夢想駅 (Under Renovation)

見Facebook介紹，一行6人就去試下，點知中！大！伏！預先打電話預訂午飯時間1:00，6位。入到去環境幾光猛，但比較焗促，無乜冷氣。店內同時間有一枱十幾人，一枱5人，水吧加樓面店員3位。樓面店員只得1個，其實店內地方唔太大，加上客人唔多，1位是足夠的。可惜樓面店員完全對店內所有都好似一無所知，問任何問題，都要走去問水吧店員。最離奇係全場只得一張就menu.......叫左嘢食後，等...等...等到1:30，除左飲品，無嘢食嚟過。望見隔離十幾人嗰枱，都只係得一半人有食物，上菜超慢。再留意店內3位店員手腳都比較慢，已心知不妙，唯有要求離開。最後，我們每位都以正價價錢$28購買了一杯淡如水的熱柚子茶後離去。離去時，店員完全無幫忙計算總數，需要客人自行計算。而同時間，一行5人嗰枱，因飲品及食物未有就直接離開了.....以觀塘工廠區這地方，午飯時間分秒必爭，中午時段完全應付唔到客人嘅需要。