醉標泰粵小廚

Open Now

Now Closed

依家新蒲崗開咗好多食肆,仲有烤魚,便約朋友一齊去試-醉標泰粵小廚。舖面唔大,約10張四人枱,我地七點前到達,基本上座滿座,睇黎無揀錯。清江魚烤魚 $238揀咗蒜香味,並自選三款配菜。上面蒲咗啲炸黃豆,卜卜脆,好好食,所以朋友揀咗支啤酒,送酒真系一流。條魚勁大條好好味！魚肉好滑！魚肉越煮越索味,即使好飽都忍唔住食曬。蒜蓉粉絲開邊蒸蝦 $118蝦唔大隻但胜在夠新鮮爽口,份量都多,但啲粉絲系重點,索曬啲濃蒜味之餘但又唔會太咸,撈埋蒜蓉一齊食真系好好食,好快清曬。豉椒炒聖子 $88好香鼓椒味,聖子肉都新鮮又夠入味,唔錯。泰式海南雞 $88無骨雞肉啱啱熟,又滑身,泰式汁少少辣而且好好味,雞肉配醬食真系一流。另外,點咗三款串燒：燒茄子$32,安格斯一口牛$36,蒜蓉燒生蠔3隻$70即點即燒,又夠入味,都好中意食。推薦下咸檸7,有檸檬味之餘又唔會死咸,好好飲！員工服務態度好好,又友善,顧客有問必答。用餐期間,見有好多foodpanda外賣,真系幾受歡迎。結賬時無加一之餘仲有九折優惠,覺得好抵食,下次一定再幫襯,支持小店。

屯馬線區域又有一間性價比酸菜魚😀唔單止酸菜魚bor⋯仲係串燒、小菜、小食、泰式⋯樣樣有齊曬！今日喺屯馬線出地鐵 然後call車過哩頭10分鐘仔街頭一落車就見到哩間乜都有得食😍唔洗掃街喇⋯坐定定就哩度la😎餐廳經營得唔錯，開始scan qr code 落單我見咩都有 各樣噤咗d嚟食！仲可以寫你嘅備註㗎😉小菜、串燒好快就上⋯慢慢傾計慢慢食每款菜都超夠味，亦都有住家飯感覺😉💯💯💯💯最期待係條酸菜魚啱啱係門口見到menu有酸菜魚哩道餸時已經流曬口水😝而且喺電話落單時可以揀唔辣、小辣、大辣⋯咁多款菜都充滿性價比，入嚟屯馬線區域嘅朋友🙃絕對值得一試！！

呢一間位於新蒲崗好容易搵得到雖然環境細細但係好多人嚟食十分熱鬧都幾推薦大家嚟食因為佢哋有好多菜式可以比大家選擇同埋點嚟食首先我哋嗌左京都排骨配上菠蘿佢哋嘅菠蘿係新鮮非常鮮甜再配上京都排骨佢哋嘅汁亦都好食 10分開胃同埋佢哋仲有咖喱豬扒配上蒜蓉包蒜蓉包香脆熱辣辣好好食同埋佢哋嘅青咖喱汁用嚟配白飯好好味同埋佢哋仲有海南雞份量10分多好入口同埋半隻都好大分佢哋嘅主打係烤魚辣度可以自己決定同埋調教 我哋點左薯粉同埋冬菇仲有娃娃菜真係好好食

放工同老婆食下啲小菜，唔知係咪食酸菜魚食上癮，又想食🙈😂又想食串燒 又想食小菜，最後我哋就搵左呢間「醉標泰粵小廚」有齊哂我哋嘅願望👍😬白湯酸菜魚1/2人份量$138好新鮮，啲魚又冇骨又滑，份量都唔少，但好似食極都唔夠咁😆😆豉椒炒蟶子$88鑊氣十足，啲蟶子肉又冇沙，又夠哂肥美😋蜜汁薯仔牛柳粒$98呢個餸真係不得了😋薯仔外脆內軟，外層脆卜卜，擺入口嘅時候好香口，牛柳粒亦有口感，唔會太冧👍串燒牛舌$18 串燒白鱔$38兩款串燒都燒得好香，牛舌有咬口，白鱔夠新鮮夠juicy🤤雞泡魚干$36呢個係食到停唔到口架，唔覺唔覺好快就食哂😂炸大腸$70外層表皮脆卜卜，點埋秘製醬汁，認真一流😊龍眼冰$20 椰汁冰$20PS: 逢星期三全日8折，平日20:00前埋單離座8折，21:00前埋單離座9折！

新蒲崗真係一個平價美食天堂 今次又去咗一間港式+泰式小菜小店 價錢平 菜式選擇豐富多元化 份量又多又好食🤩 晚市時段坐滿哂 因為平日8:00pm前埋單仲有8折優惠 8:00後都有9折 真係抵上加抵丫😻講到食物多元化 真係唔係呃你 呢度有酸菜魚 烤魚 火鍋 鑊氣小炒 港式小食 串燒等等等等可以order😂 scan qr code落單 可以睇埋食物圖片 真係花多眼亂😆 我哋揀咗店員推介嘅酸菜魚 2人份都只係$138（仲未計有折🤫）店員表示湯底係用新鮮魚同雞熬製而成 所以好鮮甜🥰 上枱嚇左一跳 因為真係好大碟 魚會選用鱸魚/鯇魚腩片 魚肉無骨好滑👍🏻 小辣湯底偏酸 唔會好辣 飲到魚既鮮味☺️ 仲有大量酸菜 可以自由搭配不同配料 我哋加左薯粉 好彈牙👍🏻見到隔離枱食嘅串燒好吸引 我哋都叫咗幾款 分別有碳燒豬頸肉串 燒新鮮白鱔同燒茄子🍆 串燒揀左小辣 加上孜然粉好惹味‼️ 豬頸肉香口多汁 白鱔皮燒到好脆 真係好新鮮好好食😋 茄子仲好濕潤嫩滑 一梳梳食一流👍🏻小店當然都要試下佢哋既鑊氣小炒啦 我哋就叫左豉椒炒蟶子 椒鹽三寶同黃咖哩牛肉😜 豉椒炒蟶子果然鑊氣十足 有好多蟶子仔 隻隻新鮮飽滿鮮甜👍🏻

平時成日去新蒲崗，因為嗰度餐廳多，乜嘢類型嘅都有，而且好多都又平又正。尋日食咗一間泰粤小店，應該話係泰粤川🤣酸菜魚，$138估唔到會係度食到酸菜魚，而且店員話係嗰度嘅必食之選，見又好平，就叫一份黎試吓。又真係幾好味喎，同大店味道幾乎一樣，魚一啲都唔腥，酸菜亦都好夠味，咁嘅價錢好抵。咖哩蟹+蒜蓉包，$168可能係全香港最平嘅咖哩蟹，原本以為份量會好少，點知完全相反，啲蟹好多，佢同其他舖頭有啲唔同，通常泰國餐廳會擺靚成個蟹出，佢就斬細件啲，炒成一大兜出，賣相雖然冇咁靚，不過咖哩味好好味，加埋蒜蓉包，真係好正，差啲想打包啲咖哩汁返去撈白飯食🤣另外啲蟹都幾特別，用膏蟹，唔係肉蟹，所以鍾意食膏嘅就要去試吓啦。黃金蝦，$118其實係咸蛋黃炸蝦，咸蛋黃好味，蝦嘅大細、份量同埋味道都正常。生菜包肉，$65生菜包肉都辣辣地，食唔到辣嘅朋友就要留意啦。串燒，安格斯一口牛$38，雞軟骨$22 兩串，白鱔$38除咗酸菜魚、泰國菜、粤菜小炒之外，仲有串燒，種類繁多，係咪覺得係度乜都食到呢，真係好神奇🤣另外咸檸梳打同青檸梳打好好飲呀。餐廳本身已經好平，另外8點前好似有8折，8點後就9折，禮拜3仲全日8折，真係抵到

新蒲崗特色酸菜魚今日同朋友一齊去miKiki睇戲🎬呢排食得多烤魚，都想試吓酸菜魚，又驚太辣，搵到呢間小店招牌菜賣酸菜魚餐廳冷氣不大，環境細小。星期一至四，八點前埋單有八折，星期三全日八折，好抵食。手機自助下單非常方便，提供紙巾🧻免收加一服務費#白湯酸菜魚 $138餐廳出名酸菜魚和烤魚，酸菜魚白湯用雞殼和魚頭煲湯，精華在於個湯，微酸魚味濃唔腥。爐魚肉嫩，小心有骨，bb辣很微辣，適合初食辣者。#豉椒炒蜆 $62比想像中大碟，好抵食，味道濃郁好惹味，蜆肉鮮甜，不會太老，推介#豉椒炒鵝腸 $78鵝腸爽口彈牙，好入味，配飯一流#燒茄子 $32蒜蓉燒茄子嫩滑多汁，不會比蒜蓉搶咗味，味道啱啱好，好味#碳燒豬頸肉 $18燒到好香，超肥美，邪惡#蒜蓉粉絲開邊蒸蝦 $118細蝦仔開邊方便食用，粉絲入味服務質素：7/10環境舒適度：5/10ᶘ ᵒᴥᵒᶅ個人口味評分：8/10

💡隱身平價抵食烤魚小編好鍾意食港式小炒，夏手熱辣辣又想食辣野，於是搵到位於新蒲崗嘅港式x辣烤魚fusion小店。餐廳港式小炒種類極多，仲有暴近大熱嘅酸菜魚、烤魚同水煮魚選擇，啱曬貪心為食嘅小編🥰🍽 烤魚（清江魚）配生菜、金菇、蓮藕選左香辣湯底，因為烤魚會更加惹味。怕辣嘅朋友仔可以一開始就撈走啲辣椒，食落唔夠辣就慢慢加。清江魚表面有炸過，所以成條魚唔會食到中途就碎曬，食到最尾都keep啖啖完整嘅肉食。魚味同辣味會愈煲愈入味，加上魚上面有好多辣椒同蒜粉，所以好惹味😋配料叫咗生菜、金菇同蓮藕，蔬菜吸曬啲香料味道，愈食愈正🥰🍽 豉椒炒蟶子蟶子份量好多！而且粒粒都有大大件肥美嘅蟶子，唔會得個殼，係抵食之選！豉椒味道香濃，帶出蟶子嘅鮮味，好過去海鮮街食俾人「湯」😂🍽 蜜汁薯仔牛柳粒牛柳粒好大件，肉質唔會嚡。彈牙得黎keep到肉汁。薯仔炸完之後加埋蜜汁一齊炒，香甜可口！送飯一流！🍽 燒茄子茄子好肥厚，燒得好軟淋，口感好好，連皮都可以食埋！表面有好多蒜蓉同埋灑上七味粉，味道香濃豐富！正！🍽 燒魷魚乾切成一條條好幼身，好方便食。魚乾燒得較乾身，食落好煙韌，而且醬汁好特別，用上wasabi加醬油，好特別，

🤨新蒲崗平民價粵泰菜 @ 《醉標泰粵小廚》黎呢頭順便食埋個快飯先走，冇時間去cafe排隊，見到呢間似係茶記，但又有有白湯酸菜🐟😲，好似幾吸引就入去啦。真正多國菜既一餐😂，碟碟份量都好大份🤭，埋單折埋先差唔多$400😲，呢頭既打工仔選擇之一！（🌟星期一至四八點前買單就八折；九點前買單就九折；逢星期三就全單八折。）💎 白湯酸菜魚 （$138 細份）-用加洲驢魚，估唔到魚味都幾濃！大塊厚肉之餘食到爽滑肉質感👍🏻。啲湯飲落好夠但清爽唔油膩，似係用魚加雞熬成，可以放心當湯飲😂，唔怕會成口味精好口乾！💎串燒：碳燒豬頸肉/牛舌/羊肉 （各$18）-估唔到茶記啲串燒都幾好食🤣，孜然粉好濃好惹味。豬頸肉係厚切粒狀，咬落好豐腴好似咬緊一舊脂肪但又冇覺油淋淋，呢種口感要食過先明😂。羊肉同牛舌都好香肉味，比較有嚼口！💎 黃咖喱雞肉配蒜蓉法包 （$80）-個醬汁應該加左啲蛋，質地好似食緊偽蟹粉醬咁，甜甜地帶青椒洋蔥既香氣，似係港式風味既咖喱。雞柳超多，如果入味啲就好！💎 蜜汁牛柳薯仔 （$98）-牛柳超大塊超厚，似食牛扒多啲😂（可以細舊番少少🤣），薯仔好軟糯，整體蜜糖味為主，可以加番啲咸味會更惹味！💎馬拉盞芥蘭

好嘅食店唔一定裝修華麗，呢間《醉標泰粵小廚》完全唔起眼👀裝修簡單,以家庭式經營小店。見餐牌有泰式菜同粵菜，見有我地最鐘意食泰菜；又有至愛嘅酸菜魚🐟所以就入去幫襯🍽入到店內，有位非常友善老板娘招呼我地👩‍🦱語氣同笑容非常親切，仲介绍餐牌上每項食物，雖然係小店，但都好多菜式選擇👉👈仲係掃QR手機點餐的,好方便👍我地點了白湯酸菜魚🐟🌶配薯粉豬紅朋友唔食得好辣，所以只叫小辣🌶老板娘話係用加洲鱸魚新鮮烹調，唔怪之得肉質咁滑啦，仲叫我地一定要飲個湯，另外可自由配料，我地選了薯粉豬红，個薯粉本身冇味，加入白湯酸菜魚後,辣辣地煙煙靭靱味道唔錯😋豉椒炒鵝腸哩碟鵝腸炒到好有鑊氣，店員哥哥送上枱時，我地已經忍唔住即刻食左一條🤤鵝腸又大條咬落好爽同夠濃味潮洲蠔餅🦪同出面打冷有啲唔同煎法，呢隻係薄身，但煎得好香脆卜卜，蠔仔都肥厚架，蠔餅同個鵝腸餸啤酒一流🍻馬拉盞炒芥蘭🌶芥蘭炒得好翠綠，新鮮夠爽，多🧄又辣辣地😋龍眼冰🧋椰汁冰🧉龍眼非常足料又大杯椰汁冰味道好香濃椰子味倆杯都好好飲哩度其實未到7:00已經坐滿客，都見好多客人同老板娘有傾有講，相信小店有唔少熟客來幫襯，另外我地埋單先知🤩「逢星期一至四8:00前埋單8折

今次去呢間係新蒲崗既街坊小店☺️小店有好多菜式選擇 中菜 泰菜 潮州菜 雞煲 連酸菜魚烤魚呢啲川菜都有😁想打邊爐又得 想食小菜又得😚仲有串燒🐷🐮🐣好少餐廳有咁多款菜式仲價錢便宜 不過好唔好食就要試過先知🤔- 白湯酸菜魚🐟 $158（加薯粉）一場黎到緊係要試下呢到最出名嘅酸菜魚啦🐟細份大概2人份 132蚊就食到！真系超平 不過呢度薯粉係要加錢既😂呢個酸菜魚有埋魚頭 出面比較少見🤔啲魚都幾多 魚質好滑😋好新鮮嘅食材 白湯就係雞同魚煲埋一齊🤔唔太食得辣嘅呢個係好推介👍🏻食得辣嘅可以揀紅湯😁酸菜撈飯真係好無得輸 仲要有一大堆配菜同薯粉🤤全部都好入味 老闆娘話連湯都飲得架！大家可以試下☺️- 串燒🐷🐮🐣平均都係15-30蚊一串🤔最平$15蚊就食到 性價比唔錯👍🏻串燒醃得好入味又唔會燒到燶晒 已經係好高質嘅串燒😆相信大家食串燒最驚食著舊炭😂呢間完全冇問題豬頸肉🐷大大粒有5粒🖐🏻係粒狀既 雖然舊肉好厚但係又唔會好韌喎😍而且全舊都熟曬冇半生不熟嘅情況 肉同油脂加埋一齊食🤤好肥仔牛舌🐮就略為遜色少少🥲有少少韌- 椒鹽豆腐 $65有10幾粒🤔粒粒都好脆 加埋椒鹽係面好惹味🤤不過最抵個啲唔知點解濕濕地 唔知係咪

呢間性價比真心高，樣樣野都大大碟，本身個價錢已經唔貴，夜晚去食每枱仲要有8折優惠😭呢間絕對可以話係男人嘅浪漫，好啱一班男仔傾住計飲住啤酒食野🥰呢間乜都有得食架，打邊爐、串燒、小炒同酸菜魚乜都有🤪.🦐白湯酸菜魚 (+薯粉) $158好少見咁抵食嘅酸菜魚，超級大碗都係$138😌嫌唔夠食嘅仲可以加唔同嘅配料🥰呢間直頭會俾埋個魚頭你，魚頭有煎過架，魚嘅肉質好滑好嫩😛有啲後悔叫咗小辣，就算唔太食得辣嘅都可以試下中辣或以上😎.🦐蒜蓉粉絲開邊蒸蝦 $118雖然啲蝦細細隻，不過份量超級多，逐隻逐隻慢慢食幾過癮😚啲粉絲超級開胃，勁濃蒜蓉味再加上吸收曬蝦嘅精華，真係嫌唔夠食😎.🦐辣酒煮蜆 $78一開頭都擔心啲酒味會太濃會接受唔到，點知又好ok喎🥳蜆肉有微微嘅酒香，份量都幾多，絕對係男人嘅浪漫🤣.🥬馬拉盞炒通菜 $56炒得夠鑊氣，同正宗泰國菜嘅味道差唔多🥰對鍾意食菜嘅小編黎講，叫返碟係必須的😙.💰人均消費: ~$180.🍽味道: 4/5🏙環境: 3/5👨🏼‍🍳服務: 4/5💧衛生: 3/5💰價錢: 4/5

新蒲崗喺我印象中，都係工業大廈，車房…. 今次朋友就帶我嚟新蒲崗，話有間食酸菜魚好正喔，咁咪跟佢去呢間 - 醉標泰粵小廚呢間小廚有齊泰粵菜式，想食地道菜又得，想食泰菜都得，得咗👍🏻 既然嚟到咁港地嘅餐廳，緊係食番地道野啦！‼️優惠時段‼️⭐️ 星期一，二，四，晚餐8點前有8折，8點後有9折⭐️⭐️星期三，晚餐全晚8折⭐️豉椒炒蜆：份量唔少，上枱時好香，食落蜆肉都好入味，最緊要係隻隻都有蜆肉，唔係殼多過肉架蒜蓉粉絲蒸蝦：蝦就比較細隻，所以份量就比較多，食落蝦肉都新鮮，連埋蒜蓉同粉絲食，相當地道嘅口味白湯酸菜魚：嚟到絕對主打-酸菜魚，鱸魚嘅肉食落都滑🐟湯底嘅酸辣控制得好好，撈飯係一流嘅👍🏻而且配菜都好多好足料，不過小心食到辣椒啊😬最底仲有薯粉，吸咗d酸辣湯仲正，仲好味😋

.📍醉標泰粵小廚 📍香港新蒲崗錦榮街5-7號東誠大廈地下B&C舖點了個1-2人份小辣白湯酸菜魚加薯粉(158hkd)，湯底是用海南雞和魚熬製而成，味道很溫和不會過鹹，是可以喝的酸菜湯👀魚肉軟嫩而且沒有骨頭，可以放心一口接一口😂小菜點了辣酒煮花螺(88hkd)、泰式蝦餅(70hkd)、鹹肉炒韭菜花(75hkd)跟安格斯一口牛(38hkd)，花螺的汁香辣小麻，螺肉很入味，蝦餅份量算多，外酥裏脆彈，炒菜非常家常惹味，牛肉串的孜然味很香，肉汁也很多🔥飲料選了青檸梳打(20hkd)跟珍多冰(20hkd)，一個解膩清爽一個極速解辣，絕對是吃辣必備🥰目前星期一至四8點前結帳8折，8點後結帳9折，星期三晚市全部8折🥰平價小炒再打折好划算😂#foodiblum中式

My families and I went to a restaurant called "Drunk Piu Thai Restaurant"(醉標泰粵小廚) located in Shop B&C, G/F, Tong Seng Mansion, 5-7 Kam Wing Street, San Po Kong(新蒲崗錦榮街5-7號東誠大廈地下B&C舖)Perserved veggie fish,chicken casserole, chinese stir fried dishes and bbq skewers are presented."Perserved veggie fish"白湯酸菜魚HKD$158..The soup base is homemade , boiled with Hainanese chicken...The tender ,soft fish fillet is California bass..."Deep fried oyster cake in Chao Zhou style"潮洲蠔餅HKD$88..Not stodgy at all..W