惠比壽本店

Open Now

Now Closed

葵芳新開抵食高質壽司店。一直以來在葵芳都沒有什麼壽司店，所以我們就來到這一家新開的壽司店試一試，我們點了生蠔，螢光魷魚刺身，鹽燒油甘魚鮫，明太子玉子燒，炸雞軟骨和雜錦壽司盛盒。每一樣都有驚喜～在前菜方面，首先就是新鮮的生蠔，這家店使用的生蠔由日本直送，從相片就可以見到生蠔非常之飽滿多肉，配上少少檸檬汁一啖咬下去，非常新鮮飽滿而且還有適量的海水味，是一道很好的前菜。另外還有螢光魷魚刺身，這一道菜在香港比較少見，這是我們第一次嘗試。螢光魷魚刺身非常之爽口彈牙，而且味道不會太鹹，充滿濃烈的鮮味，值得推介～在一品料理方面，我們首先點了油甘魚鮫。店舖用簡單的鹽來燒這個油甘魚鮫，味道非常適中，燒出來的油甘魚鮫散發出濃烈的魚香味，而且還有很多魚油，油甘魚鮫上有很多魚肉，令人停不了手。另外點了明太子玉子燒，玉子燒不會很油膩，而且有很香的牛油和蛋香味，配上適量的明太子，明太子的咸度和玉子燒的甜度很配合，而且價錢非常之便宜，非常之推介！還有就是炸雞軟骨，雞軟骨是新鮮即炸起的，而且不會很油膩，配上適量的檸檬汁和沙律醬，也是一道很可口的小吃，同樣價錢也非常之便宜～最後主食就是雜錦壽司盛盒，這一個壽司盛盒中有八

以前在葵興返工，一收工就去葵芳打躉，自從轉左工，已經好耐無去葵芳行街了原來改變左好多，今日重回舊地，行下商埸，買下野，那種打躉的感覺返來了同朋友血拼完，佢又推介呢間食日本野，就一齊走去醫肚啦店舖夠大，而且座位又夠闊落，坐得好舒服午市多套餐選擇，最岩打工仔叉燒拉麵:可以揀豬骨或味噌湯底，當然唔駛諗，一定係豬骨湯底係最入味而且叉燒係厚切架，大大件，有d食豬扒一樣，拉麵又夠彈牙燒和牛溫泉玉子丼:以石鍋盛載，熱辣辣，和牛鋪滿石鍋面，而且和牛熟的程度岩岩好，肉質非常嫩，又唔o鞋，而且有燒烤的風味，另外配上日本珍珠米飯，粒粒煙煙韌韌，將溫泉蛋撈埋一齊食，有蛋汁香及肉汁香，好多層次套餐加錢可以追加不同食物，朋友想食蟹籽沙律，那就追加啦，爽甜脆

落街食飯，食個好似新開的日本餐廳係葵芳匯。餐廳價錢一還可以，叫了個叉燒拉麵，香濃豬骨湯，雖然不能選擇拉麵軟硬度，但個質感都適中。叉燒大大化，都幾好食一碗拉麵當然不夠吧，加多名了串燒盛盒，共五款不同的串燒。笫一次食，可以試下。試完下次可以專選自已最愛食的單點。一串不夠喉。我哥哥點了個餐廳招牌惠比壽刺身丼，包羅萬有，非常豐富。不款刺身和有三文魚籽、吞拿魚容配珍珠米，唔錯。不夠飽可點多個壽司盛盒。包你滿載而歸還

經常去新都會食飯, 網上見另一邊有間未試過, 又有折就試下, 估唔到水準相當不俗, 價錢亦唔算貴, 地方大坐得舒服.試過溫泉蛋豚肉石鍋飯, 飯焦夠味, 豚肉淋但有咬口, 配上燒汁好好食.另外叫軟殼蟹卷, 一份四個但體積大, 蟹肉份量多味道又好, 推薦.我鐘意食玉子燒, 叫左個試下, 蛋香夠, 燒得唔老, 比想像中好, 可試.

葵芳新開一間日本菜，係葵涌廣場附近最岩行完街去返個日本菜做晚餐😜餐廳以魚圖為主，坐位以卡位為主，較有私隱~🌠 雜錦壽司盛盒一盒有八件，壽司款式由壽司師傅決定~壽司非常新鮮，即叫即整！最鍾意吞拿魚口感軟滑，筋少而脂肪多，入口即溶😜 師傅手握壽司手勢高超， 著起壽司而不鬆散，入口自然散開，口感一流！🌠炙燒三文魚定食推薦！非常抵食😜 三文魚經炙燒表後外微熟內嫩滑， 非常惹味！底下酸甜嘅醋飯，中和三文魚嘅油膩，令到成個三文魚飯油而不膩，而且份量非常多，夠2 個女仔食😄🌠牛肉拉麵聞落味道清香誘人牛肉生熟度控制剛好，非常嫩滑~拉麵口感爽口，Q 彈有咬勁，拉麵掛湯而不會吸收過多湯汁令拉麵變得過軟😄🌠 加州卷每次食日本菜必點😜一卷已有幾層口感一卷多款食材，口感層次豐富分明，夾雜著壽司米Q彈入口，顏值同味覺絕美滋味！

跟好友去完葵涌廣場shopping，就去醫肚喇! 啱我想食日本野，朋友話呢間CP值高，一於去試下葵芳匯近葵涌廣場，一行過2分鐘去就到。鋪面都好大，有好多座位，坐得幾舒服。我地點左晚市二人套餐加2款食品。呢款二人套餐好抵喎有蟹籽沙律入口好爽口，每啖都有好多蟹籽，沙律醬份量啱啱好，清新。味噌湯味道唔會好鹹刺身拼盤 （3款）牡丹蝦，香葱魚卷，三文魚各2件刺身幾新鮮，仲墊左啲沙津海草，幾爽口幾好食主菜4選2我地揀左香葱吞拿魚蓉丼四色刺身丼比我想像中大碗，配料亦好豐富，飯粒味道不錯，口感好好。吞拿魚蓉夠曬多，加左香葱同芝麻，倍添鮮味。四色刺身丼亦大大碗，有三文魚，魚，蟹籽，香葱吞拿魚蓉，咁多新鮮刺身，簡直大滿足。呢個套餐價錢可以包2碗丼飯實在超超值啊！另外，我地加左炸雞軟骨同埋帆立貝刺身。炸雞軟骨夠曬香口，唔油膩。帆立貝亦好夠鮮味，墊左啲沙津海草，口感好爽口好正。下次再黎試過先 ！

難得去葵芳行街 今次冇去到掃街反而發掘到個寧靜小日本間餐廳位於葵涌廣場幾步路程之外葵芳匯幾欣賞佢嘅裝修😏整體風格融洽 魚網裝飾吊燈 仲有好多船返製造喺船上嘅親和感嘢食方面都幾多選擇好似居酒屋咁有刺身壽司熟食串燒 真係少啲定力都揀唔到🤣🤣我哋叫咗刺身五款 典型刺身組合三文魚吞拿魚帶子油甘魚同蝦刺身來講新鮮已經夠做 佢嘅驚喜位係吞拿魚唔係好似其他餐廳咁 冇生豬肉口感😂而係有番本身嘅味道🤪🤪三文魚牛油果沙律 佢個醬同時火炙三文魚係絕配酸酸甜甜再加牛油果嘅厚實感 不錯吃呢😛😛自家製鰻魚玉子燒 蛋中央半熟狀態滑脫脫 但同時又唔會失溫👍🏻最後叫咗個串燒拼盤燒鯖魚係難得嘅組合 每款都燒得有水準最後幫佢哋影張全家福 之後就起我哋嘅肚仔入面見啦😹😹😹題外話：同一棟野仲有夾公仔機食飽飽可以過去玩返幾round🤟🏻🤟🏻

黎葵芳匯想夾吓公仔，經過見到有間新嘅日本餐廳做緊九折😳 就入咗去試吓餐廳環境好光猛好新淨 都係卡位 坐得舒服😌雪花牛舌 $38好厚切嘅牛舌🥰 口感爽口 配上少少海鹽作調味 好好食～ 免治雞肉串 $25個汁甜甜地好夾免治雞肉～ 免治雞肉仲有啲軟骨喺入面增加口感燒鰻魚 好熱！鰻魚好軟好好味三文魚腩壽司 $18好靚嘅三文魚腩☺️ 好厚身又肥☺️壽司飯係用咗紅醋 幾特別滑蛋豬扒丼 $88蛋滑 同菇同洋蔥好夾 吉列豬扒愛皮仲有啲脆 份量都好多🙈 炸軟殼蟹手卷 $50第一次食咁貴嘅手卷🙈🙈 本身以為$50per2但好足料 有三文魚籽 蟹籽 牛油果 同炸軟殼蟹 好精緻✨ 仲要大大個勁飽肚 $50係值嘅茶碗蒸超熱🙈 好滑好重蛋味 中間仲有啲蟹柳 菇 同雞肉炸雞軟骨 $25$25有大大兜🤣🤣 勁抵食八爪魚丸 $18係炸嘅八爪魚丸🙈

之前經過葵芳見到有間商場新開，見到都幾多嘢食，今日一於去那裏搵食，有間日本餐廳 喺一樓，於是便上去試下。開放式厨房，師傅在透明度高的地方處理食材，令食客食得更安心。晚市套餐似乎好抵食，我倆便叫了一個“惠”即是兩人套餐。非常新鮮的三款刺身，甜蝦大隻夾鮮甜，厚切鱆紅及三文，眼觀已知新鮮，入口更覺鮮美，加上鮮磨山葵蓉，感覺就如親臨惠比壽品嚐一樣!香蔥吞拿魚蓉丼，飯底並不是一般的壽司飯，而是秘製過的有味飯，加上厚厚的吞拿魚蓉加香蔥花同吃，真是絕配。不要少看這碗飯，吞拿魚蓉的比例和飯是3:1，大廚落手重，吞拿魚蓉厚厚的，實在食得過癮。這碗以熱石鍋上的燒豚肉溫泉玉子丼真係不得了，配上一碗仔秘製醬汁,食的時候撈勻溫泉玉子於飯內，再淋上一些醬汁同吃，簡直係人間美味 。厚切燒豚肉肥瘦均勻，豚肉味極濃而且不會韌口，慢慢咀嚼還很有肉汁，不一會兒功夫就把豚肉吃光，再慢慢品嚐因熱石鍋而形成的小許飯焦，一碗飯兩種口感～上邊香滑，下邊飯焦香口，不好飯的我也吃了大半碗。除了兩人餐還額外叫了一份鰻玉子燒，帶有少許蛋汁的玉子包裹著一片鰻魚，另玉子燒多了一份鮮味及食落更有層次感。一分兩人餐再加一份玉子燒,放滿左大半張枱，結

今日又去開葵芳覓食，見到呢間新開嘅日本餐廳個門面幾靚，就走上去試吓，點咗：🍣特上壽司配烏冬🍜 ($108) - 呢個真係勁抵，又有壽司又有烏冬，仲跟埋個沙律，先至呢個價錢。壽司有成10件！同埋都好新鮮，個烏冬都好好味又Q彈，勁鍾意個湯底。🍜大和魚生冷麵 ($115) - 呢個冷麵嘅份量都好大，撈埋啲沙律醬都唔錯，沙律醬下嘅魚生都幾多下㗎～～🐟三文魚刺身 ($30) - 個三文魚魚生勁大塊，好開心🤩🤩下次會再黎🥳🥳

上星期和朋友到葵芳逛街，晚間時分看看附近有什麼餐廳，留意到這間新開的日式西餐廳便決定和朋友進去一試餐廳提供不少菜式，例如丼飯拉麵壽司和各類小食先來一份雞盛合串燒，先稱讚一下廚師控制火候的功力，全部都燒得外脆內嫩，雞肉的肉汁全部鎖在雞肉，配搭日式醬汁和簡單的烤鹽調味，非常惹味日式牛肉拉麵，不比專門拉麵店遜色，湯底清甜濃郁，配搭份量不少的牛肉，值得推薦軟殼蟹飯卷，軟殼蟹外皮炸得香脆可口，配搭沙律醬牛油果和帶有醋酸味的壽司飯，非常滿足

光猛的餐廳，又有卡位，坐得舒。刺身拼盤，每款兩件，有冰放底，上台已經好吸引。魚生厚切，食時口感好好。油甘魚，味道鮮甜。三文魚，有魚油香。蝦大隻，肉質好，新鮮又鮮甜。魷魚壽司，魷魚真係鮮，好漿口。帆立貝，一樣鮮甜。食日本菜，刺身新鮮美味，真係好高分。石燒地雞温泉玉子丼，醬汁甜甜地，再加上蛋醬攪拌後，個飯特別美味。雞肉肉質好，就連個泡菜都好好味。海鮮盛合，有大蝦、生蠔、鯖魚、鰻魚和帆立貝。串燒大蝦，燒得香，蝦的肉質彈牙，燒得剛剛好，好有蝦味。

餐廳係間樓上鋪 環境寬敞乾淨員工同埋樓下姐姐都好好態度加分加分👍🏻佢地有幾款menus 但睇落都係散叫岩食啲🤣炸雞：新鮮即炸，咬落軟林林 仲有肉汁 炸粉相對少 幾好食燒鰻魚：個汁好食 不過不失🤣原味玉子燒：蛋味較濃，一份仲有厚厚既六舊😍不過比我再揀既話 會揀個有餡既雜錦串燒盛盒：有五樣野係入邊雞軟骨 - 口感香脆唔硬 用咗鹽同胡椒提味 幾入味雞翼 - 啲肉勁勁勁滑，落左鹽同胡椒去燒 但味道較淡翠玉瓜 - 上面有柴魚碎 但唔加檸檬汁好啲🤣鯖魚 - 上邊燒鰻魚好食啲🤣豬腩肉 - 燒好香口！肥膏唔算多，算係五樣入邊最好食滑蛋豬扒丼：做到滑蛋既要求👍🏻 濕濕地 未熟晒❤️由於個飯底唔多 啲蛋汁滲晒落個飯到 加埋啲菇 基本上唔會有任何一啖係冇料🤣牛肉壽喜燒：牛肉算係大塊，本身有粉絲底，切記早啲食粉絲 如果唔係會勁咸🤣

這間位於葵芳的日式餐廳，主要以刺身、壽司、燒物等為主，晚市有9折優惠及多人款特價小食。明太子玉子燒玉子燒新鮮即叫即做，上枱後還冒煙，明太子的咸鮮味道跟玉子燒超夾，充份突顯明太子味道。吉列豬扒豬扒炸至金黃香脆，炸漿不會太厚，豬扒嫩腍不會太乾。大和魚生冷麵有真鯛、三文魚、油甘魚及蟹杍等加上沙律醬及特製的酸汁，拉麵爽口彈牙，加上酸汁刺激味蕾，刺身味道更鮮甜。三文魚炒飯定食炒飯用了珍珠米，而且不會太重油，三文魚炒至香口，魚油滲入飯內，整個炒飯簡單好味。黑蜜綠茶粉蕨餅帶點煙韌的蕨餅有淡淡綠茶香及甜味，真係食唔停口。

今晚約咗一位好朋友聚舊 ，揀咗一間日式餐廳，最重要坐得舒服，食物又好味的。此店位於葵涌廣場附近，連住天橋一落就直到，內裏裝修好有日式風格。惠比壽刺身丼共有八款刺身，賣相顏色豐富而且排得非常有序，有大蝦、帆立貝、蟹子、吞拿魚及四種魚刺身，材料新鮮。雜錦串燒盛合有雞翼、雞軟骨、豬腩肉、鯖魚、翠玉瓜，呢個盛盒都幾有驚喜，尤其是係豬腩肉，燒得一啲都唔乾，好juicy，調味入味得嚟又唔會太鹹。由於太好味的關係encall了 茄子和冬菇，也同樣好味。綠茶黃豆粉蕨餅煙煙靭靭，薄薄的，原來是熱食的。好有綠茶味，作為飯後甜品真的不錯。