度小月 (海運大廈) (Closed)

好掛住台灣，所以就同朋友嚟度小月懷緬一下。可惜，都係台灣好味d, 但呢度叫方便，搭地鐵就到，仲有海景位。佢個lunch set 都幾抵食，不過我地唔係好肚餓，就決定散叫。叫咗蚵仔酥同鹽酥雞。個蚵仔酥炸到有d乾，無乜味，唔推介。個鹽酥雞算正常，不過不失。飲品方面， 叫咗百香果乳酸同香檳巨峰乳酸，要咗少甜，都係都係超級甜，甜到完全唔想飲。另外，餐廳居然在堂食用即棄紙杯，非常唔環保，好失望。No next time😿

同朋友行街行到累😮‍💨想搵個地方飲杯野休息下又有D掛住台灣野食所以就來左度小月呢度嘅環境裝修都專登營造返夜市小店不過係冷氣十足的小店😝😝😝百香果乳酸 $38雖然叫咗少甜但係都係好甜如果係堂食，餐廳可以用返玻璃杯一來見到野飲的顏色可以打卡📷二來亦都環保D蚵仔酥$68🦪蚵仔本身蠔味不是很濃碟上有胡椒粉點左胡椒粉後，味道又太猛烈餐廳可以提供一樽胡椒粉調味食客比較容易控制份量鹽酥雞$68鹽酥雞比蚵仔酥入味如果二選其一，我會簡鹽酥雞皮脆肉滑爆肉汁整體食物感覺唔多味精夜市小食配台式飲品同朋友食tea都几好不過堂食飲品可以用返玻璃杯會更好，環保D。

之前經過度小月門口都幾多人排隊，今次見到人少少就即興去食， 大約十分鐘可以入座😁。 店內環境開揚， 餐牌上的菜式價錢相宜， 但飲品就相比食物貴。午餐🥢 ～ 擔仔麵$28、祖傳肉燥飯$28、 烤紹興香腸$28、 滷鴨蛋$12、 台南芋糕$58、 安平鮮蚵湯$38、胚芽奶茶$38。 📍擔仔麵🍜 ～ 精緻的瓷小碗， 配上一碗熱辣辣的擔仔麵 ， 湯底味道香甜，油麵口感柔爽， 加上香菜、蒜泥和一隻蝦，份量不多，但味道不錯。 📍祖傳肉燥飯🍛 ～ 肉燥偏小， 整體味道不夠濃郁。 📍滷鴨蛋🥚 ～ 口感很乾，不好吃。 📍烤紹興香腸🫔 ～ 香腸配上蒜片， 很惹味。 📍台南芋糕🧈 ～ 面層鋪上鹹香的乾肉燥，豐富了芋糕的味道和口感。 📍安平鮮蚵湯🥣 ～ 蚵仔味道鮮甜， 帶點薑絲，湯底清清地。 📍胚芽奶茶🧋 ～ 奶茶味好淡， 個人感覺不是太好飲。 整體而言不過不失， 但可以來一試。

今日午餐係度小月 擔仔麵真係向來最愛 因為量唔多 因為有肉燥 蝦🦐 絕對可以滿足口慾🤪今日我揀咗一個午餐set 除左碗擔仔麵 仲會有一碗肉燥飯 但係肉操飯對我來講太鹹 配咗一杯肧牙奶茶 🥤都解唔到個種鹹味 Omg 所以如果大家午餐去嘅時候就要考慮吓要唔要好似我咁叫1set而baby叫咗一個三杯雞set 一個白飯 我試咗少少不過不失啦 反而我好欣賞跟餐嘅紫菜湯 裡面有些少嘅肉碎 好多紫菜 都幾好味

本人於2022年3月20號下午1:30前往尖沙咀這一間到小月餐廳。到達餐廳取票，我一個人食，取了A票。然後有若干個B票在我後面。等了半小時，發覺不對勁，為何叫了B票，全部都入了餐廳，還未到我呢？然後詢問職員，他回答說公司制度是先叫B票。我覺得十分不合理，因為有時間先後之分，裡面亦是十分多空桌，而且可搭枱的。之後職員不能舉出合理原因和我理論，叫了一位應是主任級職員出嚟，他聽到我投訴後，對我說：點解你唔早啲嚟排？我聽到後十分生氣，因為我的投訴不獲正面回應，而且還聽到這位職員用不合理的解釋，還有他說這家公司沒有投訴熱線的，不要浪費時間。所以不建議各位來這家餐廳食飯，未食飯前已經受氣！

度小月是一家由台灣開過來的食肆，好多年前曾經喺台灣分店食過，覺得好好食。所以去開海港城行街便順便懷緬一下，可以先用The GULU apps 拎定飛，避免排隊時間。今次點了幾樣食物，包括擔仔麵，黃金蝦捲，滷水大腸以及貢丸湯。擔仔麵是採用油麵，麵上面有少許肉燥，和一隻小小的蝦，蝦明顯是不新鮮的，肉燥方面入味，但麵質煮得過淋，而且湯底沒什麼味道。黃金蝦捲吃上去不像是剛炸出來的，表皮不太脆，而且肉質不是很熱，肉質完全吃不到任何蝦的味道，而且肉有些爛，似是放了過夜，一定不是新鮮製作。滷水大腸整體來說滷水還是不錯，而豬大腸亦吸收了滷水的味道，美中不足的是不夠熱。貢丸湯貢丸湯是4樣入面比較喜歡的，每碗入邊有兩粒貢丸，非常大粒，吃上去像是滷水醃過，有少許口感，而湯亦可以飲，飲完不會口渴。整體來說還是差了許多，非常的失望🙍

講真今次食真係失望既，無以前咁好食麵算，今次係茶餐廳會好食過佢，因為佢個飯好硬，肉碎唔香🥹乾爭爭冇肥肉都算，個汁完全唔好食，嗰啲肉碎好似係擺咗好耐咁，識落會好似食緊XO醬😅點解肉操飯會好似XO醬咁？😂完全唔明點解可以咁差，今次食點解同台灣完全唔同嘅？仲要同一開張完全唔同Tim，好失望呀…個面都好實唔好食了，個蝦到都煮到好熟…..🥹其實碗麵都已經細，仲要得壹飯蝦，隻蝦都仲要煮到咁🥲完全唔新鮮唔彈牙….荔枝乳酸還好啦，要+18蚊就一定唔抵架啦🥲$105/人 覺得同食$50既餐廳差唔多，其實我覺得茶餐廳仲好食過佢好多好多。唯一可以講係環境好坐d，這間餐廳估計要放棄了🥹不可以再給機會了，要說再見。

N年前去台灣旅行, 旅遊書推介這間度小月, 當年在度小月還認識了朋友, 如今暫時去不到外地, 還可以食到當年的味道以特製肉燥與蝦湯等調味是度小月傳承一百多年的我們點了祖傳肉燥飯擔仔米粉烤紹興香腸鹽酥雞飲品：珍珠奶茶、胚芽珍珠🧋肉燥飯及米粉份量是輕食, 肉燥肥瘦適中, 我比較喜歡米粉, 配料有隻蝦及芽菜, 蝦湯底味道很清、味道不錯鹽酥雞份量都比較多, 夠香口肉嫩烤紹興香腸脆口, 可以再Order珍珠奶茶正常水準餐廳裏面坐位有景觀, 坐位寬敞舒適, 這裏是現在可以經THE GULU App預先提早取票🎟

好耐冇去過台灣，好懷念當地嘅食物，今日嚟食吓台式餐廳。粿條擔仔麵，肉末味美，粿條彈牙，滑𠽌𠽌，必食推介，冇食過真係唔好講去過度小月！炸花枝丸 爽口，香脆的皮，配上沾著吃的味粉。鹽酥雞 脆卜卜，熱辣辣香口小吃，非常懷念夜市的食物，可以頂一頂癮先！熱辣辣香噴噴嘅炒椰菜配上櫻花蝦，實在配合得不得了，吃下去就不停的想吃！回味無窮！期待下次再來！由於在開店的時間去，店面人客不多，待應們都好熱心服務，每一項需要都即時應對，等候的時間幾乎都少於一分鐘。如果天天也一樣就更好了！

今天用飲食券到度小月外賣，由於券是最後一天否則就到期，預咗食物供應很緊張和要排長龍，所以先打電話到店舖問相關食物和用券等問題4:50到達店鋪，有位着白色衫男職員在收銀機旁，我好清楚向他説想買外賣，但他說要5:30先可落單，於是我在一旁行行企企等足接近45分鐘，但其實到5:20換了一位女職員，已經開始幫其他客人落單（而且在5:00左右已經看見有客人取外賣）所以覺得這位男職員服務上很有問題，令到客人苦等落單最後買了$300外賣，居然要收加一，請問外賣提供什麼服務給我，況且係這樣差的服務(為何我先前打電話詢問時沒告訴客人要收加一呢，莫非存心等客人落單時焗住收？）是次買了三杯雞，鳳梨炸蝦球，鹽酥雞質素只是一般般絕不會再幫襯這店舖，因為待客之道很有問題🥲

這家服務態度就很差，服務員都沒表情，一臉欠錢的樣子，最後結賬忘記用coupon，還死活不給重新退了用coupon結賬，這麼小氣參加什麼活動，再也不會來吃！又不是什麼好吃的，分量又少，還態度這麼拽。

🥢芙蓉炸豆腐 $48上菜時熱辣辣仲冒緊煙豆腐即炸唔油膩 做到外脆內軟上面紫菜同木魚碎帶鹹味亦豐富口感🍚祖傳肉燥飯 $28唔好見$28好似好抵咁 其實係迷你份量😅結構好簡單 就係肉燥同埋飯豬肉切成肉末 細細粒但都食得出肉質紮實顏色呈深啡色 吸滿滷水汁但覺得可以更惹味白飯口感軟糯粒粒分明

今日同朋友去咗尖沙咀食嘢，相比起其他餐廳呢間都唔算好多人，等30分鐘左右就有位，佢哋嘅位係只有四人枱，如果比較多人或者有幾位小朋友嘅就要注意啦如果好似我同幾位朋友多個四個人，就要一次過攞兩張飛，然後等兩張枱合併啦食台灣嘢嘅好處就係可以叫幾樣唔同嘅嘢然後大家一齊食蚵仔蘇，第一個上菜嘅菜式，但係味道偏鹹，而且蚵仔比較細小，因此覺得外皮有點厚擔仔雙屏，擔仔粿條分量唔太大份大家一齊share食就啱啱好。櫻花蝦九層塔煎蛋 幾有櫻花蝦嘅香味，蛋液都剪得很香脆夾雜着蔥香黑椒杏鮑菇牛柳粒 最好食嘅竟然係杏鮑菇而唔係牛肉，因為杏鮑菇俾牛肉香味更出蘆筍炒白合 這一度寄清爽又健康嘅菜式，食落令人好開胃，化解到台灣菜嘅油膩

去海港城行 見到餓就搵吓野食叫咗個好出名的麵 麵份量較細但湯底好濃 面條好均勻唔油 食落感覺少味精叫左一杯熱紅棗茶 在入冬黎好有暖意甜度適中 熱度剛剛好下次到期待可以坐到海景位

又要回味下有得去旅行既日子，雖然度小月係香港都開左幾年，但我上一次食都係喺台灣既。今日經過見冇咩人，就入去試下，睇下同印象中既度小月似唔似。個擔仔米線唔算好大碗，但好似都大過台灣既版本少少，$28算不錯。啲肉碎唔肥，湯底亦唔太鹹。另外都叫左個櫻花蝦九層塔煎蛋試下。好足料！基本上每一口都會有好多櫻花蝦，蛋餅亦煎得好靚，個邊仲有少少脆！總結嚟講質素不錯，下次多人啲可以試多啲野食，不過都係想去台灣既度小月多啲