Ebeneezer's Kebabs & Pizzeria (香港中文大學)

Open Now

Now Closed

已經有差唔多一年冇食羊肉卡巴啦！成日都好掛住佢個味道，但係就要搵機會先可以嚟到幫襯！今日飛雲終於嚟喇！咁就照舊羊肉卡巴啦！落完單之後企喺度睇住姐姐整，佢嘅手法純熟，好快就卷好一條一條卡巴，仲會放入焗爐慶熱一下先俾客人的。今日姐姐嘅手勢都唔錯，落咗好多紅辣醬同青芥末醬俾我。羊肉飽滿多汁，一啖咬落去，口腔內充滿醬汁嘅味道，再混合咗西生菜、番茄同洋葱，口感及層次感非常豐富！呢間清真認證餐廳除咗羊肉卡巴外，仲有雞肉和魚肉卡巴。另外，也有沙律、薄餅，任君選擇嘅呢！