龍泉冰室 (Closed)

星期三要去九龍城廣場超市掃貨，所以一早去附近嘅茶餐廳食左晚餐先再去掃貨。叫左兩個小菜同一個雞扒薯條😋蜜椒薯仔牛柳粒配凍檸茶同一碗白飯薯仔煮得好入味道甜甜的，牛肉粒岩岩好又夠入味，份量又多加埋蜜椒。香煎雞扒薯菜配蘑菇白汁配凍檸茶小朋友骨最鍾意而個😋雞扒嘅皮煎到十分脆口😋再沾上蘑菇白汁岩岩好，仲有薯條😋今餐真係滿足😋京都豬扒配白飯茶餐廳小菜必食之選酸酸甜甜好開胃👍啖啖肉又有洋蔥，送飯一流😋

行經九龍城，發現好多唔同類型既小店，肚餓快快手揀左間龍泉冰室，都有啲特式食物✅招牌軟殼蟹菠蘿包呢個配搭第一次見，賣相十分靚仔，脆皮菠蘿包夾住原隻既軟殼蟹，上碟夠熱，食到脆卜卜既口感，加埋蕃茄同紫椰菜絲，咬落爽脆，難怪係招牌食物✅喇沙貢丸肥牛米線一間小店蘊藏住多種吾同菜式，呢度既喇沙都幾香而辣度相對比普通高，值得一讚既係米線煮得好滑，貢丸同肥牛既用料都吾錯，貢丸爽彈而肥牛比較瘦既，仲有豆卜同雞蛋，份量充足✅干炒肥牛意粉干炒要做得好食吾容易，呢度整既味道個人幾鐘意，濕乾度岩岩好，加左少少黑椒調味，意粉煙韌吾會笠口，肥牛就同個喇沙一樣啦😉如果熱少少就更好啦🌟呢間冰室既食物選擇多，鐘意唔同湯粉飯麵，有好多唔同類型比你揀，而且調味做得幾好，食物熱啲會更好，值得支持下

軟殼蟹漢堡食得多，配菠蘿包真係好少地方有。黎呢到好多人都會食呢個菠蘿包軟殼蟹，我今日就試試。其實唔抱好大期望，始終晚餐時段又點會仲有新鮮包出爐丫。講係咁講，佢雖然真係唔係新鮮出爐，但個菠蘿皮都仲好鬆脆嘅，起碼唔係琳pat pat或者包底濕左。而軟殼蟹係炸得爽身，夠熱和鬆化的👍👍👍雞扒雙蛋面：拿，呢個真係無得輸，塊雞扒堅好食，味道夠濃，唔係得塊皮有味，入面肉身都好夠味。而且炸得好香口。面底都唔會過淋，撈埋蛋黃汁一齊食超正呀😚😚😚

今日中午約了朋友交收物品，所以在九龍城附近一起吃午飯，亦順便參觀了宋皇臺站。位置：在宋皇臺站B3出口走十分鐘就到了。環境：門面是玻璃門配以綠色的大字招牌，室內呈長方形，座位分左右兩邊。 枱與枱之間空間不足夠，不過可以接受，而且樓底高，不會顯得擠迫。服務：曾放錯紅豆冰，不過職員很快意識到錯誤，自動更換一杯新的給我。午市：咖哩脆香雞扒飯$60賣相如一舨的港式茶餐廳，有豐富的咖哩汁，有少許紅蘿蔔和薯仔，不過味道不覺得突出，反而是雞扒煎得皮脆肉嫩，火侯控制得好，份量又夠大，白飯都多，結果是吃不完，下次我應該事先說明少飯。日本醬油椒鹽豬扒飯這是朋友點叫，一大碗飯上舖滿了已切成條狀的豬扒，並有紅椒絲和蔥蒜，附送一小碗甜醬油。我試吃了兩塊椒鹽豬扒，不會過鹹，表面帶有微微的焦香，不過肉質較韌，較有嚼口。軟殼蟹菠蘿包$45這個外形很趣緻可愛，很像一個迷你版的異形，打卡一流。上層是菠蘿包，中間是炸軟殼蟹和沙律菜，想不到菠蘿包的味道跟軟殼蟹都很配合，這樣做法，不會覺得油炸的軟殼蟹是油膩，而是香脆可口，跟菠蘿包的少許甜味互相配合，是有創意的小食，奶茶紅豆冰$12兩杯紅豆杯的紅豆份量十足，紅豆煮得軟而有少少口感

同朋友係九龍城食飽飽，再返工=)西冷牛扒配黑椒汁牛扒正常，無黐牙=)但個黑椒汁好香濃，好香黑椒味，另估唔到會配埋D沙律+芝麻醬👍食完飯再食埋佢 - 健康😁五香肉丁餐肉粒炒飯濃濃五香肉丁味，食落有微微辣~好開胃，有埋餐肉粒，食完個飯好飽肚😋軟殼蟹菠蘿包軟殼蟹炸到好香脆，配埋菠蘿包食有驚喜👍內埋有埋蕃茄同沙律醬跟菜，食落一D都唔油膩😉花生醬西多士中間裹著花生醬既西多士，食落濃香花生味，配埋脆口外皮 - 正淋埋小許糖漿 - 絕配👍紅豆冰有驚喜，好濃椰漿味=)好香💖😁

屯馬線開通左之後真係多咗去九龍城，今次嚟咗呢間茶餐廳，食咗我最愛的碟頭飯🤣🍛👍🏻中式自選飯餐，套餐配送絲苗白飯和熱飲📌豉椒牛肉飯🫑🐮🍚$50豉椒做法香味濃郁，上桌時香氣撲鼻，相當惹味，牛肉片夠嫩，份量夠多，配搭蔬菜燈籠椒和洋蔥等，相當健康❤️🌈😋📌粟米班腩飯🌽🐟🍚$50另一個最喜愛的港式碟頭飯，斑腩相當高質，即叫即炸，外脆內嫩，魚肉夠多，醬汁配搭粟米和雞蛋，清甜可口，健康好吃，配飯一流🍚🤤

某日同朋友黎到九龍城，食左九龍城既冰室，冰室門面用左綠色好顯眼，而且餐牌價錢好便，有好多款式選擇，老火湯煲到好入味好有料炸魚大大塊外脆肉質軟熟沙律用左紅蘿蔔，薯仔同菠蘿，雜扒大大份，包括有豬扒，雞扒，煙肉，同半條炸到香脆既巨型司華力腸，仲配左薯條，係塊豬扒韌左少少，真係好抵食，飲品叫左凍奶茶茶味都香濃，職員推介小菜肉碎豆腐餸飯好夾，豆腐好淋，個醬既味道同豆腐好夾，職員服務友善，不過人手就比較少，可能大家去食落單要俾d耐性。

自從屯馬線開通之後去九龍城都方便得多。今日就搭屯馬線嚟九龍城順便食埋晚飯。經過福佬村道見到一間叫「龍泉冰室」嘅茶餐廳就入去試下。食茶記就係鍾意食得輕鬆，唔會好似食西餐咁拘謹。喺呢度食飯就好似喺屋企食飯咁樣，好有家嘅感覺。餐廳設有電視，可以電視撈飯👍🏻。呢度嘅食物款式十分多，有小菜同飯之外重有蒸魚同米線。嗌左「倉魚」、「金針雲耳蒸雞」同埋「黃金蝦仁叉燒粒炒飯」。蒸魚同埋小菜套餐都送湯、飯同埋熱飲。湯係「紅蘿蔔粉葛湯」，味道清甜，好似飲緊屋企煲嘅湯一樣，唔覺得有味精，飲完唔覺口渴。豉汁蒸倉魚，魚夠新鮮，啖啖肉十分嫩滑。金針雲耳蒸雞金針、雲耳同蒸雞嘅比例平均。雞件大，肉多過骨👍🏻，肉夠嫩，好入味。另外嗌左個廚師推介嘅「黃金蝦仁叉燒粒炒飯」。 蝦仁冇雪藏味，飯食落有蛋黃香，因為有蛋黃食落有粉粉的口感。但略賺炒得未夠均勻，因為見重有d白飯冇沾上蛋黃。飯底可以炒得更好。餐飲嗌左熱檸茶同韓國紅棗茶。韓國紅棗茶有紅棗肉而且份量都幾多。夠熱飲完感到甜潤補身～🥰重可以邊飲邊食紅棗肉👍🏻。

行過幾次都係睇下menu，今晚就食下九龍城中菜啦！椒鹽金沙骨 $68擺盤好大份，仲有炸蒜！椒鹽比想像中少，多d更野味，依加就少咸剛有味道。勁多舊肉，一個人食哂超飽飽！share兩個食好好多！炸到乾身，上面炸蒜椒鹽後仲有香藥，好入味！XO醬牛柳粒煲 $78唐芹、三色椒、洋蔥再牛柳粒，一個餸搞掂晒蔬菜同肉！唐芹多量，最底個d點滿xo醬先好味又爽口！牛柳粒夠軟配白飯gd有點汁！老火例湯 - 南北杏紅蘿蔔節瓜湯料多紅蘿蔔好林帶甜，護眼之菜！但咸左少少！+$25郊外油菜 x2 店員姨姨見我哋叫兩碟菜就一碟菜心一點生菜，蠔油另上！熱西洋菜，如果要特飲+$8甜甜蜜蜜，冰室多數叫佢or杏霜~凍好立克 +$3

呢間冰室無疑係平，靚，正！食物款式又多，中西港式樣樣齊，包有一款啱你心水😏今晚兩個人主打食中式，叫左豉汁蒸倉魚同雲耳蒸雞再加碟蒜蓉炒菜心，家常便飯但滋味十足🤤豉汁蒸倉魚：魚肉滑溜又鮮美🙈，而家蒸得剛剛好，一啲都唔過老！而且唔知點解永遠都覺得街整得好味過屋企😂究竟有咩秘訣呢🤔🤣🤣雲耳蒸雞：雞肉大大塊又啖啖肉，好耐無食呢款啦，係屋企嘅味道☺️再黎多個蒜蓉炒菜心，健康又美味！菜心仲好甜添👍🏻呢個冰室好多街坊幫襯，客人走完一枱又一枱，睇得出幾受歡迎呢😍

今日去了九龍城，新地鐵站開了現在先可以得閒去行下！九龍城是舊區！好多老牌美食！今日去了"龍泉冰室"朋友介紹的軟殼蟹菠蘿包！我們點了咖哩牛腩飯霸王雞飯軟殼蟹菠蘿包咖哩牛腩飯牛腩大大件～薯仔～蔬菜咖哩汁好香小小辣，配飯好好味！牛腩淋滑，入味濃香！😝😋😋😋霸王雞飯霸王雞肉質嫩滑！都不錯！軟殼蟹菠蘿包軟殼蟹蘇香脆，入面有蕃茄，生菜...沙律醬菠蘿包脆脆外皮，好好味鬆軟的麵包！都不錯！😝😋😋例湯好足料！好好味老火湯！

黎到呢到一定係要試下佢果個招牌軟殼蟹菠蘿包。45蚊就可以食到，一上格已經聞到香噴噴既菠蘿包牛油香，再咬埋埋中間大大隻既炸軟殼蟹，更加係互相混合，非常好味。之後我仲叫多個主食，炸豬排配秘製蔥油煎雙蛋撈公仔麵，亦都好好食。佢既炸豬排唔錯，炸到好香，仲要有好少係出面食到既煎雙蛋食，的確唔錯。佢既秘製蔥油又唔會太油膩，全部放哂落去一次過撈一撈，d公仔麵都變到好好味。真係第一次食到咁好食既配搭，下次一次會帶埋朋友黎食。

OpenRice嘅好處就係啱晒我呢啲選擇困難症嘅朋友，落巴士趕住食早餐唔知邊間好即刻開OpenRice嚟睇，附近最高分嘅係呢一間，於是就入去坐低，款式都好多，叫咗經典沙嗲牛肉包，印象中出面真係比較少見，記得食過一次就係喺上環科記。個包一上枱，感覺上味道麻麻，因為個沙嗲汁唔係好沙嗲，比較深色，你睇幅相就知道，不過食落又唔錯喎，咁果汁確實係差嘅，冇乜沙嗲味，而且真係太多汁，一路食一路流出來，搞到成手都係，不過d牛肉比想像中好，新鮮度同質素都OK，不過最值得讚嘅就係嗰包，竟然係熱辣辣，唔係求求期期攝啲牛肉落個包入邊淋啲汁就出比客食，唔錯。

叫左個雞扒公仔麵，點知個麵底係清湯，咩味都冇，雞扒又係普通醃既鹹度，都係冇汁，好難食，加在胡椒粉都冇辦法調味。啲呀姐態度又唔好，不過食茶記都唔會expect啲咩。如果食開好清淡又想食茶記既話就嗌叫個餐啦。其他就普通，個多士都仲脆，不過個炒蛋又係冇味，所以成個餐都好dry。仲有叫左個羅宋通粉，可能係我唔識野？有塊檸檬係入面。。。夾走都夾唔切。如果唔係趕時間，呢間就係附近既話，都唔會食。唔推薦。希望有改善。

下午茶時間，落單落左二十分鐘都無野食野飲到。忍唔住問，問完先即刻沖野飲，終於有野飲到。落單時間過左三十分鐘先再同我講野食仲整緊，即係仲要等！唔講以為自己去咗啲咩專食手工菜既餐廳！最後決定唔等，淨係俾兩杯野飲錢就走，只係飲左兩啖都唔理決定走，唔想再唔知等到幾時！因為見間舖淨係不停做外賣單，外賣野食係咁出，堂食嘅就唔出野食由得啲客等！茶餐廳唔係諗住要等成粒鐘先有野食呀嘛？堂食又唔係同一時間幾枱一齊叫，目測得兩三台未有野食都做唔切？做唔切就唔好接咁多外賣啦！轉左手做得勁差，以後都唔會再幫襯！