EAT ME Bar & Restaurant (Closed)

呢間餐廳由岩岩開業黎食既時候唔使排隊，到宜家座無虛席....晚飯時間出現人龍，就知道係幾咁抵食又好味！剛開業嘅時候同朋友嚟食過一次就已經bookmark 了呢間餐廳，環境舒服價錢唔貴，所以有時同朋友食飯都會黎喔！是夜同honey撐枱腳叫咗一個一人套餐，有餐湯有飲品及主食，非常豐富。忌廉湯非常厚身，每啖都係濃郁既忌廉味，我至愛呀！主菜美國豬鞍扒伴夏威夷菠蘿🍍，賣相色彩奪目呢！夏威夷菠蘿酸酸甜甜，夾上豬鞍扒一齊食，感覺唔會太油膩呀！豬鞍扒肉質軟稔，我最愛邊邊位嘅脂肪，剪得非常香口油脂味非常惹味！套餐包一杯$22飲品，朱古力控既我補了十幾蚊差價order了oreo 朱古力....朱古力香滑，入口每啖都有oreo碎，不錯呀！但面層oreo碎唔多，賣相一般！呢個四川風味麻辣手打和牛漢堡包fusion 得很出色呢！漢堡包層次非常豐富，非常厚身，女生們好難一啖咬落去了！中間既和牛扒辣勁超強，辣得舌尖都發麻，愛辣既我超中意！伴碟既厚切薯條新鮮熱辣，唔洗點茄汁都100分喇！

今日係happy Friday諗住去食餐好嘅慶祝下，約埋個朋友一行四人嚟到呢間位於旺角譽發廣場嘅EAT ME Bar & Restaurant。 一入到去環境好有格調又有個大螢幕播住mv, 環境就唔錯喇唔知食物如何呢。我地揀左個二人套餐，要慢煮美國法式豬鞍扒配蘋果醬，再加$48要多個慢煮頂級安格斯肉眼扒配荷蘭醬。套餐裡面仲包兩個餐湯、兩份沙律兩杯野飲同兩個movenpick雪糕！由於四個人嘅關係我地仲額外叫左其他野食。 慢煮美國法式豬鞍扒配蘋果醬：塊豬扒好厚身啖啖肉又唔會好鞋口，配蘋果醬好夾，伴碟仲有啲薯蓉添。 慢煮頂級安格斯肉眼扒配荷蘭醬：呢塊安格斯成隻碟咁大塊，底下都有薯蓉。 額外嗌嘅野食仲有溫泉蛋雙重芝士大啡菇：一份有兩隻大啡菇，芝士下面會有一隻溫泉蛋，一切開啲蛋黃同菇嘅汁一齊湧出嚟，juicy到不得了！ 肉醬芝士薯條：呢個份量都幾多，薯條鋪上肉醬同芝士去焗，呢個組合唔會有得輸。 唔記得講，野飲果度好推介呢杯特飲：茉莉蜜糖梳打，有蜜糖嘅清甜之餘仲有茉莉花嘅清香，加埋梳打汽水感覺好清爽！ 最後食埋個movenpick雪糕就係一個完美嘅Happy Friday喇！

之前食過一次，覺得d野幾好味，所以諗住encore,點知今次上到去個menu唔同晒，選擇又少左好多，上次諗住想試果個青醬risotto 又無左，唯有叫其他野去試下。總括來講，唔太差，都算ok，但無上次去食咁好味lo

book左8點半去食呢間Eat Me Bar & Restaurant 一上到就被安排左去窗口邊坐💛我地每人都叫左一人套餐 包餐湯同$22野飲(補差價)餐湯✨ 同忌廉湯既味差唔多兩款意粉味道岩岩好 唔會話偏鹹偏淡或者好乾身 配料都有好多👍🏻大蜆有成十幾隻💓野飲方面叫左水龍卷同提子乳酸梳打(賣相唔吸引但好好飲😋)叫多左個小食拼盤 (魷魚圈、薯條、大雞鎚、印度薄餅同沙律菜）佢寫2－3人份量真係好多～ 我地兩個人食完主食都食唔哂 薯條本身都有味 不過佢地都比左茄汁我地👍🏻仲有佢地staff服務好好 好nice😊上菜都好快手

星期日的下午，一覺自然醒已經錄到一點，無所事事可是又不想在家，所以即興約朋友到旺角食個下午茶。回到了Eat me bar。 雖然天陰陰，但這裏還是往常熱鬧，下午茶時間仍人頭湧湧。幸好這裏的午餐是去到六點鐘，而下午茶由兩點半開始，所以我們可以由午餐吃到下午茶。 點了煙三文魚薄餅和牛肉眼扒。跟餐配餐湯、餐包。煙三文魚pizza圓圓一個，肥厚飽滿，煙三文魚落得也多。拉絲效果亦令人滿意，對得住$59蚊的價錢有餘。 牛肉眼扒size 頗大！差不多整塊扒都蓋過啲飯，而且也不薄。我最鍾意係度食午飯，因為跟扒配的珍珠米，加上牛扒汁，好好餸飯！ 朋友每次必點棉花糖朱古力，特濃朱古力不甜，可以看到上面那繽紛的棉花糖，心情亦愉快起來。 而我就是必點一杯抹茶鮮奶，濃濃的抹茶，可消化一下剛才薄餅上芝士的滯後感。 陰陰天我們也懶得走，就這樣一坐坐了良久。又點了下午茶的韓國柚子雞翼和煙肉芝士焗薯條，又點了2杯梳打，分別係荔枝味同巨峰味。 柚子雞翼酸酸甜甜好惹味，而薯條即鋪着半溶的芝士，加上鹹香的煙肉，也是下午茶的絕佳配搭。一口薯條一口雞翼翼再一啖梳打，這個接着午餐的下午茶，打

同朋友們唱完K,打算食好西。 search Open rice見呢間野有六百幾个正評,心諗應該ok,點知....一入到去點左我哋坐到勁深處嘅暗角,落order要走成大半間鋪去揾人落單（利申：佢係收加一兼每人最少消費$128)OK算,見你人唔夠,可體諒。之後order左1個1人set（虎蝦龍蝦汁鏍絲粉） 同1個2人set（煙燻帶子配蘋果多士,慢煮牛仔骨同海鮮燴飯）例牌上左餐湯先,餐湯係忌廉雜菜湯,但明顯係用啲下欄野同菜頭菜尾整,而且重點係个湯只是僅僅叫暖...==”之後上飲品,兩個friends叫左Oreo沙冰,不過不失,我叫左紅豆抹茶鮮奶,伏！不夠凍而且沒有抹茶味得個死甜😵然後頭盤係煙燻帶子配蘋果多士,帶子冇煙燻味失敗,上面一攤蘋果蓉冇蘋果味失敗！最惨連塊多士係冇焗燶但有苦味！失敗中嘅失敗！！唔通呢啲係煙一燻味！？我真係識條鐵！伴碟嘅沙律菜得兩三條,上面仲要放條枯萎了嘅百里香同爛嘅蕃茄仔...真係打破了我對西餐嘅認知...🤪到左碟海鮮燴飯,又係枯萎的百里香同爛蕃茄仔...到左呢度,相信你都估到之後嘅野都係咁跟🤮🤮🤮講番個飯可以用一個字形容：爛！啲飯煮到爛,啲海鮮又唔新鮮！跟住上埋個牛仔

今日同朋友嚟到落旺角樓上呢間Eat me bar，我之前已經嚟食過一次，佢嘅二人套餐好豐富同埋環境唔錯，好適合一班朋友坐低慢慢食個晚餐。 頭先上咗個羅宋湯同埋藜麥芝麻沙律醬沙律，個人好鍾意個沙律，因為蔬菜夠新鮮，配合醬汁味道好夾😆 然後黎阿根廷紅蝦龍蝦汁扁意粉，有兩大隻紅蝦，蝦頭嘅蝦汁蝦膏好惹味，扁意粉軟硬度適中，另外仲有其他配菜例如魷魚，青椒黃椒，蜆肉等等海鮮，令口感更豐富鮮味。我地另外加左錢，決定一試好名嘅威靈頓牛柳，呢度果然冇令我地失望，內裏五成熟，牛肉味超濃郁，一啖飲落去，十分juicy，整個口腔都充滿牛嘅香味。另外個酥皮，好足料，入面仲有好多蘑菇外脆內軟💕🤤 另外叫左個千島海鮮薄餅🤤 材料十足，有帶子，飯粒杯，蟹柳，水牛芝士等等，材料十分豐富，而且外皮好香脆，脆卜卜，我哋都好滿意。😆 黎得bar 當然飲埋cocktail 啦，味道都ok，價錢平過出面啦當然，加翻個差價就得🤤 最後原來仲送埋movenpick 又有好味嘅奶凍味同埋朱古力，士多啤梨揀！😇

Eat me bar & restaurant 一踏入去就好有情調，昏暗嘅燈光最適合飲番兩杯，同朋友傾下心事～而且裝修都十分別緻，有少少英倫風嘅感覺❤️望向前面仲有個好大嘅screen，不停播放住唔同嘅情歌，夠哂浪漫💕（中間仲可以request播生日歌俾生日嘅朋友仔～）Menu都有好多唔同嘅選擇，二人套餐就係店員最推介嘅～餐湯係羅宋湯，味道唔太酸亦唔太甜👍🏻仲附送沙律～食落十分開胃👍🏻蔬菜亦十分新鮮🤩第一個主菜係紅蝦扁意粉，龍蝦汁十分濃郁入味，而扁意粉亦唔會太乾身👍🏻overall就係隻蝦比較遜色，因為肉質未如新鮮蝦一樣爽口，但亦係可以接受嘅水平～加點左一份海鮮pizza，pizza厚底而且超足料～芝士味都好濃，食落口感層層上😆呢個牛柳係店員最為推介嘅～因為十分少有地方可以食到威靈頓牛柳🤤外層嘅麵包焗到十分脆口，而入面嘅牛柳都見到係超級厚肉😆切落去個下都feel到d肉汁流緊出黎🥰塊牛柳放係口入面簡直要融化啦🤩黎到bar當然要飲番杯cocktail～經過一番選擇後終於簡左mojito😛薄荷味十分濃，而酒味都相對地重～👍🏻最後嘅甜品仲要係movenpick！係一個完美嘅ending～❤️

啱啱個 Weekend 我就去咗樓上 cafe Eat Me Bar & Restaurant，好彩一早 book 咗位，如果唔係都無位呀。我哋揀咗二人套餐 ($298)，貪佢乜都有嘛，價錢又 OK。餐湯係西蘭花湯，但有啲太杰。沙律除咗有沙律菜同粟米外，仲有 Super food 藜麥喎。燒美式春雞賣相吸引，份量十足。外表燒得香脆，雞肉嫩滑多汁，肉質彈牙。温泉蛋煙肉野菌卡邦尼意粉夠 Creamy，意粉撈埋温泉蛋食超好味。意粉煮得有口感，形真唔錯。餐茶仲有香濃咖啡最後仲有我最鐘意食嘅 Movenpick 朱古力雪糕呀。

Eat me Bar係一間唔錯既西餐廳，之前已經食過一兩次，今日同朋友黎鋸個扒，希望俾到驚喜我。首先要讚係服務唔錯，侍應有禮。同埋朋友叫咗個安格斯肉眼，食出肉味，軟硬適中，味道亦都調較得宜，值得一試。餐廳環境都唔錯，氣氛幾好，但略嫌迫左少少，但我哋兩個麻甩佬都冇乜所謂，總括來講都可以接受。另外一提，間餐廳地理位置都非常之好，距離油麻地站只不過係5分鐘步程，仲可以望住你敦道嘅夜景食飯，非常之唔錯。下次有機會的話會再過嚟試吓。

Happy Friday 8點鐘到餐廳門口已紅濟滿哂客人好彩朋友有預早訂枱餐廳設計係好寫意工業風感覺年輕而且有好大牆身投影幕適合一班朋友飲下野 食個飯見到2人餐只係$298除左可選2份main course 仲已經包哂2人份量既餐湯 沙律 餐湯 飲品同甜品抵食阿根廷紅蝦龍蝦汁扁意粉大蝦2大隻味道鮮甜爽口另外仲有大量海鮮粒：八爪魚小蝦仔混合龍蝦汁一齊煮意粉令彈牙意粉吸收哂醬汁海鮮味另外我地加左$48 轉慢煮安格斯肉眼扒牛扒份量足有肉味而且帶𡁻勁朋友點了凍蘋果醋酸酸甜甜非常開胃雪糕仲有movenpick 大滿足

啱啱個 Weekend 我就去咗樓上 cafe Eat Me Bar & Restaurant，好彩一早 book 咗位，如果唔係都無位呀。我哋揀咗二人套餐 ($298)，貪佢乜都有嘛，價錢又 OK。餐湯係西蘭花湯，但有啲太杰。沙律除咗有沙律菜同粟米外，仲有 Super food 藜麥喎。燒美式春雞賣相吸引，份量十足。外表燒得香脆，雞肉嫩滑多汁，肉質彈牙。温泉蛋煙肉野菌卡邦尼意粉夠 Creamy，意粉撈埋温泉蛋食超好味。意粉煮得有口感，形真唔錯。餐茶仲有香濃咖啡最後仲有我最鐘意食嘅 Movenpick 朱古力雪糕呀。

上星期同男朋友去左呢間eat me bar 度食晚餐我地二話不說就點左呢個2人餐了加埋一都唔洗400蚊已經有湯有沙律有2個主菜有甜品同嘢飲了非常化算啊！.我地點左阿根廷紅蝦龍蝦汁扁意粉同慢煮頂級安格斯肉眼扒 呢個牛扒係加左48蚊轉配的如果唔加配既話豬鞍扒都好像不錯^^.意粉好大碟 加左洋蔥同魷魚好香如果再濃味啲就最好 蝦有2大隻 煎得好香牛扒點左5成熟配左小蕃茄同薯蓉 味道不錯牛扒少筋位 啖啖肉 重點係好大塊2人share都一定夠 牛味香濃。.甜品係一人一杯movenpick雪糕仲有得揀味添 落重本呀！甜品都可以係呢度食埋^^呢度環境都幾好 有特大投射mon可以聽下歌睇下mv 挺悠閒的。

今日同舊同事聚舊 搵咗呢間西餐廳 覺得佢環境幾好 傾計一流由於我哋兩個都好肚餓 就叫咗勁多嘢食 但令人驚喜嘅係 咁多嘢食之中 樣樣都好好味 冇一樣係會令人失望嘅第一樣一定要介紹嘅係 美式海鮮盤 入面嘅海鮮好新鮮 亦都好開心入面有烤車厘茄 大大粒好多汁 而且平衡到 海鮮肉類嘅滯 令到成件事感覺清新咗美式海鮮盤 $178跟住落嚟就係蜂蜜黑松露薯條 我哋叫咗薯條同蕃薯條雙拼 呢個有驚喜 佢將薯條嘅外皮烤到乾乾哋脆脆哋 然後上面有烤乾咗嘅 蜂蜜一層 好好味 送酒一流 不過如果黑松露味再濃啲就perfect喇 蜂蜜黑松露薯條 $58當然好戲在後頭 而家就講我最鍾意嘅頭三位 呢個沙律 大大嚿上面有個蕃茄 入面塞滿咗用醋同蘋果整嘅果醬 食落好開胃超清新 果醬亦都唔會做得太甜 成個組合好完美 大推西班牙原隻凍茄釀蘋果醬野菜沙律 $88然後就係呢嚿咁靚嘅威靈頓牛柳啦 佢個外皮做得非常脆 而且薄薄地 唔會搶咗嚿牛柳嘅威風 至於入面嘅牛柳 係完全冇根嘅 唔會韌 係入口即溶嗰種 食得出係高質肉 賣相都好靚哦威靈頓牛柳 $278最後就係呢杯我好鍾意嘅cocktail啦 佢個名好靚 叫佢snow 佢入面有荔枝

咁今日就嚟到旺角睇戲，順便食埋個午餐先入場，曾經聽人介紹過呢一間餐廳，話幾好食，所以我就過咗嚟。咁晏晝嘅時候就有set lunch, 價錢平均係60-$100左右,合理價錢。佢個lunch係連埋一個湯同埋飲品，咁我哋就叫咗凍檸茶同埋凍咖啡。咁我哋就叫咗煙三文魚野菌天使麵同埋牛油雞意粉，個煙燻三文魚幾好食，冇咩腥味，天使未同埋牛油雞意粉，個煙熏三文魚幾好食，冇咩腥味，天使面煮得幾軟身，又唔會過熟😻牛油雞意粉就味道普通，同埋有啲凍😿