子鴨留香

Open Now

Now Closed

滿心期待 ，但結果卻係食過最差嘅片皮鴨。片皮鴨 半隻 $298 鴨肉好瘦好乾柴薄餅皮成塊都有白色麵粉殘留，實在不能理解。餅皮厚而粗糙。餅皮與餅皮之間冇防黏分隔紙。有一隻金屬小鉗俾人用嚟夾起塊餅皮，但偏偏呢隻夾呈鋸齒狀，好易夾爛啲皮😂所以鴨肉+薄餅皮整體來講，口感都係又乾又柴，完全不享受呢道菜。與其搞創新整牛油果醬整山楂條，不如先做好基本功（鴨及薄餅皮）。原裝只有6塊薄餅皮，唔夠2個人分。其後加餅皮須+$36/6塊香蕉高力豆沙 $58/3粒外皮頗結實，欠空氣感紅豆沙加上香蕉 略甜。唯一優點係伙記人手夠，做野快手。

從不寫食評嘅人都要留低評論晚上訂左枱6:30鐘入坐，門口話入座起計90分鐘，門口帶位按排左我地坐卡位，主要同另一半慶祝食生日飯其間叫左半隻鴨，小龍包，生煎包，陽春麵等多款食物。不過當食左一半左右 大約45分鐘，個樓面男經理就開始吹埋單，仲問啲食物到齊未，我話加左單後睇見男經理個樣就即時黑面。由於門口多人等位，未夠50分鐘已經不斷狂收你枱面上空既食物，杯碟等最後連甜品用餐時間75分鐘，不斷趕客食到滾水淥腳。由於慶祝生日關係廢事掃興，如果唔係一定大鬧投訴個經理不斷趕客整體體驗十分之差，唔會再返轉頭幫襯👎🏻👎🏻👎🏻👎🏻👎🏻👎🏻👎🏻

銅鑼灣地膽難得遠征到荃灣，當然要搵港島食唔到嘅嘢😎今次嚟到呢間烤鴨專門店，滿心歡喜諗住嘆個靚tea, 結果…（睇完食評再講😂）———❝ 上海小籠包（2件）小籠包比較一般大隻少少，不過略嫌皮厚咗啲。咬落湯汁鮮甜，餡料份量亦夠多，整體還可以吧👀評分：6.5/10———❝ 雞絲粉皮（跟餐免費附送）少見成個山丘咁高嘅雞絲粉皮！粉皮比平時食嘅更彈牙，雞絲同青瓜份量都好足，麻醬亦是超多的😂評分：7/10———❝ 排骨兩麵黄 | $88排骨軟腍入味，麵條軟中帶脆，口感不錯但偏油膩，調味亦嫌味精太重👎🏻評分：6.5/10———❝ 火鴨菘蟹籽菜粒炒飯 | $68炒飯大大碟，米飯炒至粒粒分明，而且鑊氣十足。唯一敗筆係鴨肉唔夠香同入味，聽聞餐廳主打賣鴨？🤔評分：6.5/10———✤ 整體評價 ✤餐廳佈置古色古香，典雅舒適。每道菜都係大大碟，味道唔算出色但可以接受。不過上面寫嘅價錢已經係下午茶特價，呢個價錢其實好貴💸不過服務態度真係奇差，店內不斷強調90分鐘用餐時間，催還枱催咗足足2次，呢啲都不在話下😅交完枱行出餐廳期間，經理仲要睥住我哋，嗰下真心嬲咗😂 後來上網睇返其他食客評價，都有趕客情況。一句講晒，無下

今日係荃灣行行吓街心血來潮想食片皮鴨，就入咗呢間專食烤鴨嘅中餐廳試吓😋🐥留香烤鴨（$288 半隻）烤鴨嘅外皮烤得金黃外，食落去亦都好酥脆。不過肉質就偏乾，唔係好嫩口😢不過佢附上嘅山楂條同牛油果醬就特別，配上鴨肉都好夾，亦都成功滿足到突然想成烤鴨嘅食癮😆🐟松子糖醋桂魚（$168 半條）魚身上面鋪滿松子，賣相幾好，不過糖醋偏酸，蓋過咗魚本身嘅魚鮮味🫠 雖然份量都足夠，但係炸粉比較厚同硬，好快就覺得膩🥲整體嚟講，餐廳價位偏高，如果鐘意食中式烤鴨嘅，不妨可以試一試🐣

另一半生日，約埋佢屋企人食飯，本身都冇野，食8:30 ，一入到去侍應就係咁推我哋食餐，人多都食到冇乜所謂，食咗冇耐就發覺唔對路，淨係識落菜，唔會有人識得執嘢，我六個人，比張細枱我，之後開始多嘢食，唔係比張枱仔我，將我啲餸放喺隔離，係直接叫我自己處理，唔係職員幫我執一執啲位置，啲職員叫極都唔應，淨係顧住執枱清場等收工，最過分係食到最尾，都未食完竟然直接上甜品，我同佢講我未食完可唔可以甜品遲啲先上，職員竟然係同我講廚師要收工，甜品要上，廚房要清場，後面個經理聽到，同個職員講放返入去先啦，一陣間叮翻熱俾佢，本身諗住食蛋糕自己帶咗個蛋糕去，你每位收我$10都好正常，最後我話唔喺度食，叫個經理俾返$60我，佢竟然發爛渣，其實話晒都係服務業，唔想做生意咪講囉，最過分嘅就係8:30食， 9:30就同我講話要埋左張單先，啲職員仲要完全冇為意，掛住執嘢，傾偈，踢到我哋啲凳/倒瀉水喺我哋隔離，完全唔會講唔好意思或者清理咗佢，本身諗住上網睇下搵唔搵到呢個集團，可以比返少少意見，，但係完全冇資料，所以先至喺呢度寫，真係唔希望有人受害🥲

#港女覓食到荃灣 早前行過荃新天地發現有新嘅餐廳😆即刻去試試佢~呢間野暫時得荃灣鋪，未有其他分店。所以都等候需時，上次食時候排左1.5小時有位，打算去食嘅朋友建議預早訂位😂✨留香烤鴨(半隻) $288鴨的皮烤得好香脆，肉質嫩滑，而且唔會出到鴨肉有膻腥味。曾經有食過一間片皮鴨的鴨肉有膻腥味，食幾舊就唔想再食了。呢間嘅鴨肉好食，會一口接一口的。而佢嘅醬料有特別嘅牛油果醬，不過都係傳統嘅甜醬最好食😆✨雞絲粉皮香濃嘅麻醬配爽口彈牙嘅粉皮，值得一試。其他菜式如小籠包和上海粗炒都好食同夠熱辣辣😍✨總結人均消費💸：$160/1人味道：🌕🌕🌕🌕🌑份量：🌕🌕🌕🌗🌑服務：🌕🌕🌕🌑🌑質素：🌕🌕🌕🌗🌑🍴 子鴨留香 (荃灣)📍荃灣楊屋道1號荃新天地地下G48, G50, G52, G56, G58 & G77號舖::::::::୨୧::::::::୨୧::::::::୨୧:::::::::୨୧:::::::::#hkfoodie#eat#gathering #food #foodphotography #foodblogger #foodstagram #instafood #hkfood #foodpics

荃灣三選一揀咗間新的試試可能為咗迎合現今飲食片皮鴨瘦，欠缺油香值得笑一笑茶要收茶位，坐低就叫，結果仲遲過鍋貼，侍應的回覆是「處理中」（莫非是現煮？現泡？...都係普通茶葉茶）裝修＆環境尚可$488的鴨上台時微温都無，皮就只有腿位保持脆口肉質無特別不試也沒有損失茄子未知係老，定係走油時過火，皮偏硬味道可以其他食品一般值得一讚平日用膳時間90分鐘準時幫你埋單，即使感受到香港餐飲文化關注你整晚的用膳進度，關心你無甜品

一間很好食的片皮鴨餐廳，環境服務和食物質素都是這間餐的賣點。餐廳座位舒服，雖然餐廳面積不大，但每枱之間間隔十足，十分寬敞。而且餐具都是雲石花紋，好有高級餐廳的感覺。首先說說片皮鴨，它味道和肉質都好好，鴨皮可選連肉或分開，這次我們選連肉上.佢特別之處是鴨會放在保溫盆上，所以溫度可保持，這是很細心的細節。配料也十足，好特別是有山楂條。除左片皮鴨，這次還叫了炒年糕，鍋巴等等，全部整體都好有水準，要嫌的話可能是鍋巴的配料偏鹹。

一開始店員好q熱情推薦佐二人套餐（$688)諗住隨便，反正揀唔落，所以就叫佐首先有餐前小食，大概係（木耳，豆腐，酸菜）三合一，整體偏酸，5/10分然後就係1. 涼菜（水晶餚肉）+ (雞絲粉皮）擺盤好差，成個粉皮裝滿哂，冇空間比我撈勻佢，味道好q普通， 3/10分2. 雜錦瑤柱冬瓜粒湯好腥，3/10分3. 銀杏萵荀百合河蝦仁普通，6/10分4. 半隻烤鴨鴨毛完全冇去乾淨，3/10分5. 上湯浸時蔬普通，5/10分6. 灌湯小籠包普通，5/10分7. 杏仁豆腐佢二人套餐冇得揀甜品，但冇照顧唔鍾意杏仁味既人，杏仁味極重，差評，3/10分最後食唔哂打包，一個打包盒$2，發現冇膠袋裝，但因為已埋單，店員表示只可收現金（真係冇帶，宜家出門口好小帶現金），否則要重新開張單收茶位費先可以碌卡買膠袋。。。離哂大譜。。。補充：連打包盒都收加一（雖然1蚊幾毫，真係o哂嘴）

呢間烤鴨🐧每次經過都好多人排隊，今日同朋友街完街，諗住早少少去食佢😬唔洗排🙌🏼餐廳裝修古色古香🏮環境舒適🪭岩哂聚會或者慶祝的好地方🎉醉雞🐥上枱時，見佢好似無乜色水咁，以為麻麻地，點知原來，好有酒味😍雞肉嫩滑主角片皮鴨嚟啦！我地叫咗半隻🪿佢有肉皮相連或肉皮分開可選，都幾貼心😍特別既係，佢既配料，除咗青瓜，京蔥，估唔到既係仲有山楂條同牛油果醬🥑熱辣辣既嚒嚒皮包住一片鴨，青瓜，京蔥同山楂條，食落唔膩，仲好想食多幾舊😂小龍包🍞好多肉汁，夾起要小心花菜🥦我最愛💕

有限時 90分鐘可能期望太高 雖然唔係難食 我地點左6樣食物但真係冇咩邊樣好食一行4人都好失望「食物方面」：（片皮烤鴨）‍：餐廳主打菜都可以咁樣質素，失望🤦🏻‍♀️片皮鴨半隻$288分量多但鴨皮唔係脆 ，鴨肉好乾，餅皮好厚 伴襯：山枝條 就有點特色(醉雞）味道都係一般（小籠包）有汁 但肉味道都係麻麻好多連鎖舖頭好食過佢（豆沙鍋餅）皮厚，麻麻「反而最好食係個菜香口 不果有小小鹹」「地點」：荃新天地（我地book位 ，平日，7點30分，去到等一陣可以入座）「環境方面」：有卡位座 位子都算寬敞「服務方面」：不過不失（感覺上，好趕，未食完，就不斷問d食物仲要唔要）「價錢」：4個人 ，$860(性價比好低）

今天食紅燒枝竹桂花魚午市套餐，$98，另加一，前菜係雲耳，除了桂花魚，仲有豬肉片同埋冬菇伴菜，十分豐富，好味道不會太鹹，餐湯可以揀酸辣湯或者係粟米湯，粟米湯我就覺得麻麻地只有好少粟米，但總體都覺得抵食

上海鳳尾魚 (前菜) $108+10% - 個人認為全晚最好味。味道係特大魚干仔即炸再加上冰凍蜜糖。但係唔鍾意太甜既可能不喜歡這度菜砂鍋雲吞雞 (湯) $180+10%- 雲吞size個人認為並不是大粒但一定足料，味道普通- 雞湯味道普通，個人覺得似味精湯- 需要自己分配湯，在場侍應不會幫忙- 跟湯既雞基本上d肉無味而且佔用一半既砂鍋- 五個人可以分配到一碗湯一粒雲吞一條菜留香烤鴨 (主菜) $288+10%兩份薄餅 (12張) $76+10%- 味道不過不失，個人不會再吃- 蒸氣器皿為烤鴨和餅皮保暖炒七菜火鴨絲 (小吃) $88+10%- 碟菜既size就像一碟大家樂早餐炒麵一樣- 味道普通糖醋桂魚 (主菜) $168+10%- 味道ok, 但個人喜好酸甜兩份 上海小籠包 (小吃) $116+10%- 包內d湯既溫度並不熱, 好似碟餸放涼一陣先上- 味道普通, size 個人認為並不是大粒兩份 金沙路打滾 (甜品) $116+10%- 味道好似食緊豆沙糕- 入口溫度十分之暖兩份 香蕉高力豆沙 (甜品) $104+10%- 巨型空心油條包 加上少許豆沙mix香蕉醬- 味道個人覺得唔甜而

之前慶祝母親節，揀咗呢間荃新天地新開嘅《子鴨留香》。小朋友好鍾意食片皮鴨，但結果是有點失望😔價位偏高💸質素一般～我哋一共十二人有大有小，叫咗個六人餐再加多四樣餸同半隻片皮鴨，太多了食唔晒，最後要打包😅埋單連茶位、小食等共$46xx~加多6隻小籠包，最後只嚟咗一籠4隻，我哋以為佢落單只加一籠，沒有吹佢，回家後睇清楚張單，原來張單有另加多2隻小籠包共$36 💸仲要無嚟到😤📝主角片皮鴨得唔得？是正常味道，皮唔係脆，肉亦唔係嫰，有啲嚡口，少咗份烤鴨香，質素一般般，餅皮都厚身😅反而跟嘅山楂條同埋牛油果醬就有驚喜，包住食挺開胃～❦ 小籠包係好多肉汁，但係沒有香味同埋肉嘅質感都唔太得～❦ 韭黃炒鱔糊呢個炒得好香，入口濃香惹味不太鹹～❦ 蘿蔔絲酥餅一卷卷的排紋，外層餅皮層層酥脆與內餡飽滿蘿蔔絲餡～❦ 紅棗雪耳糖水 呢個甜到食唔到，大家都係食咗一半就唔食，太甜了😣🌷母親節六和 $2888♡ 雞絲粉皮♡ 油燜小竹筍♡ 話梅醉乳鴿♡ 紅燒花膠竹笙翅♡ 琥珀萵筍炒蝦球帶子♡ 留香烤鴨（全隻）♡ 鮑魚海參紅燒肉♡ 松子雜果糖醋桂魚♡ 肘子片扒娃娃菜♡ 南翔小龍包（六隻）♡ 櫻花蝦蔥油拌麵♡ 紅棗雪耳糖水ღ 蘿蔔

「子鴨留香」顧名思義主打片皮鴨，同時供應傳統京、川、滬菜。裝潢古色古香而又不失時尚典雅。晚市茗茶每位$18，另設$15餐前小食費用。陳醋海蜇頭 ($128)海蜇頭口感爽脆，酸香醒胃配以青瓜更顯清新。香露醉雞 ($95)醉雞皮滑肉嫩且醇香入味，但對我而言酒精濃度稍高比較嗆烈苦澀。留香烤鴨 ($288)烤鴨肥瘦適中肉味香濃，鴨皮酥脆且油香恰到好處，但荷葉餅比較粗糙略欠煙韌彈性。八寶盒內除了青瓜、京蔥及甜麵醬各兩碟傳統配料外，更有別出新意的牛油果醬及山楂條，前者順滑濃厚而後者酸甜清新，配搭烤鴨令人耳目新。松子糖醋桂魚 ($328)魚肉油炸至外酥內軟但肉質並不鬆散，與咕嚕肉如出一轍裹上糖醋汁，酸甜濃稠配飯更是一流。上海鮮肉鍋貼 ($62)雖然餃皮偏厚但口感煙韌，底部煎得焦脆可口同時亦保留充沛肉汁。香蕉高力豆沙 ($52)即點即炸並蘸滿砂糖，口感有如沙翁一樣蓬鬆軟綿並富空氣感，豆沙餡加上一小片香蕉更加香甜。