一幻拉麵 (Closed)

一早十幾日前已經約定今晚去一幻係佢331搬鋪前試下佢蝦湯拉麵兼且第2碗半價。平日差唔多9點度仲要大道東真係冇咩人，得2個客食緊，所以唔使等輕鬆任坐。4人坐位其實唔多，多數都平排位，想傾住計食都真係睇運數，唔知佢遲啲搬去世貿商場鋪會唔會唔同，多番啲對坐既位。枱上有水有杯提供，筷子紙巾都齊全。侍應都有時間介紹下我地點樣點菜同推介啲套餐。我地3個人所以叫左3個有飲品同小食既套餐，3個都蝦湯麵，另外叫一個叉燒拌麵。3樣小食要左薯仔沙律，木耳同埋筍，3樣都好食，而且冇辣味岩晒我呢啲唔食辣既人。薯仔沙律上面有啲粉紅色既卜卜脆既粒粒但好夾好食，學啲韓國飲食節目咁講，有食感唔會純沙律糊係個口咁。木耳同筍咸淡都岩岩好，作為醒胃小食真係值得推介。我試左鹽味全蝦湯幼麵。湯味都夠晒濃，蝦味夠突出，而且其他特殊味道。證明呢煲湯既蝦都夠新鮮。麵條爽口又彈牙，150G份量亦都幾多，我呢啲重量級既人都覺得食極都好似仲有咁，當然仲有個叉燒拌麵，粒垃叉燒夠晒咸味入味，一定要配住麵食咁就岩岩好，否則單食一粒有些人可能會覺得偏咸啊。最後個支要成個套餐加35蚊既靜岡柑橘梳打真係好飲（可樂+15），覺得呢個35蚊呢支梳打值回票價

差唔多可以脫苦海喇😤所以同同事食野好既行行下見到一間主打蝦湯既拉麵🍜咁啱做緊第二碗半價🤩🤩佢本身都有個係12:15前埋單7折既優惠膽粗粗就入左去啦適量豚骨鹽味拉麵（幼麵）150g🌟🌟🌟分量來講就一般啦，食拉麵不嬲都係唔飽㗎啦，同埋佢個家底都小貴，加底都係得50 g（$15）😅😅之後佢啲配料就還可以啦，叉燒都唔會乾身，肥瘦都唔錯，留心蛋都係平時食開嗰啲啦，到個湯底，好彩冇叫到全蝦湯，如果唔係我以為自己食緊沾麵，因為佢個湯都比較濃，但係都食得出蝦嘅鮮味，可惜真係偏鹹，要瘋狂啪水🥵🥵🥵最後發現原來七折係比較抵食，第二碗半價仲貴過佢七折回頭率：40

好耐冇食一幻，今日又出嚟試吓。如果去食一幻，我唔會有其他選擇，一定食招牌蝦湯加幼麵。蝦湯拉麵 $88大家千祈唔好以為一碗拉麵會唔夠飽，其實真係好飽。大大碗麵，裏面有兩塊好軟滑嘅日式叉燒，一隻糖心蛋，仲有濃味蝦湯，真係食到停唔到口。我之前曾經試過一次揀粗麵，但係發覺幼麵會容易掛湯，可以食得更加滋味，所以我以後去一幻都只係食幼麵。曾經15 16要唔要小食，不過實在太飽，唯有等下次同朋友一齊先至share啦☺️

朋友經常講一幻拉麵嘅甜蝦湯底好好味，今日終於可以食到北海道人氣No.1拉麵喇！辛辣味噌蝦湯拉麵和原味拉麵可以自己選擇個人化口味，我選了粗麵、有蔥的辛辣味噌蝦湯拉麵。而同事就選了鹽味、粗麵、有蔥、的蝦湯拉麵。湯底味濃郁，叉燒肥瘦均勻、糖心蛋生熟度適中。粗麵彈牙不會太硬，口感唔錯，不過湯底越食越鹹，所以沒有把湯喝完。另外點了個餃子，餃子價錢唔算貴，有5隻，外皮煎得唔係好脆，偏油和味道一般，今次坐係窗邊吧枱位置，望住街景食拉麵都唔錯

一幻拉麵有幾出名唔洗講~ 一早係札幌名物，去北海道必食！好彩港九新界都有一幻既分店，唔洗飛北海道都可以享受到新鮮特濃既蝦湯底拉麵！♢ 🍜招牌蝦湯拉麵 $88一幻拉麵既signature，必點！湯頭蝦味濃郁，據說每日用上60kg既北海道甜蝦新鮮熬製。食過一幻拉麵幾次，每次都對佢既湯底念念不忘！湯底可以揀原味(全蝦湯)﹑適量豚骨或濃厚豚骨，而調味可揀鹽味﹑味噌或醬油。我揀左人氣推薦既原味湯底同鹽味，湯頭非常鮮艷，質感稠密，帶有濃郁蝦香味！鍾意蝦湯底既重口味人士必定會鍾意！略嫌湯頭過濃，飲太多既話會覺得鹹，要飲返兩啖水中和下D得。我揀左幼麵，麵條彈牙有嚼勁，而且好掛湯，每一條麵都沾上蝦湯，好正！每碗拉麵附有叉燒同半隻溏心蛋，叉燒肥瘦適中，入口軟腍。而我最鍾意既係一幻獨有既炸麵酥，即係紅薑天婦羅，入口清脆，同拉麵一齊食簡直係perfect match！♢ 🦐特濃蝦汁叉燒拌麵 $108原來呢碗拌麵係香港店限定，全球首次登場架！呢碗拌麵只能配粗麵，配料有叉燒﹑半隻溏心蛋﹑紫菜絲﹑炸麵酥同青蔥。我特別加多一隻溏心蛋同$10多麵酥青蔥，估唔到份量咁多，好抵呀！拌麵既精髓在於特濃蝦汁，每一啖都係蝦頭既精

今日係一幻搵麵社交平台得知，佢地同刀劍神域有推廣，我梗馬上去門市食啦。一入到店舖店員好nice即刻安排一個坐位比我，之後講解要食套餐先拎到刀劍神域月曆。我一睇正，個套餐岩晒我口味，必食招牌蝦湯拉麵無得輸，湯底我每次都飲晒，飲完好有罪惡感。之後埋單店員就比左靚靚月曆我啦，開心到爆。

一幻拉麵嘅濃蝦湯拉麵簡直一流，食得辣嘅當然叫辛辣味噌蝦湯配幼麵😋麵質彈牙，湯頭蝦味濃郁鮮甜🤩即使係辛辣味噌，都完全搶唔到蝦的鮮味👏呢個價錢有濃郁既蝦湯拉麵👍👍推介推介🤤🤤

天氣開始涼，想要啲溫暖就好就係食啲辣辣地嘅食物就最適合啦。微辣拉麵湯底嘅味道將辣同埋蝦味平衡得啱啱好，首先會食到辣味，然後餘韻就會食到蝦味，好好食呀♥️一幻好受歡迎成日高朋滿座，有時仲要排隊排到店外有人龍tim, 超誇!原來外賣自取仲要抵食好多。外賣盒係會將面同埋湯隔開，就算拎到返屋企都唔怕啲面發漲晒啦💯佢啲小食都好好食，筍同木耳味道剛剛好仲好爽口，唯一唔好就係木耳已經唔多㗎啦，仲要加幾粒小黃瓜喺下面托底，有少少奸囉！🤷‍♀️

暫時冇得飛日本住食住來自北海道嘅過江龍一幻拉麵先啦😆我自己好鍾意拉麵🍜特別係佢嘅蝦湯湯底🦐真係好濃郁😋今次我選左全蝦湯湯底調味選左餐廳推薦嘅鹽味咁樣係最突顯到蝦湯嘅滋味😛麵條方面我揀咗幼面口感冇令我失望雖然係幼面但仍然保持到煙韌度😎拉麵都會配兩份叉燒同埋半隻糖心蛋叉燒肥瘦適中但略嫌兩片太少糖心蛋就好啱我口味喇🤓中環lunch成日都要排隊反而灣仔呢間人比較少，坐得比較舒服😄

和許多拉麵過江龍一樣,  幾年前一幻啱啱嚟香港時 , 真係排曬長龍.依家分店開多了,  下午茶時間, 灣仔呢間人流吾多,  亦自然不用再排隊了.呢間分店一年只嚟一兩次,  係自己個list 裡面屬於水準穩定既拉麵店.早幾年登龍街有間個朵好勁,  係地舖既拉麵店,  第一次食時, 雖然覺得佢係有啲吾平,  但亦講真果時真幾好食, 坐counter全程睇住佢地煮麵個樣幾咁認真,   碗拉麵個擺盤呀, 碗上面既蔥花絲呀  , 都顯得一絲不苟,  會感受到人地 craftsmanship ,  所以其他拉麵店果時賣緊70/ 80 蚊碗拉麵,  佢就賣百幾蚊,  加上租貴,  裝修貴,   都冇乜野好非議.  但後來隔了一排,  第二次嚟, 就真係明顯感受到所有野都 hea 左,  覺得不值了.   至於係咪同個日本派嚟監場既師傅返左去有關?   都應該有既,  但始終都係睇煮碗麵那個人而吾係睇國藉.    我平生食過最X!  難食既拉麵就係喺日本,   嗰時跟本垃圾旅遊書講去食金X 拉麵,  舊叉燒一入口即刻LUR 番出嚟, 然後埋單走人,    舊叉燒羶到X街吖, 肯定冇汆過水.    講番

灣仔試試超平嘅一幻拉麵 見到有booking app有半價優惠 又去咗試試 （餐牌睇圖）上個post有朋友仔話 拉麵有冰水係基本啦 咁岩今日呢間就冇啦 香港真係唔多拉麵店 一入門就主動提供冰水.（我個人就覺得 日本拉麵傳統會提供冰水 但唔會覺得係必然 如果師傅有心 同樣會感恩）.⭐️辛辣味增蝦湯拉麵$88🤔湯底勁濃 蝦味爆重 但偏咸 飲完湯 會好想飲水🤔叉燒2塊 幾大片 但超級薄🤔仲有陣五花腩嗰陣油味 唔太鐘意👌🏻表面有小小紅薑天婦羅 幾脆口👍🏻呢碗叫咗粗麵 口感超彈牙👍🏻糖心蛋超級高質 係我最鍾意嘅質感同味道.⭐️蕃茄蝦湯拉麵$78呢個叫左幼麵 明顯蕃茄味 蝦米同樣好重但相對冇上面嗰個咁濃 咁咸 反而鐘意呢個多d.⭐️蝦味飯團$20👍🏻暖暖地 紫菜脆 入面有蝦粒粒👌🏻成個飯團都幾香口 有汁 ok啦 唔特別.⭐️餃子$35👍🏻皮薄 🤔但唔夠脆 👌🏻配料多幾好食旁邊有餃子醋 中上水平.整體 有唔少可以改善既位但半價後好抵食 平過茶餐廳 冇投訴啦.#hkfunfoodrecord窮遊香港#hkfunfoodrecord_灣仔.#一幻拉麵 (灣仔)地址：灣仔皇后大道東119-121號欣景閣地下B號舖

叫咗個味噌蝦湯拉麵，滿心期待嘅我一見碗麵嚟到已經有啲唔開心 🫤 豚肉係有嘅不過兩塊薄切咁囉，食咗同無食過差唔多🫥 個湯明顯係有啲油，而且我覺得唔夠味噌味道。我就揀咗粗麵，我以為會食到有啲”煙un”嘅效果, 點知原來係我諗多咗，佢剩係得個硬字，完全冇我expect嗰種chewy 😓 而且成個湯賣相唔算吸引，我完全冇乜衝再食多一次😣 見到個面咁樣，我連小食都冇叫就咁買單走咗啦！ 而且嗰一晚唔算多人，舖頭出面冇人排隊，而且未坐滿，但係佢又吹我埋單 😥

招牌蝦湯拉麵有得自選湯底，當然就選蝦湯，仲有得選面的多少同面的粗幼，我選左粗面，果然粗面非常之彈牙，上面果個紅薑天婦羅令拉麵多左脆口的感覺。個湯底好有蝦味，唔太鹹，叉燒係薄薄地但嫩既。整體來講都係值得一試。

$99 set lunchThis is my first time in Ebisoba Ichigen for 99 dollar lunch near Admiralty is not a bad deal. Overall the outlet is similar to other ramen restaurant, for this place I do like the shrimp soup base and the little dry shrimps. I guess this will be another to go place for lunch when I’m out of ideas.

話說聽過好多朋友同觀眾介紹～都係小編心目中要試既餐廳之一～今日有時間又見無咩人可以試試佢有幾正🤤辛辣味噌蝦湯拉麵+叉燒+木耳+白桃梳打微微香辣味～小編揀左幼麵·麵身唔會煮到好淋·香濃蝦湯味之餘唔重味精·小編差d就飲哂🤣叉燒肥瘦均勻唔會偏肥或者好油膩😋切出黎大細平均·咬落啖啖肉🤤🤤樽裝梳打唔會好甜～唔錯選擇👍—————————————————☻非專業食評·純個人口味☻—————————————————📍總結:好彩小編無忘記要試～味道黎講的確唔錯😋不過平時都幾多人排～想食既觀眾們要俾d耐性先得啦😎