惠比壽本店

Open Now

Now Closed

好耐冇去葵芳shopping， 星期六放工喺葵廣行咗個圈，發現好多舖頭都唔同咗，行吓行吓原來都已經3點，朋友話穿過天橋附近有間惠比壽都幾抵食，於是就行過去望吓！一去到樓下有人派傳單，傳單上有coupon，送飲品/小卷等⋯。上到去見到裝修都幾舒服，而且下午茶時段人流唔算多，我同朋友安排坐近窗嘅卡位！舒舒服服食個lunch最後叫咗兩客下午茶，用coupon加咗個三文魚小卷我嘅壽司盛合，有6件壽司都係$60，真心抵食！朋友叫咗3件手卷都只係$52，大件夾抵食。可惜忘記影相。

今日去到葵涌食午餐選擇咗呢間日本料理種類都幾多下午茶有優惠可以免費揀一個小食不過一張枱先送一個小食門口裝修都幾特別隻惠比壽好Q內裏裝修壁畫好多魚嘅圖案好有日本嘅風格我就叫咗條鯖魚定食套餐條鯖魚燒得好香魚皮脆卜卜口感一流又有麵豉湯仲有個細沙律我朋友分別叫咗滑蛋豬扒定食豬扒炸得香脆滑蛋整到好似流心咁睇落流晒口水牛肉烏冬豬骨湯底濃郁牛肉唔會太老上枱時仲見到有血絲放落湯底浸一浸口感嫩滑總括嚟講性價比高味道唔錯環境舒適

本來看著單價幾貴 ，無試既意欲， 但我女朋友話想試下， 點知有驚喜 ，我就食左個吞拿魚容飯 ，魚容很有鮮味 個飯都煲得唔錯， 整體都不錯 。就熟食方面差點 ，唔建議大家食熟食。服務態度可以俾個like ，比食物還要好 ，個經理好有質數

見佢新開，就諗住上嚟試吓，點知原來係中大伏。牛肉飯太鹹太多醬油，成碗飯都好鹹，根本就唔會食得落，而且只係普通牛肉片，根本就唔值呢個價。魚角飯，份量比牛肉飯真係細好多，亦唔覺得好新鮮。係平過鹹到食唔落嘅牛肉飯，但以一間日本餐廳而言，質素實在太差。油甘魚， $138 ，另外仲要+1，但事實真係比想像中細份得多，唔抵。唯一覺得還可以嘅就係茶碗蒸，但係真實個樣同Menu上面嘅差好遠。以呢個地段，依個質素來講實在係太貴，太名不符實，冇下次。買單個時只覺得一肚氣，實在唔會再嚟幫襯

耍廢的週末🧞‍♂️·🥘壽喜燒定食（$118）一見就點左.好喜歡壽喜燒鰹魚湯底甜甜的😋加入大量配料，🐮🥚🥬🍄！大滿足·🐟香蔥鮪魚蓉定食（$98）唔鍾意食吞拿魚刺身，但好愛吞拿魚蓉😂份量好多，好抵食！不過質素一般·🥢三文魚刺身（$30）三文魚怪堅持要點🙄·🐙燒八爪魚丸（$18）好厚粉漿😵‍💫·📍惠比壽葵涌興芳路208號葵芳匯1樓

壽司定食連烏冬前菜跟麻醬沙律 冇咩特別可食可唔食壽司魚料尚算新鮮 味道尚可唔錯個烏冬就少少彈牙唔會漿口嘅 個湯底就特別喇勁似「丁丁」豬骨麻油味嘅 會令你懷疑自己食緊「丁丁」棒烏冬奉送綠茶 加$3有罐裝汽水/檸水/檸茶

2個人嗌咗個午餐，壽司set (No.2) 同埋生薑燒（No.11）2號好快上到嚟，但我食完個11都未到，叫咗侍應去追，行返嚟無反應，隔多5min再問令外一個侍應先話3min後到 …… 如果多客人嘅，我可以接受，但入坐只有4成，同埋隔離台遲嚟嘅都已經食緊，好明顯係漏單又唔跟！食物係好食嘅 ， 但服務同態度應該改善下.

今日男朋友嚟揾我放工食飯，我地心思思想食日本野，就去左球場嗰頭嘅日本餐廳，惠比壽，餐廳喺一楝新嘅住宅裡面，坐𨋢上去就見到，餐廳唔算好太就裝修簡潔。男友坐低就叫左本啤酒，咁啱餐廳有優惠，第2杯半價，然後我地叫左份蟹籽沙律，蟹籽沙律味道同外面差不多，係好食嘅我地仲叫左刺身，有大拖羅，三文魚腩，油甘魚，大拖羅入口即溶，性價比好高，三文魚腩油脂分怖平均，令人回味串燒方面我地揀左串雞胸軟骨同埋一串牛舌，雞胸軟骨串燒外面比較難揾，所以我地都好驚喜🥰餐廳推介左我地試鐵板地雞，鐵板上枱嘅時間嗰種香味已經令我地食指大動，配合埋鐵板嘅洋蔥同埋燒雞，味道一流期待下次試埋lunch set 🥰

今日約左朋友放工食飯，咁啱我哋都係葵芳就揀咗球場附近嘅一間日本餐廳，叫做惠比壽，我地到達嘅時候大概6:30，餐廳人數唔多但勝在夠光猛座位都好寬敞. 一去到我哋就點左兩款刺身分別係三文魚腩同埋中吞拿魚腩，中吞拿魚腩性價比很高，而且入口即溶，三文魚魚腩油脂分怖平均，另外仲叫咗一份火炙壽司拼盤，一共有八件，店員推介左一份鐵板燒地雞俾我哋，每件燒雞下面鋪滿洋蔥，配合燒得香脆的雞皮雞肉，口感一流，朋友另外重點咗一份牛肉壽喜燒，牛肉份量，配合埋鍋裏面嘅東粉完美吸收左牛肉嘅精華，我入面仲有大量嘅蔬菜和雜菇，為我地的晚餐畫上左完美的句號

今日同阿女去葵芳行街 買咗好多嘢大有所獲！行倒肚餓就一齊去食晚飯 阿女之前跟同學食過呢間惠比壽覺得幾好食😋 就帶我上去試吓啦 ！喺樓下見到有人派傳單 發現有優惠 送咗杯野飲 好正！！上次阿女食過呢個香蔥吞拿魚蓉丼話好好食 叫我一定要試吓✨✨ 真係好正喎！吞拿魚蓉入口即化，大滿足食日本嘢緊係要食壽司啦！我哋嗌咗一個雜錦壽司盛盒 魚生好新鮮 明太子玉子燒個人非常推薦👍🏻明太子有辛辣嘅口感 加埋玉子又唔會太鹹👍🏻👍🏻店家提醒我地食呢個燒豚肉丼嘅時候要撈完先落醬 如果唔係就會燶晒㗎啦！😄 呢個燒汁配埋豬肉真係好正最後梗係要嗌埋個甜品 鍾意食甜嘅人就一定like✨ 蕨餅本身有少少甜味 點左醬仲甜仲好味👍🏻

朋友約去葵芳行街見商場做特價，想去買衫同掃街，買到一袋二袋戰利品已經很累，唔想再去隔離廣場續間店掃街啦！就想起附近有間吃日本菜嘅餐廳。加10元可以跟沙律 + 麵豉湯 ，而菠蘿梳打係惠顧任何食品就送的，大大杯冰凍菠蘿梳打味道清新鮮甜。小食拼盤 ——（炸薯角、炸雞件、炸餃子同吉列蝦）炸物每件都炸得香脆鬆化。燒豚肉溫泉玉子丼，即叫即做熱辣辣香噴噴，燒豚肉燒得香脆惹味，溫泉蛋流心狀撈埋飯一起吃很夾。海鮮盛合 —— 串燒 （大蝦、生蠔、鯖魚、鰻魚同帆立貝）海鮮非常新鮮，輕輕燒焯就已經令串燒鮮味提升。

小妹次次去葵芳就真係只去新都會商場同葵芳廣場😂今次衝出兩商場！去左葵芳市區覓食😎某晚去左呢間惠比壽本店 @ebisukf 既日式料理餐廳，點左特選二人餐😋..特選二人餐包括：兩款丼飯，我地揀左🔺燒豚肉溫泉玉子丼🔺香蔥吞拿魚丼🔺三式刺身拼盤🔺蟹籽沙律🔺兩個味噌湯另外我地仲點左雞軟骨串燒🍢..性價比高的套餐，好夠飽😌 先講講燒豚肉溫泉玉子丼，用石鍋裝載，keep住熱辣辣👍🏻最重要係咩？飯焦呀！😍超香！另外豚肉燒得好香，肉嫩又juicy，溫泉蛋好流心，配埋芝麻粒，撈飯食一流！..香蔥吞拿魚丼飯，簡單的吞拿魚蓉配搭大量香蔥同芝麻粒，已經夠香，昇華左吞拿魚既甘，好食！三色刺身拼盤分別有三文魚、牡丹蝦同香蔥魚卷，每件都大大件又鮮甜☺️ 圖八特登影左我食三文魚既特寫😆 雞軟骨串燒燒得好香脆，調味好惹味～..呢度環境好光猛乾淨企理，好多得意既日式擺設，卡位好闊落，坐得舒服😌

俾個囝拉咗去葵芳掃街👯佢阿媽攰喇！要搵個地方坐吓食個正餐啦！唔想去番平時去果兩個大商場！一於去個冷門啲嘅葵芳匯覓食啦😌大囝樓下一見有日本菜食就急不及待上咗去！！.裝修得幾有東瀛風息喎🇯🇵好啦！落單唔該！點咗兩個午餐分享食！先上咗跟餐沙律同汽水！之後主菜都嚟到啦！⭐特上刺身定食(5款) $128⭐除咗有好肥美嘅三文魚、入囗即溶吞拿魚、珍寶鮮甜帶子、大大隻甜蝦之外😋😋仲有好特別嘅金目鯛！刺身全部都好厚切又新鮮！！另外點咗有得俾阿囝動吓手侍奉吓阿媽嘅⭐石燒安格斯西冷 $138⭐好大一塊牛扒放上預熱咗嘅石頭板上！滋滋聲油脂滿香😍😍再磨上黑椒碎加埋海鹽已經夠味！(不過個老母掛住影相搞到over cooked😂) 小插曲係位疑似經理見到阿囝咁乖…所以送咗個⭐三文魚小卷六件⭐俾我哋食！Nice🙌🏼

喜愛日式料理的朋友，不要錯過這店。食物擺設優，味道很好，不會重味精和太咸。價錢中上。店舖燈光照明柔和，座位寬敞舒適。丼飯價錢由$88起，女仕可每2位分享。大家就可多吃幾款食物。

葵芳匯呢個商場開左咁耐都冇行過，見到呢到有間日本餐廳，裝修都唔錯，就入黎試下啦！裝修都幾簡約同有日本特色。有好多唔同既刺生，壽司，燒物。而我哋就揀左2人餐，有兩個丼，刺生，湯同沙律。再加左上好吸引既燒魷魚。蟹子沙律 都幾清新，幾開胃。正常。三色刺生，三文魚好肥，好大件，好正好甜。魚刺生都唔錯，蝦都幾新鮮。呢到既壽司豉油比較淡，冇咁咸，反而食到刺生既味道。吞拿魚碎刺生丼，正常。燒魷魚，切好曬，方便食。 好好味。燒雞丼，上碟時個鍋都係好熱，好香。下次黎葵芳可以黎試下。