Video
Payment Methods
Other Info
10% Service Charge
Above information is for reference only. Please check details with the restaurant.
星期日晚我們三姊弟帶老爸老媽去附近恆景龍寶吃晚飯，這裡有很多不同款式的餐牌提供，我們點了一個$438的五和菜套餐，套餐包括客家鹽焗雞半隻、紅燒豆腐班腩煲、 韭黃滑蛋鮮蝦仁、 蠔皇花菇扒時蔬、脆皮燒腩仔(半斤)；另外再加一人一盅花膠燉湯。五和菜性價比很高，平日星期一至星期四只是$388，星期五、六、日就加多$50，非常抵食! 而且味道及份量都算OK! 值得一讚是這裡的原盅花膠燉湯，湯料十尺，有花膠、雞腳、瘦肉、 人參仔，味道非常鮮甜 ! 冬天就快到，大家不妨來一盅滋補下!順便一提，來龍寶食晚飯，每次都有甜橙送，一人一個，拎返屋企慢慢食都抵啦! 夠晒健康!
continue reading
平時都好少留負評㗎，但係呢一間真係忍唔住同埋個體驗真係勁奇怪！我哋都叫咗好多唔同嘅小菜食，跟住叫咗半隻乳豬估唔到佢係成隻上㗎，即係意思係冇幫我哋斬件😨😨😨最搞笑嘅係佢哋係收13%嘅服務費，我哋要自己去攞鉸剪去斬乳豬，仲要收我哋13%服務費？成個體驗真心奇怪。 雖然佢哋嘅價錢好似爛係收得好平咁樣，但係咁樣嘅體驗咁樣嘅服務真係搞唔掂。😨😖😖😖最重要係個服務態度，個服務員佢送完個乳豬之後，連鉸剪都唔俾我哋，我哋全部都黑人問號？冇諗過要自己去剪乳豬，仲要唔比鉸剪我哋。
continue reading
第一次嘅體驗好奇怪啊，我哋食父親節飯，呢度嘅價錢其實係幾吸引嘅，好大眾化，同埋有啲特價嘅菜式都會係好平，我哋叫咗半隻嘅乳豬，但係居然係半隻上，廚房居然冇斬件😱 跟住我哋問返店員，佢話原來係唔包斬嘅，跟住佢先比把鉸剪我哋自己去剪開啲乳豬。其實個乳豬個質素係幾好嘅，不過第一次要自己去斬件就怪怪地😅
continue reading
預訂7:00母親節晚飯 ， 講明咗7:00，亦通知哂屋企人！當日打嚟叫我早啲去，都唔緊要，去到人未齊就大聲夾惡問我地上菜未？話晚餐係6-8:00，第二輪係8-10:00，我話你冇講，佢話佢有講⋯ok其實我地屋企人都食得好快，都唔緊要。好啦！都算，唔知點解上乳豬時係原隻上⋯我⋯真係見識小⋯冇諗過要自己剪，連隔離枱嘅食客都忍唔住話未見過，乳豬要自助⋯我地食完埋單走時，其實已經有好多空枱，啲食客走咗之後唔好話返枱，鬼影都冇隻，真係咁樣嘅服務態度，搵你阿媽去真係永遠冇下次
continue reading
完全就系無服務！態度差，唔理你幾大聲講“唔該”，講幾多次，D服務阿姐就系扮聽唔到，佢仲要同我對視，之後繼續聽唔到，同佢要個辣椒醬咋，佢好似好唔情願俾，黑面問“系咩食呀？”唔食我點解要同你要呢！！真系奇怪！叫佢添下熱水，呢次系無講嘢就摞走去加水啦，點知拎返來時“呯”聲掟系張臺，嚇死我地呀！朋友仲講笑話“係唔係因為我地無叫鮑魚，海參，魚翅呀！”BTW，我地系飲早茶無下次啦！原本開心約朋友早茶，又試下不同茶樓，點知差成咁！
continue reading