龍泉冰室 (Closed)

🐲龍泉冰室我和朋友由office 行到九龍城獅子石道食龍泉～ 無非是想食下小炒。因為之前食過佢豬頸肉炒翠肉瓜都覺得唔錯～ 兩樣餸都係我鍾意食嘅～ 同埋瓜的數目足夠，感覺邪惡中帶點健康。今日叫咗新的燒汁雜茄子牛柳粒🍆🐂 仲正啲～ 原因有兩個：一，牛柳粒嘅數目都幾多，食晒飯食到最尾牛柳粒仲有剩～ 牛肉撈燒汁醬汁、味道都足夠～ 二，茄子🍆索晒啲汁～ 本身軟硬度適中，唔會淋啤啤、入口仲有少少咬口、爽口不過為免太邪惡，另外加咗$25叫碟菜心🥬

一早12:02打去落單，要求12:45送到，都預左會遲5至10分鐘，點知遲左20分鐘，企喺至曬足20分鐘。全程無電話通知，黎到話今日多客，講到好似遲20分鐘好正常甘。都算，已經驚午餐質素差，特登叫主餐牌嘅飯，點知個質素差到你唔信。個蔥油雞啲肉好”鞋”，無乜蔥，直情係無味，仲要喺份餐牌上面有個手指公推薦蔥油雞，80蚊個飯，質素仲差過快餐店。個炸雞肉燥飯，舊雞啲粉勁厚。豬扒烏冬叫正常d，但d豬扒好似放左成日，又硬又”鞋”，不予置評！好差嘅午餐，無下次！

喺九龍城行完格仔山，在宋王臺找到一間餐牌幾吸引嘅餐廳。見餐廳除咗有午餐快餐外，還有鑊氣小菜套餐。於是我點了一個名字頗為特別的士多啤梨骨。套餐非常抵食，一個套餐除了包括小炒外，更有中式餐湯、白飯和餐飲。另外我再加了一個油菜。主菜士多啤梨骨大約10分鐘左右就上枱，醬汁偏向棗紅色，而且醬汁入邊更有切成小粒的士多啤梨果肉。醬汁酸酸甜甜，相比起出邊的咕嚕骨醬汁，這個士多啤梨骨醬汁較溫和，不會過酸，而且士多啤梨的果香和鮮甜味能大大提升食慾。中式餐湯也很足料，由於近幾日都十分炎熱，餐廳餐湯特意選用冬瓜蘿蔔湯，清熱解渴。而油菜我點了菜心，菜心清爽冇渣，是健康的好選擇。熱奶茶也合格，茶味濃郁，奶味香滑。如果下次再去宋王臺附近，都會想再來到這間餐廳食飯，餐廳位置寬躺，都是吸引我再上來的原因。

📍 龍泉冰室 Dragon Spring Cafe🌍 九龍城福佬村道20-22號學林軒地下A號舖Shop A, G/F, Cambridge Heights, 20-22 Fuk Lo Tsun Road, Kowloon City📝 整體評分：8／10🥢香煎土魷煎餅🥢 $80非常之有口感同足料既肉餅，媲美家的味道，土魷味幾濃，仲要有粒粒土魷，煎到好脆身，勁下飯。🥢台式炸豬扒肉燥飯 🥢 $60超大碗肉燥飯 ，肉燥仲要比好多，味道唔錯，不過汁就稀左D，豬扒都係大大件架~🥢焗黑椒牛扒飯🥢 $68黑椒汁勁濃厚，重到覺得有D辣，仲有好多芝士，不過就要需時20分鐘~

看門面以及旁邊那間羊鞍餐廳的店面，以為這間餐廳裏邊應該也挺新式。怎料，只是外表光鮮，內裏原來都頗有歷史⁉️看看水吧以及廚房這個位置，與店面看起上來是截然不同的兩個感覺。進入這間餐廳之後，再落單之前問一問，叉燒蛋飯可不可以叫肥叉燒，每每都覺得食叉燒食著瘦叉燒會很大鑊翳氣。❌這間餐廳最值得一讚的地方，就是夠誠實，它講明「冇得揀🈲肥叉燒」，而且，他們的叉燒偏瘦，那麼我就立即轉軚，叫了一個蔥油雞扒撈公仔麵。很多事，餐廳在外邊招倈你入去，餐牌寫到天花龍鳳，但是到你坐下落單，才告訴你有些套餐已經售罄，形同欺騙。這間夠晒試實，值得一讚。原來，它的蔥油雞扒公仔麵，蔥油份量都不少，🥰蔥油除了蔥以及油，還有少許甜豉油在底下，雖然店內桌子上都沒有見到辣椒油，水吧都只見到辣椒醬，不過這種蔥油味道夠香，撈公仔麵都算不錯。🤗唯一可惜就是有一隻蛋已經熟了，只有一隻太陽蛋，否則值得比更高分。公仔麵呢份量亦都夠多，應該不只一個，相信可能有1.5個公仔麵之多，男子吃都會夠飽，而且，雞扒非常之大塊，不是普通餐廳那些說到又乾又瘦的冷凍雞扒。它這個雞扒夠厚身，而且夠脆口，煎過炸過，誠意十足。奶茶味道都不太差，至少夠濃夠，茶味夠

晏晝最鍾意去茶餐廳醫肚基本上係為咗飲杯熱奶茶嚟叉電..我是叉燒飯 ($55 連飲品) : 飯量超多，叉燒都有少少半肥瘦，幾好，唔會乾唔會柴唔會太油 ; 甜豉油另上，唔點都好夠味..韭菜餃米粉 ($45 連飲品) : 同樣好大碗，韭菜餃有5粒，韭菜味唔會太over，湯底係非常之清，啱晒想食茶餐廳又想清淡啲或者減肥嘅朋友...熱奶茶係出色嘅，會有層 ”依” 喺面 (呢層 ”依” 好重要，代表99.999%係好飲)..#龍泉冰室..

打風打到嚟，明知要趕收工，午餐🥣當然要快靚正。想起呢一度，先前食過一次，突然間好想食「熒光汁」一於再闖入去多次。.姐姐🧍‍♀️非常好，勁有人情味，一坐低叫完嘢食就整碗例湯🥣，好窩心，係留住客人嘅安排。食物方面都係午餐🥣常餐🥣麵餐🥣快餐，絕對係熟悉嘅味道😌———————————————————————————🍽煎牛扒飯配蒜茸汁🥩💬當然唔會係高檔野，煎香兩塊薄牛扒🥩，熱辣辣，配上自選嘅蒜茸汁，最近有節目介紹「熒光橙🟠」嘅製作過程，這就係「兒時的回憶」，一啖汁💦一啖飯🍚一啖扒🥩，三扒兩撥又一餐，開心滿足一樣簡單😋

龍泉冰室因為打風所以提早收工，當然就係要食好西，咁啱去開九龍城，呢度出名多唔同嘅食物，今次就試咗朋友推介話好味嘅茶餐廳日本醬油炒滑蛋肥牛飯睇睇餐牌竟然有一個叫惹味之前鍾意食惹味嘅我點會放過呢用將日本嘅材料都已經令我十分之期待，而且佢哋嘅抽啊但係異常嘅原身，配上蔥花，非常之好味，另外用張日本醬油炒嘅肥牛，真係十分之入味，醬汁啱啱好唔會過客士多啤梨骨另外見到OpenRice介紹嘅依個菜式，絕對要試嘅時候，估唔到係佢嘅士多啤梨國真係將甜同酸做到一個平行，唔會過甜又唔會過酸，醬汁絕對係精粹，另外排骨都啱啱好而且肉質多汁唔會乾身雪香士多啤梨西多士另外都叫咗一個士多啤梨西多士絕對係一個士多啤梨盛宴，佢哋嘅西多士仲用左士多啤梨醬做夾心，真係十分之特別又好味道絕對完美

九龍城有小泰國的美譽，大家來九龍城十居其九都是來吃泰國菜，不過每次去九龍城嚐泰國菜的話又有點膩，所以我和朋友這次九龍城之旅的晚餐決定去冰室嚐嚐茶記晚餐，不用那麼悶膩。醬油豬頸肉煎蛋秘製蔥油撈公仔麵有驚艷到我呢，兩顆煎太陽蛋太銷魂了，建議先搓破太陽蛋，將蛋黃，蔥油跟公仔麵混在一起，然後一點蛋白，一點醬油豬頸肉一同入口，天衣無縫，好滋味讓人停不下來。公仔麵不會太乾，挺彈牙的，蔥油鹹香開胃。醬油豬頸肉的表現出色，厚度有夠，含彈性咬勁，其醬油味到位，豬頸肉放進口裡的香氣就知道它有大火爆炒過，個人認為醬油豬頸肉可以成為一道主菜。油亮的燒汁雜菌茄子炒牛柳粒煮得軟腍，燒汁調味拿捏合宜，甜中帶鹹但不會過輕或過重味道，茄子滑順溫潤，香氣撲鼻，牛柳粒軟嫩不爛，嚼起來挺有爽度，朋友讚不絕口燒汁雜菌茄子炒牛柳粒很下飯。整杯經典紅豆冰甜度適中，喝完也不會感到甜膩，很適合炎炎夏日來上一杯。綿密的紅豆香氣十足，加上迷人濃醇的椰奶，經典紅豆冰喝起來層次感豐富，超級過癮。透心菠蘿冰完全是清涼聖品，本來以為透心菠蘿冰應該會死甜，結果居然不會。除了有菠蘿果肉之外，還有少甜的利賓納，夏天喝透心菠蘿冰，真的可以達到生津解渴的效

去九龍城行咗半日，終於買完野，又攰又餓又落雨，簡簡單單搵間餐廳醫下肚先。今日最緊要快靚正，終是揀咗呢間龍泉冰室。餐廳裝潢簡潔，大階磚嘅地下，天花裝有大風扇，帶點懷舊氣息。地方寛敞不擠迫，坐得舒服嘅。見佢有小菜套餐供應，有餸有飯有例湯，又有野飲，都只係幾十蚊，價錢認真經濟實惠，真係街坊價。決定要一個《薑蔥魚腩》，魚腩大大件，啖啖肉，加埋薑片蔥段炒，食到家的味道。《咖哩牛腩》阿仔要食，咖哩味又不錯，牛腩吾靭，份量不少。撈埋咖哩汁，可以食多碗飯。整多個烚菜心，飲埋個例湯，真係簡單三餸一湯，白飯又香。

收工好想食港式茶餐廳既美食，約埋朋友嚟九龍城既冰室，仲叫左好多野食。淨係餐牌都已經有好多頁，常餐、咖喱、鐵板餐、焗飯、小菜等通通都有。燒汁雜菌茄子炒牛柳粒小菜套餐配埋老火例湯、白飯同埋飲品。牛柳粒都幾大舊，軟腍得嚟幾入味，同茄子既份量係一比一，醬汁既味道調得幾好，送飯一流。醬油豬頸肉煎蛋撈公仔麵豬頸肉切成條狀，幾有咬口。公仔麵既軟硬度適中，份量可以再多啲就更好。菜心走油既菜心，食落幾爽口，份量都唔少。奶茶紅豆冰奶味同茶味既比例控制得幾好，唔會太過甜，連埋底下既紅豆一齊食，真係唔錯。呢個值得加錢一試。雜果賓治雜果幾大粒，放滿左半個杯，夏天飲番杯凍飲消暑降溫就啱哂。

今日蜜桃小丸子去咗九龍城食下午茶，見到有間街坊小店，就入去試下。餐廳唔算多人，有卡位，都算坐得舒服。餐牌都幾多選擇，正常價錢，有啲特別嘅菜式，總有一款岩心水。瑞士汁雞髀拼西多：西多新鮮整出嚟熱辣辣，牛油係面即刻浴化，超正！好耐無食過雞髀，瑞士汁份量剛剛好，唔會太甜，雞髀都幾多肉，唔係hea你個隻，好味！熱檸水嘅檸檬係女新鮮架，唔會飲到好苦澀，幾好😋😋偶然簡單一個下午茶，都幾抵食，叉返足電繼續努力！

話說同友人C 到九龍仔公園做運動。 做完後順道到九龍城醫肚。 見呢間冰室客人唔多價位又實際。 每人叫一個西多士下午茶餐。 我叫法蘭西特厚花生醬西多士。友人C就叫粒粒黑白西多士。兩個套餐都係$35。 今時今日算係咁啦。 西多的確係特厚版本, 炸色唔錯入口鬆軟, 這店選擇嘅方包質地算係唔錯, 而另一個西多則是粒粒黑白西多士, 呢個餐同樣價錢35蚊但要逐粒一齊炸。心機要用多d, 但數返粒數佢又同件大西多用嘅料差不多。 杯奶茶一般嗰隻, 以呢個價位真正嘅抵食夾大件下午茶餐。 

龍泉冰廳農曆新年雖然唔使出去拜年，假期過後，老公阿仔留家工作/上堂，照顧一大一細一日三餐，都幾攰吓！今晚唞一唞，去茶記叫兩個外賣小菜套餐，有飯有湯，經經濟濟又一餐！晚餐我要求有魚有肉有菜，今晚呢個組合，我相當滿意！咕嚕魚柳（$68）味道甜甜酸酸，餸飯啱晒，話咁快，亞仔已經食咗半盒餸。土魷煎肉餅($78) 有五件，每件厚身，咬落肉地軟，唔乾亦唔嚡口，點喼汁食更加惹味！追加$25有埋一碟油菜，唔駛我洗菜烚菜，慳返唔少功夫。食完飯之後，老公飲老火湯，我就嘆熱奶茶，各適其適。一家三口嘅有營晚餐，總共$171，每人$60有找，物有所值！地址： 銅鑼灣蘭芳道5號地下

平時，都幾喜歡去龍泉食晚飯，同下午茶，沙嗲牛好食，由其雞扒常餐，25號諗住食扒餐，點了他們的快餐，上碟都OK，但我想多小小汁，問那個四眼的姐姐取，，但她顧住按電話，仲大聲問我仲咩，餐廳又不是很多人，態度惡劣，不知所謂。