食德福海鮮私房菜

Open Now

Now Closed

朋友介紹有間新開私房菜係旺角附近，價錢相宜又質素ok，放工約埋同事一齊食。.▪️芫荽肉碎蠔仔粥$128（例）例牌都勁大窩，起碼夠4個人食，入面勁足料唔會太咸，蠔仔超大粒同份量勁多，啖啖粥都食到蠔同肉碎，仲有d方魚乾，中意食蠔仔粥既朋友仔一定要試下.▪️干逼鮑魚雞煲$168 4隻新鮮鮑魚大大隻，食落爽口鮮甜，一定係新鮮既鮑魚，碗埋滑雞煲更能張鮑魚既鮮味逼出黎，順帶一提，d蔥段都好好食.▪️XO醬粉絲蝦煲$128 十幾隻蝦既粉絲蝦煲真係第一次見，粉絲炒得乾身爽口唔會太油，蝦係軟殼既可以連殼都食埋，好香好惹味

Happy Friday同朋友去了油麻地食小菜，順便啤一啤。疫情期間，很多餐廳都有特惠套餐，而這間都無例外，全日套餐包燉湯及炒粉麵飯都係$68。今日的燉湯是冬瑤響螺燉雞湯，原盅燉湯十分足料，有雞、豬肉、瑤柱及螺肉等，原汁原味，鮮甜無比，完全無落味精。另外叫了幾個送酒菜，沙律水果伴金沙蝦球，超多的咸蛋王包著炸得金黃的蝦肉，炸漿很薄又脆，蝦肉新鮮大隻又爽口。椒鹽鮮魷粉漿又薄又脆，鮮魷彈牙。乳鴿燒至皮脆肉嫩，又唔會燒得太乾，入口還有肉汁。

今天來到旺角逛街，看到OpenRice，知道這裏有間新開的私房菜，便來一試。香薯安格斯牛仔粒$138 ，薯仔表面香脆，內裏軟面，加上了安格斯牛肉粒的味道，和黑椒的香氣，非常惹味，不愧是鎮店之寶之一。不過本人口味偏淡，如果味道淡少少會更好。砵仔魚腸焗蛋$98，表面香脆，魚腸沒有腥味，因廚師用油炸鬼吸收了多餘的油份，運用了蒜片來增加魚腸的香味，這個傳統風味小菜，值得推薦。蒜香骨$118，平均脂肪分布均勻，外脆內軟，蒜香味道十足。冬瑤響螺燉雞每位$48 ，功效清熱消暑，材料豐富，包括有雞肉、豬肉、瑤柱、冬瓜和響螺，湯頭味道清甜，喝得出是用火慢慢燉成的湯。

搵食更係要便利，經過呢間#食德福，望入見佢乾淨企理，而且座位之間都相隔得遠，飲令人食得放心，於是便入咗去開餐先。#前菜雲耳，酸辣得宜，十分醒胃😉。#燉湯-金銀菜南北杏燉白肺-花旗參杞子燉竹絲雞湯好足料飲落清潤，沒有添加味精，沒有放過多啲鹽，唔會好似出邊嗰啲湯咁淡而無味。#秘製蔥油雞雞嫩滑大碟口感豐富，簡單的調味已非常好味。#黃金炸魚皮炸過的魚皮十分脆口，十分邪惡，咸蛋黃很香濃，送酒一流。#臘味炒芥蘭秋冬季節要食下臘味，配啱配芥蘭，炒得十分惹味👍。

今日喺油麻地上完堂就約咗朋友喺附近食下野咁行吓行吓見到一間叫做食德幅嘅海鮮私房菜好似都幾吸引就拉埋我朋友一齊入去食依家天氣凍凍地好多地方有得食羊腩煲不過出邊多數都要三百幾蚊起，但係呢度就唔使啦$200都唔使就有得食好抵呀！但係今日我哋就決定要打邊爐試一試呢度嘅招牌新菜式就係天下第一盅睇返餐牌天下第一盅可以三選二嘅配料嘅乳鴿用嚟打邊爐真係好特別所以我決定要試吓個湯底同埋配料一齊上枱嘅時候我都哇左一聲估唔到原來係用冬瓜盅嚟打邊爐！好有特色 仲要用埋乳鴿來做配料真係第一次！但係又估唔到乳鴿打邊爐係咁特別肉質好嫩滑而且湯底佢係用咗帶子蟲草菇同埋紅棗熬成，所以好香好講下其他配料先肥牛，成餐飯係我最欣賞嘅火鍋配料。估唔到唔使$200可以食到咁高質素嘅牛肉，油脂比例啱啱好而且油花好靚，入口即溶，擺盆有心思！鱔片廚師話原來啲鱔係佢哋自己養嘅，用鹹水養過三日嘅鱔片特別好食，唔怪得知一食落口感爽口啦蟹柳亦都做得相當出色好大條仲長過我隻手指🤣碌大概30秒食又係好正呢度除咗打邊爐之外仲有小菜嘅選擇所以選擇都好多我見到隔離枱啲小菜都幾吸引下次我會嚟呢度試一試佢最後不得不讚嘅係呢度嘅店員同埋店長超好禮貌會定時定候

疫情下，喺旺角又唔想去人多擠迫嘅地方食飯，我就同個friend嚟咗呢度食。呢間係中式餐館，餐館嘅位置非常好，喺砵蘭街油麻地站A1出口後面，喺旺角行過去都非常近。入到去，服務員殷勤地安排座位同幫我哋開茶，轉頭仲送上一份餐前小食俾我地食住嚟點菜雖然係送嘅小食，但都好大碟，雞腎咬落好爽好有口感，微辣味令人食唔停口，好味點完餐，好快就嚟咗份酥炸蠔餅，蠔餅金黃鬆脆，份量十足，配埋魚露認真美味！少少熱氣唔緊要啦呢盅湯係全晚最大驚喜！湯料多到滿出嚟，而且鮮甜美味，$48蚊簡直超值！鹽水鵝肉鮮美嫩滑，味度適中，值得一試。食咁多好嘢，當然要點返個菜平衡下啦，食完已經好飽lu 總結呢間餐館食品美味，店員親切，位置方便，環境舒適，嚟開附近值得一試

好多人以為油尖旺只係得彌敦道，廟街，其實砵蘭街都有不少的中菜館令你有意外驚喜。我見到店員在門口好熱情,見到有小炒都岩食就入店。自家製金湯豆腐呢個真係不得了，豆腐都係自家製，表層是菠菜蓉，豆腐有蛋味，煎封每邊，然後淋上南瓜蓉，中間伴碟仲有鮮百合，很有營養的菜式陳醋雲耳仔冷盤，辣辣地，岩曬食得辣的朋友仔，酸酸地好醒胃，雲耳仔爽口，夠凍。啫啫芥蘭煲芥蘭是時令菜，熱辣辣滋滋聲上枱，味道香濃，加入蝦乾，帶有咸鮮味，芥蘭很嫩很翠綠，配上惹味的肉碎，送飯一流泰式釀茄夾香口脆口岩曬後生仔女，茄瓜片夾著手打蝦滑，沾上炸漿油炸，茄子很滑口，點上自製泰式甜酸醬，微辣，酸酸甜甜，很滋味，好快清左一碟。砵仔魚腸焗蛋唔係每間中菜館都做到，選用新鮮的浣魚腸，肥美又大條，處理得很乾淨，焗蛋很香，蛋面的油條焗完勁脆口

和朋友去旺角逛逛買東西, 晚上又要煩惱吃什麼, 在砵蘭街找到一間小菜餐廳, 見招牌菜式幾合心水, 就選這間晚餐。餐廳坐空間闊落, 原來仲有二樓, 夠晒空間感在疫情下也不怕和鄰座距離近。第一次來這, 選了兩個填店之寶, 一個秋冬推介, 我們都喜歡吃特色野食。 香芋臘味夾$118這個是秋冬推介菜式, 印象中好像第一次吃到, 芋頭一片夾住一片臘腸或潤腸, 油香十足, 吃起來有種家的感覺, 秋天中滲出一點溫暖。不用太多調味, 簡單配搭已足夠。冰鎮鮮果黑豚咕嚕肉$138喜歡食咕嚕肉的朋友一定不能錯過這一間, 果然是填店之寶排第一位, 酸甜醬汁緊緊包著每件咕嚕肉, 口感帶爽黑豚味濃香, 滋味十足, 附送的生果也出色, 車厘茄爆汁, 菠蘿超甜, 火龍果也新鮮, 吃得出都是高質即切鮮果, 可以平衡肉膩, 果然是必點的菜式!金牌脆皮豬手皇$198好有份量的豬手皇, 三四個人也夠食, 外皮酥脆, 豬手肉嫩而不乾, 脂肪比例來得剛好, 蘸上酸甜汁或芥末汁更添美味。

今晚唔知點解好想食烏頭，原本想食個烏頭就走，點知同個老闆傾傾吓， 佢知我食得辣，就話俾啲菜單上面都未有嘅小菜我試吓__________________________🔹鹽燒烏頭 $128原條烏頭鹽燒、上枱前已經開邊起骨對於食魚怕處理魚骨嘅人黎講係一大福音不過都小心重有啲小骨架.味道幾咸鮮，肉質結實，大大條夠多肉。另外仲配檸檬酸汁，點左之後好有泰式酸辣明爐魚嘅感覺，建議唔使點太多。.🔹泰式生菜包 $98好香洋蔥🧅味，味道正正常常既酸辣。平時啲泰式餐廳成日都係肉多菜少，唔夠包，呢間就冇呢個問題。.🔹口水雞 $68難得地夠辣，有啲麻同傳統口水汁有啲唔同、混有少少薑同豆豉、帶點咸味雞肉扎實，一啲肥膏都無下面墊左啲手拍青瓜，幾解辣清爽.🔹餐前小菜每天不同既款式、呢個我地唔識係乜野，店員就介紹返話係貢菜輕輕既麻油味、同辣味，開開地胃出乎意料地脆、好咬到不行，鍾意食爽脆野嘅朋友唔好錯過

油麻地向來都是平民美食之地，跟旁邊的年輕人美食勝地：旺角完全迴異這家私房菜可說是比較實力派的一家，今年來到就是吃他們的火鍋老實說，很少見的超整齊火鍋MＥＮＵ，哈哈！天麻川芎魚頭鍋＄１６８，非常重味的一道鍋底，一個巨大魚頭分成兩邊，下面有適量藥材，湯底以咸香為主，輔以藥材味，還加了薑驅寒，一開始就可以喝，著實不錯手切肥牛＄１９８ 來自美國的手切肥牛，入口即溶，油花漂亮好吃，擺盤有水準，佳作水餃＄５８有點驚喜了，瘦肉，肥肉，菜的比例非常不錯，內餡飽滿豐富，外皮薄而不易爛，這肯定是自己包的吧！很好吃墨魚滑＄６８份量有夠大，比平日外面吃的多一倍！口感彈牙之餘亦不會有太多粉的感覺，好吃唐生菜＄３８份量不算多，但口感爽脆有水份，味道不會搶，跟湯底很配

成日食西餐，今日想食下中餐，搵左食德福海鮮私房菜做晚餐。我地6點半去到，已經有三四枱客人，都幾多客。呢度店長好Nice，推介下招牌菜，會同每枱客人傾計，了解菜式嘅滿意程度，感覺親民。我地叫左例牌鹽水鵝，小炒皇，估唔到中菜店都有生菜包，又試埋先。生菜包，唔會太辣或太重泰式香料味，反而用咗中式嘅方法烹調更岩我口味。小炒皇，裏面有配料十足，蝦、魷魚、腰果、蝦米，炒得好香好惹味。到壓軸出場鹽水鵝，鵝肉半肥瘦，鵝肉都滑嫩，呢種處理方法感覺唔會太油膩。搵到好餐廳真開心。

今日同朋友去油麻地呢頭行街，行經砵蘭街見到有好多舖頭，好耐冇食過羊腩煲，聞到餐廳傳出陣陣香味，好吸引好想食，所以同朋友決定咗食呢間——食德福海鮮私房菜😋雙冬羊腩煲 (優惠價：$238)- 羊腩煲好正，惹味得嚟一啲都唔羶，食到舔舔脷，同埋近排天氣涼涼地，食完成身都暖笠笠- 羊腩口感超豐富，食落啖啖肉- 配料都好多樣，有竹筍、馬蹄、冬菇，吸收晒成個煲嘅精華超好味- 醬汁都好有特色，好香腐乳味砵仔魚腸焗蛋 ($98)- 魚腸焗蛋好特別，出面好少見- 焗蛋表層焗都超級香脆，食落卜卜脆- 焗蛋香噴噴，魚腸份量好足料，夾埋一齊食口感好豐富臘味扒菠菜 ($98)- 菠菜超大碟，份量十足- 臘味都超正，有臘肉同臘腸，好香好惹味間餐廳都幾大，樓上都有位，空間都幾闊落。餐廳入面嘅光線都好充足，而且都幾乾淨企理，坐得都好舒服👍🏻整體食物質素都幾好，足料好食，環境都乾淨衛生，而且又夠光猛，真心唔錯😆

油尖旺一帶的地方不愧為香港最旺和最有人氣的地方，每次去到都會看到不少大大小小、形形色色的食肆。今晚行經這家位於油麻地砵蘭街的海鮮私房菜館，環境光猛企理，座位間距寛濶。餐牌上有各式精美小菜、煲仔菜、燉湯、煎炸香口菜、秋冬時令菜和海鮮等。除此之外，晚飯和宵夜時段更推出多款優惠推介，價錢相當吸引。自家製金湯豆腐（HK$118)👍👍👍👍👍這款自家製金湯豆腐是鎮店之寶其中之一，是大廚瞓身推介必食之選。豆腐表面加上菠菜蓉，金黃的外表活像一件件金磚。金湯是南瓜湯做成，味道天然清甜，配合鮮百合不但令菜式加添爽脆的口感，還增添健康元素。桑拿鱔（HK$168)👍👍👍👍👍這款桑拿鱔會在客人枱上從生煮至熟，首先煲內放入了大量燒至火盪的鵝春石，然後放上一盤新鮮鱔片，最後蓋起煲蓋，淋上冰凍的啤酒。當啤酒倒在煲上，香噴噴的酒香瞬間充斥面前，焗大概半分鐘，就可以吃到鮮嫩芳香的鱔片，簡單調味加入蒜蓉、薑絲和芫茜已十分美味。咸魚茸芥蘭煲（HK$98)👍👍👍👍秋冬時份，芥蘭是最合適的時菜，咸魚茸內有蝦乾、辣椒和蒜蓉等，十分惹味。冬瑤響螺燉雞（HK$48)👍👍👍👍👍這款燉湯有冬瓜、瑤柱、響螺、瘦肉和雞件原盅燉製。清甜的湯水既

今日係食德福海鮮私房菜 吃嘢，生菜包的餡好足料，白灼蝦 分量好多， 味道好清甜仲有最鍾意的麻辣水煮魚 ，魚肉好滑身，無咩骨，吃落去都好清甜鮑魚好大隻，肉質好爽口，等限聚令解除再來吃過

我自己就好鐘意食大排檔嘅，因為覺得啲小菜夠鑊氣、特別惹味，不過屋企人成日嫌大排檔環境簡陋又熱，成日都唔肯陪我去。到底點樣可以一次過解決呢個問題呢？就係搵一間食到大排檔風味而環境又企理嘅餐廳啦！有位朋友同樣鐘意大排檔風味，佢話前排食過一間餐廳唔錯，而且宵夜時段仲有特價，所以約埋佢夜晚嚟邊食邊吹水！香辣豬耳仔（宵夜時段免費，本身價值$48）叫左嘢冇耐，店家就送上一碟餐前小食。本身以為嚟錯，原來係送嘅！好開心！因為我好鐘意食爽脆嘅豬耳！個汁香辣惹味，食到有芫茜、蒜蓉、辣椒。以小食嚟講，份量都幾多。豉椒炒蜆$98一嚟到就流晒口水，係大排檔嘅味道！蜆好新鮮，冇沙，全部都開晒口。每隻蜆都沾到香濃嘅豉汁，唔辣不過好香！冰鎮鮮果黑豚咕嚕肉 $148店家大力推介呢道菜，話係鎮店之寶咁話！上菜見到比想像中大份，而且佢唔係只係隨便放啲冰喺下面就算，仲有乾冰！啲乾冰煙一路散，效果都好迷幻下！女士們可以打卡😂冰鎮過嘅咕嚕肉外脆內軟，個炸粉好薄，緊緊包裹住嫩滑嘅肉，唔會甩皮甩骨咁，口感好，醬汁又開胃，送飯一流！泰式豬頸肉$78同為食肉獸，大家都將食肉呢回事進行到底。食完咕嚕肉再嚟多個甜甜酸酸嘅豬頸肉嚟佐酒！份量同