一幻拉麵

Open Now

Now Closed

這家店服務台的女店員態度惡劣。那天我們打算在這家店用餐。排隊等餐輪到時，我們去店門口查看，服務台的店員讓我們出去，並告訴我們沒有叫我們進來就自己進來就必須重新排隊，也不聽我們解釋，就讓我們重新排隊。如果店裏有這個規定就應該在門口寫個公告知會客人呀！如果害怕有人插隊可以取號等餐。為何讓無辜客人承擔等餐管理混亂的後果！

終於食到海港城呢間一幻拉麵🍜預先喺OpenRice訂位一落到去就居然可以坐到海景位（19:30）-Lucky Vicky我相信所有人都係唔想用腦都係會叫拉麵套餐㗎啦所以我同朋友都係叫咗一個二人餐（$288）一個就係散叫（$128）-份量都真係幾足，啲麵好似食極唔完我自己就加咗啲叉燒，湯底好濃有少少油膩，所以飲唔晒加埋呢個景真係超值，開心

因為想要一個海景餐廳，這次和朋友到了海運中心的一環拉麵吃午餐他的環境，和衛生都10分好，他是其中一個坐海運大廈的海景餐廳，他不設預約，只能在進入餐廳的時刻看那邊有沒有位置？我到達時剛好窗邊的位置沒有空位，我問接待的店員可否在窗口位用餐完畢的客人走了後換位置，他說可以。但我用餐到一半的時候問另一個服務員可否換位置他就說要到外面重新排隊。食物方面味道是可以的1 期間限定蝦湯拉麵我朋友吃了大蝦拉麵相當可以，又外觀到味道他都滿意。尤其是他的湯底是滿滿的蝦味。2叉燒飯由於我對蝦敏感，所以我吃了叉燒飯，味道可以價錢相當優惠。以海景餐廳來說，這拉麵的性價比十分高。唯一令我不快的事第二個服務員的態度不友好，無論我是香港人或是內地人態度都一致

用左$128係open rice 買左個套餐優惠卷, 真係好抵食, 有拉麵, 有餃子, 沙律, 有汽水, 有甜品。散叫真係唔只呢個價, 重要唔駛加一。食物品質都唔錯, 食完暖笠笠, 環境同服務都好好。

海港城的「一幻拉麵」是一個重口味的選擇，濃郁的湯底，但會讓人口渴。但係飲完酒冬天又覺得OK。另外餃子皮薄餡靚都幾好食這家日本拉麵店擁有一望無際的海景，特別推薦選擇幼麵，搭配以蝦為主的湯底。

食咗推介的龍蝦汁車海老蝦湯拉麵兩隻蝦啲肉都係霉的！上來睇返其他人的食評發現有同樣情況碗拉麵冇特別野，正常，只是唔值呢個價錢，同埋食完有少少口渴。不會再來，不推介

我本人比較鍾意食濃味嘅拉麵，今次一碗拉麵都幾滿足到我，佢哋個湯底係用咗櫻花蝦，另外配3塊豚肉同糖心蛋，豚肉都腍身，我覺得整體都算幾好食，拉麵都幾有咬口，幾好食！店舖仲有少少小食揀，拉麵款就冇話好多。

今日去左海港城呢間一幻，叫左兩碗龍蝦湯蝦拉麵。湯底一般，湯少。正常黎講兩碗兩隻大蝦先係主角，但係兩隻蝦既肉質地係梅。梅到啲肉淋到不得了，甩左殼之後，啲肉散曬。呢個價錢完全唔值得食。餐廳個餐牌仲話推介呢個麵，真心中伏！

一直以來都覺得一幻拉麵水準穩定，初時的梘水味問題，已經有大幅改善，而且不時有限定口味推出，令人保持了新鮮感。其實囝囝好鍾意食拉麵，早幾年前去日本，囝囝對住ipad督督督，結果竟然督了兩碗的份量，真係笑死。今次一行三人去尖沙咀的分店，一來地方就腳，二來行出碼頭可以照下夜景，一家人散下步都幾舒服。最啱囝囝自私食既一人餐（$128）。櫻花蝦酢汁配粗麵店方主打的菜色，兩隻櫻花蝦配以叉燒，置底是蝦酢汁，食之前當然是大兜亂，食落幾開胃，毫不覺膩，不錯。套餐只得餃子3隻，下點醋更鮮，不過三隻不太夠。蟹棒蟹籽沙律（凱撒汁）大大條蟹棒，當然要動手腳，撕開一條條拌勻，多了一份甜味更好。加$20可換梳打汽水，而且有好幾款味道，囝囝就來一枝蜜桃味。二人拉麵套餐（$288）可以自由選擇兩款口味。辛辣味噌蝦湯拉麵（粗麵）在原有蝦湯上增加了辛辣的味道，感覺上層次多了，尤其是自己都偏愛重口味，粗麵掛滿湯汁，大口大口咬落，滿足了。原味拉麵（全蝦湯）（粗麵）很濃稠的蝦香味，原先都怕粗麵條會有梘水味，但食落又無野喎，而且好有嚼口，掛汁能力一流，叉燒亦都恰如其分的香滑，加上半隻流心蛋，吃得令人心花怒放。北海道帶子沙律（黑醋汁

一幻拉面位于Ocean Terminal，店面比较小，但是有一排靠窗位，可以看到维港海景。店内可以扫码点菜，水也是自助，非常方便。午市128就可以有一份小食+沙拉+拉面+饮品。我们点了最招牌的虾汤拉面，以及季节限定的樱花虾油拌面。虾汤拉面的汤底非常浓郁，但是比较咸并且有些油腻。里面的叉烧肉很大片且入味，面属于比较有弹性的，口感不错。樱花虾拌油面非常惊喜，有两种食用方法：可以拌原本的醋汁，也可以搭配店内提供的特色蛋黄酱。两种吃法都很美味，相比招牌虾汤拉面，更推荐尝试。

喺即將完結嘅假日同自己嘅愛人走進海港城配上海景嘅一幻拉麵。入左店就好快叫左二人拉麵套餐。第一個拉麵係點左櫻花蝦酢汁油麵。雖然依個拉麵無湯，櫻花蝦酢汁同油麵嘅配合都唔會令個麵乾身加上一隻恰到好處嘅水煮蛋就已經成為左個好易入口嘅汁。有慢煮雞，薄叉燒同蝦做餸，就岩曬依啲鍾意樣樣都有嘅食客第二個拉麵就係濃厚豚骨蝦湯拉麵。依個拉麵就剛好彌補左岩岩薄叉燒嘅意猶未盡，雖然唔係好厚切個種，但配上嘅蝦湯拉麵就係一個剛剛好，好舒服嘅配搭，個豚骨蝦湯亦都好濃、好好飲！食完兩個拉麵就配上個主打清新嘅北海道帶子沙律refresh下啦！帶子加上黑醋嘅沙律就係清一清岩先嗰種濃湯味嘅好朋友之後就到餃子小食。餃子雖然得四隻，但隻隻都好足料，有菜有肉配上醋同沙律醬都係一個好不錯嘅選擇！飲品揀左蜜桃同蜜柑梳打。揀左最大路嘅口味，果然都唔會有咩出錯99%嘅悠閒加上1%嘅幸運就係開心假期嘅公式

二人餐有兩碗麵+沙律+餃子+兩罐飲品環境不錯，食物也好好味。我食蝦味味噌拉麵，朋友食醬油拉麵，兩種味都好ok好味。餃子煎得不錯，咬落去會有少少汁出嚟。兩個女仔食剛剛好👍🏻

我真係好鍾意呢一間一幻 因為可以望住個海食拉麵真係好Chill🥰🥰 我間唔中都會好掛住呢間拉麵 算係我喺香港數一數二鍾意嘅拉麵🥺❤️❤️招牌蝦湯拉麵🍜我鍾意個湯濃啲同埋個面硬D嘅 佢個蝦湯真係好濃郁 每次食都覺得好開心 個叉燒都好好味 同個麵一齊食真係好夾 有陣時會有套餐優惠活動 ❤️餃子🥟我幾鍾意佢哋嘅餃子 個皮好薄 餡都好飽滿 加埋啲餃子醋真係好好味 忍唔住食多幾個 之前仲有餃子放題 任食餃子嘅感覺真係好正🥰🥰

最近我在一家擁有壯麗海景的餐廳享用了美味的拉麵，這次用餐體驗真是令人難忘！🍜🌊 餐廳的環境非常寧靜，坐在窗邊，海浪輕輕拍打著岸邊，讓我感受到無比的放鬆。每一口拉麵都彷彿與這美麗的海景相輝映。我點了經典的豚骨拉麵，湯底濃郁，香氣四溢。🥢🥰 麵條彈牙，吸附著湯汁，讓每一口都充滿了美味的滋味。搭配上新鮮的叉燒和溏心蛋，簡直是無法抗拒的美味享受！🍳❤️在享用拉麵的同時，窗外的海景為這頓飯增添了許多情調，夕陽西下的時候，海面閃爍著金色的光芒，讓我感到無比幸福。✨ 如果你在這個地方，一定不要錯過這道拉麵和絕美的海景，相信你會愛上這裡的！🌅

行街行到攰攰地想搵野食, 但係成個商場既餐廳都普遍價格較高, 行到呢間拉麵價錢合理, 而且仲有海景, 最好就係無人等位.睇meau原來呢度最出名係蝦湯麵, 咁就要左個蕃茄蝦湯拉麵, 最簡單既款式應該係最易試到佢地既味道.先飲一啖湯, 好濃既蝦味, 唔油膩, 都好易入口.粗身拉麵都好爽口彈牙, 食晒成個麵都唔會覺得好飽濟.义燒都好軟腍, 但係就好薄, 份量好少, 略嫌不夠.整體都唔錯, 下次可以試下其他配搭.