食德福海鮮私房菜

Open Now

Now Closed

今晚收得夜, 上完最尾一堂都成9點半, 約左個兄弟食飯, 就係正依間小菜隔離等佢,  有個呀姐走出泥話佢地新開張, 有晚飯有宵夜新開張仲有小食送, 既然係咁就一於試下佢。餐廳新開張光猛又乾淨, 樓上仲有包廂, 坐低左即刻開左茶比我地, 茶係酒樓茶葉, 唔係茶餐廳洗杯個D茶, 感覺良好呀~ 香辣豬耳仔 一黎先送碟小食, 雖然係送既但係都冇偷工減料, 加左蔥蒜辣椒芫茜, 又香又辣, 開胃又過癮。睇佢MENU有幾樣鎮店之寶, 叫左兩樣望落幾吸引既試下。金牌炸豬手皇名乎其實! 豬手皇份量超大, 拆左肉後連埋條骨無花無假咁上碟, 新鮮炸起, 真係炸到皮脆肉嫩, 豬手既脆皮同肉之間膠質非常豐富, 口感一流! 而且超級咸香, 食依個真係要即刻叫番枝啤酒OR汽水, 惹味到不得了!!! 一路食一路吹水既一流之選, 食到最後如果唔想浪費仲可以拎埋條骨番屋企煲粥食, 因為條骨都痴住D肉同膠質, 一樣咁咸香!冰鎮鮮果黑豚咕嚕肉估唔到食得又睇得,  賣相精緻, 鮮果同埋橙紅既咕嚕肉本身已經吸睛, 大廚仲加左乾冰, 賣相更靚之餘成個冷鎮感覺出哂黎, 更加吸引想快D將佢擺落口!  因為冰鎮關係, 咕嚕肉外層口感比平

隨住疫情旺角嘅深夜好似好難搵到好野食，今晚同男友行過就見到呢間新開嘅港式小炒-食德福餐廳望落都幾光猛，而且樓上亦有雅座及包廂坐位。呢度原來不只營業時間開得夜，更特意設有宵夜時段餐牌。 茶葉：鐵觀音、普洱兩款 鐵觀音茶葉有茶樓質素，飲落唔澀仲會回甘，值得一讚。餐廳凡晚市入座送乳鴿～宵夜時段則送一款餐前佐酒小食，還免收芥芥加一。贈送的餐前小食：香辣雞腎片 （價值$58）店員表示小食每日隨機轉款供應雞腎片指天椒調味都幾夠，香辣惹味。金沙脆魚皮 $68邪惡超香脆小食，咸蛋黃360零死角全覆蓋魚皮，每塊都大大塊，好滿足。香薯安格斯牛仔粒 $128呢款小菜都可以談得上大排檔名物之一安格斯牛仔粒食落大粒紮實，薯仔亦煎得通透，合格。 如果鑊氣再多番d 會更好！泰式生菜包 $78 港式小炒都有生菜包好有驚喜。炒肉碎的免治豬肉肥瘦拿捏得幾好，香辣唔會乾柴，味道竟然好食過好多泰國菜，大推。食德福小炒皇 $88我必點大愛小菜之一，亦同樣是大排檔名物。小炒皇大碟足料，亦都炒得夠乾身。配料有腰果、蝦乾、魷魚乾、蝦肉之外，還有很少見的貝柱肉同叉燒。 坊間好多小炒皇已索價過百一碟，呢度整體價錢及食物質素絕對值得一試

今日同男朋友喺旺角行街行到10點幾先肚餓，於是諗住去油麻地搵食，行過呢間私房菜，店員好殷勤話呢間舖頭係新開，10點之後宵夜時段仲有特價，見到都幾多人嗌小菜飲酒，於是試吓。呢張就係宵夜餐牌，同正價餐牌格格價，淨係豉椒炒蜆都平$20，確係抵食！而家新開張仲送小食，梗係要嗌支大藍妹啤啤佢！見到碟小食份量咁多已經有賺咗嘅感覺，涼菜有芫荽、蒜頭、辣椒調味，惹味到不得之好！一開始已經食唔停口。店員力推招牌菜冰鎮鮮果黑豚咕嚕肉，一上菜已經嘩一聲！啲乾冰煙真係謀殺菲林！食入口真係驚為天人，係我食過最好食嘅咕嚕肉！首先唔會好似一舊炸粉沾滿甜酸醬，立痴痴、硬骨骨，而係薄薄一層啱啱好，啱啱煮好嘅咕嚕肉用冰鎮着，糖漿即時冷卻，更加脆口。豬肉好嫩滑，同炸粉相連，一脆一嫩，送飯一流！值得一提嘅係連啲鮮果都好好食！種着好有心，出嚟問我哋覺得點，佢仲話佢哋唔係用一般炸粉，而係用米糠包住黑豚肉，同一般餐廳做法唔同，咁有心思，難怪咁好食！師傅話同一做法酒店要三百幾蚊，呢度只係$148！真心大推。呢個酥炸蠔餅，炸得勁靚，一睇就知好食，一樣係炸粉唔會過厚，亦都唔會過分油膩，真係好酥脆。好食過好多潮州老店。因為好鍾意食鹹蛋嘅關