茶星人 (富康花園) (Closed)

主要係女店員/老闆服務問題。本身想叫黑糖珍珠鮮奶，點知無珍珠（講緊係中午買），咁咪叫杯芋圓鮮奶。女店員就話：奶茶黎嫁喎（但menu寫住係芋圓鮮奶（限量供應），我假設係無鮮奶而唔係佢記錯啦）（如果真係無，即係依間奶茶舖係冇珍珠同冇鮮奶飲嘅😱）過左十秒我先醒起佢無問我使唔使少糖少冰，我即刻同佢講翻，佢係完全無應我，望都無望我。我假設佢聽到啦，唔通再問咩，又唔係我做錯。到拎野飲，佢都係一聲無出就放係枱面。其實你呢間野賣點係黃店，我就expect係小店既服務態度，我無諗過係MK式不友善富康街坊服務😱請問如果我黎買杯奶茶都要睇面色嗎😱我已經係想飲咩你無咩，已經好失落，我無即走唔係最大讓步嗎。其實係你到買奶茶，唔通因為價錢同嘢飲質素咩？就係貪一時快感，但係幫襯完你，我只有完全嘅鬱悶同不同不快，真係完全唔合格…

本來叫左黑糖波霸鮮奶，但係父親節太好生意，所以賣晒珍珠。無計啦幫小朋友改左水星蜜桃，出奇地啲果肉多到暈，好足料呢。奇阿籽火龍果，呢啲咁健康嘅飲品就一定要叫啦。好欣賞呢間鋪頭，個杯蓋好精美。讚

香港有好多各式各樣嘅茶飲店，但好多都係其他地方嘅品牌，知道茶星人E.Tea係香港本土的手搖飲品品牌，作為香港人一定要支持下。飲品款式好多，依家天氣咁熱，就揀左呢杯清清地嘅蜂蜜紅柚四季春，茶底係清新嘅綠茶，更加突出紅柚本身天然嘅酸甜味，茶味同水果味都好夾，飲得出係落左蜂蜜而唔係人造嘅糖漿味道，甜度適中，入面仲食到絲絲紅柚果肉，真係又好飲又好食！

入咗將軍澳行一轉，知道附近有一間黃店嘅茶星人，一於去試吓。地點來講距離地鐵站比較遠，不過值得飲嘅！鍾意蜜桃嘅我今次叫咗一杯水星蜜桃🥰飲落口唔會太甜，而且仲有大大粒嘅蜜桃粒俾大家食🤤！又大杯又好飲，下次真係要試吓佢嘅其他飲品☺️

🌎茶星人 (將軍澳)咸蛋黃味薯片就食過 但咸蛋黃芝士味奶蓋飲品就未飲過啦 今日去富康買雞髀食 順便買杯飲品 去左最近新開既鋪頭買野飲 一見到首創咸蛋黃芝士奶蓋茶就想新嘗試 估唔到咁好飲 杯蓋既奶蓋都舔埋 唔放過！🥤首創咸蛋黃芝士奶蓋碳焙烏龍$30好特別既味道 店員特別推介我飲 咸度比普通奶蓋差唔多 但食落去有一陣陣香濃既鹹蛋黃味 奶蓋好滑身無粒粒 呢個發明真係好正好夾 好飲到舔埋黐住杯蓋既奶蓋 烏龍茶半糖就夠 更特出茶香味 我簡左大杯 兩個人飲係足夠 💵人均消費：$30✨環境衛生：7/10🙋🏻‍♀️推介指數：8.2/10📍將軍澳唐明街1號富康花園地下40號舖

今日R小編就同A先生去踏單車👩🏻‍🤝‍👨🏽估唔到除左沙田大埔大尾篤之外 可以去將軍澳坑口寶琳🚴🏻‍♀️🚴🏽‍♂️踏單車今次試左將軍澳既黃店💛E.TEA茶星人👉🏻芒果雙朱脆皮❣️50%冰 50%糖(💸$33) 朱古力有橙味🍊都幾特別 意外驚喜係有幾片芒果肉🥭芒果肉唔酸但未到好甜不過橙味朱古力有小小蓋過芒果味🤨橙味朱古力同奶茶有小小唔夾 整體都唔錯 會想再試下其他配搭😊👅回味指數:6.5/10👉🏻碳燒奶茶加珍珠(💸$29)第一啖飲落去已經明顯感受到碳燒味🔥值得一讚👏🏻 珍珠唔會太硬或太淋🌞可惜係 想飲既咸蛋黃奶蓋當日無希望下次去果陣有😌👅回味指數:7.5/10

茶星人當然又要支持下黃店啦, 有超多系列可以選擇芝芝桃桃叫咗少甜少冰, 呢杯野飲落去鹹鹹地甜甜地 芝士味好濃郁鹹鹹地，更加帶出芝士香味而且桃味都幾濃👍🏻鍾意芝士奶蓋應該幾鍾意！手工芋泥鮮奶 鍾意芋泥入面有芋頭粒既芋泥分量都好多價錢相對其他鋪頭來講算好平真係好出色，如果有機會經過都會想試埋其他值得街坊們大大力支持！#liukahin@gmail.com #93575555#foodie #hkblogger #hkfoodie #likeforlikes #like4likes #likeforfollow #likeforcomment #likeforlikeback #likeforcomments #instalike #followers #blogging #newblogpost #instablogger #me #followme #comment💬 #like4me #smile #igers #hkig #follow4follow #like4like #look #instalike #igers #food #instafollow #followme #g

康城未開商場之前，屋企人都要去到將軍澳富康花園買餸，幾日前屋企人同我講富康花園有一間新開既飲品店，而且有我最鍾意嘅水果茶，款式仲幾多，今日我代父母買餸，順便試一試茶星人既水果茶！外星人logo非常搶眼，另外紙巾盒上嘅太空人figure好靚😍- 水果大爆炸除咗橙、蘋果、菠蘿之外，呢杯水果茶仲有特別啲嘅火龍果，味道酸酸甜甜，甜度亦適中。另外杯身設計非常體貼，茶星人提供一個迷你樽蓋，可以遮住飲既位置，盡量保持衛生。

成日係IG見D FD POST呢間茶星人既野飲，一SEARCH發現屋企附近都有一間，於是行完街就走過黎買兩杯飲下!門口好得意，有隻ET燈射落地下轉轉下~勁CUTE~水果大爆炸呢度既飲品同其他店一樣可以揀甜度，我呢D又要飲又怕肥既梗係揀無糖，呢杯水果大爆炸揀無糖真係好岩，因為水果本身帶有甜味，所以飲落唔會淡茂茂而且好清新，個茶底好香同水果好夾。飲水果茶就梗係要食埋d水果，一打開個蓋見到d水果都唔少，有橙、西柚、蘋果、仲有紅火龍果等等~又好食又好飲!黑糖波霸碳烤奶茶老公係奶茶控，所以見到呢個碳烤奶茶就即刻話要!一拎上水果然好夠份量，珍珠多到每一淡到啜到，而且又大粒煙韌，果然不愧為波霸!而佢既賣相都好吸引，加左黑糖外表睇落漸層既感覺好吸引!飲落黑糖味濃而且茶味十足，奶同茶既比例岩岩好~老公一路飲一路狂讚!值得一讚既係等既時間都好快，店員非常快手，天氣熱叫得野飲梗係想快，所以又快又飲到咁既質素既飲品真係抵讚!

耐無去台灣，當然要食飲返啲台式飲品，今日去左樓下新開的台式飲品，非常方便叫左杯黃芝朱朱這店加入這兩年好流行的咸蛋風味。這杯裏面有朱古力，芝工奶蓋。看似格格不入，但飲落去，卻是驚喜滿滿。味道以芝士和咸蛋為主打，以朱古力冰沙做襯托。口感，非常豐富。飲完揭口蓋，有成舊朱古力餅係入面，可以慢慢品嚐另外朋友叫了水果大爆炸，如果你決定不了飲邊款果汁，喱杯岩哂你啦。豐富的水果，又健康，當中仲有火龍果，岩哂不暢通的人。這間店共有七間分店，多在住宅區，岩哂放工返屋企前可以chill 一杯！

茶星人係全港都有好多唔同分店今次黎到將軍澳分店 飲咗兩杯人氣推介都覺得有態就算要行入去富康買都覺得值得!!🏃🏼.《手工芋泥烏龍奶茶》芋泥係新鮮啱啱整起飲落暖笠笠 仲有好多粒粒芋頭超級有口感 又唔太甜而且芋泥比例有好多佔左大半杯每一啖都可以有芋泥襯托感覺好幸福👏🏻😻烏龍奶茶奶味較重 味冇咁突出如果茶味濃郁啲嘅話可以攞返個平衡就滿分了.《黑糖波霸厚芝奶》芝士奶蓋都係茶星人嘅推介之一仲有鹹蛋黃芝士奶蓋口味添小編呢杯雖然係普通奶蓋但係都飲得出好重好重芝士味🤤🤤令到小編好想再試埋鹹蛋黃口味小編叫咗無糖 杯底有好多黑糖攪勻飲甜度啱啱好 值得一提嘅係珍珠嘅口感真係好煙韌一向好怕啲珍珠係好細粒又冇口感 破壞晒成杯珍奶但小編可以話俾你聽 茶星人嘅珍珠係好好咬而且珍珠份量都唔少飲晒成杯真係大滿足

I visited my friend living at Beverly Garden (富康花園) in Tseung Kwan O this afternoon. At the Ground Floor of the estate, there is a shop selling tea and special drinks. Attracted by the special name E.Tea (茶星人) and the smart logo of the shop, I bought some drinks to share with my friend.I chose fresh milk with handmade taro paste (手工芋泥鮮奶). This drink is on limited supply every day. The handmade taro paste is fragrant, smooth and slightly sweet. It goes well with the milk. It is my favorite

🔸黑糖波霸鮮奶 700ml $35-咁啱行街去開將軍澳，梗係要撐吓呢度嘅良心手搖小店啦！！茶星人最近喺將軍澳新開嘅分店。大大塊霓虹燈牌匾勁吸睛啊，話說俾我發現咗原來每間分店塊燈牌都係唔同色，等我遲啲去多幾間分店打卡先！😎今次飲咗黑糖波霸鮮奶，黑糖同鮮奶嘅完美比例，入口非常香滑，加埋珍珠煙韌有咬口。最搶眼嘅當然就係個手搖杯啦，明嘅就明不解釋。天氣咁熱辣辣飲返杯手搖真係正啊！下次要試埋其他水果沙冰先得！

之前喺元朗飲個茶星人估唔到將軍澳而家都開咗 係一個屋苑入邊就咁睇都有好多街坊幫襯我就叫咗個芋頭泥牛奶鮮奶芋泥好香充滿芋頭味配上牛奶 口感順滑中間有陣時有啲芋頭粒相比其他台式飲品呢個營養滿分另外就叫咗一杯芝士芒果芝士都幾濃郁不過芒果呢唔係用新鮮果肉打成假若用新鮮芒果嘅話味道一定會加分好多不過整體來講呢個芝士芒果沙冰都好好飲夏天解暑最啱另外原來依家仲有得賣中秋節月餅月餅盒設計都好特別如果有興趣買台式飲品之餘都可以購買佢哋嘅月餅

來自茶星的ET，「茶星人」製作嘅茶飲，有另一翻飲食文化？芝芝桃桃少甜少冰，芝士奶蓋配以水蜜桃味雪沙，分層效味突出，芝士奶蓋味道咸香，口感Creamy、濃稠、厚身，水蜜桃味雪沙味道清甜，茶味清香，雪沙口感細密，整體飲落好清爽。黑糖波霸厚芝奶少甜少冰，黑糖波霸食落充滿黑糖味道，味道甜而不膩，帶有淡淡焦香，口感Q彈；厚芝奶牛奶味道、芝士味道比例適中，牛奶味道醇厚，口感細滑，加入芝士製作，味道更加豐富，口感更加綿密。