一起食堂 (域多利皇后街)

Open Now

Now Closed

琴日同朋友去完長洲，於黃昏乘船出中環，我哋揀咗一起食堂食晚餐，想食吓啲台灣嘢食，好似去咗台灣打卡咁。紅燒三寶牛肉麵係佢嘅主打食品，三寶有牛腩、牛腱、牛丸，個牛腩一層肉，一層肥肥地嘅肉，好好味，好有肉味，炆得好琳。個牛腱好林好滑，煙煙韌韌，好多骨膠原，牛丸都好有牛肉味。啲紅蘿蔔同白蘿蔔炆得好甜，好香。啲面係台灣烏龍麵，佢好似烏冬咁，但又好煙靭好滑，啲湯帶微辣，又甜甜地，係啲牛肉同啲蘿蔔帶出嚟嘅，味道好濃，超好飲，個texture好有質感，飲完又唔會口渴，真材實料。吉列炸蠔有四隻，份量好充足，啲蠔都好大隻，咬落好Juicy，啲皮又脆，又有啲沙律醬伴碟，係好好味嘅小食。炸花枝丸好彈口，佢嘅花枝丸好多魷魚肉係入面，好有質感，好惹味，值得推介。我哋又叫咗仙草冬瓜茶同愛玉鳳梨綠茶，個仙草冬瓜茶，味道比較清甜，真係小確幸，好清新嘅感覺。愛玉鳳梨綠茶味道比較濃，但係始終係綠茶，仍然俾人好惹味清甜嘅感覺，為我今個禮拜日帶來喜悅嘅感覺，呢場真係食得好開心，佢嘅價錢唔貴，位置又好，交通方便，值得一去再去。

中環依間台灣菜裝修得很有特色，星期日的下午6:30，已經坐咗八、九成客，叫咗特濃豆乳雞烏龍麵$89、花雕麻油雞湯麵$92、燙青菜$30、府城蝦卷$32、黑糖薑母茶（熱）$20，府城蝦卷我覺得好好味，外脆內軟，雖然份量唔多，得四條，平均$10多啲一條，但又真係幾好味，推介，花雕麻油雞湯麵，花雕酒另上，自己調節酒嘅份量，酒味幾重，特濃豆乳湯底我自己幾鍾意，濃豆味，烏龍麵幾滑，好似稻庭烏冬咁，雞卷也做得幾好，夠紮實，肉質也不錯，服務態度也幾好，雖然可能地段關係價錢唔算平，但值得支持.#中環#台灣#花雕#酒#豆乳#麵#yunmy#蝦卷#晚飯#dinner#chicken#雞

✨日式清酒蜆烏龍麵一上枱，我哋就真係哇咗一聲😂一大碗，爆多卜卜蜆，蜆嘅份量，多到遮住哂啲麵，而且每隻都幾飽滿，好正！烏龍麵有啲似稻庭烏冬，麵條通透有彈性，搭配清酒湯，味道清新。✨紅燒三寶牛肉麵三寶即係牛腱、牛丸和牛肋條，橙棕色嘅湯底濃郁，帶有甜味，有少少八角香，牛腱和牛肋條好入味，味道濃郁，唔錯。✨酥炸地瓜條同薯條一啲都唔同㗎，賣相金黃，口感酥脆，瓜條香甜，質感綿密，外酥内脆，好容易就一條接一條食哂😄

今日收工經過中環街市附近，見到有間台式料理，未飛台北黎食個台灣野先～餐廳有唔同既台灣電影海報貼係牆📽，以木做枱凳🪑，燈籠掛燈🏮，好有傳統台灣料理小店既感覺。🐔淨鹽水雞（小食）（$58）同小編平時食開既鹽水雞有啲唔同，佢唔係用雞絲撈青瓜木耳個種，而係醃好左既雞肉卷，凍食既，配菜有西蘭花、甘筍、木耳同埋粟米芯。呢個係小食冷盤咁既，雞肉好夠味，啖啖肉咁，幾特別～🍝麻辣雞肉乾拌麵（$79）配料有炸蒜粒、花生碎、麻辣醬、肉燥、香蔥，仲有鹵水蛋同埋好多雞肉，一黎到已經急不及待撈勻哂佢地。雞肉雖然唔算好嫩滑，但好夠味，係醃過的，少少咸味。麵係粗身彈牙，撈埋所有配料，好有口感，而且仲有掛麵效果。重點係麻辣味好香好出，食落唔會覺得辣但夠哂惹味，正！👍🏻👍🏻👍🏻另外跟麵有碗胡椒清湯俾你清清味蕾。🍜紅燒三寶牛肉麵（$102）三寶有牛展、牛丸同埋牛肋條，牛展牛肋條都炆到好入味好淋，份量亦好多，牛丸幾彈牙。紅蘿蔔同白蘿蔔都煮到幾清甜，個湯底唔會好咸，剛好，麵係彈牙有口感😋🍡芋圓燒仙草 （$38）（熱）好誇張，超級多芋圓，有地瓜、香芋和紫薯，全部都大大粒，Q彈Q彈的，煙煙韌韌，目測有20粒；而燒仙草好有傳統台灣風

一直book mark咗呢間位於中環既《一起食堂》，趁住去開中環呢頭，機會黎啦！😜餐廳裝修帶點台灣古早味道懷舊風，牆壁掛上台灣經典電影封面照，加上店內播放既台灣歌，風味十足！🤭餐廳以單點形式落單，有各式飯、麵、小食、甜品、飲品等等。以中環黎講都算性價比高〰️**+++**+++**+++**+++**+++**+++**+++**+++**+++**紅燒牛肉麵一場黎到，食台灣野離不開點都會叫碗紅燒牛肉麵試吓🤣 牛肉份量都幾多，肉質軟腍，湯底尚算濃郁。入口帶點微辣加上蘿蔔既鮮甜，唔錯喔！👍🏻特濃豆乳雞肉烏龍麵(必試!!)初嘗豆乳湯底既麵食，豆乳味十分香濃，烏龍麵煙韌有咬口，亦都幾掛湯👍🏻雞肉方面，小店好細心地已幫忙去骨，將雞髀肉整成卷狀，入口嫩滑。絕對值得一試！😜滷牛腱(推薦!!)牛腱大大件，厚得嚟又夠軟腍，而且滷得夠入味👍🏻芋圓仙草凍💜🧡🤍仙草凍份量十足，本身諗住應該一碗仔既份量，點知一上枱個portion令我好surprise😳 用拉麵碗盛載😯 我哋兩個人share都食唔哂🫣 比出面坊間既甜品鋪食到既更加抵食！♾️作為芋圓仙草控♾️既你，唔好錯過啦😍 有三款唔同既芋圓，大粒煙韌，完全無粉感

最近好鍾意嘅嘢呢你一間台灣餐廳 真係中環人嘅恩物呀 因為地點方便 價喺中環嚟講可接受又有質素 坐得舒服 充滿台灣特色感覺真係好似去咗台灣咁呀 啲嘢食又好味 今日放工約咗朋友嚟唔使book枱都有位坐原條蒲燒鰻魚飯啖啖肉夠曬份量 簡直回曬本喇 燒到好好味上面鋪滿紫菜 仲有珍珠飯流心蛋 送飯一流賣相真係好吸睛另外點咗個個貢丸湯有三粒貢丸湯底好清甜好好味加上啲香蔥 湯好有層次坐得舒服 食完可以去隔離中環街市行一陣happy hour搭地鐵又方便 所以一直係我放工約朋友食飯嘅首選

喺中環做咗嘢咁耐，都冇機會食到呢間台式小餐廳，因為次次無論係外賣或者堂食都有好多人排隊。今日收得早，就同咗同事即興過嚟食個early dinner。我哋六點半前到，所以唔使排隊。三杯雞飯啖啖雞肉，醃得入味，加上有炸過嘅九層塔同埋蒜頭，好香好可口。啲飯仲要大大碗，我哋最終係食唔曬。鹽酥雞🐤🐦🐦我好鍾意食雞 ，鹽酥雞基本上係我去台式餐廳必嗌嘅菜式。呢度啲鹽酥雞上枱嗰陣我又嚇一跳，因為又係好大碟，熱辣辣，食落去又係啖啖雞肉，炸粉薄薄的，件件都十分之酥脆入味。肉燥燙青菜🥬呢個係同事想食嘅，因為我其實唔係好好生菜。但係我一試，嘩！生菜好爽甜啊！ 加埋好香嘅肉燥喺面頭，但係佢又唔會油冧冧或者加好多味精，所以咁簡單嘅菜式又大大碟真係食得舒服。芋圓燒仙草（熱）其實呢樣嘢係我第一個落單剔嘅，因為我都係一個超級芋圓控。熱辣辣端上，芋圓好大粒，好飽滿，我哋不極都仲有，目測應該超過 25粒。咬落去口感十足，真係會咬到粒粒粉芋頭，同埋紫薯／番薯嗰種質感。燒仙草甘甘地，唔會太甜，同芋圓好夾。我哋食到好飽， 但係實在太好味，所以得返６粒（其實好大粒）我都要外賣裝返屋企。珍珠奶茶🧋🐦🐦我都係一個珍奶控，我要咗凍嘅同埋

收工行完中環Donki，見到附近有間台灣菜就走入去試下！見到入面都幾人頭湧湧，不過等左幾分鐘就好快安排入座啦😉👍😆呢度d食物好有去到台灣夜市feel，花多眼亂，最後揀佐呢幾款🤤🐮紅燒三寶牛肉麵🍜碗麵上黎已經聞到淡淡藥材味，入面材料都好豐富，有牛腱、牛肋條、牛丸、蘿蔔😆最出色係牛肋條炆到好入味，軟䧔得黎口感啱啱好！👍🐥麻辣雞肉乾拌麵🍜朋友話湯麵食得多，都想試下拌面！拌面既醬汁好濃厚，麵既質地爽口彈牙，撈勻曬每條麵都沾上麻辣醬好惹味！隨餐仲有一碗小清湯，一濃一淡幾特別🤤🧂鹽酥雞🐣份量好足料，而且新鮮熱辣辣！個口感啱啱好，唔會太多粉，好推薦大家試下😍😀古早滷水拼盤♥️呢盤滷水好入味，個豬耳好有口感，份量2個人share啱啱好😘🥰🥰芋圓仙草凍🍡身為芋圓控，呢碗甜品係必食！芋圓同仙草好煙韌，有口感！配合埋紅豆泥，簡直美味！📍一起食堂 (域多利皇后街)📍📍中環域多利皇后街2號地舖📍

星期五晚上到到都要排隊，終於搵到間即刻有得食噶餐廳。人都幾多，環境清潔企理，唔會地板油油。季節限定噶凍烏冬好正，冰凍🥶烏冬+柚子醋，哇，清爽。招牌花雕雞湯烏冬，普普。

發掘到一間用心嘅小店，淨係粉麵飯已經超多選擇，睇到眼花撩亂😎 值得一讚嘅係，除咗常見嘅牛肉麵同滷肉飯，仲有唔同特色湯底。🍜 特濃豆乳雞烏龍麵 $89睇個名都知道係健康之選，奶白色嘅湯底，唔會過分濃郁或清淡，係舒服既味道。烏龍麵有少少似烏冬，口感Q彈。而雞卷厚身啖啖肉，仲有啲「啫喱」，醃得幾入味。🍜 府城蝦卷 $32口感香脆，味道濃郁，一咬落去油香滿滿，可以額外再蘸沙律醬。🍜麻辣香滷豬耳朵 $48唔會過份辣，食得舒服。豬耳朵口感爽脆，配埋芫荽碎真係一流。-🍜 茉香綠茶 $28茶香味較重，唔會過甜，有少少茶澀味，但我係享受既🤓👏🏻

1️⃣花雕麻油雞湯麵花雕酒係另上的,客人可以自己選擇落幾多,或者試左個原味湯底先.湯底非常香,花雕酒好夾.雞件好大舊,冇骨的.仲有紅棗紀子,好養生.麵份量都夠多.💰HKD$892️⃣特濃豆乳雞烏龍麵湯底好白滑,香濃,麵質煮得剛好.豆卜索哂個湯好正.💰HKD$893️⃣麻辣香滷豬耳豬耳淋得黎有D咬口,味道唔會好辣,但好香.岩哂食唔到辣嘅人💰HKD$484️⃣芋圓仙草凍估唔到咁大碗,芋圓比出面餐廳大粒,好多紅豆.好抵食💰HKD$385️⃣珍珠奶茶係冇落冰,係雪櫃拎出黎的,所以唔會溝到淡哂,奶茶夠濃味💰HKD$24

這天同老公係中環想快食晚餐💡真係行經見到這間 一起食堂📍台灣菜都食comfort food之選，便決定快食🧡-有唔同台灣食物的小店，原來係免加一，好抵食✔️我揀左花雕麻油雞湯面🍜花雕酒另上，份量自己揀⚡️面質好滑~麻油雞份量幾多，真係啖啖肉😝推薦鍾意正氣口味既朋友試下🥢-老公點左蒲燒鰻魚飯，配冬爪湯🍚鰻魚配上醬汁，好厚實!😋份量好多!加上一隻溫泉蛋，用來配飯最岩🥚-我地再點了日式一口芝士🧀記住襯熱食，真係熱辣辣架🔥-飲品方面，我地分別點了珍珠奶茶🧋同愛玉荔枝綠茶! 經典台式飲品!以中環來說，真係好抵食既晚餐!不過真係以快食為主! 位置唔算太多⚠️

喺中環放工都會係食埋嘢先返屋企 其實用心發掘都有啲平靚正嘅好嘢食呢間台灣菜餐廳係喺中環街市隔離 地點好方便食完仲可以唔使逼地鐵返屋企 第一次來裏面裝修好友台灣風格 用木製嘅枱櫈感覺悠閒舒適點咗佢最特別嘅花雕麻油雞湯麵 花雕係另外自己慢慢加上去同埋啲湯底真係好香 麵好煙韌好有咬口 配料仲有好多樣生嘅中藥例如杞子 龍眼 紅棗等等 雞肉分量好多雞肉味鮮甜另外配個珍珠奶茶飲真係夠曬地道呀 好似去咗台灣咁 好啱送麵食甜品點咗個 芋圓仙草凍好大碗啱曬同朋友share 配料有好多有仙草 紅豆等等加上花奶好正 真係唔使飛到臺灣都食到有質素嘅台灣菜

今日做完gym係附近搵食，適逢星期日就黎到平時lunch hour經常要等位既一起食堂即使係週末，呢間平民台灣餐廳依然人頭湧湧，但就唔洗好似平時咁大排長龍Menu上見到一款比較特別既特濃豆乳雞烏龍麵($89)湯麵好濃豆乳味，去左骨既雞成卷狀，入口啖啖肉而且味道嫩滑另外要左蔥油土雞肉飯($79)夠香加上乾蔥頭非常入味，雞肉口感紮實每個主食唔止份量充足，仲配有三款小食：中華沙律、紫薯粒和黃豆蕨餅，食完絕對夠飽肚餐廳飲品選擇都唔少，跟餐我要左杯愛玉荔枝綠茶($24)愛玉口感Q嫩，綠茶清新解膩

朋友是中環上班族，我哋相約係中環娛樂行英皇戲院睇晚上8:30電影。咁就早啲一齊食埋個晚飯啦。呢間台式餐廳，主打都係啲食堂但快餐，肉燥飯、牛肉麵果啲。嗌咗個晚餐set, 係個黑糖豬軟骨飯 $79個豬軟骨就有兩大舊，但炆得唔算淋，軟骨嚟講，就偏細嘅，主要都係肉多，食落係有啲韌。隻滷水蛋就入味，蛋白部分唔係好硬，無擺過夜，應該係新鮮處理。個飯唔多汁，比較乾身，食落口係有啲口寡寡嘅。太寡果陣我要飲啖湯再食一啖飯先好啲。晚餐嚟講係幾飽肚，價錢平，但唔可以太有期望。