龍庭華宴 (Closed)

9/12/2018下午，陪家母飲茶，就試下深水埗龍庭。等位要廿分鐘，輪到我們就入內，坐低先知道要搭枱，頗令人無奈。見到附近有空枱，問可否移坐該處，侍應表示該枱唔會有人執，而佢亦唔會執，令人無語。廣東人飲茶，除咗茗茶，點心亦係主要特色所在。該茶樓並不提供名貴茶種的茶葉，所以只叫了普通壽眉，但茶葉非常碎，令喝茶的時候要飲埋茶渣，體驗頗為不佳。點心質素粗疏，部分可以用劣質形容。只可果腹，未能做到賞心悦目的效果。茶樓非常嘈吵，又加上要搭枱，其實未能令食客真正享受"飲茶"，要靜靜地飲個茶，食個包，吹下水就只可奢想啦！該酒樓優勝之處係食物分量大，價格親民。但相應地，服務水平，環境氣氛，及食物質素皆属中下。坦白講，龍庭並非香港最差的中式茶樓，但離好確實還有段距離。廣東人嘅飲茶文化源遠流長，風雅至極，即使列入世界文化遺產亦當之無愧。可惜今日既淪落到如斯地步，實在令人感慨，亦糟蹋了"飲茶"兩字，希望業界自強自重。