一起食堂 (域多利皇后街)

Open Now

Now Closed

晚上來一個台灣口味最近成日搶機票 就係搶唔到台灣既平機票😭 唯有食住台灣嘢，望梅止渴🥹🥹特濃豆乳雞烏龍麵，豆乳清湯配嫩滑雞肉，食唔出有味精的味道！烏龍麵口感Q彈，十分推介👍- 麻辣香滷豬耳朵，經過多個小時烹煮，豬耳入味又香，當中的麻香充滿成個喉嚨！- 鹽酥雞，夠地道，咬落去仲會有少少肉汁流出來- 燙青菜，青菜上鋪滿滷肉，食起上來一口滷肉一口菜，唔會覺得好單調- 紅豆奶茶，紅豆有咬口，是懷舊的味道愛玉荔枝綠茶，入口冰爽又唔甜，是夏日之選這餐廳雖然菜式不是很複雜，但食得出好多心機位，如果你仍然在香港忙工作未能出及到台灣，不妨在這裏找一些原味道 🫶🏻🫶🏻

一直見評價咁好，都好想試，叫左個醉雞捲麵，豬軟骨飯，一杯仙草凍奶茶，麵同飯好明顯一早整定，上枱係暖嘅，個醉雞捲好硬好鞋，冇乜特別，豬軟骨飯係夠味，只係唔夠熱，杯奶茶ok正常。最大問題係我哋坐廚房門口隔近，冇關門，門口仲有幾個好近嘅垃圾桶🥶

今日突然好想食台灣嘢，同朋友係中環搵到呢間餐廳。1:00嚟到已經full晒，好彩仲有一張枱剩。望咗個menu好耐都唔知食咩好，因為太多選擇都想試OpenRice推介咗好多佢哋嘅小食，我同朋友又唔係好肚餓, 所以今次主打小食, 我哋嗌咗炸花枝丸、府城蝦卷、滷水拼盤同埋黑糖豬軟骨飯。食物上嘅時間差唔多，成枱都係嘢食🥰🥰🥰勁滿足！花枝丸同蝦卷勁好食，我同朋友都讚不絕口。豬軟骨好淋，飯嘅份量亦好多。我哋仲嗌咗愛玉荔枝綠茶同埋熱珍珠奶茶。我第一次飲熱嘅珍珠奶茶，比想像中好飲好多，叫咗半糖不太甜，味道同港式奶茶亦不一樣，個balance做得好好！我哋好貪心加埋升級組合＋＄14 自選＄28以下飲品＋＄14 芋圓仙草凍(迷你）份量真係啱啱好，太多反而食唔晒。總結嚟講，今次叫食物份量控制得好好，好味又飽10分滿足🥰

有時去開中環街市附近，都會見到呢間台灣菜勁多人排隊。今日終於準時收工食到佢既招牌紅燒牛肉麵，牛肉連根非常入味，感受到熬製左無數小時，就連配菜紅蘿蔔、白蘿蔔都注滿牛肉汁，湯底飲左一大半，而麵底用烏龍麵，爽滑彈牙。另外三杯雞飯都唔錯，雞球先炸過，再同紅椒、九層塔、洋蔥一齊炒，配菜都好惹味，醬汁甜甜地，味道小小似蒲燒汁。小食叫咗麻辣豬耳同肉燥燙青菜，豬耳本身有滷水汁煮，撈左麻辣汁同香莤，份量都唔少。青菜係油麥菜，肉燥係半肥瘦豬肉，肥瘦均勻，油脂重骨膠原，一口青菜一口肉燥，冇咁罪惡😆

餐廳：一起食堂地點：中環域多利皇后街（中環街市隔離）菜式：台式飯堂餐牌：餐牌簡單一張紙，有麵，飯，季節限定菜式，小食，飲品同甜品，自己剔紙落單。冇收加一。紅燒三寶牛肉麵 $102紅燒三寶牛肉麵大大碗，未食先聞到個湯好香，個湯完全唔油，味道微辣同微甜，唔錯。牛筋條有4條，整得好腍而啖啖肉；牛腱一大一細，中間有少少筋，骨膠原感重；牛丸兩粒，彈牙多汁。個麵係烏龍麵，烏龍麵其實好似烏冬，非常之滑溜，浸左湯所以較稔身。配有大大舊紅蘿蔔同白蘿蔔各一，仲有兩條新鮮小棠菜，另外灑上蔥花同鹹菜，加添味道口感。吉列海鮮冷烏冬拌柚子汁 $89呢個吉列海鮮冷烏冬拌柚子汁係夏日限定。吉列海鮮有吉列蝦三隻，炸得皮脆肉嫩，正！都有吉列蠔兩隻，一樣皮脆汁多，好豐富。伴有車厘茄一開二同黃蘿蔔漬物兩片，灑上紫菜絲同蔥花，增添日式風味。冷烏冬口感煙靱，個柚子汁另上。呢個柚子汁先係畫龍點睛，因為酸酸甜甜非常開胃，配冷烏冬食令人非常開胃！兩個主食都跟有3格小食，分別有中華沙律，迷你甜番薯三條，同嶡餅。迷你甜番薯真係又腍又甜，好味。滷牛腱 $48滷牛腱一客4件，滷得好入味，質感又嫩口又重骨膠原，好正。上面灑上蔥花同白芝麻粒。府城

👌🏻呢間餐廳開正係中環皇后街大街，晚市會打開大門迎客。某日行經門口，見到 6pm 入面就坐哂人，正好趕住醫肚，就入去攝位試一試佢～🤤👅 特濃豆乳雞烏龍麵 ( $ 89 )烏龍麵已經唔多見。更何況係豆乳湯底既麵食？見到就諗起韓國有名既豆漿面，最鍾意試新野既我緊係要點黎試下～🤗上枱就見到好吸引既米白色湯麵，麵上鋪排左幾件豆卜、青菜以及幾件厚厚既雞肉 🤩 整碗湯呈淡淡豆乳香氣，味道微甜，烏龍麵麵條幼細，彈性十足，而雞肉蒸燉過後清淡嫩滑，味道不錯 🤤👅 府城蝦卷 ( $ 32 )炸物小食，春卷包裹住蝦蓉，外脆內軟，雖然偏油，但伴主食正好 👍🏻🍹 愛玉荔枝綠茶 ( $ 28 )綠茶清澀回甘，荔枝味不算太突出，愛玉啫哩為呢杯增加左甜意，不錯既一杯飲料 🥰▫️◾️▫️◾️▫️◾️▫️◾️▫️◾️▫️◾️▫️◾️▫️一起食堂 (域多利皇后街)📍 中環域多利皇后街2號地舖#moooveat中環#moooveat台灣菜#moooveatcentral#moooveattaiwan#台菜#中環#central#taiwan #hkfood #hkfoodie #hkfoodblog #hkeat #food #foodie #hkres

<一起食堂> 📍中環🔸 估唔到香港仲有呢啲良心小店🔸市中心位置 💰💰💰性價比極高已經第二次嚟幫襯，臨近月尾真係糧尾之選 🥹 抵食夾大件！！！中環區嚟講，簡直係窮人恩物 💗💗💗花雕麻油雞湯麵($92) — 首先要講嘅係四件雞卷相當之滑溜 😋 湯底亦足料，而且麻油味極香，配料有冬菇、杞子、紅棗、薑。店家好細心，花雕酒另上，客人可以因應自己嘅喜好將酒倒入湯底，花雕同湯頭的風味非常之相融，小小甜嘅湯頭飲落十分滋補，令人回味無窮 🍲🍲🍲日式清酒蜆烏龍麵($79) — 清清哋想食簡單啲可以選擇呢個麵食，清酒同埋蜆肉自帶嘅鹹味十分之相配，烏冬麵吸晒湯底嘅精華，食落鹹鹹香香 🥴古早滷水拼盤 ($78) — 嘩嘩嘩！！！拼盤有牛腱、雞翼、豬耳、滷水蛋，都係講緊$78！！！我敢保證呢個滷水拼盤所有item都係好食 🤤🤤🤤 特別係豬耳，滷水汁好入味，超好食！平時喺外面叫珍珠奶茶，閑閑地都$4-50，Menus叫珍珠奶茶竟然$30都唔使 🤑 凍飲，仲要唔使加兩蚊！味道就正正路路台灣珍奶🧋，無好似出面咁多花臣野。

幾年前已經食過 覺得CP值高 芋圓又整得好食( ´▽｀)係時候出個post了～▫️特濃豆乳雞烏龍麵 [$89]試過一次之後就忍唔住繼續嗌本人超級鍾意豆乳湯😍所以本身已經好加分配烏冬真心最夾 雞卷肉質好滑🤍▫️烤台灣香腸 燙青菜 [$32 $30]每次食台灣野MUST ORDER嘅腸腸( ´▽｀) +老啦 點要淥個菜食 都幾大碟 生蒜片都真係好辣🤣🤣▫️芋圓仙草凍 [$42]芋圓嚟講真心幾驚喜！有啲紫薯蓉口感 軟糯得嚟夠Q彈 口感好不錯 仙草口感偏紥實 唔係滑luutlluut嗰隻 中藥感有加🤣我ok因為唔鍾意甜耶耶～重點推薦的都喺上面;3仲有嗌仙草奶茶同和風牛肉烏冬 不過就不推薦了~

再訪𝙘𝙥值超高嘅台灣菜上次喺觀塘食完一次之後念念不忘💭尋日喺中環行街經過見到分店～即刻入去翻撻🤣紅燒三寶牛肉麵： 😋🍜 一碗紅燒三寶牛肉麵，有牛腱、牛丸同埋牛肋條，食材新鮮💓都係咁好果日式清酒蜆烏龍麵： 🍤🥢 日本風味，入口鮮脆嘅蜆烏龍麵✨清酒蜆鮮味十足！仲要好多蜆 超足料～🫶🏻烤台灣香腸：🌭🔥 超脆口，外脆內嫩好似去咗台灣夜市咁食緊烤腸🙈愛玉鳳梨綠茶：🍍🍹 特選鳳梨加上愛玉清涼暢快 好𝙛𝙧𝙚𝙨𝙝～冷泡白桃烏龍茶： 🍵🍑 夏日必備滋味、清涼🍃融合白桃同烏龍茶 世一組合！無添加其他甜味 自然甘香 #白桃烏龍世一ෆ 推介菜式ෆ 紅燒三寶牛肉麵 $𝟭𝟬𝟮日式清酒蜆烏龍麵 $𝟳𝟵烤台灣香腸 $𝟯𝟮愛玉鳳梨綠茶 $𝟮𝟴冷泡白桃烏龍茶 $𝟮𝟰ෆ 一起食堂 （域多利皇后街）中環域多利皇后街2號地舖ෆ

好多年無去台灣，有啲掛住台灣菜，今天決定去台灣餐廳。其中最令我印象深刻的是他們的原條蒲燒鰻魚飯。鰻魚真係超大條，肉質鮮嫩一啲都唔會魚腥，燒烤得恰到好處，珍珠米超大碗配上蒲燒醬汁，真係好好送飯，兩個人食一齊share都好夠，好抵食。此外，我地都點了一點小食，府城蝦卷和烤台灣香腸。府城蝦卷的外皮炸得酥脆，內裡則是鮮嫩多汁的蝦肉。烤台灣香腸配埋生蒜片，味道濃郁而不膩。我還品嚐了肉燥燙青菜和芋圓仙草凍。肉燥燙青菜的燙煮程度恰到好處，青菜的清甜和肉燥的鹹香相得益彰。芋圓仙草凍則是口感滑嫩，芋圓口感Q彈，仙草味道清新，又係好大一碗。呢餐真係食到兩個人都捧住個肚返屋企。

中環域多利皇后街這間 一起食堂 充滿台灣風味 菜式很地道 而且選擇亦很多 👍👍店舖唔算大 裝潢充滿台灣特色🥰木系裝潢為主 菜色選擇亦很多 特意同老公過嚟黎一試食得台灣嘢當然要飲番杯奶茶啦 😍揀咗仙草奶茶 唔會太甜 茶味很香 仙草亦都好清爽🤤🤤主食簡咗 蔥油土雞肉飯 分量超級多😝😝雞肉嫩滑好香 蔥油很下飯 好大一碗 兩個人share鹵水拼盤有驚喜 鹵水入味 雞翼嫩滑 鹵水牛展很厚身 最愛豬耳 爽爽脆脆 正😍小食方面揀咗酥炸地瓜條非常甜 好香外酥內嫩最尾食埋個芋圓仙草凍 一上枱真係嘩一聲 成個湯碗咁大 🤣🤣份量超級足 三色芋圓亦非常q彈 紅豆香甜有豆味十分唔錯👍食物質素相當好，難怪六點半 Full House😌

去到見到好逼，放工時段。點知樓上有位，好彩問左問。上面有大臺，又有bar 台，所以唔使擔心。唔算好平都要7x 一個飯/麵。不過中環算係咁啦。上菜時間都好快，提左紙仔，5分鐘就有得食。叫左個烏龍麵（$79），唔講唔知，以為烏龍茶整嘅麵，點知原來即係烏冬😂小弟見識少，獻醜。都ok，幾清，多蜆不過有碎殼，同埋有沙。要小心食。又食左鹽酥雞。都ok，都算好食，脆。$48 算係咁。係d位有d坐得唔舒服，硬至於無得向後挨。😂

今日行完中環街市之後就在附近呢間台灣餐廳食晚飯，呢間餐廳牆上掛滿台劇掛化，充滿台灣特色。花雕麻油雞湯麵我們點了呢間招牌菜之一花雕麻油雞湯麵，香港好少台灣餐廳會有麻油雞食，所以見到立即點，呢個麻油雞麵湯底好濃郁，而且最大特色係加入花雕酒，好重酒味！麻油雞肉質嫩滑，吸取湯底精華。特濃豆乳雞烏龍麵另外我們點了特濃豆乳雞烏龍麵，呢個湯底同樣特別，用上豆乳作湯底主調，呈奶白色，好綿滑，用上雞卷配合幼身烏冬，呢個組合十分推薦。烤台灣香腸試台灣菜，我每次總會點上烤台灣香腸，外層帶點香脆，台灣香腸就係特別有風味。飲品方面分別點了黑糖薑母茶和冷泡四季春茶，前者補身暖胃，後者清新帶微澀，幫助解膩。下次黎中環行街可以順路黎試下！

同老公岩岩上星期六晚喺中環街市逛完食野，想食台灣野既心情而入左去，點知驚喜就係見識到台式日式菜加埋一齊既fushion.我點既花雕雞烏冬表面上係台式因為有冬菇同紅早，老公既原隻燒汁鰻魚飯加埋溫泉玉子愛玉荔枝綠茶感覺上有日式d 既main dish加台式飲品。老公個茶既愛玉仲可以對我黎講當埋係飯後甜品好大滿足！Loved everything so much that I think I would visit again!

台灣真係讓人有種慢活步調嘅生活感覺，所以喺繁忙嘅工作天，台灣菜或者可以調整一吓你嘅生活節奏。而作為中環嘅OL，呢間主打台灣菜嘅一起食堂就成為我哋近排嘅飯堂，食物高質，值得推介。麻辣香滷豬耳朵豬耳切得比較厚身，特別爽脆，麻辣度適中，唔會覺得辣到食唔到。吉列炸蠔即炸嘅吉列生蠔，金金黃黃，外脆內軟，入面勁juicy！花雕麻油雞湯麵花雕酒用木勺分開上，可以按個人喜好調整分量。湯入面有杞子龍眼紅棗等食材，所以湯底十分香濃。第一次食用烏冬做麵底嘅花雕麻油雞湯麵，比想像中夾！雞件係用咗無骨嘅鹽水雞卷，肉質嫩滑但唔肥，唔會令到成碗湯都係雞油。三杯雞飯雞肉無骨，係可以一啖一舊嘅啖啖肉。醬汁偏甜，不過撈飯食一流！愛玉鳳梨綠茶呢杯飲品偏甜，鳳梨味道好鮮明。仙草奶茶唔鍾意飲太甜嘅可以揀無糖，會飲到香濃茶味。