大家食 (Closed)

今日同妹妹為中秋做準備-買月餅然後原來佢話好趕時間，又肚餓，要食個快飯好久無出過油麻地嘅我完全無概念有咩食妹突然想起附近有間大家食開飯之下原來就係對面😂好多野揀呀樣樣都想食但眼闊肚窄邊食得咁多每張紙一個order，都幾好嘅好多學生都鍾意分單，唔使之後計(係唔環保啲😓)等食時見到好得意嘅造麵教學唔知返到望住啲漫畫自己做唔做到😂😂由於兩姊妹都都唔記得帶飲筒就要走飲筒！！妹食上海粗麵，食辣就梗係飲奶茶蘿蔔好甜無渣其實係起身第一餐，唔敢食辣，好素😂我點削搖麵，仲以為係刀削麵嘅朋友原來係屏屏麵嘅朋友，超鍾意！！話唔食辣，但送辣菜甫，唔係唔係呀

今日下午我們喺油麻地附近見完客之後，去咗現時點商場嘅「大家食」食下午茶！一開始我們叫咗十八會上海粗麵同3號三餸削搖麵，但竟然嚟咗兩碗都係一樣3號三餸麵，祇係麵有唔同！我們問店員點解會嚟咗兩碗一樣？店員用相當差嘅語氣態度咁話：「係咁㗎喇！有麵你就食啦！」我們就心諗：「今時今日咁嘅服務態度，認真差呀！」本來嗰刻我們想即時起身走，但又唔想「嘥晒」啲嘢食，所以唯有繼續坐低食埋去！蕃茄濃湯底嘅味道相當鮮味濃郁，材料亦好足料豐富有：鮮茄、炒蛋、爽滑嘅牛肉、金菇同滷得都幾入味嘅滷水鷄翼，上海粗麵嘅麵質好煙韌彈牙，而削搖麵係比較粗身嘅闊條麵，所以口感非常豐富，而且每條嘅大小粗幼都差唔多一樣，師傅嘅刀法真係值得讚賞！總括：食物嘅出品相當唔錯，可以感受到師傅係有用心製作，但店員嘅服務就應該要檢討一下，如果唔係嘅話，就會無論啲嘢食有幾好，都會畀呢啲店員趕走！

招牌手攪麵2018/06/28首次走入此店，店內如同舊式的快餐店，點了東坡肉手攪麵（$28）,加了（$12）生菜。約6片肥美的東坡肉片在麵內，滷汁香濃，有香甜的滷汁味，湯底有少少咸味沒甚麼特別，但手攪麵的麵條幼身，口感如同魚肉麵但沒有肉味的甜，又不像米線爽滑輕盈，麵條有一點厚實感。另外，加的生菜有蒜辣醬在面，非常嘢味，但底部的菜就機乎沒有味道。如果時間有限的食一餐飯，此店絕對能配合，菜式方面從餐牌看大多從健康出發，有蕃茄做配菜，加上麵食抵食飽肚，食物質素也不錯，手攪麵的招牌也有特色，值得一試。

尼間野我發覚近排D野食未道差左好多，仲有成日同你加料，前排D飯裡面有D洗碗棉，今日有D洛单纸喺D餸裡面，原本病了幾曰都冇乜謂口，諗住食返D開謂野茄蛋牛肉，刺激下個味覚，点知係刺激左D神經，即刻冇晒mood食，近排厨房果D人肯定本身好污糟，如果5係点会D餸会有D甘嘅野丫，到最后撹到冇谓口浪費晒D食物，都5系第1次先更加嬲，有D人可能覚得尼D好小問题，5需要成盒飯5食丫嘛，但你1諗到尼D野都捞得到洛去，有D咩5跌得唧，總之越諗越恐怖。

相信大家如果以家有去開旺角女人街都應該會見過呢間野，一直都唔知食咩同怕唔好食，所以咁多年黎都無勇氣入去試下！難得星期日去果欄行下，點知一出油麻地地鐵站就肚餓，為有睇下附近有咩食啦！比我見到呢間應該新開無幾耐既大家食，見佢門面幾新淨企理，就一於入去試下啦！原來都幾多野食架喎，有唔同既套餐又或者可以好似譚仔咁㨂餸同面！我就㨂左手攪面加狀元骨同鹹腩肉，仲加左$4轉做茄蛋湯底！茄蛋湯底真心好味！但骨同肉就普通... 無太特別！面底都足份量！下次會再黎食，要試下個削面先！呢到竟然有驚喜！

今日去食坐咗好耐都唔知揀咩食，好最後就叫咗個套餐想,.想話有肉食至少都＄50但都只係得雞肉唔食肉嘅話都係平幾蚊＄48左右一啲都唔平.話就話包兩款小食同一杯野飲但啲小食嘅質素真係極差.衛生條件極差啲小食一早預先擺喺出餐位隔離開放式冇嘢遮住.然後本身諗住帶嘢飲點知唔小心揀錯左,等到佢送過嚟嘅時候先至好聲好氣諗住問佢可唔可以幫我換返,佢睇一睇返我張單件係唔關佢事,然後唔理我話唔換得,因為唔啱飲嘅關係我一啖都冇飲過.果餐嚟到根本就好似喺屋企求其搵啲餸放落去煮埋一鍋咁.新鮮咪有新鮮感在係食刀削麵囉.其餘自選都要加成＄10或＄8蚊1個餸.......

放工後，9點左右到油麻地店及大家食，見冇乜人所以揀依間，入到點單後，想話要兩杯水姐，見d staffs圍埋一齊傾計，要用shout先聽到我叫佢地，咁都算 明明水就係條友隔離 伸手都可以掂到既距離 跟住佢話水係果度 自己攞 多謝曬。其實環境衛生都唔錯 老闆都幾好人樣 可惜d前線人員需要多加培訓xxxxxxxxxxxxxxxxxxxxxxxxxxxxxx

因為大家食個老細個logo，以及之前見過分店嘅裝修，一直斬有點兒卻步不過今次同友人行過呢間現時點附近嘅大家食，佢裝修咗，感覺比較良好，以及朋友話抵食，就入去試下其實佢同譚仔差唔多，有唔同麵揀同埋有得揀餸，比譚仔貴少少，淨麵20蚊，加麻辣加2蚊，餸就唔同款式唔同價錢最終受朋友推介，叫了麻辣茄蛋牛豬大腸手攪麵……有啲意外驚喜係估唔到茄蛋牛加麻辣個名好出，好有層次味道，呢個絕對係極佳配搭，難怪友人話每一次都叫呢個配搭喇，下次或者再叫辣啲先另外個麵質都可以，吃落口唔會太「林」，再者個麵都算大碗，由佢之前畀我嘅感覺，嚟到自己親身試，算係畀到自己驚喜大家日後如果想save money同吃飽，呢個都係唔差嘅選擇，唔一定只係得譚仔呢個選擇

已經有10 年沒有吃過大家食，剪完頭髮竟然於油麻地彌敦道見其店，一個人就入去試下。以前食大家食，兩件事，手攪麵加茄蛋牛無敵，加上價錢十分相宜，我這種窮人的恩物。今日再去，裝修upgrade 左沒有以前甩皮甩骨，直情抄《譚仔》。今次叫酸辣湯底，外加茄蛋牛，木耳，手攪麵。湯頭依舊濃，正（不是味精）手攪麵依舊彈牙茄蛋牛依然多茄好味很有「初戀」的感覺。當然，現在已經由1x 一碗變到40 ，就像譚仔一樣。但是如果有這個食物水平的話，我會重新投入<大家食>的懷抱！綜合評價: 食物>環境>員工*綜合性價比: Wow! 物超所值(幾好啊!唔錯,有機會一定再來)*性價比1.  抵!(不代表平)超乎想像的驚喜(嘩! 無論怎樣一定要再來! 抵啊)2.   Wow! 物超所值(幾好啊!唔錯,有機會一定再來)3.  正常, (可以, 但這個價錢坊間有很多選擇)4.  物次價高(都不是太差, 但這個價錢坊間有質量更好的)5.  有比較大的改善空間(填胞肚算, 失望)

今日係旺角行完街之後 由於太耐冇食熱氣野既原故,所以就去左大家食入面食米線啦~米線可以自己選擇咩餸,而咁多種餸入面自己就最鍾意食過山雞啦~ D雞炸完再加D秘制既汁~真係幾好食嫁~而小食方面我就叫左炸雞亦~D雞亦炸到金黃色~相信乂家睇見都想食啦!!

大家食這間店，在以前係出名平價的麵食。但現在已經增值了。在油麻地係就係好多選擇，但大部分都係歡迎遊客，最平民的煲仔飯，現在都唔再平民，價錢貴，質素難揣摩，我一個人想靜靜地食餐都好似好罪惡，因為佢地好急。今次見到這個平民麵，就試一試啦。首先要寫落單紙：和以前只向員工落單唔同，現在要手寫落單紙，像食車仔麵一樣，有好有唔好，如果有特別要求，其實都要和員工說明，那其實都係要煩到員工，又唔環保，個人唔太欣賞。選擇了麵食，佢地會比返張單你，你可以即時查證有沒有落準確。這個麵好似好大(可能因為個碗大).雲南酸辣其實都幾辣，雖然已經改微辣，下次應該唔會再改，因為都要加四蚊，雲南酸辣有白蘿蔔，呢個好特別呀。還有菜鋪可以添加。服務都算幾好，各姐姐都很勤快，可能有主管在場內睇住，希望可以一直維持。現在有個櫃會放食具，比以前好，以前成日會覺得那個筷子筒好像很污穢。總括：-服務有進步-食物質素有進-設施有進步-價錢就更加進步價錢真係比較貴，一個麵都差不多40蚊。

當晚自己一個搵食填肚,最岩就係食麵, 咁岩比我見到呢間新開, 又入去試下。叫左手攬麵+過山雞+麻辣湯底..其實完全唔知咩係過山雞食落其實係炸過既雞扒,味道比較重口味,連我都覺得有少少OVER。麻辣湯底其實有譚仔既影子,都唔錯既,不過湯底比較油(唔知係炸雞扒影響定係本身既湯底問題)麵有多款選擇,唔駛食死米線 如果想食米線以外,呢間都係唔錯既~

前幾日經過油麻地，見到有間“大家食”，佢地嘅手打麵好有名，所以就入去試下。舖頭都幾舒服，我同D朋友就叫左麵上海麵，好彈牙爽口，仲有配鹵水雞翼，無雪味，肉質唔錢，鹵水味都幾好;仲有至愛午餐肉，但D味道有些怪怪地，好鹹，霉霉地。佢地D麵底真係有水準，但配料則有待改善。

8年前果陣時小弟做part time, 係電腦展機緣巧合之下試左大家食, 開頭一入, 咦? 唔係大家樂? (果陣時都on居, 冇睇清楚招牌就入...XD) 不過一試, 又真係幾好食, 由其是個手搞麵(個湯底都唔錯)8年後, 上星期, 係高登討論區見到"大家食之亂", 令我心癮起再次去朝聖...XD入到去, 好光鮮整潔, 完全冇以前深水步果種up dup feel, 比較似一間茶記, 呢一點係抵讚叫左好出名果個鍋麵食, 30幾近40蚊, 等都幾耐下...一食, 嘩, D削搖麵好入湯, 好有麻辣湯的味, 唔會麵味過重冇左果種食麵feel (麵係應該夾雜湯汁, 而唔係得麵粉味)既有酸, 也有辣, 恰到好處, 唔會太過份地辣, 也唔會太過份地酸, 唔錯(不過唔知點解大家食好重視番茄呢樣食材, 眼見佢10個餐有8個半都有番茄, 可能番茄真係可以吊出食材的味來, 又或者呢個機密配方冇番茄唔得...)而湯底少少酸辣得黎又帶有牛肉的鮮味, 又有少少麻的感覺, 分唔出係搵咩煲出黎 (會唔會好似高登話真係恐龍頭骨煲出黎????)同東區的類似鋪頭比比較有特色, 好食唔錯唯一不滿就係呢個餐分量少左D, 兩淡仔