一鍋堂 (新都會廣場)

Open Now

Now Closed

養生湯底台式放題，款式有很多選擇，數量冠絕全港火鍋放題店介紹說湯是用豬骨新鮮湯底，絕不加色粉，故湯頭之鮮味十足，用餐之前飲了點，不太咸。安格斯牛小排的套餐，溫馨提示，先做功課湯底多選擇，第一次來，試胡椒豬肚湯湯都有足料，棒，推介其他朋友試。店內獨特湯，慢慢享受，無得頂！自助區有蔬菜放題！熟吃區牛腩蘿白，炒飯和豬皮，味道也很入味會添吃炸物也有雞翼，炸到金黃，脆口飲品自家飲料，不會甜，滿清香感。安格斯牛小排主打之作品，肉汁鮮甜又多多，配搭湖北旦吃，鮮香滑，味道棒。香菇，年糕腐皮袋，滑豆豆，蔬菜，和牛，黑豚五花腩肉質很好，味道見香口，油脂滿。咬皮脆，肉彈牙，陣陣油脂味。自由感好棒，環境很大，有氣氛之放題喔一鍋堂(@e_pot)葵芳新都會#日式 #日本 #火鍋 #日本菜 #葵芳 ##黑豚 #美吃 #葵芳美食 #kf #hk #hkfood

依幾日天氣突然轉涼，想打邊爐但唔想洗碗，見一鍋堂評價幾高，加上未試過，決定試一試，叫了C set 的100分鐘午市火鍋放題。店內環境新淨，裝修得十分別緻，有打位可留個念，slogan 相當有趣。拎食物區分類得很清楚，場地衛生值得一讚，地板唔會痴笠笠，自取區食物種類繁多。火鍋丸類/菇類冷盤區凍飲區熱茶區雪糕區醬料區要下單的食物用qr code網上自選，清晰方便快捷，種類同自取區一樣眼花撩亂，樣樣都想嘗試下。單單牛肉都已經有好幾款，有極上安格斯牛小排，日本產黑毛和牛，手切牛脊，還有西班牙栗飼豬肉、紐西蘭羊肉卷，質素整體油花花紋平均，肉質鮮嫩，簡直係食肉獸天堂。海鮮種類亦唔輸蝕，有沙白蜆、珍珠貝、手串生猛海蝦、手切脆鯇魚片、新鮮魚雲、冰山蚌和脆骨腩等等，意想不到的是竟然有真的花膠，仲係要任食！蔬菜區有整整一個保溫櫃保存住，有各種蔬菜，我地拎左西洋菜及菠菜，一份份一早已經分好，衛生得黎又方便，食落都新鮮。飲品選擇了佢地自家的香茅檸檬茶和養生洛神花茶，比起飲汽水，健康得黎味道亦唔錯。

*･゜重回童年放題邊爐回憶゜･*重回小時候父母總愛帶我到的放題火鍋店原來現在的晚市有分為 3 個不同肉類的套餐和家人是次選擇了最高級的日本及澳洲和牛套餐店員推薦較清淡的沙參肉竹鯊魚骨湯 ～不愧是旗艦店，環境寬敞舒適，座位和座位相隔很開，加上每張枱都有屏風分隔，很有隱私度餐廳有提供 Wi-Fi 放題火鍋加一後人均 300 有找，性價比甚高！！除了用 QR Code 下單外，出面還有不同自助區域✧ 飲品區：除了有市場品牌飲品外。還有自家製飲品，個人推薦香茅檸檬茶 ～✧ 雪糕區：本日雪糕是紅豆麻薯軟雪糕及杯裝雪糕✧ 熟食區：本日熟食為炸雞翼及咖喱豬皮蘿蔔魚丸✧ 蔬菜區：不同時令蔬菜放在雪櫃冷藏可保持新鮮點了最貴的套餐，當然要爆點只有套餐 C 才有的肉類回本！以下是個人推介必點單物✧ 日本黑毛和牛 ✧ 澳洲和牛✧ 牛舌 ✧ 白鱔片✧ 脆骨腩✧ 西班牙依比利亞黑毛豬✧ 手串生猛海蝦✧ 神仙豆腐✧ 真係花膠✧ 日本紅心蘿蔔✧ 野生竹苼‧˚₊ ៸៸𖠿 葵芳 —— 一鍋堂葵芳興芳路223號新都會廣場6樓601-610號舖#葵芳美食 餐廳推介 #葵芳好去處 #手機食先#hkfoodie #hkfood 

勁抵食🤤🤤我哋9點之後入場，嗌咗個最貴嘅餐：除咗有勁多唔同款式嘅牛，仲有海鮮食🤤啲蝦仲要係勁新鮮爽口🤤今次打邊爐真係食得勁滿足！仲要夜晚9點後入座仲會有埋鮑魚同帶子比你食🤤！真係超級抵食🤤重點係要提一提大家自助區嘅紅豆軟雪糕真係勁好食🍦我就算食到勁飽最後都唧咗兩杯嚟食😂😂推薦大家加oreo碎同彩虹脆片🤤個雪糕唔會太甜 本身我個人唔係特別好紅豆嘅人都覺得好好食🤤🤤今餐食到勁滿足🤤🤤

今晚去咗葵芳新都會分店，地方好闊落，環境乾淨店員有禮貌👍🏻上菜速度快無漏單。我哋揀左C餐120分鐘任飲任食😋做埋會員仲會送鮑魚同帶子一份，好鮮甜～自助區都已經好多食物取，有熟食、小食、蔬菜、飲品，如炸魚皮、麻辣冷麵…仲有自家製胡椒麵好特別，入口有陣陣胡椒味😋飲品都有幾個大凍櫃取🤩各式各樣紙包飲品、罐裝飲品、自家製飲品，最愛♥️洛神花茶酸酸甜甜好開胃。有成十幾款湯底選擇，我哋揀左咸菜胡椒豬肚湯，濃濃嘅乳白色湯底，已經聞到好香濃嘅胡椒味，入面仲有好多豬肚同咸菜，先飲啖湯暖暖身👍🏻C餐有齊豬牛羊海鮮，包括有🐮日本產黑毛和牛同🐮極尚安格斯牛小排，牛肉色澤好靚，肉質軟滑，我哋主攻食已經好滿足🤩海鮮方面，主攻手切脆鯇魚片口感好爽口，脆骨腩啖啖魚肉，手切白膳片肉質鮮嫩最後食飽飽～當然食個甜品做結尾，呢度有個自助雪糕機，記得食埋先好走😂今日係紅豆麻糬軟雪糕🍦紅豆味好香濃甜度適中👍🏻質感好綿密軟滑。

聖誕節屋企人想打邊爐，去左葵芳新都會廣場既‘’一鍋堂‘’ lunch 價錢很抵食， 任食最平果個套餐A 成人只需$138任食100分鐘， 假日要另加$10，60歲以上長者仲有優惠，響門口選好套餐就入去餐廳開始食啦🤩餐廳沿路入去有蔬菜自助區，飲品自助區，前菜區，丸區等等 😋其他主食例如豬，牛，雞，響寧就要響手機掃QR CODE 落單，每次落單都有限制，每個ITEM最多3碟, 丸類每一碟既份量有4粒，牛肉每碟都有4片，中意食肉既朋友要KEEP住甘點啦 😂😂都間吾時有漏單，食到甘上下要自己追單職員會提你最後落單，呢度都幾快截單，40分鐘前就截單。。。真係大開眼界。。😅

天氣咁凍，當然要去打邊爐啦。每次打邊爐我都會諗起呢間一鍋堂，因為佢真係超級多食材，選擇超多超豐富。今晚我哋揀咗最多選擇嘅c餐，可以食晒豬牛羊，仲有安格斯牛小排同埋日本產黑牛和牛、手切牛脊背！牛肉肥瘦均勻好，色澤好靚。可能因為坐滿場，係咁出貨，所以每一碟到嘅牛肉都非常新鮮。另外一樣我覺得好好食嘅，就係墨魚滑同蝦滑，非常彈牙爽口，忍唔住食咗兩三碟。而且食得出都非常新鮮。順帶一提，我覺得佢地嘅小食整得唔錯，特別炸雞翼真係好香口！連泡菜都有好多款式，花多眼亂呀揀值！打邊爐嘅連鎖嚟講，我覺得一鍋堂真係性價比高

天氣凍凍的，最好就是打邊爐，食個火鍋暖下肚。在葵芳，要打邊爐最方便性價比又高的，「一鍋堂」就是個最好選擇。雖然是任食打邊爐，但一鍋堂都營造了一個舒適的用餐環境。內部裝潢都是以卡位為主，讓食客坐得舒服，食得又舒適。一鍋堂可算是老字號的自助火鍋餐廳，餐廳有二維碼點餐服務，揀好套餐之後就可以直接用電話下單，非常方便快捷。❆ 一鍋麻辣鴨血湯底一鍋堂特色之一就是提供多種火鍋湯底選擇。其中推薦的一款湯底是「一鍋麻辣鴨血湯底」，湯底有陣陣香辣，但其實又不算非常之辣，個人認為即使不太食到辣的亦都應付得到。而且餐廳在湯底再加入鴨血、冬菇、大蔥等等材料，能夠為湯底份外帶來獨特風味。另外，一鍋堂還提供其他多種湯底選擇，下次可以嚐嚐其他味道。❆ 澳洲和牛套餐來得一鍋堂食任食火鍋，一定要叫最高級的澳洲和牛套餐。套餐包含了極上安格斯牛小排、花雕浸安格斯牛肉、封門柳、牛舌、西班牙依比利亞黑毛豬等等肉類選擇，我就加錢升級任食海鮮配料，有白鱔片、海蝦、墨魚仔、扇貝、魚滑等等豐富的海鮮火鍋配料。澳洲和牛套餐的食材非常高質，性價比極高，同一個質素在其他火鍋店一定不只這個價錢。極上安格斯牛小排肉質鮮嫩多汁，油花豐富，廚師將牛

任食火鍋其實好多選擇試了好幾間出名的始終都會返來吃一鍋堂我覺得質素始終穩定一些多選擇出菜快唔會因為任食想你食少d而上菜慢我又最鐘意去新都會這間旗艦店環境寬敞又乾淨今次食豪d揀左有靚牛的C餐高級日本及澳洲和牛套餐因為朋友鐘意食牛一如既往自助區有很多不同的熟食或火鍋配料選擇出去幾次見到如果少的店員都會自動refill真係幾好飲品都好多選擇我較為喜歡揀佢自加製飲品比較特色少少其實罐裝都好多不同有汽無汽飲品茶類或汽水都好多湯底選了咸菜胡椒豬肚湯其實起碼有十幾款有好多特色的有期間限定的滋補花膠鮮雞湯底樣樣都想試日本黑毛和牛和極上安格斯牛小排完全無得輸入口好有牛味又唔會過肥但我另外想推介有調味的牛肉例如花雕酒浸安格斯牛肉我覺得好特別又好食另外海鮮都唔少得有沙白新鮮蝦元貝等等真係款式多到數唔晒最後還有甜品獨立杯裝都有好多唔同口味試左香芋都唔錯朋友就自己吱佢的紅豆麻糬雪糕唔會死甜質地軟滑我都忍唔住食多杯

今日同朋友到葵芳食飯，我們到達餐廳不需要等位就可以入座。我們叫了放題套餐C，湯底選擇了滋補花膠雞鍋。入面有花膠同鮮雞，味道清甜，而且感覺滋潤。我們叫了日本產黑毛和牛、澳洲和牛、牛舌、半殼帆立貝、手切白鱔片和野生竹笙等。日本產黑毛和牛和澳洲和牛有濃厚牛香味，而且澳洲和牛入口口感更滑嫩。而日本產黑毛和牛的牛肉味比較重。另外牛舌的味道香濃而且爽口彈牙。而海鮮新鮮，味道鮮甜。而半殼帆立貝鮮甜彈牙 。外面還有很多小食同自家製飲品，其中我最愛薄荷烏龍茶，味道清爽，又不會失去茶香味 。最後還試了個胡椒麵，香胡椒味但又唔會辛辣 。整體來說，性價比高，而且座位舒適。

我輪候號碼73，啱啱1分鐘前叫完，我啱啱响電梯口應唔切，下一個74號都未叫。我撲上到去，個女人reception黑起塊面，話唔比入，無論點講都唔比，我柴灣特登過嚟葵芳搵呢間鋪頭幫襯，隨時仲有兩位長者，個黑面女人reception都係唔比就唔比，要你補飛102號，然後就叫74號入座。我知我遲到係唔啱，但問題係你下一張都未叫，洗唔洗咁無情。企响附近人客都又有長者都過一兩張飛都無得入。好耐冇咁嬲，擺明係玩你咁。#cry#mousexm

由夜晚六點開始拎飛等到夜晚九點都冇得入座店員話得大檯將所有B、C飛全部入座先，基本上你拎A飛就有排等，B、C飛你即場拎飛就入得。如果係2個人食，建議大家真係要提早訂座！依次真係好令人失望。

任食火鍋放題，最平138起😍鍋底有15款左右，揀都有排揀，加$50 就可以鴛鴦湯底，我每次都點養生藥膳湯，而朋友就揀枳城喇沙湯底，可以滿足唔同人喜好！和牛套餐亦超高質，任點10款牛類配料，有好嫩滑嘅和牛肩、安格斯牛肉、封門柳、牛小排等。 而我就推介手切牛脊肉，色澤較紅潤，食落非常柔軟肉味濃，好有驚喜😂 我同朋友兩人一點左9 碟😆😆😆 肉類仲有西班牙🇪🇸伊比利亞黑毛豬，及粟飼豬肉、紐西蘭羊捲肉、麻辣撈雞柳等。 另外手工滑都確實唔錯👍🏻，蟹籽手工蝦滑、有營南瓜墨魚滑，都彈牙爽口！ 另外蔬菜🥬、丸類、小食、飲品、湯品、糖水、主食等都以自助型式！ 小食嘅麻辣雞腎、鳳爪、土豆絲都好味！ 飲品亦可以揀自己製香茶，消滯解膩！

冬天又到打邊爐的季節！！！任食火鍋的話一鍋堂永遠係我的首選，因為餐廳非常乾淨！而且全場都係卡位座得非常舒服。湯底我地選擇左韓式泡菜鍋和番茄濃湯，韓式泡菜鍋味道濃郁不會太辣，連我不是太能吃辣的都能夠接受，裡面更有豆腐和泡菜等得材料。而番茄濃湯真材實料，湯料更有牛肉粒令湯頭味道更為鮮味。餐廳係使用QR code落單方便快捷！而且食物好快就上齊，完全唔漏單的情況。澳洲和牛：色澤紅潤油脂分佈也很平均，大概8-10秒變熟透，和牛有一股甜香的牛油味！口感嫩滑而且沒有筋膜，入口即化。黑毛豬：肉味豐腴而且肉質軟嫩，油脂不多但是亦完全不會覺得鞋口。另外餐廳的脆肉鯇，海鮮等等都非常新鮮！更有不同的自家製產品例如：菠菜韭菜餃，南瓜墨魚滑，魚子蝦滑等等。食物種類選擇多之餘食物也是非常高質。另外自助區更有大量小食，蔬菜和飲品提供！！！最後更可享用雪糕做完美的句號。

返咗嚟香港幾日，#小秘書 幾乎每晚都有「粉絲見面會」😎 所以呢個weekend點都要留返一日陪吓daddy同mammy😉 識我嘅人都知我好鍾意 #打邊爐，而呢個飲食習慣當然係遺傳㗎啦… 所以每次我哋諗唔到食咩嘅時候，我都會帶佢哋去我嘅 #飯堂 一鍋堂 Epot 擦一餐🤭🤭Mammy對 #一鍋堂 嘅 #沙參玉竹沙魚骨湯 情有獨鍾，話貪佢清淡得嚟又有陣陣嘅魚香鮮味，最適合用嚟 #火鍋 用！我哋呢日揀咗個 #澳洲和牛套餐C，其實本身個餐已經好多嘢食，不過我都係忍唔住補咗少少錢加咗啲 #海鮮，等兩老可以「吃個飽」吖嗎🤭 嚟得幫襯，狂擦 #牛肉 當然係指定動作，#澳洲和牛、#封門柳… 肉味濃郁得嚟又唔會鞋口，啱晒我嘅要求🤤 大大隻嘅 #帶子 同 #鮑魚（指定海鮮每款一件）相當吸引👀 配埋個湯底一齊食份外鮮味🤤 水魷魚、竹笙、花膠… 幾乎想得到嘅火鍋料都樣樣齊，最啱食得唔多，又花心嘅我😎不得不提佢哋嘅 #蔬菜、#養生茶，同埋各式各樣嘅 #飲品 都係無限量供應，100分鐘內任飲任食，放題有咁嘅質素實在難得！加上餐廳嘅環境夠晒舒適，日系嘅間格感覺非常治瘉🍃 所以大家應該明白，點解 #小秘書 會封佢做「