一幻拉麵 (Closed)

首先唔好意思先，冇影到食物相，實在太難食已經幫襯左有成兩年，湯底水準一直下滑，但估唔到差到咁我哋一行兩人入去食$99套餐分別叫咗龍蝦湯麵，湯麵一到望落去知道有問題，眼望湯底已經很淡，食落去啲麵有怪味，龍蝦湯冇龍蝦味得死鹹味，塊叉燒薄過塊mask，最後勉強食晒啲麵，唔想浪費食物已經向店員即時反映質素非常差希望佢哋改善我臨走望到佢哋有買自家品牌即食麵，我即時諗起佢哋會唔會用自家品牌即食麵嚟招呼客人經過兩個鐘後啲胃氣不停出來，戴口罩關係我可以完全聞到即食麵嘅味道真心失望，用即食麵水準收我$100，唔怪得冇咩客人食

日本蕃茄蝦濃湯拉麵 ❶人尊享套餐 $99網友介紹話呢間一幻拉麵好食於是就嚟灣仔分店叫咗個一人尊享套餐 幾抵食 日本蕃茄蝦濃湯拉麵 加個雞髀菇好濃郁嘅蝦湯味 唔算好鹹有粗幼麵選擇 豚肉夠薄身食埋個雞髀菇啱啱好啱曬一個人去食拉麵嘅你

其實都幫襯過一幻幾次 尖沙咀同荃灣都幫襯過 今次過開灣仔 凍凍地又想食下拉麵 咁岩見到某apps有優惠 就決定過黎食位置上其實都比較偏僻 係信和中心附近 店舖咁岩又係轉角位 真係好易睇漏眼行過左都唔覺😂😂 本身以為都咁岩冇乜人 坐坐下 估唔到都唔少人用依個apps享用優惠。 主打蝦湯底既一幻拉麵 基本上唔會有非蝦湯既拉麵提供 對蝦敏感既真係要留意⚠️⚠️⚠️今次都係order季節限定既-日本蕃茄蝦湯拉麵（$78） 因為貪佢會酸酸地開胃。 個人比較中意粗麵 。 落order無耐野食就到 。 絕對快手基於上次係尖沙咀試過同款拉麵係咸到飛起 本著有啲怕中伏既心試啖湯底 估唔到 估唔到依間係唔會咸到爆炸 反而係啖啖既蝦湯+蕃茄香味 幾開胃 份量都絕對唔少 夠哂喉 個湯底好飲到差唔多想飲哂佢

12點前到，仲係好靜，店員好快手，點完餐好快就上咗！仲會行過好快就幫你放返好啲調味。🍽 辛辣味噌 蝦湯拉麵 $88 (另加一)一上枱已經聞到好香嘅蝦味湯！估唔到連辛辣湯底嘅蝦味都咁足，第一啖飲湯，濃郁蝦味，帶點辣，唔會係死辣個種，剛剛好，很可以！有驚喜！有埋蒜泥同拉麵胡椒粉可以接自己口味加，蒜泥做到香口辛甜個種，唔會有生蒜刺激個陣味。個人食法一向喜歡一啖原味，一啖蒜泥，一啖胡椒，loop住咁食，啖啖都有唔同味，很可以！配料上，豚肉好夠冧，平時唔係咁鐘意食豚肉，但依個可以。 面頭有啲炸過嘅紅姜， 本身唔多鍾意姜味， 但店員話「加埋啦，好食㗎」就加咗😂。脆脆哋，食落加強口感，一定要要埋。

灣仔有幾間拉麵店 今次黎到日本過江龍一幻拉麵 專門食蝦湯拉麵叫左有手指公既：蝦湯拉麵(鹽味) $88頭一啖係覺得蝦味幾濃郁食食下就覺得有d寡 味道較清淡唔知係咪湯底揀左全蝦湯無加豬骨湯 定係調味揀左鹽味無揀辛辣/味噌幻麵係幾好食 但有一少部份痴住左..叉燒2塊半肥瘦 幾軟身嫩口溏心蛋失色 部份蛋黃煮到熟左唔係全溏心🙈食完覺得好”流” 唔係好食得哂成碗 下次可以揀少麵水可以自己斟 不過唔係冰水如果驚彈到d湯係自己件衫可以問店員拎圍巾 自己就無拎因為係即棄不織布黎唔太環保 同咪真係無啦咩需要😶埋單要再加一 偏貴

Tasty ramen in super shrimpy rich flavoured broth, topped with lots of little dried shrimp and a nicely done half poached egg🍜🦐🥚 You can choose broth with lots of dried shrimp or one without. The little dried shrimps are of a really large quantity, presumably over 50. You can eat a mouthful of dried shrimps together with noodles in each mouth. Shrimp lovers really shouldn’t miss it out!Even though broth without dried shrimps is available, the broth is made from shrimp too. As you can tell from a

香濃蝦拉麵的代表之一—一幻拉麵一幻拉麵於2009年由總店長林直樹先生 (Mr Naoki Hayashi) 創立，憑住香稠濃郁的甜蝦湯底俘虜全日本國民及各國旅客的心，開業短短幾年已經成為札幌名物，仲登上「日本拉麵排行榜」北海道第四位，而香港的一幻在３年幾前正式襲港，仲愈開愈多。一幻主打甜蝦湯拉麵﹐直樹先生話一幻的湯底係用上60kg的北海道蝦頭熬湯，每日新鮮製作絕不隔夜，當中包括味噌甜蝦拉麵、鹽味甜蝦拉麵及醬油甜蝦拉麵等，飲落湯底濃郁鮮甜，令人飲到唔停口。辛辣味噌蝦湯拉麵 湯底絕對係拉麵既靈魂，湯底濃厚鮮味，蝦味十足同甘甜味的豚骨湯底融合得非常好，令成個拉麵既鮮味昇華到另一個層次，叉燒屬薄身半肥瘦叉燒，跟普通的拉麵店相似，溏心蛋有少少流心，拉麵口感彈牙有口感，唔太硬又唔太淋，都幾好味。餃子外皮煎得脆口，內餡香口，加上餃子酸汁一齊食，幾好味！地址：灣仔皇后大道東119號B店整體評分：7分總括嚟講不過不失，但未有好大驚喜，可能因為雲遊大思對蝦普普通通啦，但如果鐘意食蝦的朋友就可以一試。 雲遊大思列為屬「可考慮回頭級別」。

咁拉麵舖頭唔係大街，坐落喺轉角處，比較隱蔽，我就係貪佢偏僻，就算食飯時間都冇咁多人，一入到去就有位，佢哋成日都有所謂嘅優惠。咁我就叫咗個一人餐，包埋配菜同埋嘢飲。見佢有個叫做拉麵嘅撈麵，咁搞笑梗係要試吓。因為沒有湯汁的關係，所以可以更加仔細品嚐到佢嘅面嘅質地，比較諗，冇咁彈牙，整體對落啲肉粟米做配菜，連埋一啲油撈埋，食耐阻味道會比較單一，我真係想食飽啲，所以配菜就叫咗餃子，我建議落生蒜蓉，咁個餃子會更加好食。配菜我揀咗醃蘆筍，幾開胃，可以嘗試

🍪 【#灣仔】一幻拉麵🦐札幌蝦湯拉麵 濃郁鮮甜返尋味🦐.🍪 一幻招牌甜蝦湯底，以大量甜蝦蝦頭熬製，超級濃郁。😍✧Imported from Sapporo, Ebisoba Ichigen serves rich shrimp broth ramen.🍪 2019年登陸香港，現有5間分店。✧Landed in Hong Kong in 2019, it now has 5 branches.~~~~~~~~~~~~~~~~~~~~~~~~~~🍽招牌蝦湯拉麵 $88（4/5）(味噌幼麵)Signature Ebisoba (Miso + thin noodle)因為想湯底濃啲所以叫味噌味，蝦味好濃郁帶甜😋✧Thich and sweet shrimp broth. Miso adds a stronger flavour to the soup.👍🏻麵酥(紅薑天婦羅)好特別！完全唔辣，將拉麵味道調得更甜✧Unique ginger tempura is not spicy at all. It adds sweetness to the ramen. 叉燒有兩塊，算幾軟身✧Tender

一幻黎左香港都有一段時間，今日襯無乜人排隊就去試下。原來呢間野出名食蝦湯，咁啱季節限定，試左佢個蕃茄蝦湯拉麵。滿心諗住佢好重蕃茄味，點知反而有淡淡既蝦湯味，唔算好濃，初初入口都好味既，但食食下愈食愈咸，要狂飲水，不過麵量算正常既，啲义燒就小左啲囉，得兩細塊，隻雞蛋都okay既。

細佬為咗答謝我好叻幫佢買到教主雜誌就請我食咗餐lunch😎最後我哋就揀咗大家番工嘅中間點一幻拉麵🍜我哋揀咗招牌蝦湯拉麵🍜蝦湯🦐非常濃郁仲有啲蝦乾仔麵質都幾彈牙唔會太淋身叉燒肥瘦Ok唔會太油膩食完唔會太口渴👌🏻大家可以一試👍🏻✨一幻拉麵 (灣仔)📍灣仔皇后大道東119-121號欣景閣地下B號舖

有朋友比左兩張海港城dining A劵比我，所以星期日去逛街relax下排左4張枱，大約15-20分鐘就入到去。叫左2碗麵，1個蝦飯團同1隻溏心蛋，共$227，減返$100，就$127。1.招牌蝦湯拉麵、普通、味噌、粗麵首先講樣，兩碗麵一樣，但一飲落就好明顯知道分別。好似燒魷魚咁，聞落係好香，飲落就無想像中咁濃蝦🦐味，反而味噌味略重，所以蓋過左。麵條煙韌彈牙，但係因為粗麵掛唔到好多湯。如果鍾意掛湯就建議叫返幼面。叉燒好薄、亦都好冧。厚啲會更好😂😂2. 辛辣味噌蝦湯拉麵、幼麵 友人叫的，都食到好辛辣既感覺，呢碗既湯底濃厚，開頭食落停唔到，但後尾就比較膩。值得一讚既係，紅薑脆脆，咬落好有口感3.蝦飯團本來想叫黎浸湯食，但因為好早就送到，忍唔住就試少少，第一啖好有蝦味，但越食越淡，有幾粒蝦， 幾有咬口，浸湯就變左湯飯咁，飯粒煙銀有咬口，都唔錯。食完都有6-7成飽，多數係膩飽。🤣🤣🤣

得一個人完全應付唔到！唔會再嚟！只有一個人可以落單，有十零個客已經癱瘓，坐咗半個鐘都落唔到單，不能再差的開始。食物嚟啦！賣相同相差天同地想打卡請慳啲😅，麵質一般，所謂濃味其實係非常咸，唔知香港人幾時用咸味同好味中間加上等號，唔怕腎有事可以食多幾次，已經有高血壓就最好諗清楚！

放假趁有時間，於是就寫下食評，之前提過我很掛念食過日本的拉麵，所以在香港到處尋找好味而又地道的日式拉麵，而同事最近就介紹了這間在日本有分店而且十分出名的拉麵店比我，雖然在灣仔工作已有一段時間，但這間卻是我第一次食的拉麵店，蝦湯的味道是食過最香濃的一間。起初我見拉麵的賣相一般，又沒有大量櫻花蝦放在上面，心中對它的期望不大，想不到味道卻令人喜出望外，蝦湯香濃得來，沒有很重味精或者太咸，拉麵十分掛湯，而且份量很足夠，我選的是原味湯底，鹽味口味，幼麵，走蔥和有麵酥。何謂麵酥?  旁邊只簡單寫上紅薑天婦羅，網上搜尋過原來是指用小麥粉、紅薑泥、甜蝦頭高湯一起調配後再油炸而成，配搭拉麵和湯層次會更豐富， 難怪蝦湯味道特別香濃。這次是我第一次食到有蝦的香味而又不會太重味精的蝦湯拉麵，十分值得推介，至於配角溏心蛋和叉燒則一般，叉燒因為蝦湯的香味蓋了，顯得淡而無味。至於價錢方面，因為網上訂座，所以免了加一，即使如似，在香港吃一碗簡單美味的日式拉麵價錢唔便宜，不過偶然食好一點也無不可。

同事話合和中心附近嘅一幻拉麵店成日大排長龍，今次提早午飯時間偷走早早去排隊，決定一試究竟。店舖面積不大，計埋吧台大約容納20/30人。拉麵款式不多。店員好細心溫柔又有禮，值得一讚。招牌蝦湯拉麵🍜（粗麵配味噌口味），必定加配溏心蛋。蝦🦐湯湯底超級濃郁，上菜時已飄散陣陣蝦膏味，食得出用上蝦膏熬製，麵上仲有麵酥蝦干仔吊味。麵質好彈牙，吾會漿住一餅，幼麵先做到掛汁效果。溏心蛋不多說，流心效果帶甜是基本。叉燒肥瘦適中，整體算不錯，而且食完吾會口渴。餃子🥟（5隻）： 煎得香口有肉汁，少許肉粒餡料。甜辣小蝦沙律🥗：小蝦似係炸過再用糖去炒加，甜甜地脆口， 再加埋調味好嘅沙律🥗，做開胃菜不錯。總結：環境乾淨衛生 食物有質素 店員有禮貌 回顧率高