一起食堂 (域多利皇后街)

Open Now

Now Closed

有時去開中環街市附近，都會見到呢間台灣菜勁多人排隊。今日終於準時收工食到佢既招牌紅燒牛肉麵，牛肉連根非常入味，感受到熬製左無數小時，就連配菜紅蘿蔔、白蘿蔔都注滿牛肉汁，湯底飲左一大半，而麵底用烏龍麵，爽滑彈牙。另外三杯雞飯都唔錯，雞球先炸過，再同紅椒、九層塔、洋蔥一齊炒，配菜都好惹味，醬汁甜甜地，味道小小似蒲燒汁。小食叫咗麻辣豬耳同肉燥燙青菜，豬耳本身有滷水汁煮，撈左麻辣汁同香莤，份量都唔少。青菜係油麥菜，肉燥係半肥瘦豬肉，肥瘦均勻，油脂重骨膠原，一口青菜一口肉燥，冇咁罪惡😆