東海薈 · 拉斐特 (青衣城1)

Open Now

Now Closed

星期六4人飲早茶，不用等太耐就有位好多點心唔係以碟計，係以一件件計，4人飲茶3個唔食牛肉都可以order一件牛肉自私食 1-2人order點心都好方便。食物質素本身ok, 味道算唔錯， 不過點心上枱唔夠熱，可能人手唔夠所以拖慢上枱時間，其次係點心選擇亦唔夠多。環境一般，裝潢布置可能因為禮堂光線不足有點暗，感覺有點舊。服務員服務一般， 好明顯人手唔多夠， 成個禮堂好多時見得兩個服務員， 加水要求辣醬都係要追先至有。

外賣自取68折，正！是在家食飯的好幫手，外賣一兩個餸，屋企煲飯，炒個菜，開飯！！我倆對拉斐特一向有信心！堂食外賣都好滿意👍🏻👍🏻已多次幫襯🤤🤤每次必叫的黑醋骨👍🏻堂食正 外賣依然掂份量充足，味道酸酸甜甜，送飯一流🤤🤤蒜蓉蒸茄子鮮魷，😋開胃菜普遍都蒸得幾軟入味，魷魚新鮮爽口👍🏻花膠酸辣羹份量不算多，味道偏辣，材料不算新鮮拉斐特依然是開飯的好選擇👍🏻飲茶、午餐、晚餐都掂🌞繼續支持👍🏻

難得家人放假，中午就去東海薈食晏，發現原來轉了用手機點餐，個人覺得真是超方便，而且好簡單，scan 左個QR，即刻睇到有乜選擇，鍾意食乜就自己加減，最正是食幾多錢即時睇到。加上安排到窗邊位，望住青衣海傍景致，開揚又舒服。依家用scan 呢個QR就可以自己點餐。今日雖然食點心，但知道皇者脆皮燒鵝及掛糖叉燒都好出位，又忍唔住叫埋。燒鵝肉質柔軟鬆化，皮薄香脆。掛糖叉燒富肉汁而且肉質軟嫩！這裡還有亮點就是點心每位上，即是你自己食就點，唔駛就來就去又食多左，仲可以試多幾款。上枱時仲有霧煙，熱辣辣的東海蝦餃皇，入面全是爽口彈牙的鮮蝦；翡翠帶子燒賣上面的帶子不算大粒，但幾鮮甜；流汁小籠包入口湯汁全送進口內，肉嫩多汁；上素粉果有菇粒好香。我的最愛鮑汁鳯爪，扣得好腍又入味的鳯爪，與鮑汁真是超級的夾。蜜汁叉燒包及風味潤腸卷，兩款包都是軟滑，前者叉燒超多汁，好滋味，後者是邪惡一點，但潤腸質感豐富，甘香惹味，試一件都無問題喇！瑤柱花菇灌湯餃，上湯幾清甜，只是皮厚了一點，否則更美味。只是好耐未食蔥花炸兩就點了，想不到炸兩會是脆卜卜的真是有驚喜。銀芽肉絲煎麵最愛是麵炸得好脆。食時淋上肉絲，又是另一種口感，好味。北

很喜歡這間酒樓，可以名符其實地望著東面的海，飲早茶靚絕。有海濱走廊和青衣橋的襯托，為食物做了佈景板，添味加分。 服務很好，與舊式管理的有明顯差異，接待、經理、待應、傳菜服務都恰如其分，背後應有明顯規條指引。 這是一間有近40年歷史的中檔酒樓，與香港一樣，飽歷滄桑，多次換地點，結業完又開。近年加入「·拉斐特」名號，冠上英文名，應有現代化改革含義。這間分店別具意義，象徵酒樓的新生走向。不是主力做酒席（與其他分店不同），不是面積闊大的，不是標榜豪華的。點心可以按人數點選，不一定是兩粒或四件，粉麵可選半份。小蒸籠趣緻。這正是未來酒樓的範式示範。 蝦餃在小蒸籠襯托下變得高大，如探頭想跳入東海。蝦鮮皮薄，燒賣彈牙得很，欲彈到彼岸似的。芋絲春卷卻是凍的。 日式烏冬令我驚喜，海鮮湯頭鮮濃我是置身日式烏冬店嗎？很明顯是稻庭烏冬，，有帶子，很重本。份量可叫半份（原價78元）。 在中產屋苑的樓下商場內，住客可以全天候光顧。價格中等，蝦餃皇28元一粒，因疫情中午有78折，每位花費百多元。你可以叫待應拿去餐前小食，省回金錢。只是胡椒豬肚有點貴，68元一小碗，僅夠兩人分享。 融入台灣食品，這皮蛋豬肉鬆豆腐清新可人

好記得每次黎幫襯都一定會點乾炒牛河，或者XO醬乾炒牛河，只不過因為疫情期間真係少咗黎到，早兩日同家人再次來光顧，完全變哂，東海最出名都消失了，名稱又轉了，不知是否轉了經營者，幸好遇見駐店大廚豪哥，我地表達想再一次品嚐美味非常嘅乾炒牛河，大廚就二話不說，處理給我們懷緬一番，認真講，黎東海飲茶食飯係想食質素，唔係要便宜，貪平唔需要黎東海，看見不倫不類的餐單，沒有氣質的餸菜名稱，只能搖頭感慨，希望會返昔日嘅特色，如今只望五花八門的折扣優惠。。。

外賣自取有大折， 想試左好耐。 今晚就試下佢的黃金鮮魷：🌟🌟🌟～100$， 份量可以。 皮有dd厚。 不過都食到有黃金的味道。 抱著一試無妨的態度去試就好。今次又試香橙排骨：🌟🌟🌟其實都可以。 唔會太肥又太瘦。都係一試無妨🌟🌟🌟金銀蛋菜心：🌟🌟🌟🌟🌟$7x 呢個出色算比較大碟， 味道幾好。 相信真係有一隻金。 同一隻銀蛋，足料，低食！外賣餐單有一個搞笑的粟米魚肚羹：🌟係單人份量， $3x ， 入面的蛋同魚肚都足料。但係整體得2啖😐 唔講以為食緊燕窩！ 即係娛果3x$ 只可以得2啖...咁不如唔好出呢係菜單比人揀。真係有小小空虛....

東海給人的印象是D壽桃包好食。除了壽桃包，其他點心都好食。百味豆腐: 很好吃😋😋😋😋😋鮑汁鳳爪: 好吃到想叫碗白飯撈埋D汁汁😋😋😋😋😋(可惜叫了很多其他點心)蘿蔔糕: 很香口😋😋😋😋叉燒: 很juicy😋😋😋😋小籠包: 好味😋😋😋😋粉果:好味😋😋😋😋楊枝甘露:😋😋😋😋蝦餃: OK😋😋😋炸芋角: 香口酥脆😋😋😋食物水準高。服務員禮貌勤快。唯一不足～冷氣唔夠，真的很焗。見很多枱的人叫焗熱。也不見冷氣有改善。

不時黎東海薈食晚飯，但好少飲茶，今日黎試下。平日朝早都超級多人等位，建議預先打電話訂位，或者網上攞籌，唔使等得咁辛苦。11:30之前埋單有折，點心都叫咗好多，孖寶可以叫超過一個。我唔係樣樣點心都有食，講吓有食嗰啲。印象最深刻就係叉燒腸粉，唔係因為佢價錢貴，而係因為啲叉燒好韌，從來未食過咁韌嘅叉燒腸粉，好明顯啲叉燒用嘅肉唔靚，差啲有渣要吐出來，真心差。芋角可以，外皮香脆，裏面有少少汁，唔會好乾。燒賣比較普通，擺盤好醜樣，唔知點解食到有少少沙咁嘅東西，可能係d蝦處理得唔夠乾淨。蠔皇鮮竹卷蠔油味都幾重，略咸，本身味道可以，但裏面加咗芹菜，可能係想增加口感，但我對芹菜嘅味道麻麻地，扣分。另外要講嘅就係傳菜嘅職員，我地明明坐係出菜位門口，但啲職員總係要將所有點心推勻成個場先返嚟俾我哋，搞到啲點心凍哂，上菜完全冇規劃最佳路線，我哋後尾頂唔住出聲截停佢，佢仲拉三賴四，真心感覺唔好。

疫情反覆，已經好少約朋友外出，朋友生日，點都要出黎食餐好慶祝吓。朋友話要揀個地方好坐啲，東海薈啲枱一向都唔係好迫，坐得好舒服，所以一諗就諗起呢間。得兩個人食中菜，叫餸得確有啲難度，但一睇餐牌，每個餸都有兩個價錢，例牌/細碼，問清楚下先知因為疫情關係，特登做細份啲價錢平啲，方便有限聚令時兩個人都容易啲叫餸，而家人少食中菜都可以叫多幾樣餸啦，呢個安排值得一贊👍🏻。龍蝦伊麵：龍蝦好新鮮好彈牙，伊麵吸晒啲汁真係好好好味，不得了！🥰鱈魚豆腐煲：鱈魚切到細細塊，好滑冇魚腥味，好味。😋鮮淮山蕃茄時菜：比較清淡，普通。仲有個鮮菇燴花膠筒，$48一位，好抵食。👍🏻服務員好有禮貌，反應都快。👍🏻

今天來到青衣本來去稻香飲早茶, 但看見這家酒樓早上7点鐘已經有很多人排隊於是進來一試。東海會的裝修肯定比稻香好，全落地玻璃望海景實在舒服。這裡每一天都有一元的點心優惠。今天星期天是瑤柱糯米雞肯定必選。這酒樓最大的特點是很多點心都可以只點一個，這樣就可以多試幾款點心。點了瑤柱糯米雞，流汁小籠包，蝦餃皇和臘味蒸蘿蔔糕。瑤柱糯米雞可能因為是特價關係所以非常細小，不過配料還算充足而且蠻好吃。蝦餃皇絕對是最好吃的一款點心。絕對皮薄餡靚而且蝦肉很大。上湯小籠包也不錯，不過稍微溫度不夠熱。臘味蒸蘿蔔糕口感非常嫩滑。整體水準絕對比稻香好。不過這裏的點心比較貴。茶錢也需要15元。最後埋單連加一64元不算便宜。性價比方面又比稻香低。而且這裏的點心款式比稻香少。

耐心排隊，不斷被所謂的熟客打尖，今天早茶，我好耐心咁等咗半個鐘，其間至少有5個人走去同知客講2句便有位，好嬲地走咗，已是第二次了。其他分店我唔知，青衣城呢間真有問題。

晚市可以堂食的第一日，又黎東海薈。現在推出了一人餐，費用不便宜，小菜也不算什麼特色食品，所以選擇了吃片皮鴨和星洲黑胡椒炒大肉蟹的絕配套餐。片皮鴨只有半隻，是先把鴨切成一半再燒，不知道是不是這個原因，鴨肉非常乾，完全沒有油脂，空口吃也沒有半點油膩感覺，完全不用包餅皮。青瓜顏色不夠翠綠，感覺不新鮮。餅皮完全沒有麵粉香，整體來說片皮鴨完全浪費錢，不要點。胡椒蟹味道正常，不會說特別惹味，蟹肉口感不會霉爛，但沒有什麼蟹味，蟹殼一點膏都沒有，令人失望。唯一有點特別的，是蟹殼很脆，可能是剛剛換了殼的蟹，因此口感有特色。整體來說，這個絕配套餐非常不推薦。另外叫了兩個小菜，是細份的金銀蛋浸時蔬和小炒王。味道不錯，金銀蛋材料豐富，鹹蛋黃好多，小炒王的蝦乾蝦味，腰果炒得香，幾好食。

系統通知已可取餐，但無論前台同收銀都冇法跟進有關訂單，管理混亂，最後現場多等20分鐘才能取餐，同時間見有其他等餐客人都遇到同樣問題，時間完全失去預算，失去預訂嘅意義，不建議此餐廳外賣自取。

疫情關係部份工作要延至下星期，變得較得閒，又成為了親子好節目，齊齊去東海薈飲下午茶，68折又真是好抵食。 今次都叫了幾多款，其中有我至愛的鮑汁鳳爪，細細煲的入面都有隻左右的鳳爪，扣得幾腍，夠 味，唔錯。 未試過呢款鴻運金沙脆皮腸，入面脆卜卜的包住鮮蝦，都幾好味，層次感豐富。 鮮竹牛肉球，肉外還有馬蹄碎、芫茜碎果皮等，加了一點喼汁，酸酸的好開胃。 蔥油撈枝竹本來是一個幾清新的配塔，可惜是未做到好蔥油香的感覺，若多一點蔥油應該更理想。 七味豆腐每次來吃都能保持水準，本來想叫半份，但亞仔也很愛吃，便叫了例牌，皮脆豆滑， 總令人吃個不停。 滷水鵝片拼盤，味道芳香和鵝肉鮮嫩，還有滷水蛋及大腸，一次過試齊，都幾滿足。 因今晚6 點開始無得堂食，只能外賣，所以飲完下午茶就响商場行街街，到咁上下見東海薈外賣 有75折，就買了宮保明蝦球、銅盤生煎雞及蟲草花雜菌浸菜苗做餸，返屋企只是煮個飯就得。 銅盤生煎雞以前在堂食，就會用銅盤上，依家外賣就用膠盒上，老實講一定不及堂食滋味， 但都保持到水準，雞肉好滑，仲有鮮冬菇及黑松露醬汁，送飯一流。 宮保明蝦球真是好大隻，蝦球啖啖肉

又食東海薈，食評最後會附上單據，我不是打手，係因為佢有五折太吸引🤣橙香骨實在太遲發現，好好食，有橙嘅酸味又有甜味，肉質不會有太多鬆肉粉的感覺（當然還是有），而且份量都幾多，好滿足。金華玉樹麒麟雞，賣相好靚，之前試過想叫但賣晒，今日終於叫到，不過都幾令人失望。火腿肉質比較鞋，雞雖然已經預咗係冰鮮，但肉質實在太淋，唔係幾抵食。金銀蛋浸時蔬還可以，菜心都算新鮮，鹹蛋份量都足夠，不過鹹味唔係好出。燒腩仔有啲失望，之前食過幾好食，但今日果份個樣都幾衰，有部份個皮仲脆，但有部份唔脆。臨埋單之前叫多咗一份，因為想打包，新嗰份就好靚仔，唔知關唔關落單時間事，但希望品質可以統一啲。