東海薈 · 拉斐特 (青衣城1)

Open Now

Now Closed

朋友話呢間嘅叉燒好好味，咁我咁啱經過，見佢有得賣，就嗱嗱聲買咗個例牌叉燒外帶，攞返屋企舒舒服服慢慢食。返到屋企洗完個白白，再開一支紅酒，就嚟試吓呢個叉燒。店員話呢個係西班牙黑毛豬，而家好多餐廳都話用黑毛豬，真係信不信由你😅一入口，叉燒煮得幾焾，又唔會太肥，呢個抵讚；幾有豬味，甜度適中（依家好多叉燒甜死人），兼且厚切，所以食落感覺豐足，係幾好食，但係未到頂級。一啖紅酒一啖叉燒，都係一個好享受😁一共只有14嚿叉燒，要成$120，實在有點貴，以咁樣嘅質素，唔值，應該冇下次😅

又食東海薈，今晚有些菜式不可以叫細份，只可以叫例牌，少人的話可以叫的菜色相對少了，有點失望。東海小炒王，有腰果、蝦等，口感豐富。菜新鮮沒有渣，滿意。紅酒燴牛尾，味道香濃，牛尾軟稔，不過紅蘿蔔不多，多肉少菜。黑椒洋蔥炆豬手，完全吃不到黑椒的味道，豬手多肉，不過調味一般，令整體感覺也普通。燒鵝比上次好吃，油份充足又不會過肥，肉質也緊實，有嚼頭。咖啡凍有點苦，家人不太喜歡，飯後還是吃點甜的比較令人滿足。

東海有五折，門口多人到差d打交，有d驚。訂咗位都要再拿籌等位，不少顧客很暴躁，餐廳又沒有安排椅子供人休息，不是很理想。黑松露醬炒南瓜百合鮮蘆筍，全素比較唔抵食，黑松露味唔算好濃，蘆筍都算爽甜，唔會有渣。東海小炒皇水準正常，配料有咬口，菜都算新鮮，唔會好老。千島醬燒銀雪魚，千島醬味幾乎食唔出，好彩銀雪魚煎得幾香，細分份量真係比較細，不過少食多滋味，都算可以。甜品食千層糕， 折完十幾蚊有四舊，抵食。中間鹹蛋幾惹味，甜甜鹹鹹，做飯後甜品一流。

又食東海薈，上次個燒腩仔幾好食，今次encore再加大叫例牌，總共14舊，上次細份嘅就八舊，計返價錢差不多。魚香茄子煲味道唔均勻，上層味道較淡，下層有汁偏鹹，廚房調味可以均勻啲。黑醋火龍果爆和牛粒，偏甜，應該落咗好多砂糖去炒，唔係幾健康。牛肉味道正常，唔會話食到好多好多鬆肉粉，配火龍果OK，如果糖少啲就仲好。如果唔叫白飯，叫個粉絲煲都OK，冇乜配料，主要都係菜同粉絲，炒得幾乾身，仲聞到有少少燶味， 味道唔會太鹹，調味一般。

東海薈繼續做特價優惠，我繼續來。濃湯海味冰川豆腐煲，不明白為什麼會有冰川，不過清清地，都OK。湯的確係濃湯，可以當湯飲，都有少少鮮味。蒸蝴蝶沙巴龍躉，魚肉好滑，唔似一般蒸會有點韌，家人說可能是用熱湯浸熟，所以才特別嫩滑。今天終於吃到燒鵝，鵝肉有鵝味，不會只靠鵝汁吊味。只是皮不夠脆，油脂偏少，啖啖肉，是否喜歡就看個人口味。另外特別要稱讚侍應的服務態度，會主動更換骨碟，待客親切有禮，比想像中的街坊酒樓好得多，果然大集團培訓有保證。

連續三個星期食東海薈，都係因為有折扣，逢星期一五折，人山人海，座無虛席。訂咗7:30 ，但都起碼要在門外等15分鐘，而且比較混亂，感覺不太良好。今日重頭戲係粉絲蒸扇貝， $108 ，但非常失望，元貝好細粒，開邊扮大粒，冇乜鮮味，好明顯係普通急凍貨色，百幾蚊食四粒急凍帶子同幾撮粉絲，非常唔抵，千祈唔好嗌。燒腩仔幾好食，皮夠脆，唔油膩，細份都有八粒，差唔多等於3碟扇貝，可見扇貝真係非常唔抵。蟲草花虎松茸浸時蔬，不過不失，菜冇渣，清清地OK。甜品又係食壽桃包，掌心咁大個，兩個人分嚟食剛剛好，為呢一餐畫上甜美句號。

連續三個星期食東海薈，都係因為有折扣，逢星期一五折，人山人海，座無虛席。訂咗7:30 ，但都起碼要在門外等15分鐘，而且比較混亂，感覺不太好。今日重頭戲係粉絲蒸扇貝， $108 ，但非常失望，元貝好細粒，開邊扮大粒，冇乜鮮味，好明顯係普通急凍貨色，百幾蚊食四粒急凍帶子同幾撮粉絲，非常唔抵，千祈唔好嗌。燒腩仔幾好食，皮夠脆，唔油膩，細份都有八粒，差唔多等於3碟扇貝，可見扇貝真係非常唔抵。蟲草花虎松茸浸時蔬，不過不失，菜冇渣，清清地OK。甜品又係食壽桃包，掌心咁大個，兩個人分嚟食剛剛好，為呢一餐畫上甜美句號。

一到晚飯時間，東海薈外面已人頭湧湧，原來這裏正做優惠，逢星期1234 ，分別是5678折，下午5:30還有90幾元的半隻燒鵝出售。限聚令底下，雖然滿座但不會很嘈吵。點了一碗鐵觀音，茶味有點淡。桌上的假花裝飾已發霉，寧願不放，影響觀感。點了一碟帶子西蘭花，帶子出乎意料厚肉，海鮮味要很努力才能淡淡吃到。西蘭花不會吵得太硬，整體有點鑊氣，不錯。叫了一隻乳鴿，炸得有一點過火，肉汁仍然有但比較少，如果火候控制得更好會更好吃。壽桃有手心那麼大，蓮蓉有點太甜，配上外面的包感覺還好。鹹蛋黃非常大顆，整體ok。一開始覺得員工都好友善，有禮貌，但還未到7:30 ，有一個高瘦的，應該是經理級的職員不斷催促其他侍應執枱和入客，令食客的情緒都受到干擾，感覺不是太良好。最令人不解的是，結帳離開後看到門外根本沒有人等位，那他們是在急什麼呢？

又來東海薈食飯，今次點了半隻燒鵝，是在訂座時打電話預留。燒鵝上桌時外觀漂亮，但整體偏瘦，鵝油香較少，皮不夠脆，但肉質緊實，有嚼勁，調味不會太鹹太淡，部份位置會有鵝騷味，整體來說可以。黑醋火龍果爆和牛粒挺好吃，酸酸甜甜，和牛油脂多，滿嘴油香，火龍果烹調後軟綿綿的，很快一顆接一顆吃完。蟲草花虎松茸浸時蔬，味道較清淡， 正好中和燒鵝和和牛的肥膩，湯底香濃，蔬菜新鮮，好吃。今天幸運地坐在落地玻璃窗前，餸菜也好吃，是美好的一晚。

在家多日，食到口淡淡，看見有優惠去買半隻燒鵝返去加餸，點知原來”半”隻燒鵝可以用一個盒仔裝曬，左砌右砌都砌唔返半隻😡食完念住開埋d楊枝甘露甜返下啦，點知又係半價原來得半碗🤦🏻‍♂️e個”優惠”真係抵到呢。。。🤦🏻‍♂️如果有心做優惠價，都比返咁上下份量呀，岀黎食燒鵝都預咗未必齊件，但都唔係差咁遠呀嗎😒咁樣計返都真係唔知平左係邊，總之就極其失望，下次都係要考慮清楚先好😩今次當買個教訓啦，唉😩

疫情底下，東海薈推出了優惠，星期一晚市五折。餐牌選擇不多，海鮮類也沒有特價，不過環境舒適，還可以看到海景（同時是墳景），也不失為一個好選擇。餐前小吃索價18元正，是琥珀合桃，份量不算多，隨便吃吃還可以。本來想點半隻燒鵝，但晚上六時到已經賣完，唯有改點兩隻乳鴿。鴿皮不算香脆，肉質尚算細嫩，有肉汁，味道中上。另外點了一碟荔蓉帶子，正價100多元只有六粒。沙律菜感覺不新鮮水嫩，荔蓉尙算細滑，帶子沒有什麼海鮮味。最後點了一個壽桃包做甜品，半價後$11 ，大大隻，有整個鹹蛋黃，幾抵食。

屋企人生日，想搵間酒樓食飯慶祝，一直只覺得拉斐特專搞婚宴，冇咩留意平時嘅菜式。睇下d餐牌都真係唔少選擇！4人套會有海鮮/燒味一款，搭湯羹一款，兩款小炒，主食飯/麪一款，仲有甜品一款。勝在款式選擇非常多，自由搭配，價錢都合理0. 核桃絕對係極佳飯前開胃菜。甜甜地，我食到停唔到口。出面真係未食過咁好食。1.上湯波士頓龍蝦（伊麵）龍蝦肉質結實，口感一流。伊麵亦出乎意料好吃，不會用太多茨，而且幾軟滑。2.西施海皇羹湯羹非常足料，有蝦肉，蟹肉，蛋白，瑤柱，草菇等多種材料，口感豐富，味道不會太鹹太淡，恰到好處，亦唔會太多茨。非常出色。3.蛋黃金沙鮮魷鮮魷相對上同我預期有d落差，因為味道較為淡，鹹蛋味道唔算好濃。想食濃味少少可以配胡椒粉或鹽。不過抵讚嘅係鮮魷啖啖肉，且炸完都唔會太油膩，份量其實亦都唔少。4.芥末青檸沙拉蝦球蝦非常大隻，肉質亦結實，啖啖肉。芥末味道撲鼻, 整體又唔會太鹹太淡。5.瑤柱蛋白炒飯炒飯份量夠大，菜粒蛋白加埋瑤柱絲，味道不會太鹹或太淡。惟一是飯粒有點乾身。6.楊枝金露非常好食好多柚子同埋芒果，而且唔係落西米，係用d好趣口嘅粒粒代替，口感昇華到另一層次！整體所有食物都唔會過鹹,

這幾個月工作非常忙碌，開心又搵食，不開心又搵食，值得寫的食評只有幾個，每次只記下重點, 現在逐一分享！先寫最新今晚的家人冬至晚飯。奶奶喜歡青衣東海薈。今天正日，到處食肆都爆滿，訂座都要等，擺枱擺到近入口。第一道乳豬全體，忘記拍照，因為大家舉杯祝福！乳豬冷的，可能放了一段時間，豬件肉有點收縮，但味道是及格的。瑤柱扒時蔬，西蘭花有點硬。XO 醬蝦仁，蝦仁算及格，有蝦味，但味道太濃。點了幾個餐前小食：豬腳仔、貓耳朵，不錯的。百花黃金球，完全沒有嚇蝦味，失望。海斑算新鮮及格。海螺片真的很一般。脆皮雞可能是整晚最好的了。壽桃飽是整晚的亮點。紅豆沙不錯。一家人過時過節，志不在食物，好好聚一聚而已。整晚只能說不過不失的過節飯。

一到秋天 就想食大閘蟹 找了好幾家食蟹的 有放題有套餐 原選放題是因為本人食蟹好慢 只有兩三個鐘既放題 只夠我食2-3隻 完全圍唔到皮 睇左幾個套餐 東海最平 又滿足到我食蟹既意欲因為兩個人食 叫左個大閘蟹 淺嗜既套餐第一道係鮮味蟹粉小籠包 每人兩隻 味道唔錯 有蟹味 但汁唔算好多 算合格第二道出東瀛花菇螺頭燉雞湯 一人一盅 花菇味濃 好好味 中意第三道就出大閘蟹 每人先出一隻 熱辣辣 好正 兩隻都係公蟹。而蟹膏唔算爆 但都可接受 蟹味濃 食完一隻 先再出第二隻 保持溫度 第四道係濃湯淮山浸時蔬 食完濃味既蟹 食輕淸淡既菜心 第五道係酸辣肉燥手打鳥冬食完肉同菜 食下d烏冬 味道一般第六道係咪生拆蟹粉蒜蓉包 好好味 蟹味好濃 勁多蟹油 塗在蒜蓉包上再食係一大享受最後係薑茶湯圓 薑味唔太夠 芝麻湯圓ok其實佢湯圓一早就就出左 就係食完大閘蟹之後 但我地話其他野都未 就出甜品 叫左佢拎入去熱住先。呢啲就係本地餐廳既陋習上菜時序亂咁嚟!其實食完都好滿足的 如果只係想淺嗜 呢間其實可以選擇

一年一度既大閘蟹季節, 梗係要去食蟹. 原本係book左利寶閣的任食大閘蟹, 但又於地區影響關係, 最後改去青衣既東海薈食大閘家蟹套餐. 二人套餐($368 + 10%) ~ 包每人兩隻大閘蟹, 有蟹粉小籠包, 大閘蟹蒜茸包, 螺頭雞湯, 烏冬, 薑汁湯丸等. 食完係超飽, 開頭以為每人得兩隻唔夠喉, 但食埋其他蟹既配菜係好飽的. 大閘蟹待你食完一隻後才再上第二隻, 很細心, 唔會怕凍晒.❤店舖 : 💙地址 : 青衣城1樓117號舖