深宵食堂

Open Now

Now Closed

第一次來這間深宵食堂，見到好評多多，懷著期待的心情試試，但點知好失望，首先價格相對貴，但性格比低，食物質素低，叫了燒年糕，整塊年糕都黑了，食落有苦味，燒得太燶，味道很一般，另外叫黑松露炒麵，價格$59，勁細碟，偏貴，味道太甜也是一般，燒紫薯串燒，皮偏硬同乾，真係好麻麻，但都要$28蚊，得個幾粒，又唔好食，另外叫了大板燒，也是4小件，完全無驚喜，得個甜，粉味重，小碟都你唔信😥😥，我只叫了4碟小食，但每碟份量都好少，但價格偏貴，質素也一般

整體來講個賣相可以😓😓😭每一個味道都唔係好夠味。但係味道一般。價錢唔係好值 份量太少沒有相中那麼吸引。🤦🏻‍♀️🤦🏻‍♀️建議味道可以重返小小會比較好啲☺️

本身都唔係咁想彈依隻顏色既鋪頭..但真係又貴又細份又唔好食..依個黑松露烏冬已經係最好食無餸 就係黑松露 菇既炒烏冬 手掌咁大既size..芝士蟹肉焗啡菇 - 本身見佢有炸/焗既啡菇 諗住食juicy啲就叫焗出到黎第一眼係上邊啲材料已經封唔到個菇第二眼係點解個菇乾到好似火槍燒咁.. 味道就..係囉...燒鱔算係ok 但咁樣好似已經72蚊燒茄子我又係呆左.. 一上枱，都幾大份，第二下，好似咁薄咁既？ 諗住都算啦 照食成條茄子係乾既 除左啲辣粉之外就係苦味我都唔明點解可以處理到咁..唔知講咩好 就算會偏向支持 質素都未免真係太差

環境唔錯，係細少少，老細服務幾好，好nice !芝士年糕真係一定要食，係我食過最好食嘅芝士年糕🧡脆脆地嘅表層然後咬入去又軟綿綿，流出黎嘅芝士好好食！芥末炸雞都可以嘅！炸雞翼都唔錯，反而我覺得豬腩肉就普通，有少少似火腩飯嗰啲肉，嗰個鵝肝飯俾我估中咗個鵝肝好細好細，不過$98想點？個飯就普通啦。最可惜嘅係嗰啲啤酒冇生啤得罐裝但係收$48仲要+1⋯咁就變咗好似唔係居酒屋嘅感覺。我寧願佢收貴我少少有生啤，因為去親居酒屋都想飲生啤⋯所以呢度有少少失望扣咗分。我啲相唔記得影太肚餓！食到一半先記得！🙏🏻

一直因為個名 就好想嚟嘅串燒店🤣但人都幾多 好幾次臨時book都冇位今次終於嚟到 可以一試佢地嘅野食食物總類都多 有蔬菜🥬 肉類 主食 同各式各樣小食野食同價錢我覺得都係正常串燒店價錢 芝麻雞翼好香口 基本上每次食日式野我都會叫 今次都合乎期望冇expect過嘅係五花腩燒得幾香幾好食 但唔記得影相🤪老闆仲送左個黃色頭盔鎖匙扣（其實係啤酒開瓶器）俾我地 整體而言係有心 不錯嘅小店☺️

第一次黎支持，入到去環境好好，平日十點後去唔多人。服務非常好，服務員很有禮貌，會主動幫忙收碟同提供公筷等。本來只係想食宵夜，想叫兩三個小食加杯啤酒chill下。點知愈食愈肚餓，就愈叫愈多。第一個點左蟹肉玉子燒，蛋香加上入面芝士好野味，就係因為食完依個我就愈叫愈多野。之後點左雞軟骨，少少咸，整得夠脆可口。最後一連點左甲羅燒，燒牛舌，吉列廣島蠔，竹筍卷，芝士大香菇。特別想提甲羅燒，份量好足，加上大大啖蟹籽，掍埋一齊之後搽上多士上面好特別。加上兩杯日本啤酒，最後埋單4百幾蚊，兩個人食人均230左右。本來想比貼士，但佢地堅持唔收。

裝修擺設各樣都好日本風，唔係望到繁體字餐牌都真係以為翻左鄉下，而且食落都唔錯😋嗌左台灣腸，菇，茄子，一口牛，雞軟骨，魷魚，紫心芋圓，炒麵同一杯忌廉，有讚有彈既；菇，一口牛，魷魚同紫心芋圓都好正，即燒/煮，夠熱而且加埋個調味都好夾，特別個一口牛唔會太老，夾埋個汁真心正🤤但個炒麵真心誇張…淋到粉團咁，加埋d調味配菜就似無魷魚既小丸子😔希望呢個可以改善下p.s.老細都好親切而且talk得，所以都推介！

店鋪在彌敦道旁，大廈的3樓，單幢式樓房所以鋪面面積比較細，可以容納32人，在繁忙的旺角中好像去了另一個世界。有一晚，獨食難肥。和風牛肉餅，$32，好熱好脆好好味。生薑燒豚肉飯，$48， 細細碗，我鍾意，可以有空間試其他食物。燒豚肉，很多肉汁， 肥瘦適中。啤酒，$48。一個人食，$141。另一晚，撐枱腳。蟹籽沙律，$78，幾大碗，正常味道。冰燒甜薯，$68，十分驚喜，甜薯煮熟了然後放入冰格，凍食很爽口，可以推薦這個。炸蟹餅，$32，外皮很脆，內餡不像其他蟹餅，是漿糊狀，有點奇怪，但可以接受。日式炒麵，$48，又鹹又甜，加上紫菜碎條，份量適中。深宵冷烏冬，$48，好味，其實可以很簡單。在吃以上食物途中，發現沒有肉類，所以追加鹽燒原條五花腩 $58，厚燒牛舌 $38。牛舌幾好味，花腩有點肥膏。兩個人食，$500左右。推介冰燒甜薯及生薑燒豚肉飯，點餐的方法是剔紙仔，有改善空間。 在旺角大街旁，好像走進日本的小餐廳，價錢中等，物有所值。

成日覺得食串燒好貴先食得飽🙈但今日黎到深宵食堂先發原來唔係想像中咁貴🥰仲要環境又靚，店內仲有好多我最愛既Figures😍😍本身岩岩睇menu既時候，個心都以為「咪又係咁🤷🏻♀」但啲野食黎到真係有啲surprise🤡看似好簡單既串燒雞翼，脆得黎又唔係好硬好戒口👍🏻個焗蠔我本身以為係一客一件🙈點知係有2件😂好有賺左既感覺🤣仲要好多事食焗蠔都係好乾，粒蠔好細架嘛～佢係超大粒同好多汁👍🏻個甲羅燒蟹膏勁多，配埋烤多士勁match❤個鰻魚飯仲要啲骨勁幼，啲肉好入味❤因為話說我早2日先食完一個好難食既鰻魚飯又多骨啲骨又硬又無味😭呢一個飯簡直令我對鰻魚有番少少希望🤧最緊要係係旺角，約friend敍一流

兩小口子搵嘢食今日嚟到旺角，坐低食下野傾下計，飲2杯，時間眨眼就過，餐廳裝修好好feel，好似去咗日本居酒屋咁，枱同燈都係用木，俾人好舒服平靜嘅感覺。豚肉露筍。豚肉燒得香脆，捲着嘅蘆筍爽脆，兼且有豚肉嘅香味，一件一口，的確唔錯，令人不期然一口接一口燒魷魚。香口，夠熱，但無味，要點個配汁。個汁酸酸辣辣鹹鹹地，點左汁味道就會無咁寡。芝麻雞翼。一般正常食到既味道，不過表面有的硬，如果有沙律醬配埋就最好鵝肝雜菌石鍋飯。有少少似韓式石頭鍋飯，鵝肝唔算大件，但菇菌就朔左啲鵝肝味，所以食落口係幾

星期五晚到訪深宵食堂 用餐體驗很不錯💛-評分（5個emojis為滿分）食物🤩🤩🤩🤩服務💁🏻‍♀️💁🏻‍♀️💁🏻‍♀️💁🏻‍♀️💁🏻‍♀️環境🎏🎏🎏🎏性價比🍻🍻🍻🍻-推介菜式厚燒牛舌：非常惹味 juicy有肉汁 非常推薦香辣豬頸肉：肉質粉嫩 另上咗個sauce 微辣但略嫌唔夠鮮味-軼事原本因為冇訂位被安排坐近廁所同後樓梯，聞到有煙味，都未同老闆反映，佢已經留意到，主動問我哋需唔需要調去窗口位，對客人嘅細心服務值得嘉許👍🏻-總結：值得一試嘅居酒屋🏮

呢間野充滿日本色彩，有勁多小食，今次叫咗燒菠蘿，甲羅燒 ，玉子燒 同朋友志在傾偈所以食小食啱晒！特別推介甲羅燒 ，即係蟹蓋加蟹膏加蟹肉加蟹子，即係食鬼晒人哋全家😅😅蟹膏夠晒多，夠晒濃，唔會好似出邊咁水汪汪！正必試

呢間日本居酒屋充滿日本風情，呢度嘅日式小食都好多，如有芝士蟹肉大啡菇$48、豚肉蘆筍卷$38、名古屋雞翼$42、鹽燒鯖魚$48。價錢相當相宜，值得一試。深宵食堂 呢度最出名嘅就係甲羅燒($78)啦！😎甲羅即係蟹蓋，蟹蓋裏面放滿左厚厚嘅蟹膏，每一啖都有滿滿嘅蟹膏味道，當然仲有蟹肉啦，仲有粒粒蟹籽啊！😻😻令到成個口感更加豐富🥰加上用烤爐燒過之後蟹膏香味更加濃郁，令人抗拒不了，平時都鍾意食蟹嘅朋友仔一定要試一試啊！

呢間黃店係同朋友吹水既好地方，食物都好唔錯！食物都好唔錯！————————🔸小食 $658我地4個人都食左幾多野，大部分都好正，係野飲偏貴😟呢到有d日本居酒屋feel，食住野慢慢吹水都唔錯👍🏻評分：🌕🌕🌕🌕🌘-芝士翠玉瓜 $28 🤩和風炸雞 $48 🤩紫心芋丸 $38 🤩鹽燒雞軟骨 $28👍🏻黑松露炒烏冬 $58👍🏻汁燒雞髀菇 $28 👍🏻芝士年糕 $38 大阪燒 $42豚肉生薑燒丼 $48生蒜台灣腸 $38 👎🏻厚燒牛舌 $38 👎🏻

呢到呢間深宵食堂，估唔到唔係深宵，都咁多人黎食，你見室內裝修咁「黃」就知喇，晚市大排長龍下，員工真係好似受左「懲罰」咁，做到不知時日。講下環境裝修先，木系裝修真係好掂好養眼，又有花花圍住個天花，都真係幾好睇，仲有d燈龍仔做襯托，同埋背景貼紙相，感覺好有台灣青旅feel，睇得出店主花左唔少心機去佈置。岐豆出爐，夠曬熱辣辣，仲有少少鹽係上面，真係正宗做法，同埋做得幾新鮮，唔係一早煮定放好耐。翠肉瓜，燒得好juicy，仲有芝士係上面，食落好夾好好味。鵝肝煲仔飯，食得好惹味，鵝肝d油脂混埋d飯黎食，夠曬惹味，索埋d菇既汁真係一流。本人最鐘意既串燒就係燒豬腩肉，雖然呢度既腩肉就唔夠肥，太多肉，但燒得都算幾香