ECF cafe (Closed)

以為係樓上cafe 點知係樓上西餐廳環境都幾舒服 set dinner around $100一個人在尖咀黎講都算ok 又可以傾好耐計無人趕set跟湯/沙律..試了沙律, 份量挺多亦新鮮墨魚麵沒有墨魚味...但配了汁後很creamy! 用料很多...自選揀了的雞扒亦有先煎香..唔錯!酥皮羊好有創意...但好咸! 就連好難會整得難食的薯角都因為太咸實在食唔落+$28配心太軟....個心太軟細無所謂...跟雪糕要另外加錢都算...最大問題係唔流心,,,仲要用有鹽的牛油茶啡是茶餐廳級數...熱飲更是迷你版希望店方注意食物調味....我們不需要太多鹽來抗幅射

即日訂枱,早到,好少人但到食飯時間超多人好嘈~一定要讚酥皮三文魚,又大份又好味~回味無窮,同埋真係好抵食其實甜品真係好唔抵,又細件,出面食質素好d不過朋友生日冇計啦~

E間野真係好好食呀.，.我已經BOOK左下星期.再同FD去食.佢E間餐廳...好靚...以白色為主...令人感到好似身處地中海~~感覺好舒服....好適合同FD 傾計...佢D牛扒..好鮮味 唔會好似其他餐廳咁，落左好多梳打粉我朋友都話D意粉都好OK，仲有小食：雞翼、薯皮都唔錯至於甜品，我地4個人叫左心太軟同梳乎厘，都OK，唔覺得好「漏」而呢日全間餐廳都坐滿晒人咁滯，好彩我地一早訂左位，唔駛點等至於服務，D侍應都好有禮貌總括黎講，呢間係一間值得推介既餐廳。

係Openrice搵到呢間cafe...就試試看...一行4人...book左枱...去到竟然有張大枱...食物選擇既款式都幾多...反而飲品類別就少左D...食物水準ok呀...特別是意粉類...service亦不錯...這兒是大伙兒gathering的好選擇...讚~

已經幫襯過這間餐廳不少次了，這些年來，餐廳都保持水準，今日再來，仍然沒有令我地失望。我地今日要左個 set dinner + 三文魚沙拉 + 朱古力心太軟蛋糕。Set dinner 的餐湯、餐包和飲品 呢3樣野不過不失啦，今日餐湯係甘筍湯，味道都幾好。主菜有三文魚拼龍利柳意粉 魚肉大大塊，好足料! 呢度d 魚一向整得好味，呢個餐以魚為主角，好味! 三文魚沙拉 總共有4片三文魚，都好足料! 菜好新鮮，好味!朱古力心太軟 第一次在這裡食心太軟蛋糕，估唔到係禁細件。雖然沒有澎湃的流心效果，但朱古力味好濃。呢個甜品唔係高水準的甜品，不過也ok 吧。我地對今餐都滿意，服務都幾好，美中不足係呢度環境好嘈，傾唔到計，如果改善左呢樣野就 perfect 了。

同食之戰友aeris又試新野呀,上網睇到喱間好似唔錯,於是來喱到食lunch~!以藍白為主既設計,感覺都幾舒服,叫左個lunch set,個價都幾平呀~!羅宋湯,味道普通,不過幾多菜~!蒜蓉飽,唔算太有蒜蓉味,味道普通啦~!葡汁燒雞扒配薯菜,味道又係好普通,有d似快餐店食果d呀~!凍檸蜜好甜呀~!基本上雖然食物味道好普通,不過以喱個價錢來講都算幾平,同個環境唔錯,好舒服,有種寫意既感覺~!

本來都無留意呢間 cafe，因為亞士厘道實在太多餐廳，呢間樓上鋪又無乜特別宣傳。　咁岩有個妹妹係派傳單，女友接到後，就話試下，咁咪試囉。上到去，覺得個環境都唔錯，簡約 feel，感覺企理。見到個餐排，心諗，個餐排ｄ野食得咁少，ｄ套餐又係傳單上果ｄ，即係來來去去都係得幾款啦，感覺上唔多得。在選無可選的情況下 (因為我地兩個都唔食牛唔食蝦) ~ 叫左個燒春雞餐配燒薯片，加配燒雞沙律 & 自選意粉 (雜菌三文魚菠菜忌廉汁天使麵) & 雲尼拿疏夫厘~ 心諗，粗粗地食住先啦 ~先黎的是燒雞沙律　～　是凱撒沙律加燒雞　～ d 菜都係d靚菜 ～　個沙律好味　～　唯一是燒雞太乾太硬　～跟住是天使麵 ~ 個賣相唔錯，三文魚同雜菌分量幾多，味道唔錯，唯一可以挑剔的就是個汁幾傑，漿住個麵　～　後來是燒春雞餐配燒薯片，賣相超好，味道一流，唔似出面果ｄ雪雞咁無味 ~ 最後是雲呢拿疏夫厘 ~ 呢個不過不失 ~ 整體評價不錯　～　價錢唔貴　～　會再食　～　大家去時，一係早Ｄ去，一係要訂位　～　

夜晚都唔知食乜好,想搵個地方靜d,要傾野...就揀間上樓cafe,又見lei度評分都幾好...但上到去呢...原來都幾嘈下,可能咁o岩好多人掛...不過氣氛都幾好,藍色白色為主,都幾舒服...樓下有妹妹派傳單...話可以晚餐轉特飲...不過望下d餐都唔便...最便都78蚊架...配薯角,薯蓉or薯片咁,仲有d意粉餐,68蚊揀兩款野食揀意粉,加廿蚊就轉餐咁...同埋餐加廿蚊有得加個越式春卷...我地四個一人叫個餐啦...我就食雞,其他野就試左一兩啖芝麻燒春雞配薯片, 都算大隻呀,幾靚,個味同肉都幾好,唔會太鞋..冇乾淨淨,都唔係炸o既,算唔錯,薯片就炸...可能都熱氣左d,我食到口損左...白汁蜆肉雞肉意粉, 本來以為cafe d意粉都唔方大碟,又唔係喎,都算大碟,賣相幾好,夠creamy,足料,味道ok, 唔錯...茄汁雞肉翠肉瓜闊條麵, 都係大碟,賣相ok,茄汁味適中,唔錯啦~西冷扒配薯蓉, 係就係好大份喇...但係呢...唔好食,冇牛味同埋好鞋好韌呀,唔ok...薯蓉都係一般...越式春卷, lei個又ok喎,炸得o岩o岩好...都好味~我地叫佢d特飲都ok,賣相幾靚...唔錯,都

週末中午閒聚，來到佈置簡單清雅、食品多樣的ECF Café。坐下來，看過餐單，選了自選意粉，有蒜茸包一件、西式餐湯及翠玉瓜札肉配蒜茸香草炒意粉。 份量比預期豐富，蒜茸包香脆不膩、餐湯料足，自選配搭之食料新鮮，醬汁有特色。綜合而言，食品及服務有水準，是休閒聚會的好地方。

已經不下數次到訪了，雖然價錢略貴，但以酒店廚師一手包辦的西餐，質素和配搭依然令人回味。位於樓上舖的，別有一番格調，絕對適合慶祝、情侶之選，只是假期天可能人便比較多。唯一抱憾的是吃不到梳乎厘，原因被烘焙焦了，再弄一個要多等半小時。【香草蒜蓉焗扇貝】扇貝很厚身，別忘了喝掉殼裡頭的菜汁，挺鮮的說。【ECF四重奏】這個適合兩人食用，以食量不大來衡量。可選配薯角、薯皮或薯片，今次我選了香辣薯角。．芝士焗大蝦：選用海蝦，使芝士味道不至於蓋過海鮮味。．燒汁西冷牛扒：不知道是幾多成熟，但不韌且容易切開。．香煎龍脷柳：個人不太喜好龍脷，因為多半弄得過軟，但這個反而保留了少許質感。．三文魚刺身鮮雜果沙律：混進火龍果和哈蜜瓜，倍添清新和醒胃。

樓上cafe質素參差，無論食物、環境和服務態度，是好是差，很多時候都令人意想不到。所以我每次光顧，都抱著戰戰兢兢的心情。這次誤打誤撞，遇到尖沙咀的這間ECF Cafe，食了下午茶意粉，覺得很不錯！焗ECF雜錦蝴蝶粉Tea Set $29 - 選了鮮茄芝士汁，味道濃郁開胃，裏面有火腿、煙肉、雜肉腸，雖然是普通食材，但是味道很好~ 自選意粉餐 $28 - 可選兩款配料，我選的是脆肉瓜和鮑魚片，配忌廉汁。本來有點擔心自己選的兩款餸太中式，不過結果幾ok，鮑魚片幾多，忌廉汁也好味道，有忌廉味而不會膩。餐飲 - 熱菊花菠蘿蜜有朵朵菊花，菊花香味撲鼻而來，喝下去除了菊花味又有點菠蘿味，幾得意，甜度也適中。紅豆冰作為餐飲不用價錢也幾驚喜，紅豆也不少。店內裝修以白色為主，配以藍色點綴，營造希臘海邊風情，感覺不錯。下午茶時段店裏座無虛席，很多在附近工作的人在這裡食飯，好食的店當然多人幫襯！

店子以藍白色為主調燈光暗暗的簡單卻不失情調坐到晚上8點左右，小店巳經全滿囉～晚餐有A到F可供選擇全部配餐湯或沙拉，主菜可選配炸薯角、薯泥或燒薯片網評一直對四重奏有高度評價一行六人，四位點了四重奏，兩位點了扒海鮮是日餐湯是忌廉湯，朋友評價還好是日沙拉是煙鴨胸沙拉，醬汁酸甜很開胃，生菜咬下去嗦嗦叫的扒海鮮(HKD98)，朋友說石班味道怪怪的，其他的像青口，大蝦及帶子還不錯四重奏有起司焗大蝦、西冷牛排、煎龍脷柳及鮭魚火龍果沙拉船起司焗大蝦的蝦子肉質堅實不鬆散感覺不是冰鮮貨西冷牛排小小一塊，牛味香濃軟腍細嫩吃完１還想再來一片耶～煎龍脷柳普普，起碼不會軟趴趴的還是九龍城鐵板站的龍脷柳最有驚喜沙拉船裏是火龍果粒、哈密瓜粒及兩片鮭魚放在最後吃清清口腔味道最讚伴碟的燒薯片有被騙的感覺燒薯片的碟上乏著油光，是炸而不是燒吧？雖然酥脆好吃，可是太罪惡了說～食物整體味道尚算不錯店外有客人等候也沒有趕客的情況出現只是食物上桌時欠了點溫度可能跟店家空調吹的猛猛的有點小關係下次有機會再訪的話來一份純西冷牛排好了詳細食評及照片請看：http://hk.myblog.yahoo.com/foodiebarbie/art

與友人聚餐三人點了下午茶自選意粉我點了煙肉,蜆肉蝴蝶粉配菠菜汁整體菠菜汁偏淡,吃不出菠菜味,只可以說是淡綠色的白汁!煙肉,蜆肉只飛水沒有炒香,只是將所有材料撈均,沒有香味可言!羅宋湯味濃足料,尚可!椰汁紅豆冰不合格!紅豆不夠諗,椰汁只有顏色可言,沒有椰汁味!差劣!我比OK是因為環境,整體以白色愛琴海feel為主,好舒服寬敞,但食物真係做得好差,沒水準可言!

因我得了獎，姑姐請我吃飯，早前聽同事說這家餐廳不錯，我便打算來試一試，首先是被它簡樸優雅的裝修和擺設吸引，真的很簡單，但也不失高貴優雅。店內並掛了幾幅愛琴海的畫。也許是因為樓上舖吧，即使是午膳時間，人也不是佷多。　　　餐湯有中或西湯，我們各要了一款，一款是青紅蘿蔔湯，另一款則是白菌忌廉湯，料足味道好，不會太鹹。而烘麵包也恰到好處，不會太焦和太脆。　　　我們都要了香草青紅椒蝴蝶粉，太棒了，特別的是，香草碎撒在碟畔，我們還以為是碟上的花紋呢。有香濃的芝士味，而且不會弄得太黏稠，不會太乾，不錯。　　　　　　　　

因為同事鍾意果度既feel,所以有時都會去ecf食lunch首先講一樣野先啦,呢幾年耐唔耐都去食下,以前由14:30-17:00一個下午茶都係30蚊跟住無啦啦加1蚊,再發展到15:00-17:00先係下午茶時間,即係焗住要食午餐午餐39-40幾蚊,講下平時都會食下既39蚊個幾個扒類既午餐先飯又硬,又凍配菜(瓜類,甘荀)出到黎既顏色好黃,仲要極乾,真係好"配菜"囉到件扒,又係凍ga個餐湯.....龍蝦忌廉湯.......一上枱,面頭有一層野"琼"住左,好似擺左好耐咁個bor!!個餐入面果舊小小既蒜蓉包,已經係成個餐最好食ga la,可惜....太少蒜蓉and牛油...搽0係面包上既,一半都冇lor!!今日再食我半年未食過既焗飯(以前佢地最好食既焗飯類)焗3重奏(煙鴨胸、鮑魚片、吞拿魚白汁芝士焗飯)龍蝦忌廉湯蒜蓉包柑桔蜜......飯e然係凍既(諗清楚,lee個係焗飯wor!!)白汁仍然係"琼"住,d芝士少到得2,3撻(5毫子既size)又+埋幾舊"配菜"落去,冇果樣整果樣幾舊鮑片咬落去,好似魚片咁,重要係唔彈牙既魚片,點焗都唔會變左粉粉地ga la!!最重要既,佢地.....係臭ga..