龍寶酒家

Open Now

Now Closed

平時都好少留負評㗎，但係呢一間真係忍唔住同埋個體驗真係勁奇怪！我哋都叫咗好多唔同嘅小菜食，跟住叫咗半隻乳豬估唔到佢係成隻上㗎，即係意思係冇幫我哋斬件😨😨😨最搞笑嘅係佢哋係收13%嘅服務費，我哋要自己去攞鉸剪去斬乳豬，仲要收我哋13%服務費？成個體驗真心奇怪。 雖然佢哋嘅價錢好似爛係收得好平咁樣，但係咁樣嘅體驗咁樣嘅服務真係搞唔掂。😨😖😖😖最重要係個服務態度，個服務員佢送完個乳豬之後，連鉸剪都唔俾我哋，我哋全部都黑人問號？冇諗過要自己去剪乳豬，仲要唔比鉸剪我哋。

第一次嘅體驗好奇怪啊，我哋食父親節飯，呢度嘅價錢其實係幾吸引嘅，好大眾化，同埋有啲特價嘅菜式都會係好平，我哋叫咗半隻嘅乳豬，但係居然係半隻上，廚房居然冇斬件😱 跟住我哋問返店員，佢話原來係唔包斬嘅，跟住佢先比把鉸剪我哋自己去剪開啲乳豬。其實個乳豬個質素係幾好嘅，不過第一次要自己去斬件就怪怪地😅

預訂7:00母親節晚飯 ， 講明咗7:00，亦通知哂屋企人！當日打嚟叫我早啲去，都唔緊要，去到人未齊就大聲夾惡問我地上菜未？話晚餐係6-8:00，第二輪係8-10:00，我話你冇講，佢話佢有講⋯ok其實我地屋企人都食得好快，都唔緊要。好啦！都算，唔知點解上乳豬時係原隻上⋯我⋯真係見識小⋯冇諗過要自己剪，連隔離枱嘅食客都忍唔住話未見過，乳豬要自助⋯我地食完埋單走時，其實已經有好多空枱，啲食客走咗之後唔好話返枱，鬼影都冇隻，真係咁樣嘅服務態度，搵你阿媽去真係永遠冇下次

適逢家庭有餞行聚會，老爸極力推薦去葵芳恆景龍寶晚飯， 話嗰間龍寶又抵食又好味! 既然80幾歲的老爸這樣說，就不妨去試試，順便推廣下!上個星期五我們一行12人訂了晚上七時半，吃龍寶的「無敵九大簋」全包宴! 這間龍寶地方闊落無柱位， 而且以現在香港星期五晚來説，這裡晚飯時段十分旺場， 座無虛席，恭喜恭喜!這個「無敵九大簋」全包宴足12位，非常抵食， 平日星期一至五，$1,899， 星期五、六、日及公眾假期就要$1,999，如果要廚房剪埋乳豬上碟就加多$100，所以當晚埋單是$2,099全包，真是超级「抵」！！！每道餸菜都非常有水準，絕對不是將貨就價! 先講「脆皮乳豬全體」好新鮮， 溫度適中，又多肉又唔肥!「上湯珍寶蝦球伊麵」隻隻蝦球都大大粒，伊麵又好入味!「西蘭花彩鳳鮮帶子」好大碟又足料! 西蘭花、雞柳和帶子都炒得恰到好處，又健康又好味!「櫻花蝦大蠔餅」真的做得好出色，份量好大碟，炸得脆卜卜又多蠔仔，是小妹必食推介!「翡翠玉環瑤柱脯」瑤柱好大粒，但節瓜脯略嫌有點生，蒸得未夠腍!「清蒸沙巴大虎斑」夠曬足秤，好新鮮!「鮑汁花菇扣鵝掌」花菇同鵝掌都燘得好入味又夠曬腍! 至於當晚嘅「客家鹽焗走

完全就系無服務！態度差，唔理你幾大聲講“唔該”，講幾多次，D服務阿姐就系扮聽唔到，佢仲要同我對視，之後繼續聽唔到，同佢要個辣椒醬咋，佢好似好唔情願俾，黑面問“系咩食呀？”唔食我點解要同你要呢！！真系奇怪！叫佢添下熱水，呢次系無講嘢就摞走去加水啦，點知拎返來時“呯”聲掟系張臺，嚇死我地呀！朋友仲講笑話“係唔係因為我地無叫鮑魚，海參，魚翅呀！”BTW，我地系飲早茶無下次啦！原本開心約朋友早茶，又試下不同茶樓，點知差成咁！

兩公婆諗住平平地食一餐，又泥到龍寶，竟然差不多滿座啊！一人一隻乳鴿，加一鍋海鮮冬蔭功。乳鴿新鮮炸起，好香又熱辣辣，$20.8特價，正！第一次試冬蔭功，中式酒家又做得吾錯喎！湯都飲了兩碗仔，都只係$88。兩公婆細食，兩味攪掂，埋單吾使2舊水，最後仲送兩個甜橙，讚！最多人叫嘅係醉雞湯鍋+大蝦伊麵，大特價$238！夠4人份量，我兩個人食吾晒，下次約多些朋友再泥食過。龍寶屬街坊級酒家，若嫌招呼不週，裝潢不夠高級，那就不要幫襯了。人均消費百零蚊，座得舒服過茶餐廳，起碼吾使食完趕住走。

從來未喺度寫過嘢，雖然做咗飲食30年，但今次真係大開見戒到要專登開個ac表揚吓呢間酒樓！昨晚一家人訂咗枱喺呢度晚飯，上到去見到爆晒場，大部份職員非常忙，見枱面有壺熱水同大碗，咁就坐低洗吓啲餐具先啦(啲餐具都幾污糟，啲碗同杯油冧冧的)，洗完都冇人得閒理我哋，再等，反正仲有兩個家人未到，咪傾吓計先。大約廿鐘後發覺唔對路，真係冇人理，就叫部長開茶，部長先發現我哋連茶都未有，就講聲唔好意思，即刻沖兩壺茶俾我哋。之後家人到齊，諗住叫起菜，見好多職員都仲忙緊，再揾，一擰轉面，隔一張枱見到有個經理企咗喺度冇嘢做，同佢四目交投，就擧手嗌唔該，點知佢即刻轉視線扮睇唔到，好嘢👍面皮堅厚！跟住揾到另一個侍應叫起菜，第一度菜已經落錯枱，不過傳菜姐姐年紀已經好大，唔怪。再嚟就戲肉，第一度菜，乳豬全體切都冇切嘅乳豬，剪刀仲要係我問部長，隻乳豬切都冇切我可以點食？佢先俾把剪刀我🤣🤣仲話餐牌寫咗要自己剪，原來又真係寫咗行納米字話要自己剪，算！我問部長呢個咁醒嘅idea係邊個諗出嚟，佢冇答我就走咗🤣跟住第二度菜，無端端掉咗條魚落枱魚蒸得太耐，啲肉鞋晒，而且條魚有啲腥！再嚟，微暖，係微暖，而且係冇乜味嘅花膠雞絲翅跟住之後

好聲好氣比張單個新面口呀姐 加單比佢串 “落單一次過落丫嘛”佢係遠處反我地白眼上左蘿蔔糕 叫姐姐比我地甜醬辣醬 第一個轉頭冇比我地 第二次叫第二個姐姐先比我地咁樣就係13%服務費既服務？平日唔洗等就入得去

繼上次八號台風落波後來龍寶食左個龍蝦餐後，成日都心心念念想再食多次。所以琴晚決定同屋企人再來龍寶食晚飯順便慶祝生日，好彩我地早到左可以6點半入座，遲多10分鐘就冇位要排隊!! 龍寶既菜單一如既往有好多選擇，亦都有眾多晚市孖寶優惠。屋企人就想試下新野，提議唔食南澳龍蝦改食其他海鮮，花多眼亂下我地就揀左以下呢幾個餸:@紅燒乳鴿 (HKD 20.8/ 隻)乳鴿熱騰騰，肉汁多但唔太香脆。@晚市超值三寶 (海斑兩味+ 扇貝6隻) (HKD 358)第一味整左西蘭花斑片打左個芡所以好入味，另一味就係雲耳蒸斑頭腩，都好食。值得一提係果6隻扇貝出肉率好高，加埋秘製醬蒸粉絲，夠哂份量。@蠔皇海參扣鵝掌煲 (HKD 138)鵝掌好大隻，海參都夠淋，份量都好充足。@砵酒焗廣島蠔 (HKD 108)半打蠔有錫紙包住上，而上菜果時有個火盤托住，隔左陣我地拆開塊錫紙，目測裡面D蠔都焗到入哂味就夾來食，真係入味。@祝壽蟠桃 半打 (HKD 80)用竹盤上，蟠桃細就細隻D，不過都有餡蓮蓉蛋黃，當攞個意頊慶生啦。完!

呢間酒樓食過幾次，唔係樓面態度差，就係收銀態度。曾經假日係到飲午茶，都知樓面忙，叫左一個孖寶點心，但漏左一籠點心一直未黎，無理由就咁埋單，催左三四次部長都無反應，為有問下經理佢回覆係：我幫你催左廚房啦 無野可以做到…….今日就一家四口去食晚餐，侍應同食物都尚可，屋邨酒店都無咩要求，為獨埋單個收銀態度真係好差。呢到晚市服務費仲要比出邊既貴，要13%真係唔明提供緊咩服務。叫左五道菜都係七百幾，計埋其他雜費都九百幾埋單。

親戚飯聚叫大餐，結果伏到喊…自剪乳豬？！餐牌只用細字寫自剪點餐前又無提醒無人執碟，無人加水！要多隻鐵匙都話無惟一值得欣賞只有環境舒適份量多但味道中規中矩叫餐擺明搵笨，最好散叫！全程自助，還要收服務費？哪來「服務」何言？！蟠桃寫了叫起但未叫就上，好似趕住收工趕你走，就算唔休數都不用這樣差服務吧？年輕人去過一次不會再想去…食完一肚氣，人生第一次寫差評，不會再光顧！

叫8人餐時，侍應無告知其中一碟乳豬唔係切上，而係比一把剪刀，兩對手套等你用自己強勁既手指肌去剪開乳豬的骨，真係剪到手指都倦。嘗試叫侍應時，已又叫又舉手，係旁邊經過都扮聽唔到，真係好野，耳仔聾、眼睇唔清，就帶返個助聽器及眼鏡。個壽包明明寫住「叫上」，但未叫佢上，佢就上，咁唔見你亂豬自剪變師傅切，所有野都係無厘頭發生左。真係一星既服務，唔係一星高級服務，而係倒返轉，五星佢只值一星。不過唯有都有兩個好處，就係D野都大碟及上菜快，但都保求唔到「令我企左係度既乳豬自剪服務，以及舉極手、叫極人都唔應既侍應」，真係叫左餐，人影都可以消失，佩服佩服。

今天約咗朋友晚餐，選擇恒景龍寶酒家，點解呢？因爲那有一款菜做優惠，我們又中意食，就系燒鵝王啦，1/4衹、衹須38元。2人約好6時30分准時到達，酒家在葵芳恒景商場電梯直上2樓便是，到達酒家見門口幷排有三個架張貼着3張好耀眼的彩圖，系晚餐優惠，圖文幷荗，價踐超抵。店內大堂顧客已坐過半，接待員安排我們坐大堂中間一張小圓枱，服務員很快送來茶，我們也不假思索點了兩款菜：燒鵝王I/4衹、同花膠紅燒豆付。龍寶燒鵝王1/4衹$38元，份量足，仲系肶位，肉厚，皮燒得金黃金黃，醮上酸甜醬，味道相當夾，肉質又香有咬口，好好味。花膠紅燒豆腐$98元，配有冬菇菜心，豆腐炸得好靚，不幹不硬，外韌香內嫩滑，又够熱，花膠雖不多，但都有4-5小件，再微微勾個欠，兜勻，相當唔錯。結後語：自己不小心將鵝汁彈到衣袖上，服務員哥哥即刻遞上一包紙巾。細心友善，相當欣賞

是日老爸生日！睇廣告有$168花膠雞煲，見幾吸引，一於試吓！當晚星期一，入座大概七點，酒樓6成滿座，以平日嘅晚上，人流都算係咁！一行三人，叫咗$168花膠雞煲，$258一個孖寶套餐F(粉絲蒸扇貝，海中蝦粉絲煲)，$118一個楊州炒飯。先送上花膠雞煲，花膠數量算多，餐牌寫有10兩，雞有半隻，係黃油雞，超多油！因為係胡椒湯底，所以越滾越辣，食到出晒汗！不過味道都可接受！粉絲海蝦煲，大概八隻蝦，食到1隻霉左，粉絲朔晒啲豉油，好鬼油！蒸扇貝，有六隻，唔算大，但粉絲搭救，勁多蒜蓉！同樣臨上好多熟油！最後送咗楊州炒飯，10分普通，性價比低！差唔多九點，冇乜侍應，想叫一個侍應針水都難，仲要收我13%服務費！😠總結，唔怕尷尬，可以淨係叫一個花膠雞煲！食完就算！題外話，可能侍應趕收工，埋單嗰陣已經嚟執枱，眼見裝滿豉油嘅碟，有湯嘅雞煲一次過推晒落大膠盤，啲汁到晒落地氈度🤮🤮🤮

無諗過$208午餐可以咁豐富。龍寶酒家午市供應這個餐有即日生劏大龍躉二味，仲有燒鴨窩米。龍躉的二食是翡翠炒斑球及雲耳杞子蒸斑頭腩，兩款不同製法都很有水準。至於燒鴨窩米是分開上枱的，燒鴨份量十足，味道香濃、肉質鮮嫩，加上彈牙爽口的窩米，真係好抵食。