龍庭華宴 (Closed)

帶位帶帶下走左去傾計，又唔話俾人知邊張，行完全唔問人地飲咩茶又唔開卡，d職員要大聲叫先有反應，其實咁唔想做不如唔好做，第一次飲茶飲到咁嬲，呢間垃圾酒樓無下次，差到一個點

我不嬲都有去開呢間酒家，但係經過個日之後我真係唔去了。咁個日同屋企人去西九龍廣場既呢間飲茶，坐低到叫野食都冇問題。其中一個我地叫左個乳鴿瀨粉，個餐係一隻乳鴿加瀨粉再加1蚊多指定兩個既其中一個點心，個問題黎啦，我地食到隻乳鴿係酸尾尾既，就同個牙姐話換另一隻，之後佢拎左入去又攞反岀黎問我地係唔係我地整酸定整臭隻乳鴿，個牙姐可能係傳話個個，呢啲野應該廚房講既，個下我地都呆一呆，心諗我地點樣先整到隻乳鴿咁，唔通拎入廁所岀反黎？ 不過我地都係話取消算，唔想嘈，之後佢淨係取消隻乳鴿，其他包括瀨粉收正價，我地最後取消埋個點心，瀨粉照食，都廢事叫其他，買單一睇，瀨粉多謝$78，唉，早知問清楚先，不過食左都要俾，一定唔會再去食了

行到西九又想飲茶，諗住食煌府，等電梯個陣見到呢間，就諗住試下新野，點知係唔好食嘅。我們入左去坐之後，等左好耐先有人來招呼我地。我地叫左xo醬炒蘿蔔糕、甜薄撐、鳳爪、燒賣、小籠包、雞絲粉皮。Xo醬炒蘿蔔糕好快上菜！佢啲蘿蔔糕都算大粒，這味味道還好。甜薄撐就粉太厚太實，料不夠多。鳳爪太淡了，都無咩味。燒賣啲肉太實了，很不新鮮。小籠包太厚皮，啲湯都一般，個肉都一般。雞絲粉卷啲粉太厚了，雞絲都有啲酸酸地，很不新鮮。

有幾個星期冇飲茶，食黎食去都果幾間，諗住試下新野，點知咁就中左伏。。。唔好食之餘且價錢貴，中點已經25.5（未計加一喎），深水埗同長沙灣呢個價位真係有大把選擇，回頭一望睇睇呢度食評就明白了，早知望望先入黎啦，好後悔。樓上皇府好過。。。叫左四樣野：XO蘿蔔糕：特點，散修修，一pat野咁，味道非常一般粉皮魚肚卷：午市特別推介，真係唔好食。。。燒賣：蝦肉豬肉好似混埋一齊，鍾唔鍾意見仁見智啦雞扎：終於有一樣野係正常唔好意思，真心差評。。。

今天是勞動節，也是小弟休息最後一天………我在深水埗附近，就來西九龍中心那家………點心拼盤、雞絲腸粉、炸鹹水角承惠：港幣 126 圓點心拼盤沒想象中新鮮，叉燒包達標之外，其他都不可能。雞絲腸粉缺少芹菜碎，全肉的腸粉，我不習慣。炸鹹水角是一般的做法 — 糯米雞用的肉碎包上鐙麵，只是一般的菜式。味道：3環境：4服務：4衛生：4CP值：3整體評分： 劣評 > 一般

呢度2點開始有下午茶，下午茶時間嚟飲茶都幾多人，門口排哂隊。叫左好多點心，其中珍寶鳳爪排骨飯好大盅，係好大盅飯，鳳爪得1隻，排骨有1件大2件小嘅，唔叫其他點心真係唔會食得哂全部白飯，而且飯好似未熟得透，好硬。其他點心都係一般貨仔，又唔可以話難食嘅，但整體都唔係幾得咁囉。除此之外，大部分點心等左起碼45分鐘先到，佢張點心紙話超過30分鐘向職員查詢，但向職員查詢時，個個都顯得唔願意幫你跟。星期六日下午茶點心每款要加$3，唔太抵食。仲有，食到最尾係咁聞到好大陣煙味，好唔掂！

9/12/2018下午，陪家母飲茶，就試下深水埗龍庭。等位要廿分鐘，輪到我們就入內，坐低先知道要搭枱，頗令人無奈。見到附近有空枱，問可否移坐該處，侍應表示該枱唔會有人執，而佢亦唔會執，令人無語。廣東人飲茶，除咗茗茶，點心亦係主要特色所在。該茶樓並不提供名貴茶種的茶葉，所以只叫了普通壽眉，但茶葉非常碎，令喝茶的時候要飲埋茶渣，體驗頗為不佳。點心質素粗疏，部分可以用劣質形容。只可果腹，未能做到賞心悦目的效果。茶樓非常嘈吵，又加上要搭枱，其實未能令食客真正享受"飲茶"，要靜靜地飲個茶，食個包，吹下水就只可奢想啦！該酒樓優勝之處係食物分量大，價格親民。但相應地，服務水平，環境氣氛，及食物質素皆属中下。坦白講，龍庭並非香港最差的中式茶樓，但離好確實還有段距離。廣東人嘅飲茶文化源遠流長，風雅至極，即使列入世界文化遺產亦當之無愧。可惜今日既淪落到如斯地步，實在令人感慨，亦糟蹋了"飲茶"兩字，希望業界自強自重。

其實嚟咗好多次西九龍中心 但都未食過呢間酒樓... 今日終於有機會試吓 咁好彩今日晏晝時間都唔使等位等太耐 不過有個小提示 如果係多人一齊食嘅可以預先訂位！ 咁一大班朋友就可以叫啲點心再叫啲飯 上菜速度都幾快...點心而言 大部份點心都係熱嘅 佢有個類似菠蘿包咁嘅包係幾唔錯 另外腸粉就麻麻哋啦 如果滑啲就好啦！其他點心都普普通通其他酒樓通常係食一圍 同埋夜晚先會送生果 但佢哋就有啲特別 唔係送生果係送紅豆沙 雖然晏晝上樓收有啲怪怪地😂😂😂但服務來講呢就真係有待改善....整體上黎講 食物中等 服務一般 價錢偏高。

又貴又難食！態度衰到好似我先係伙記！真係寧願餓死都吾會再食！不知所謂！叫親伙記一係扮睇吾到一係直頭無視你！個個係到黑口黑面！吾知以為差佢好多錢！真係吾會再黎！過份！

今日同四個同事一齊喺西九龍7樓，龍庭，食晏晝，我哋今日一齊去飲茶。 提早預約有九折， 埋單嘅時候發現九折嘅意思係九蚊茶介有九折，即係8.1 茶介一位。一點鐘入坐， 去到1點十分叫食物，1:30 通知我哋兩碟食物唔到， 結果cancel咗食物。改叫左兩碟蒸飯，1; 50先上格。結果只係食咗5碟炸嘢大大盤拼盤 兩碟蒸飯腸粉另外傾計環境唔係咁好， 聽唔到隔離嗰個人講啲咩， 想食嘅嘢又食唔到😭😭😭😭一人47蚊，唔抵食，又慢，又急，又傾唔到計

第一次寫食評，就俾咗呢間野差評。諗住喺男朋友番工前陪佢飲下茶，點知十點幾開始等等等，等咗一個鐘，淨係黎咗碗粥！（碗粥又唔係好食喎）嗌咗only四樣野，都落漏單，真係把鬼火

今天跟Honey在長沙灣活動，將車泊在西九龍中心。活動完畢，就在這裡覓食。星期六中午時段，不必等位。看點心紙，有一個點心併盤，六項點心，各兩件，只有我和Honey二人，剛巧合適。也不貴，$68。點心尚好，味道不錯。但是，另外點的兩項，就麻麻哋。叉燒腸份(忘了拍照)，腸份太厚，叉燒有點點｢縮｣味，不新鮮的叉燒。而煎薄罉呢？同樣，太厚身，粉漿調得太濃，因為煎岀來的薄罉太厚太實。大點……但，細塊。(大過吃點心的碗少少)不過，作為街坊茶樓，價錢又不貴，整體而言，尚算不錯。

這一間位於 深水埗 - 西九龍中心 的 龍庭華宴 ....我曾經說過不會再來幫襯 , 真的若非有朋友在這裏開了位 , 我一定不會來這裏飲茶 ~因為在這間酒樓飲茶遇到不快事件 , 是常識 .... 侍應生的黑面、十問九不應、在他們面前揮手叫喊也直行直過的態度也是常態 ~Menu & 點單紙 ~ 鮮蝦菜苗餃 : 一客有三件 , 外皮很硬 , 內餡還算不錯 , 若1一沒有一定的牙力 , 就是難以咀嚼 ~ 蟹子燒賣皇 : 燒賣就是燒賣 , 味道是十分一般 , 正正常常的燒賣 , 憑叫什麼燒賣皇 , 面皮真厚 ~ 龍庭蝦餃皇 : 一客有四件 , 蝦肉餡料都算爽口 , 味道也算OK, 不過就單憑這種味道就夠膽稱皇 , 是否有點夜郎自大呢 ~ 雪菜火鴨絲腸粉 : 用了雪菜和火鴨絲做腸粉 , 確實有點新意 , 可惜腸粉皮製得過厚 , 又沒有米香 ,吃起上來口感差 ~總括來說 : 食物的味道一般 , 服務奇差 ~本篇完 ~

去西九辦理車牌手續， 約了表姐在附近龍庭飲茶， 食飯時間都好容易搵位，心中覺得可能中伏， 但時間緊迫，有位就算啦！酒樓裝修算豪華，地方夠大光猛， 水晶吊燈吸引碟頭夠大 ，可惜沒有xo醬味道， 只有少少微辣 ，粉多蘿蔔少，黏口唔好食藥膳雞腳湯味淡， 幸好雞腳夠林， 每人都可以食到3隻奶黃包個樣醜怪， 唔夠熱，表皮縮陷， 飽形狀唔均勻， 餡料唔夠甜最好是這碗柴魚花生粥， 粥底軟棉，柴魚花生夠多黃心蕃薯夠甜，薑味濃些會更好！今餐雖然價平表姐請，但食物質素有極大改善空間， 浪費了酒樓豪華裝修

親友聚餐，揀咗位於西九龍中心嘅酒樓，我哋一行十人諗住揀一款優惠價嘅龍蝦伊麵，經理竟然話賣晒，但成間酒樓只得大概五枱，但都唔緊要，我哋要咗兩份正價嘅龍蝦伊麵，每份有一隻。上菜後發現一大碟嘅龍蝦伊麵有肉只得幾件，每塊肉只很細細舊，其餘都係頭，尾，殼，想搵多舊肉都難，再睇返食評，原來之前都有人中招，如果係特價咁我都無嘢好講，但正價食兩隻得少少肉嘅龍蝦就唔係咁有誠信。呢度價錢唔平，其餘食物都可以，不過誠信有問題嘅食肆，我就唔會再去喇。乳豬拼盤，叉燒夠淋，乳豬亦算脆。脆皮海鹽雞，皮唔脆，味唔錯。由於特價龍蝦伊麵賣晒，我哋揀咗當日嘅兩款特價小菜，欖菜肉碎四季豆，陳醋脆斑片。肉碎有啲冬菇粒，幾香，而斑片係鯰魚。蟲草花黑木耳浸菜苗，鮮蟹肉扒西蘭花，菜苗幾嫩。蒸大海青斑，大條又肉質夠嫩，蒸得唔錯。菠蘿咕嚕肉， 特式鴛鴦豆腐兩款都可以。芝士龍蝦伊麵，兩隻龍蝦，上菜睇大大碟。剩返好多殼。肉都係得幾舊，細細舊。