Ebeneezer's Kebabs & Pizzeria (香港中文大學)

Open Now

Now Closed

之前係hku太古樓食過（不過已經執咗）今次試吓中大依間由於唔係好肚餓，淨係叫咗小食咖喱角同埋薯條，比完錢之後佢哋即時炸，等咗幾分鐘，新鮮熱辣辣上碟咖哩角食落去有啲辣，愈食愈覺得辣薯條就新鮮熱辣

冇乜幾可入咗去中文大學嗰度做嘢，午飯時間同個朋友去搵嘢食真係人生路不熟，同埋啲響嗰邊做嘢嘅人一齊行落去搵嘢食，去到呢座大樓嗰度得兩間嘢食，一間係食比較大路嘅茶餐廳嘅嘢食，另外一間就係食清真嘢。我身邊嗰個朋友話冇食過，見到佢雖然多人，但係等咗一陣都有位坐，所以就去咗呢度試吓。我朋友就叫咗一個牛肉Kebab, 我就叫咗一個羊肉Kebab. 等咗唔夠5分鐘就有得食，包裝好好，打開仲係好熱嘅，味道都好香，份量亦都好足夠，我哋都係要咗辣味嘅，重點係如果唔食辣嘅千祈唔好嗌，因為都真係幾辣。不過整體嚟講都好好味道，亦都食得夠飽。

第一次食中大「清真can」 之前聽啲同學推介既特色中東食😆主打中東和印度菜，出名薄餅、咖喱、卡巴等清真食物，吸引本地同學品嚐異地風味去到見張紙巾寫咗好多唔同嘅地址香港定澳門都有分店，原來全港十幾間分店既連鎖餐廳，果然第一次見咁得意既紙巾😝😆多種口味既野食，如羊肉，串燒雞肉、雜菜硫豆等，味道唔錯🤤種類選擇都幾多，同埋廚師們都系正宗當地人除左適合無肉不歡既朋友仔，餐廳都有提供素食選項如哈羅米芝士沙律、鷹豆蓉配中東包等。所有餐點均可自行選擇辣度，不愛吃辣的同學也能一嚐由獨特香料炮製而成的食物如去左一趟異國美食之旅📋留意呢間只可以畀八達通📌燒雞肉配飯 $36.4青芥末沙律醬😋味道酸酸甜甜😜幾開胃 啱送飯同埋沙律菜沙律菜🥗🍅幾條生菜➕1粒蕃茄菜嘅份量有啲少😅除非轉沙律估好啲 飯粒🍚好特別-好尖、好長形💫發現新大陸💥小知識印度香米（Basmati）1️⃣常用於黃薑飯和抓飯中，很適合搭配咖喱。 「Basmati」源於梵文中的「香」字，因其蓬鬆的質地而聞名。 每粒細長的穀物粒粒分明，更讓咖喱和醬汁能更均勻地包裹住每粒米飯。2️⃣味道：清淡帶堅果味3️⃣營養價值：相對一般白米為健康選擇- 磨米的過程保留外層的黃色

自從呢間Ebeneezer's 冇得買單一塊嘅Pizza之後（只可以成盤咁買～）就一直都冇機會試呢度嘅清真pizza終於搵日同朋友一齊來食，結果Pizza比想像中細塊🙈不過都幾好食！算係同朋友一齊share好好嘅選擇！！而呢度嘅Kebab 亦都唔使講非常之好食我叫嘅係魚肉卡巴(Medium Spicy)，冇想像中咁辣而且層次好豐富不過朋友叫牛肉卡巴（都係Medium Spicy）但係覺得非常之辣🙊所以唔食得辣嘅就要諗清楚先嗌啦～另外有燒雞肉飯雖然整體有啲乾，但係三種醬料都好得意👍🏼唯一有啲不滿的地方係餐牌有啲唔清晰，餐牌價錢會唔一樣🙊

已經有差唔多一年冇食羊肉卡巴啦！成日都好掛住佢個味道，但係就要搵機會先可以嚟到幫襯！今日飛雲終於嚟喇！咁就照舊羊肉卡巴啦！落完單之後企喺度睇住姐姐整，佢嘅手法純熟，好快就卷好一條一條卡巴，仲會放入焗爐慶熱一下先俾客人的。今日姐姐嘅手勢都唔錯，落咗好多紅辣醬同青芥末醬俾我。羊肉飽滿多汁，一啖咬落去，口腔內充滿醬汁嘅味道，再混合咗西生菜、番茄同洋葱，口感及層次感非常豐富！呢間清真認證餐廳除咗羊肉卡巴外，仲有雞肉和魚肉卡巴。另外，也有沙律、薄餅，任君選擇嘅呢！

🥗 燒雞肉沙律讀得中大梗係要試下佢啲can啦！同學第一間帶我食既就係清真can😋雖然佢係以kebab聞名，但真係太難影得靚😐今次試左沙律點之都超驚喜😳其實所有野食既重點都係佢既三色醬🤫講唔出係咩味，但係叫辣真係辣得好過癮😍試過羊肉，覺得雞肉最好食🤪🤪重點係咩，cu食價錢比出面平好多😭完美既學生飯堂😝😝😝

這間餐廳是中大人所叫的清真can,作為year one freshman 當然要試下。餐牌裏面有分kebabs, meat with rice or salad or French fries.我叫左一個雞肉kebab，非常美味

中大清真Canteen | Ebeneezer's Kebabs & Pizzeria 🌯📍中文大學李慧珍樓G05室平時食得飯多都想食下「立雜」野、輕食😂 依間清真餐廳係港島果邊都有分店，但係大學食當然係平啲😆👍🏻 但食物都係即叫即整，好新鮮，都幾好味😁 不過餐廳都幾細間，午飯時間好多人😂🔸 烤雞肉🍗 配薯條🍟 | $38超級邪惡之選😂－ 薯條即叫即炸，好香脆！ 配上唔同既白醬、青醬，有少少似流質既沙律醬，溝均食好滋味😋～ － 今次揀左辣，所以有橙色既辣醬，都真係幾辣，唔係過下口癮果種😂 不過即使食唔辣，都好好食🤣 但雞肉就唔係滑～ － 除左薯條外，都可以揀飯，不過個人覺得飯有點乾😅～－ 而價錢黎講，係canteen之中唔算平，38蚊唔連飲品，但始終抵過出面食😛😂

這間是連鎖的中東菜餐廳，我以為食物質素尚算有保證，想不到有意外‘驚喜’😅叫了一個咖哩雞肉飯（$32），以大學飯堂的價錢來說較貴，但尚算合理，看餐單的相片賣相不錯。下了單，找個座位，幾分鐘後就可到廚房拿取食物。當時看到這個飯有點遲疑，因為跟餐牌照片挺不同，但侍應指這個是咖哩雞肉飯。咖哩是挺香的，但不算很濃，有幾件雞肉，味道普普通通。飯的份量真的很多，我最後只吃了三分之一的飯都覺得很飽了，希望餐廳可以溫馨提示食客可選小飯。整體來說其實味道還不算難以入口，但假如能夠改善賣相（至少增加跟餐牌的相似度），我想食客會更加滿足。

不知為何一向對中東印度的食物情有獨鍾，所以特地去中大時指定來試試，果然沒有失望，大大卷的雞肉kebab, 和朋友share吃也足夠，很足料又好味，下次再要試試其他味。

Ebeneezer's Kebabs & Pizzeria 不知不覺間原來在眾多大專院校也插旗了, 以前我只知道中大和理大有, 原來HKU 也已經有這間店我通常只會去大專院校 的店舖吃, 其他地方的就不會特地吃 (始終鋪租地段價錢平貴也要考慮)。中大的Ebeneezer's Kebabs & Pizzeria 在李惠珍樓, 是在崇基裡, 但比較「隱世」外人可能要問問學生才懂到。店鋪面積不大, 如果中午時全坐滿學生是很嘈的。至於我今日叫的食物, 是燒雞肉沙律, 有椰菜蕃茄青瓜紅蘿蔔等等,有兩種醬汁, 一種是青色的, 另一種是白色的, 白色的好像是garlic sauce,  溝埋一齊食就可以了,唯一美中不足是,雞肉是一包包already prepared 的, 店員連膠袋一袋雞肉就放進熱水裡去弄熱,而我不知這店那款雞是用後面的爐燒的。所以, OK 吧, 還未至於太差的。

想當初係歐洲exchange個陣 麥記都要80蚊港紙一個餐 因為食唔起 所以經常食學校canteen 40-50蚊港紙既kebab返黎香港之後因為少見 所以都好少買黎食今日突然想食 咁啱上堂附近就有呢間清真can賣kebab 於是就一個人買黎回味下之前食過兩次 兩次都係食雞肉 今次就試左羊肉 等左10分鐘左右就有 個kebab大大卷 煙韌既餅皮烘到有少少香脆 包住大量切碎左既蔬菜同片片羊肉 加上千島醬調味 完全係一啖接一啖不過個kebab真心大卷 女仔既話 建議分一半食

作為學生，係各個大學校園遊走，參觀下比對下好正常之前係城市大學都食過呢間清真嘢，好好食，今次嚟到中大，發現menu一模一樣，所以又想試下佢揀咗雞肉kebab，同串燒雞肉分別唔大，感覺上冇咁熱氣可以見到餐廳入面嘅人幫你包，包完就夾住佢放入烤爐度烘熱，最後加多個保溫袋俾你拎上手嘅溫度絕對增加咗食佢嘅意慾雞肉份量幾多，但我更欣賞嘅係佢新鮮嘅蔬菜，洋蔥，蕃茄，生菜同埋啲醬撈埋一齊食好似食緊好fresh嘅沙律咁包皮軟硬適中，同埋啲綠色嘅醬一齊食好香，有少少似係南餅沾咖哩不過因為打直食個kebab，所以食到尾嘅時候會發現好多醬流哂落底部，食嘅時候就要小心啲啦

落堂順便食埋野先走！想食d特別野就決定食中東野！不過等左好耐先有！成個kebab 都好好食！個餅皮好香又好軟！羊肉粒粒都好香，但又唔會有陣騷味！加埋入面既菜同薄荷醬！成個kebab 都好好食！

今日路過中大，諗住去食清真餐廳。尼一間其實係好多地方有分店既，不過中大果間離我屋企最近，所以我一早就想去試下。行入中大，差唔多5分鐘度，到李慧珍樓G層搵到尼一間。舖頭唔大，但都多人既，清真野食好似羊肉好出名，雖然我最近有少少熱氣，都叫左羊肉卡巴，medium辣。等左幾分鐘就去櫃檯領野食，睇上去好似都幾大既，外皮溫熱，脆脆地，中間夾左生菜，羊肉同埋生洋蔥，加小小蒜蓉汁，薄荷汁和小小辣椒粉。我平時食開辣既，所以覺得medium好似完全唔辣，薄荷汁奶味比較重，可能中和左辣味，羊肉係冇加過香料既，比較清淡所以更加凸顯羊既味道，咁我係接收到既，總體唔錯，41蚊，平過出邊其他分店，但係我建議堂食，外皮凍左之後可能就唔脆唔好味喇，成個卡巴好似一個羊肉卷，比較似快餐。我都有見到好多中大學生叫左飯離食，就係飯上有鋪一層羊肉/雞肉，跟住加生菜，最後淋蒜蓉汁同薄荷汁，就好似將卡巴既外皮換成飯，都唔錯