夢想駅 (Under Renovation)

今日為了陪女朋友溫書，希望搵個地方又唔使俾人趕住走，所以上Openrice搵到呢間”夢想駅”，不期待好食，只望有地方溫習的心情。價錢親民之餘，店主真的用心經營，煮的食物好食，就算飲品都得好飲，這真的是難得之最，我會再支持他，加油💪🏻💪🏻

這間樓上cafe新開兩個月，環境清靜、食物選擇不多，勝在住家feel 及價錢平，不失是一個選擇。原來這間cafe只供應到晚上7時，然後開始小班上堂，有魔術班、汽球球、其他手工製作班及瑜咖班等，可以算是物盡其用。今晚點了簡單的拿破侖意粉及水果茶，整體尚算可以。

早前朋友介紹，有間新Cafe在觀塘區，咁就去試下啦。出Lift後，如果有易拉架或一些指示，會更容易找到此Cafe。到達後，在沒有期望的情況下，覺得Cafe入面比想像中大，而且有一排窗，感覺都不錯。簡單的餐單，選擇了一些食物。相信是新開張的原因，感覺未太準備好，直至第一杯飲品 (果茶)，就有了一些改觀，茶味好香，如果有一些果肉更佳，而向老細表達，哈哈。之後來的是 (沙律)、炸雞 (韓式 + 芝士) 及 (薄餅)，我最喜歡韓式味炸雞，岩我喜歡少少辣的人，可能是即叫即整，所以熱辣辣，幾正。另外薄餅饀料豐富，如果個餅邊脆D，就更好。整體感覺也不錯，對於新開的餐廳，一定要不斷做好及改善(特別在服務及時間掌握上)，才會有好的客源，我下次都會再試，看看有否提升，感謝感謝。

今日約左朋友喺我返工附近食lunch，就簡左間新開嘅cafe，一入去店員好有禮物招呼，環境闊落舒適，窗景開揚，我地簡左窗口位坐我點左卡邦尼天使麵同柑桔檸檬菓茶，我朋友就要左個吉列雞扒爆料吐司，飲品一樣都係柑桔菓茶出菜都算快，等左幾分鐘就有得食雖然餐牌寫天使麵係輕食，但份量就足夠一個女仔食賣相唔錯，味道ok，唔會太淡又唔會太鹹，岩岩好我朋友叫嘅爆料吐司真係超爆料淨係塊雞扒厚到呢店員仲話佢地嘅雞扒係用氣炸鍋整，咁就可以等食客食得更健康我同朋友就當然要開心share啦，我地交換食塊吉列雞扒好juicy一啲都唔乾，出面酥脆，加埋啲菜、粟米蛋、芝士，又係超飽肚杯柑桔檸檬菓茶ok喎，茶味好清新，仲有啲奇亞籽，幾好飲，飲到尾仲可以食埋火龍果、藍莓添地點好近，超方便，仲有時間行返公司下次可再嚟食

知道夢想駅是一間新開的樓上餐廳，已試過幾次，最初食物選擇不算太多，昨天去已經多了不少新菜式及有下午茶小食等供應，上次食了烏冬，今次見有新菜式，就試了拿破崙天使麵，有香腸,蕃茄,青椒,芝士等配料，啲麵條煮得剛好有口感不會太淋，而啲餸也很豐富，飲品則叫了杯柑桔檸檬菓茶，當中有切碎火龍果肉，見到廚師很用心去做，價錢又平連飲品也只是$52，食完覺得很是滿足，相信日後也會常來幫襯😋

放工覺得肚餓約埋朋友試吓這間叫夢想駅的新餐廳。一入到去聞到香噴噴的意粉醬汁味，好醒神。再行入去周圍環境幾文青，濶大的木枱加藍色的背椅好舒服。望出窗外還可見到日落的餘暉。我們點了拿破崙天使麵及日式雞扒烏冬，飲品點了百香果菓茶及香芋奶茶。天使麵賣想幾靚又好味丶估吾到雞扒不用油炸而做出炸的效果，好味得來吾會肥又健康，藉得一讚。豬骨湯不油膩，是比較清甜健康那種。所有食物食得出廚師對客人的體貼。菓茶有驚喜，好飮又沒有其他台式店舖的太甜。可能由於新開業，點菜後都等了十分鐘才出菜，但因為環境舒服，和朋友傾下講吓都好enjoy。而且那裡有些玩具提供任玩，好禍心!下次可以帶埋小朋友去都合適。最後埋單原來不用加一，抵食!

預約好1:00午餐6位,到達已有1枱10人左右, 1枱5人左右,我們是第3枱客.基本上點餐已用了10幾分鐘,那位落單姐姐,每問一個問題都要等等, 行去問廚師,再行回來答我們,後來唯有唔再問問題,希望能盡快點餐,終於落好餐單,坐著等了30分鐘, 在幾次催促之後, 才送上餐飲,但眼見10人的一枱還沒到齊食品,而5人的那枱,根本連餐飲也沒有, 情況非常不妙, 我們唯有拿起付了正價32元的餐飲及一肚子火結帳離開,旁邊5人那枱也跟隨離開,如你有3小時午飯時間,可以慢慢享受一下

見Facebook介紹，一行6人就去試下，點知中！大！伏！預先打電話預訂午飯時間1:00，6位。入到去環境幾光猛，但比較焗促，無乜冷氣。店內同時間有一枱十幾人，一枱5人，水吧加樓面店員3位。樓面店員只得1個，其實店內地方唔太大，加上客人唔多，1位是足夠的。可惜樓面店員完全對店內所有都好似一無所知，問任何問題，都要走去問水吧店員。最離奇係全場只得一張就menu.......叫左嘢食後，等...等...等到1:30，除左飲品，無嘢食嚟過。望見隔離十幾人嗰枱，都只係得一半人有食物，上菜超慢。再留意店內3位店員手腳都比較慢，已心知不妙，唯有要求離開。最後，我們每位都以正價價錢$28購買了一杯淡如水的熱柚子茶後離去。離去時，店員完全無幫忙計算總數，需要客人自行計算。而同時間，一行5人嗰枱，因飲品及食物未有就直接離開了.....以觀塘工廠區這地方，午飯時間分秒必爭，中午時段完全應付唔到客人嘅需要。

食物好吃，價錢便宜，仲有月光寶盒玩，唔知什麼是月光寶盒，你就要去睇睇是什麼東東！！！唯一唔好的地方是位置比較遠，唔近地鐵站，但如果想優悠坐半天，閒聊，是一個值得推薦既地方！！！！