東湖海鮮酒家 (Closed)

7 點鬆去到等o左一陣位，就安排我地坐低。坐低o左等齊人，見到佢地 $88 打邊爐任食，就決定食呢個。同佢地講，竟然叫我地轉抬。咁你帶位時唔問清楚到底我地想打邊爐定係食小菜？？？算，轉就轉。一路食o的o野都 OK 好味，唯獨係辣椒要 $10 碟，XO 醬要 $20。食得任食餐都預o左梗有呢o的。事但啦。到埋單，4 個人食o左成 $600！原來所謂 $88 任食，係要收 $12 位湯底（所有 order 紙都唔見有呢句！），仲有 $12 醬油（呢個係o係 tick 額外收費海鮮o個張紙最底用勁細粒字寫，另外兩張 order 紙之後 check 過無），跟住 $12 醬油之後仲要俾錢要辣椒！！！其實出面好多都會另外收湯底醬油錢，但係點解要搞到咁鬼鼠？連樓下街張 poster 都係大大個字 $88 任食做招徠！其實佢o的o野食真係唔差，但係咁樣做生意個感覺好差囉，俾人一個好唔老實o既感覺！

到銅鑼灣飲茶…. 時間1:40pm, 時間唔三唔四, 飲下午茶還是食lunch好呢??肚仔又餓…點知發現這裡是1:45分開始下午茶, 非常之好, 即刻有得食, 唔洗等多幾個字, 唔等又好似唔抵!!看看大排擋有什麼嘢咬下, 見到懷舊小食” 沙翁”, 一碟三件可以配其他嘢!!沙翁---外脆內軟, 一口咬入去就嗅到好香雞蛋味加上砂糖的清甜, 完全沒有油淰淰的感覺!欖菜煮豆角---豆角新鮮有卜卜脆的口感, 成日食油菜都好悶, 食下豆類都好!!糭---包得好實, 無鬆散感覺, 內裡綠豆好多(我最喜歡) 有舊中size的肥豬肉, 蛋黃又流油…非常之香!!

我本人十分喜歡廣東燒味,一般專吃燒味的店舖態度都唔係咁好,燒肉飯永遠都只得豬頭骨,無得理論!!而燒腩飯好D,但都是皮唔脆而總是搭D豬頭骨,好失望,價錢當然貴la!! 但我發現這裡的燒腩仔飯只是$23蚊還有老火湯一盅,腩仔皮脆,肉鮮嫰又唔鹹,脂肪分佈一層間一層無得頂,如吃燒腩粉都只不過是$16蚊任何時間都一樣!!咁價錢咁質素,真係無敵ar

這晚為端午做節一家大小齊齊整整食餐飯。這間酒家中菜水準平均，質素好，價錢也合理，很適合喜歡吃傳統廣東菜的爸媽們。是晚餸菜如下：乳豬全體 ~~ 用coupon以三折換購的，乳豬皮香脆，肉嫩滑入味也沒有多餘肥膏。蒸海斑 ~~ 明碼實價，蒸煮時間準確，上枱時魚剛熟，魚肉墩滑不嚡口。椒鹽蝦 ~~ 香口又野味，蝦肉爽實。豉油王蝦 ~~ 豉油是辣味的，雖然同是用雪藏蝦，但這碟有數隻蝦肉梅梅的。蒜容粉絲蒸元貝 ~~ 抵食，元貝size頗大。燒乳鴿 ~~ 採用BB鴿，入味又唔油。黑椒炒雜菌 ~~ 與平常食的炒雜菌略有不同，有新鮮感。砵酒焗生蠔 ~~ 不像平常用煲上的，而是用錫紙一個個獨立包好焗成的，味道酸酸甜甜的， 好味道。德國鹹豬手煲 ~~ 鹹香野味，送飯一流。是晚還有三款糖水免費贈送：雪耳木瓜糖水、海帶綠豆沙、合桃露(糖水不太甜，又以合桃露最出色)

雖然唔知點解我唔太鍾意東湖但係唔可以否認佢o既o野食其實係有中上水準可能我期望低,所以次次o黎都無失望過今晚叫o左8人餐,都比改菜都算係咁不過8人餐正常應該有8杯飲品吧我地雖然得7個人,但係佢都好似有少少不情願比我地呢點要扣分食物都係講唔出邊樣好邊樣唔好正正常常合格之選~~~

哈, 上一食評又係我寫的, 冇計, 媽又真的好愛o黎呢度食.但今天我不想食太多點心, 所以要留心媽叫咩呢.因根據經驗, 我如果由佢叫, 她定會叫好多的!看了餐牌, 最後叫了個魚湯米線, 另有$7.8的點心, 叫了兩款食, 係墨魚雲吞及 炸鯪魚球.墨魚雲吞有4粒, 都算ok, 呢個價錢, ok了.略細粒. 墨魚肉不太重...鯪魚球不錯, 剛炸的, 勁熱, 蜆介不算太咸; 魚湯米線都不少魚腐, 另有瓜等.湯重糊椒味. 但也不錯, 我飲晒魚腐及米線都正常味啦. 3人食了都係110.終於今日又成功逃避了媽的點心天仙局下次最好都係叫埋豬豬女友才一起再闖媽的飲茶局啦, 自己一個都係驚媽會叫到食唔晒!

和阿媽星期日飲茶, 相信係每個孝順仔都要做的指定動作.咁我當然都不例外啦.今日, 媽又講到明要來東湖, 咁好啦;11點來到, 已要等位, 好采10分鐘已有.有$7.8 特價點心, 我馬上叫了鯪魚燒賣及濃湯菜肉餃子.另媽叫了咸水角, 波蘿包, 及16蚊碗的燒鵝麵.鯪魚燒賣及濃湯菜肉餃子好快到, 兩款都好味, 只是菜肉餃子皮略嫌厚.這價錢已很好了!!!咸水角也正, 不太肥膩, 又夠脆.波蘿包媽盛讚, 她一人食了兩個.燒鵝麵一般, 但16蚊, 你仲想點?服務ok.以往和媽飲茶, 叫點心食, 總是她食一粒, 要我食三粒的, "唔攞返去啦, 食埋啦!" 本人的因為怕肥得滯 (又驚冇人要), 所以都好驚和媽單對單飲茶. 但和豬豬女友一起之後, 大膽o左, 自信心, 返晒o黎, 得到豬豬女友的支持, 區區幾粒點心, 我都一啖食晒佢了!

和家人做節.都係set dinner.乳豬拼盆 ok啦.蝦仁都爽~荔苧玉帶好吁味!!!!下次都會叫阿叔點這味, 炸得好好, 不油, 但同一時間脆~帶子仍好爽~魚翅一般啦, 都正既.蒸魚正, 剛熟, 魚滑.... 也一讚!!!!燒雞ok啦, 不乾, 夠汁, 正!!!!鮑魚片也好味, 我吃了幾片~甜品也ok.上菜慢, 唔得....服務ok.

父親生日.一家人去食餐飯見到有幾款特價菜片皮鴨$78,兩食加$30---五個人食就份量多左少少.但我一個都掃左7-8件雞煲翅$205---算係幾足料.仲有咖哩蝦煲---正,不過要自己開殼.個汁送飯好正窩貼小棠菜--唔知點解冇醬跟....栗子炆排骨--炆得幾淋壽包--好滑,好重蓮蓉

受到一位稔熟食友的邀請，星期六特意過來銅鑼灣地段的酒家，來個下午茶~或者是年紀漸大的關係，相於自己年輕時候，越來越對嘆茶看報紙這個定性為年老長者活動的習慣感到十分寫意。生活忙碌無休，即使到了假日還不能停下來，有甚麼比能夠慢慢享受食物，又不需要顧及時間的活動好呢﹖當然如果是一個寧靜的環境，那將會更加完美。當天因為我跟女友先早到了，所以先上酒家拿籌號碼，到了快要開始下午茶時段，在門口的客人擠得水洩不通，絕對可以用群情洶湧來形容。我們等候了一會，最後被安排到一個在旁邊較清靜的位置，正合我心。食友待安頓好後，便拿著點心紙到"點心站"拿食物回來，先來的是炸雞翼和豬腳薑。雞全翼炸得乾身，內裡肉質滑溜多汁，火候掌握得十分好，惹味非常。這裡的豬腳薑比坊間的味道濃郁更不膩，醋的甘香更一般的死酸刺鼻味道，味道溫和純厚。豬腳、薑都煮得非常入味，特別是豬皮煮後仍有一定的咬口和韌度。對於不是太喜好豬腳薑的我，這個味道卻令我一再而，再而三去吃著它，對於這個點心，十分滿意。蝦餃的蝦肉爽口帶少少鮮甜，澄麵厚度適中，頗不錯的水準。已N年沒吃過麻蓉包，好香的芝麻香味，甜度適中，如果餡料可以再磨幼少少會更加好。百花釀冬菇，

一家人黎下午茶,已經係兩點幾三點,成間茶樓仲好多人。呢段時間幾抵食,因為大、中、小點一樣係$9.8,不過腸粉唔同,要另計...我地點左十個點心,又係外面攤位攞左幾碟野,再叫個腸粉,都只係二百幾蚊,6個人食到好飽,仲食唔晒要打包,算係咁...要讚一讚個香芒脆蝦筒,個皮係白色威化皮,裡面有芒果同蝦膠,雖然係有少少油,但係個外層好脆,十分好味!仲有個薑腊,佢個汁比外面果的好味好多倍呀!反而包類同千層馬拉糕,則同出面差唔多,ok啦!

雖然搬到將軍澳已經兩年，我家依然愛東湖;無論食物，與伙記的感情及質素都勝過很多地方.飲茶is my favourite.我最愛東湖的麻蓉包，是最好味，麻蓉要乾身才有芳香.點心味道中規中矩，埋單都幾實惠及平民化

2007-08-05不是常來這裡﹐但每次來都見人頭湧湧的﹐好像這次下午4 點來一樣是沒有訂座就沒有座位﹐生意非常之好。表姐走了﹐儀式後和她的家人來吃飯﹐這種氣氛這個終點﹐其實吃不了多少﹐不過平日大家都忙得沒有時間相聚﹐就趁機大家交換一下近況。食物都是普通貨式﹐沒什麼好說﹐燒乳豬當然不可和在樂意居的比較﹐不過也算是皮香肉嫩(只是香﹐但不夠脆)﹔熱葷普通﹐無甚印象﹔黍米羹出奇的不難飲﹐不會像很多地方不是太杰就是太水﹐這裡的算是可以﹔咕嚕肉酸甜度適中﹐不過炸得過火了﹐似咕嚕肉乾多些﹔蒸海班﹐魚是新鮮的﹐不過又是過火了﹐好鞋﹔雞反而麻麻﹐冇雞肉味不止﹐還鹹得過份。希望只是因價就貨而不是廚房退步﹐以前來覺得這裡雖不是我的那杯茶﹐但都算可以的﹐但這次發現水準好像不太穩定。

呢度食物係ok 架﹐平時唔去只因環境服務都唔到位咋。不過阿媽個契仔請食飯﹐咪去囉﹐點知那晚有d 氣功團體搞聚會﹐大鑼大鼓的音樂﹐嘈足成場﹐勁辛苦﹗一圍10 人本來最好就係叫套餐﹐不過我媽咪好多o野都唔食得﹐所以散叫。太多(食送) 唔記得咁多喇﹐知寫其中比較印象深刻的﹕枝竹羊腩煲- 天氣雖然開始轉涼﹐不過總覺得吃這個太早了﹗羊腩份量頗足﹐亦炆得幾“淋”﹐不過就唔係太入味﹐點o左腐乳來食就剛好﹗炆班翅- 哇﹐好大碟呀﹗﹗我覺得都唔差﹐幾好味﹐一d 都唔鞋﹐不過唔知點解冇乜人食﹐不過仲好﹐益晒我啦﹗百花煎釀豆腐& 鍋貼小棠菜- 兩個都是比較香口的菜式﹐都算有水準﹐尤其適合小朋友﹐所以很快就清碟了。食完又送甜品又送生果盤﹐埋單剛好$1000﹐沒有多沒有少﹐都算好抵食﹗

剛剛星期日和一家人到此酒樓午饍，未到12時不算多人，看見大堂有多張檯，以為可以立即入座，但不知為何仍要在門口等10幾分鐘，問了多次都說等等。人開始愈來愈多，終於可安排入座。食物水準一般，不過服務差。我一家人安排入廳房，眼見房內多檯客人都說冷氣太涷，不少人已穿上風褸，我叫侍應可否關細一點冷氣，但他竟說中間是冷的，剛巧有一個經理經過與他說，不要理我，麻x煩，當時我非常不滿，但因一家大細亦不和他理論，即時結帳，不會有下次。