最後黎咗12位 同左員工講 跟住最後仲要收咗我2位茶錢 問題係我嗌嗰個餐係全包唔使收茶錢 最後收我突出兩位茶錢 問題係我一早同佢講左話12個 我同佢理論嗰陣時話如果我下次定14個嚟咗16個係咪唔收我嗰兩個茶錢 個經理仲串到同我講話你下次訂14個嚟16個你坐到未坐囉咁樣講 我真係未見過有咁串嘅人 打開門做生意梗係你好我好大家好 呢間野真係冇下次成個蠔餅打出嚟得幾隻蠔 但係炸出嚟成蝶咁大 成個海蝦伊面d蝦梅嘅 仲有唔好嘅餸下刪一萬字 真係對住個經理火都黎比一萬求我過去食我都唔會走去食 垃圾

今晚去左深水埗龍寶酒家，之前無訂位，等左大半個鐘先有位，一行6個人。叫左7個餸都夠食，買埋單1200左右。叫左招牌乳鴿，每人一隻大大隻乳鴿，仲要係熱辣辣皮好脆。跟住上埋肥牛金姑煲，師傅煮法好特別，送白飯好好味。其他菜普通特別，所以吾多提了。要改善既係上菜速度，慢左少少。

今日打去深水龍寶酒家，同知客講：要落訂某個菜單(席上自剪乳豬) ，佢話要另加$300 費用幫我地斬乳豬，另外，無得hold bb椅，到時有就有，無就無。佢好無禮貌。*但我打去其他龍寶酒家，知客話可免費斬乳豬，可hold bb椅。*我再打去深水埗龍寶揾經理，佢說話都係同一樣，連經理都十分無禮貌。佢話同一機構，不同服務，咁你係咪想取消訂枱呢？真係火滾😡深水埗龍寶知客，經理完全無禮貌。真係同一機構，不同地點不同服務

今日星期六同屋企人去飲下午茶，就揀左呢一間電台成日賣廣告嘅舊式酒樓。呢間酒樓有兩層，環境望落乾淨闊落，今次我地就坐係二樓，三個人坐五人枱唔使搭枱，等左大約15分鐘就有位。講返野食，下午茶逢星期六日加$3，但計落都係比其他酒樓平，而且份量好足，3個人叫9樣餸都只係$200，係飽到食唔落咁飽🤣不過留意返佢收13%服務費，比一般茶樓貴少少。相入面排骨飯、金銀蛋瘦肉粥、鹹水角、鮮蝦腸都冇影到，太肚餓忍唔住食左先啦🤫無論係腸粉、燒賣定蝦餃，佢啲蝦都好大隻，不過略嫌佢腸粉個皮太厚，豉油唔夠鹹。佢有個幾特別嘅點心「抵食五式點心併盤」，$26.8可以食到幾款飲茶必叫點心，好啱每樣都想食一兩嚿嘅人~p.s.唔知係啲姐姐太忙定點，成日想叫人都叫唔到😣

平日下午，老人家沒啥事可做，經常看電視又太沉𨳒，於是就一起去下午茶吧。來到附近的一間茶樓，已經是下午三點多，於是就快手快腳點了孖寶組合及特價粉麵飯，說便宜也真的是很便宜，份量也十足。茄子炇伊麵 - 重量級的份量，茹子也很大條，味道普通，有點油膩。什錦冬瓜粒湯飯，湯頭算是很夠味濃郁，材料有冬瓜粒、冬菇、肉片及勝瓜粒，但瓜粒及肉片都偏硬，冬菇就還好。菜乾豬骨粥 - 最合老人家胃口的一款，雖然沒有豐富豪華的用料，但口感感綿密，咸咸地很易入口。燒汁煎茄子🍆- 大件而且夠香囗入味，魚肉夠厚，茄子也新鮮。論食物是合格有餘，但論服務就有待改善，老人家吃得慢也是無可奈何，已經儘可能快快吃，侍應還不斷在催促，冷氣關掉、電燈也關掉，大熱天時吃到一身汗！這樣是不想顧客再幫襯吧？！

母親節正日夾唔到，所以遲一日慶祝，見佢做緊優惠，4揀1,我地揀左乳豬，$288不過就要自己剪，之後我地叫左個$498 5碟嘅海鮮，有蒸虎斑頭腩，斑球炒菜，炒蜆，蟹蓋炒粉絲同埋煎中蝦，平均一百蚊一碟，份量正常，味道頗一般，其他餸我地就都係散叫番menu 入面嘅，比較抵食。呢隻乳豬已經長到幾大隻，肉同肥膏都已經幾厚，肉唔夠嫩，皮都唔夠脆，其實麻麻地不過價錢夠平，其他野食都算中上啦，份量亦都適中，冇咩可以特別挑剔,個炒飯幾好食。食飽之後會上人頭數嘅橙，個橙細細個但幾甜

深水埗長沙灣飲茶，龍寶應該有些歷史，有二樓有三樓，好多老人家、街坊客。今日係閒日，下午2點都要等位，等咗大概10分鐘就入座，可能係下午茶的原因。腸粉即叫即整，一碟有三種口味，鮮蝦、叉燒、牛肉，正！鮮蝦百花角係整定嘅，唔熱，咬落去先至中咗伏，不要叫。春卷剛剛炸好，好脆，有4小件，唔錯。下午茶其實好抵食，識食就要叫孖寶套餐，廿零蚊有2樣嘢啊，包括蒸飯、燒味飯粉麵、腸粉，飽肚㗎，邊度搵？得閒過這邊，會再嚟嘅

平時飲茶都唔多幫襯呢間，但唸住唔好去死一間，間中轉下，今次去龍寶飲個午茶。佢搭枱位得10張枱，明嘅，唔搭枱收茶錢貴D 但咁大間酒樓2層，得10張搭枱，想等....一個鐘唔知得唔得呢？當然快入，無搭枱入到去，....佢話無枱布 唔夠枱布。唔好以為佢係稻X唔用枱布喎，係唔夠，星期日1點鐘，無枱布。算黎飲茶啫。都唔記得叫左乜，只係記得個米粉得好少米粉。碟碟“精緻”囉。可能你叫特價嘢就係。最差係，仲有個點心，我地痴痴地等，見咁耐唔黎，問侍應，先話原來無晒個款....點解唔駛同人講嘅，唔問咪等到下午茶? 因為叫左双寶，只好求其叫返個點心算。整體食物“精緻”，主要服務“好流”了。

唔淨止我一個話呢間野差！真係唔好幫襯！何想而知真係不知所謂!質素超差！態度超差!唔食好過食!我地落左第一次單，然後上左野食，甘覺得唔夠食咪打算再叫，佢!佢竟然講：拿，唔好再落單啦！嘩 態度衰到咩叫唔好再落單，甘唔想做咪做啦，咪係到阻住晒，唔比人落單叫野食、你開間店做乜？！！ 做得你甘陰公！last order 就聽得多ja 真係第一次聽叫人唔好再落單，叫野食都唔比人叫，真係超級有問題，你間店有寶咩!!! 去食其他店好過啦，何必黎呢到比錢買難受

可能因為臨近新年關係啦，訂台只可以6:30同8:30，所以就Book左8:30團年，成家人有老人家有小朋友既關係8:20先早到少少黎拎位，點知等左好耐都未有位，當我地問幾時有台既時候，reception態度好差咁話執緊最後要搞到成8:40先比張台我地。邊有可能執張台執成廿分鐘，book左都唔可以準時交台咁book黎做乜。仲要我落訂訂套餐真係貼錢賣難受，上菜又慢，都要訂黎做乜野，呢間咁既餐廳真係冇下次。

服務態度差，货不对板，巧立名目的收費，還要收百份之十七的服務費。一家五口開開心心去晚餐。點了幾個菜後叫了一個特價菜，五人可叫燒鵝半隻。來到的是貴妃雞半隻，要求更换後。已口黑面黑，最後來了的半隻燒鵝比平時的燒鴨還細了很多。其他菜色都已貨就價，份量少又不好吃

食物唔差，但係服務態度勁差，撳住嚟搶，一入嚟畀啲花生我，我話唔要，話公司規矩，唔可以唔要，一定要收錢。 冇消費者權利真係撳住嚟搶。 唔係錢嘅問題係 消費者的權利都被剝削。 真係嬲嬲豬。 整到成晚個氣氛都冇，千祈唔好早過六點鐘到食晚飯，因為唔畀入坐檯，要出面等，只六張凳坐著等，多過六個人就要企喺度等入座。

經常去呢間酒樓飲茶,但係晚飯就實在少之又少,對上一次嚟呢度食晚飯已經係4,5年前.最近飲茶見到宣傳單張晚餐小菜好似幾抵食,咁咪約親戚嚟食囉.兩支公叫咗三個餸,兩支啤酒,一碗白飯,302蚊又幾抵嘅,不過食物質素就認真麻麻.優惠嘅菜式有五種但係只可以5揀1,就叫咗1/4隻燒鵝.由落單至到上第一樣從用咗半個鐘,如果食物係熱辣辣嘅都冇乜所謂.我都唔會強求係明爐燒鵝,但係最先上嘅燒鵝竟然係凍嘅,真係令人髮指.凍嘅燒鵝皮就自然唔會脆,亦都理所當然唔會有乜野油香,而且肉鞋颯颯,真係唔知係因為隻鵝本身質素差定係因為凍晒先攞出嚟嘅關係.蠔皇北菇炆水魚煲,其實水魚份量都幾夠.最重要既皮雖然未至於好肥美,但係起碼唔算瘦先啦.但係都係相同問題,未至於好似一開始果碟鵝咁凍,但都係有少少涼嘅.明明如果熱辣辣食嗰層皮既話咬落會好甘香,因為溫度問題又浪費咗一種食材.最後一味餸係香辣茄子生蠔煲,有少量冬菇,極多茄子,幾隻生蠔.所謂嘅生蠔比蠔豉大少少啦,好彩一啲都唔腥,每人都分到大約兩,三隻既.不過香辣就欠奉喇.呢個價位嚟講唔算太差,比較平嘅價錢忠實咁樣反映到比較低嘅質素.但係出面物超所值嘅餐廳何其多,我又洗乜再嚟呢一間

間唔中都會同舅父飲早茶,因為去開嗰間太子嘅酒樓執咗笠,呢半年就改咗去深水埗嘅龍寶酒家.呢度唔算太就腳,搭地鐵嘅話比較近長沙灣站.茶樓有兩層,面積都算大,劃分為搭枱同埋非搭枱區.如果唔太晏去嘅話基本上都唔使等位. 講真,呢度嘅食物質素真係麻麻.嗰日叫咗腸粉,先唔講腸粉本身嘅質素,豉油完全完全冇鹹味,開頭以為只係落得唔夠,但係加到好似洪水氾濫之後都仍然係冇味,終於確定係豉油問題.另外腸粉嘅皮冧到一夾就爛,裏面嘅叉燒同豉油保持一致,都係冇味嘅.蘿蔔糕淨係睇個樣都知道煎得唔夠透,裏面仲有麵粉嘅質感.而且因為煎得唔夠嘅關係,外面仲係油淋淋.最後仲因為唔夠熱而令到口感更差.蓮藕餅嘅獨特之處係冇蓮藕個種爽口嘅感覺,或者因為已經將蓮藕磨成粉啦,但如果連蓮藕嘅味道都冇嘅話就實在太過神乎其技喇.另一個特別之處就係佢係將三塊比較薄嘅"蓮藕餅"疊起當成一塊,即係好似三塊餅乾夾埋一齊咁樣.要好味嘅話點樣整都冇問題,可惜呢碟實在好難叫做蓮藕餅.雞包仔除咗餡料比較少之外都冇乜問題,同棉花雞一樣都做到其他茶樓嘅一般質素.另外仲叫咗鹹菜豬骨粥,都係非常清淡.鳳爪排骨飯既鳳爪淋到入口即溶.以價錢嚟計,呢度嘅點心係比較平既