惠比壽本店

Open Now

Now Closed

入到門口沒有人招呼, 自己搵位坐低咗, 佢就埋嚟問你有冇訂位, 冇嘅就要坐第二度, 間舖頭都未係好多人, 大概坐咗一半人啦, 未滿人都咁樣嘅服務 , 再多啲人都唔知點算 , 唔怪得知啲人鍾意北上,

無意中發現葵芳竟然有間高質又抵食嘅日料，而家已經成為咗我嘅飯堂，呢度環境舒適，地方大，聚會一流。壽司🍣刺身食材都好新鮮，就算唔好生冷嘢，都有好多其他選擇，有串燒，燒物，鍋物，石鍋飯等等，豐儉由人。今日叫咗最鐘意嘅手握壽司🍣每件都係厚切，鮮味十足，比平時食嘅壽司更加足料，toro入口油香滿溢，吞拿魚蓉份量十足，新鮮魚生與日本米赤醋飯完美融合😋隱藏菜單係日本直送原條魚，可以刺身或者鹽燒，今次揀咗鹽燒，魚肉非常鮮嫩，魚皮焦香，冇過多嘅調味，可以食到食物最原始嘅鮮美，咁大條海魚都係3百零蚊，性價比極高另外叫咗份三文魚牛油果沙律（全份$108，半份$54）三文魚嘅肥美配埋牛油果🥑生菜青瓜絲，爽脆清新，每啖都好滿足葵芳高質日料選擇唔多，以後都會繼續支持小店

住喺附近，佢新開店就開始幫襯，疫情期間都不時光顧。可謂食開有感情，鐘意喱度嘅食物水準平穩，環境濶落，價錢合理。一直見佢唔係好旺，可能我多數非繁忙時間去吧。疫情時期更見人少，擔心佢做唔住㗎。好彩疫情過去，人流有番起色，佢堅持到而家，覺得佢都好嘢喇！中午慣常食燒鯖魚套餐，因為唔食刺身，否則選擇更多。套餐有用日本米煮嘅飯，連麵豉湯，漬物及菜沙律，沙律啲菜好新鮮㗎，比好多餐廳一早整定擺到變色，優勝得多。佢哋又會送張免費小食卡你，等你下次用，我就最鍾意食茶碗蒸，啲蛋好嫩滑又熱辣辣，店員話係即叫即蒸嘅。今次晚餐，叫咗非慣常食嘅牛舌丼同燒深海池魚骹。牛舌份量十足，質感軟熟有肉味，池魚鮫燒得咸香魚味濃，今餐略為叫多咗，不過仍然食得晒，個胃非常滿足。

首先個生魚片拼盤嘅每一片魚肉都切得恰到好處，口感鮮嫩，入口即化。其次個烤魚嘅魚皮金黃酥脆，內裡的魚肉鮮嫩多汁。搭配的醬平衡了魚肉的油脂，讓整體味道更加層次分明。總結來說，每一口都是對味蕾的極致享受。

無意中發現葵芳竟然有間抵食日料，性價比極高，餐廳環境舒適寬敞，最最重要嘅係唔限時！新鮮食材，價格親民。食物選擇好多，啱晒有選擇困難症嘅我，夜晚唔想食太多澱粉質，所以今次試咗灃洲漁市場直送原條鹽燒金線鯛，非常新鮮好味，完全唔腥。另外見到廚師推介油甘魚頭鮫，本身就好鍾意食魚鮫，梗係要試埋，果然冇令我失望，啖啖肉，超滿足。餐廳仲有白身魚，刺身半價優惠，叫咗份魚生，新鮮魚生搭配赤醋，唔需要點豉油都可以食到食材本身嘅原汁原味。

一個人午市找食，處處都人頭湧湧，這店算是可自己一張小枱，不會逼得唔自在。嚐了溫泉蛋豬軟骨飯，是石鍋盛上。熱辣辣，若冬天食應該不錯。豬軟骨肉不鞋，很軟林。份量不少，味道不錯。因套餐，有沙律、湯及甜品，而且標記優惠價，唔洗七十元，要加一。如果想好好坐著食飯，這是不錯選擇。

呢間餐廳喺葵廣隔離午巿生意爆場環境闊落光猛9成食客都係附近嘅打工仔講真，佢午巿套餐都幾抵食㗎款式多之外，一個主食會配埋和風沙律及味噌湯🌼 燒豚肉溫泉玉子丼（$88）石燒鍋上菜熱辣辣影相嘅時候仲噴緊煙😅除咗豚肉之外仲有配菜，色彩繽紛賣相精美😍汁燒豚肉有六大塊，厚身juicy 唔會韌；因為汁燒過仲帶少少甜味，送飯一流溫泉蛋啱啱好，石鍋飯焦撈温泉蛋汁食好香😋😋加多罐可樂都只係$3，比起其他餐廳算實惠了

月尾出糧之日, 又同同事去搵好野食啦, 經過惠比壽呢間好耐，但一直都機會去試，今次就同幾個同事一齊去試，但掛住食，好多都唔記得影相😓午餐set包味噌湯、沙律，所以性價比都幾高👍我叫左什錦壽司丼，價錢都算抵食，但刺身份量唔算好多，女仔就夠食，但男仔可能唔夠飽其他同事就叫左滑蛋豬扒飯，同事話豬扒都幾唔錯，幾推薦，特別係個滑多都幾出色😋😋仲有叫左西冷牛扒set, 牛扒本身醃左味，另外會再比埋個鐵板，可以自己處理熟度，呢個幾加分👍👍仲有份牛肉丼，呢個就不過不失，唔算好出色總括黎講，午餐性價比好高👍👍

星期六晚食飯最怕等位，葵芳匯呢個位置勝在夠方便又唔駛等入到餐廳好彩人唔多，環境清淨仲要有特價set包味噌湯、沙律🥗叫左牛舌温泉蛋丼🐮$98 ，不過有少少太熟仲叫左花魚一夜燒餐$72，條魚有前臂咁長，性價比極高特價餐之外，仲有特價單品，叫埋燒魷魚🦑筒，都係$64絕對值得encore

以前係附近做野，舊同事帶我黎食過一次後，就非常中意呢度。 而家即使轉左公司，都仲會周不時放假過黎食。壽司手握，係赤醋飯仲要會放少少wasabi 係魚生同飯中間，食得多連鎖就會覺得呢個價錢竟然仲有咁講究真係唔錯。lunch set一碟壽司加一碗烏冬都只係110幾蚊，又冇乜加價，同以前仲係一樣😂當葵廣小食又加價又逼又要企係度食，呢度有卡位真係好好多，希望多啲人知呢間樓上舖，星期六日既人流同以前返工午市相差頗遠～希望多啲人黎食咁我繼續有得食lol

平時去葵芳, 只係會記得葵廣. 今日就去左葵廣附近既一間日本餐廳. 間餐廳位於葵芳匯一樓, 樓下好似無咩客, 但上到去都幾滿座. 店內佈置都幾日本風,店內氣氛都唔錯燒和牛溫泉玉子丼濃濃既醬汁配和牛, 加流心蛋, 簡直一流. 燒和牛的肉質嫩滑多汁，帶有燒烤的香氣,每一啖都有豐富口感和美味組合，讓您感到享受和滿足炙燒三文魚丼新鮮三文魚炙燒後呈現微焦的香氣, 入面仍然保持著鮮嫩的質感, 搭配著醬油的鹹香味道, 加上白飯的蓬鬆口感每一啖都有三文魚的鮮美和醬汁的香氣以價錢, 唔算特別平, 但係以舒適度, 同食物質數都幾好. 如果順路經過葵芳 可以一試

成日行葵芳經過，都想行過嚟呢邊試，但又忘記佐，今日終於醒起，可以試下呢幢商廈邊一間有好野食。搭𨋢前見樓下水牌介紹，我們一家大細，還是選擇老少咸宜嘅日本菜。搭𨋢到一樓，入餐廳便發現原來都好多客人光顧，以為樓下人流不旺，上面會較少顧客，但剛相反，好在還有卡位。坐下看了一遍菜單，便叫了3款套餐，包括刺身丼，壽司拼烏冬，炸雞烏冬冷麵，套餐可加配小食，選了加州卷及茶碗蒸，還包飲品，麻醬生菜沙律及罐裝飲品。每款都即製很新鮮，尤其加州卷，估唔到比其他日本菜館還出色，食得出係即卷，很鬆軟，蟹子豐富，還墊了沙律醬在底，很好吃。我的壽司盛也很出色，居然還有海膽壽司，壽司飯還調了味，添了醬油，份量不多不少，材料很新鮮，入口軟糯，好吃。炸雞配麻醬烏冬，女兒也很喜歡，炸雞不乾身，還很軟熟，抵讚。我們一家很喜歡這家味道，招呼也不錯，雖然人手不足，但看得出也盡心招待客人。

《惠比壽本店》▪️▪️▪️▪️▪️▪️▪️▪️▪️▪️▪️🔸池魚刺身 (時價,今次幫襯$248) 同大部分居酒屋一樣都有原條魚刺身~ 餐廳都會有一啲比較細嘅魚！所以兩個人都可以又叫魚又叫其他嘢！！🥰 池魚分量與價錢呢講非常合理🤭而且鮮味亦都幾足夠值得一試！！🔸香蔥吞拿魚蓉卷 ($118)卷物嘅種類算係幾多😂 同平時一樣都係叫咗最愛嘅吞拿魚蓉🫣 啖啖吞拿魚肉卷住食非常滿足~🔸 燒雞盛盒($98)居酒屋點少得串燒！燒雞盛盒有雞翼，雞軟骨等五種唔同串燒~ 非常適合選擇困難症！最有記憶點係雞軟骨~😍🔸鐵板燒牛舌($72)估唔到真係成個鐵板咁上😂 厚切牛舌大大份~ 牛舌控絕對唔可以放過！▪️▪️▪️▪️▪️▪️▪️▪️▪️▪️▪️設加一收費▪️▪️▪️▪️▪️▪️▪️▪️▪️▪️▪️今次幫襯📍惠比壽本店葵涌興芳路208號葵芳匯1樓#波比出沒葵涌 #KwaiChung #KwaiChungfood #葵涌美食 #居酒屋 #日本菜 #串燒 #Japanesefood #hkfoodie #hkblogger #foodie #hkfoodblogger #hkinfluencer #hkkol #hkfood #hkfoodlover #hkfoodstagram

第二次再幫襯，今次6:00前仲有下午茶吃，叫了炸蝦漢堡+薯角。上次吃飯團+餃子已經覺得廚師很用心，飯團同餃子脆脆的！今次蝦堡同餐牌相完全一模一樣，雖然用刀叉食天婦蝦+漢堡有啲論盡😅，下次應該用手攞住食會方便啲！由於葵芳太多野食，所以雖然食物好食，但每次黎都冇乜人。。但如果想舒服慢慢坐，免費嘆綠茶，下次一定再黎❤️星期六日都有下午茶的👍🏻

我同老婆食咗佢一個刺身拼盤…壽司拼盤…單叫一碟中拖羅～同各一碗肥牛同叉燒拉麵…刺身拼盤坦白講係唔錯但係厚切咗少少…壽司拼盤確實幾出色～都做得幾細心～飯已沾有豉油～魚生中間也有少少wasabi～但係個中拖羅真係好一般～138…比我想像中失望唔知咩原因反正就係冇咗魚油嗰種咁香嘅味道深水埗有一間壽司店150蚊中拖羅～已結業但佢嗰隻油脂嘅甘香真係好誇張～最後肥牛同叉燒拉麵肥牛…也真的挺嫩口…叉燒就反而好韌但入味麵也是我最喜愛的拉麵底不過個面份量有啲多…保證能食飽或食瓜任何一個正常飯量既人客總括嚟講如果十分制我覺得有7至7.5分張枱吊燈撞咗我個頭三次盞燈實在有啲高(改改佢啦)