ECF cafe (Closed)

今日係同女朋友既一周年記念,咁就想搵間好d既餐廳試下啦~係呢度搵左好多間,最後因為行程決定呢間,就咁睇之前既評語都唔錯,環境又幾好,所以試下今日下午打電話book 6點半2位,上到去一個人都未有,好似包場咁每將枱都有蠟蠋,播既音樂都好舒服,唔錯睇餐牌睇左好耐,點左好多人都話好食既4重奏,加左個小食,泰式蝦春卷(唔記得咩名...),呢個係set dinner,有湯有野飲,湯係周打蜆忌廉湯之後叫左個意粉,材料選兩款加入去,我地選左三文魚+帶子,天使麵+忌廉汁其實有好多選擇,有好多種汁,麵同材料,多心既人一定選好耐餐飲本來想選特飲,但係睇落樣樣都唔係咁合口味,最後都係飲番d"行"野朱古力算了~甜品選左朱古力軟心蛋糕~~到食評了~因為我地點完都未有人上黎,可能7點幾仲係早吧,所以野食好快送到先黎餐湯,料都ok多既,不過味道真係麻麻,我覺得太淡同無味咁,女朋友仲話好水咁..之後到set dinner +錢既小食,泰式蝦春卷,味道唔錯,幾香口,好脆,醬方面比m記個d好之後到意粉,味道真係唔錯!!忌廉汁夠香濃,加埋芝士粉仲好食,帶子夠大粒,食落口都幾豐富咁,三文魚就....可能平時呢種煮法日日都食,

本身book左1930 但好彩早左到(1900)都有位 可能今日係星期一啦 所以我同男朋友去到時都係得兩張枱有客...環境簡單別緻 主要是白色 牆上掛有希臘藍白小屋的畫 幾舒服的當睇緊menu時隔離個corner位張大枱d人開始入座 心知不妙 實好嘈啦.....大約2000陸續多人 呢個時候就開始嘈左d 但其實我覺得acceptable的好啦 講下食左d咩先:1. 小食拼盤 ($48) 非常不錯 新鮮炸出來的 入口十分鬆脆 配埋他他汁非常好食2. 四重奏(配香辣薯角) (連soup/salad, coffee or tea) ($108)先上雞肉沙律 無乜特別之後主角上啦 haha waitress非常細心的自動拎茄汁俾我地 要讚一下另外想讚下呢度的炸物真係好OK 個薯角外脆內軟 好味牛扒幾稔 OK的 魚扒 蝦都不錯+$8可轉特飲 叫了奇異果蘆薈冰綠茶 不太甜的 幾好飲+$20 叫了甜品 焦糖燉蛋 外熱內凍 味道不過不失 不過個碟裝飾得幾靚 總括而言 我同男朋友都好滿意今餐 除左係偶然間嘈左少少之外 其實都不錯 有機會會再去食的 不過一定會揀平日 唔揀weekendsss!!!

有人推介，所以去試下，原本都好地地一入去環境都唔錯，暗暗地每張枱都有爉燭有情調不過可能係樓上舖同樓底矮局住d聲有d嘈仲有最後發生左一d事令我扣左佢好多分******************************************************************************book 19:30 因為星期四所以都冇規定交枱時間 set dinner -四重奏 $118裡面有大蝦、牛扒、龍脷柳、三文魚火龍果沙律幾好食，都幾大份set dinner包湯、飲品 精選意粉 $68精選意粉係佢有一堆自選材料 eg: 蜆肉、三文魚、煙三文魚、西蘭花、粟米、鴨胸、大約有12樣自選材料然後再自選意大利麵 eg: 墨魚汁麵、長通粉、蝴蝶粉、angel hair，寬條麵、大約有6種跟住再配埋汁 eg: 香草汁、忌廉汁，都係大約有5-6種揀2款材料然後揀意大利麵同埋汁就成為一個course加$20 就可以轉set 有湯+飲品於是揀左煙三文魚螺肉墨魚汁濶麵配香蒜忌廉汁 set呢個幾好食，幾creamy 鴨胸蜆肉寬條麵配香草汁 set都ok嘅，但係香草汁就麻麻，乾得滯，如果濕d

友人book左呢間同我食生日飯6個人點了4個餐加小食小食有焗薯皮、沙律、焗茄子、洋蔥圈、炸魚塊等等薯皮好厚唔夠醬汁有點乾，其他的味道都一般主菜有煙三文魚忌廉汁意粉、雞肉長通粉、焗海鮮飯、鮮茄墨魚汁意粉忌廉汁意粉、雞肉長通粉都好味海鮮飯較普通鮮茄墨魚汁意粉有d怪, 唔係難吃, 但墨魚汁意粉都係同白汁match d我覺得呢度最值得推介係d drink我揀了奇異果蘆薈冰綠茶無論賣相同味道都很不錯唔會好假果汁既feel友人都話佢地既飲品幾好所有待應都很有禮, 那位經理幫我分派生日蛋糕時問我地邊位生日仲同我講happy birthday個場唔full, 可以食完慢慢傾計

哩日早上打黎book左台, 可惜話要8:45 交台. 我諗食個幾兩個鐘應該食得切既.是次乃為羊膝而來, 打開餐牌卻一個"羊"字都冇, 當堂的確會有點失望, 但飯都依然要食, 幾個餐都幾吸引. 有個芝士焗生蠔, 可惜係拼金沙骨的東西, 唔太愛食骨. 所以最後都係點左個四重奏$108, 稱佢為"海陸海", 因為d 快餐店通常都叫做"海陸空套餐".先來既係餐湯同餐包.餐包乃係焗蒜蓉法包, 幾香, 但未至於離遠都聞到o個隻, 拎上手仲有點暖. 食落都仲夠脆, 只係覺得多點牛油塗勻一點會更好味.餐湯侍應話係咩西蘭花cream soup. 西蘭花就見唔到啦. 個湯就幾creamy, 味道都好濃, 唔會一飲就話佢用水開稀o個隻先.海陸海套餐另外有個side 同沙律, side 要左薯蓉.沙律我問佢可唔可以轉其他野, 佢話要問下廚房, 但最後都係原沙律奉上幸好"沙律"只不過係火龍果+哈蜜爪上面再+兩片三文魚生. 其實我覺得哩d 唔應該叫"沙律", 應該就咁叫"生果". 沙律哩兩個字實在太含糊. 若講明"生果", 就好肯定上面冇沙律醬了.有生果幾好, 清下腸胃, 都知出街食飯既人餐餐都冇菜冇生果落肚芝士

出來tst 睇戲之前食餐dinner...朋友搵到黎lee 間試下...原來lee 條街都幾多餐廳...幾多野食wor..雖然冇book 位...好像佢地幫我地轉一轉d 枱...好快就有位啦!!我叫左個自己揀料既意粉...朋友叫左佢地個ECF SPECIAL...2個都幾好味呀!!!仲有杯野飲都好好味呀!!再叫多左個焗薯皮...就好淡又冇味!! 真係要自己落D SALT 先得~~但服務好好...好有禮貌...又HELPFUL...我地放左個CAKE 係度...佢幫我地雪不特止...之後仲拎返比我地用碟上...又比刀,FOLKS, 碟仔我地係度食..好好人呀!!一定會再試0家~~

今日又係一年一度生日飯聚會, 壽星推介了這裡,所以我地一行八人便一起去試試!這裡是一間樓上cafe, 裝修環境十足十希臘白色小屋一樣,還有好多希臘裝飾品, 感覺頗舒服! 相信老闆好鐘意希臘這個地方! 這裡只有一張梳化大枱, 幸運地給我們霸佔了!食物方面有小食,沙拉,set dinner, 自選意粉,甜品等.....我們叫了: 兩個set dinner, 不太記得是什麼名字,只知道有 1 - 半隻燒春雞 : 無咩雞味,肉比較硬, 食唔出有咩汁2 - 牛肉,羊肉及魚,附帶兩片三文魚: 我無食牛肉所以不作評論, 切緊羊肉時已聞到 " 穌"味, 一食更加有 "穌"味,我就唔多喜歡,可能有人鐘意!!! 魚就無味, 三文魚就超鯹, 好唔新鮮!!三款自選意粉 - 意粉都ok, 不過配料唔掂 帶子及墨魚雖然大隻,但無味, 煙三文魚過熟, 還有無味的白汁, 其他汁如蕃茄汁就變成湯意粉般忌簾餐湯 : 像白汁溝水般超難飲 小食拼盤 - 這個是最好味的煙鴨胸沙拉 - 味道不錯,沙拉新鮮,沙拉汁令人開胃!!甜品 - 心太軟及焦糖燉旦 - 心太軟味道可以,但略為甜了少許, 至於燉旦就麻麻地!這裡環境可以,

今年生日, 同媽/家姐/家姐男友 去左 呢度食, 地方雖然細d, 但都坐得幾舒服 ~每人叫左個 set , 再加個 鴨胸Salad...整體除左d牛扒一般外, 其他都不錯, 由其是d 配菜 (炸薯片), d drink 都好好味. 四重奏~ 好豐富, 大大隻蝦+牛聊+三文魚青蘋果沙冰, 入面有d蘋果肉, 好有口感好好飲 ~之後叫左個 焦糖燉旦 又係不錯的甜品.P.S. 上菜比較慢, 如心急者請先有心理準備 ~

最近搬Office至尖沙咀, 開始四維「搵食」, 因有飯後閱讀習慣, 所以主打Café, 是次為第三擊。 亞士厘道的ECF Café, 之前有睇過其他食評, 或多或少都有d期望, 今日一試便知好與壞, 約1:40到達, order左個西蘭花煙鴨胸意粉, 意粉份量夠, 不過鴨胸同西蘭花少得未能體諒, 兩小瓣西蘭花加一塊煙鴨胸切成條狀, that’s it. 味道方面ok, 反而餐湯同跟餐蒜蓉包仲有驚喜, 白湯中見甘荀片又不時嚐到魚柳粒, 美味! 環境方面, 全場希臘白色風格, 木家私或有些天藍色點綴, 服務方面清一色全女班waitress, 態度ok, 食客方面, 多屬附近各公司的制服職員, 男女比例以女食客佔大半, 2X-3X年齡範疇居多, 如其他食評所言, 環境比較嘈吵, 主因係設計上十分「應聲」, 聲音trap住室內, 就算發出少少聲都會迴揚四周, 勉強都可以睇到一個Chapter既書, 不過唔係咁享受, 我完全feel晒書外既世界, 由落order聲、隔離辦公室的爆笑故事以至背景異常難聽非原唱既「非走不可」都一一感受到。

行下行下.....行左去亞士厘道~正當茫無頭緒o既時候有人sell我地,見佢個menu d食物都幾吸引,又未試過,即管試試la~一入到去俾我地o既感覺幾好呀~佢o既裝修令人有一種浪漫feel,幾o岩情侶黎~d位都唔算太逼,幾舒服~佢地o既service都幾好、有禮貌,同埋至少唔會扮睇唔到你先~我地o個晚叫左一個自選意粉~~磨菇+鴨胸蒜汁長通粉另外叫左炸子雞洋蔥圈配辣薯角~(個名唔記得左la^^")要讚一讚佢地o既食物全部都係熱o既!!唔會好似其他餐廳咁,整好晒放上碟就算~首先黎左個沙律先,平時我多數都唔會食d沙律,因為成日都覺得佢地會用d唔新鮮o既蔬菜黎整,洗完d菜又唔抹乾佢.....跟住加埋d沙律醬落去.....食到落碗底就會剩低好多"沙律醬水"好嘔心.....但係里個沙律雖然係跟餐沙律,但係都睇得出d菜幾新鮮,d味又調得o岩o岩好,食到落底都無"沙律醬水"喎~~good!!跟住就到長通粉la~~佢o既蒜汁好香,d材料切到細細粒方便食,朋友都覺得味道唔錯,但係我略嫌唔夠鹹~我地平時食親o既炸子雞d肉都係無味兼好"鞋",但係出面個皮又好鹹喎~~不過里個炸子雞整之前好明顯係有醃過,因為我

我好鍾意係亞士厘道搵打食, 今次見到下面有人派傳單, 所以上左呢間, 返黎又見到都有幾多好評啊~~1. 小食拼盤好好味呀, 不過全是炸的, 會少少熱氣呀, 鍾意好多茄汁2. 扒海鮮有四種, 大蝦, 龍利, 青口, 帶子, 好好味呀, 最like 海鮮3. 炸雪糕因為趕時間, 叫佢同main course一齊上, 變左有少少溶環境好好, 坐得舒服, 又唔駛等位, 如果我地唔趕, 都可以坐耐d服務都不錯, 我地話趕, 佢d 野又真係快少少到的, 哈哈~

睇到呢度食評唔錯，所以就同兩個朋友嚟試下。果然冇令我失望。﹙我啲朋友就冇望唔望啦，搵食嘅嘢都係我做哂﹚我叫嘅蒜蓉香草炒什菇牛柳絲意粉淡咗啲，食唔到香草味，但係清清哋都OK。朋友叫嘅餐份量都好足，有湯、主菜同餐飲，男仔都夠食。環境好OK，朋友話係尖沙咀鬧市都有relax嘅感覺。環境唔會好嘈又唔會太靜，真係朋友食飯嘅好地方。

上 openrice 見這間 ECF Care 的口碑好像不錯 , 剛好又約了朋友在 TST 吃飯 , 就提議去這間 . 訂了 19:30 , 當然又遲了去 , 去了亞士厘道 23 號 , 原來是在 27 號 , 兜兜轉轉去到已經是 19:45 . 上到去 , 客人只有一半 , 坐下坐下已經滿了 , 檯與檯中間沒有太多空間 , 有些擠迫 , 但是也可以接受 , 如果可以訂到窗口位會比較舒適寬敞 . 先來一個 salad , 用千島醬的 , 朋友和我也覺得有醬汁太多 , 有些少鹹 . 主菜叫了酥皮三文魚配香辣薯菜 , 等了 10 分鐘左右 , 賣相好得意 , 酥皮把整片的三文魚和香辣薯菜包住 , 就像酥皮湯一樣 . 好大塊 , 吃不完 . 三文魚也好大塊 , 啖淡肉又沒有骨 , 也算新鮮 . 香辣薯菜其實是辣薯條 , 好味 . 朋友叫的是牛肉 , 她要求 5 成熟 , 她說真的煮到剛剛 5 成 , 厲害 , 外面好多餐廳也不可以 , 自己沒有吃過 , 沒有 comments. 加錢叫了 sangria , 味道沒有酒吧的濃 , 可能加了好多冰 , 不過也好 , 淡淡地

已移居海外的我，今次回來便跟一班網上朋友約出來一聚。其中一人大力推薦到這間cafe進餐,加上得知餐廳中的佈置乃我極喜歡的希臘feel,即時決定一試我們一行10人被安排坐在最"正"的U型corner位置,感覺很有私人空間又寫意，雖然餐廳不大但環境不錯我們分別叫了西冷牛排,豬仔脾,四重奏X 3 ,龍利柳餐,墨汁意粉及忘了什麼雜菜意粉欣賞他們的西冷牛排夠熟沒有血但又不會硬,很符合我Order時的要求朋友們大讚四重奏好味而且多款式,弄得我也有點後侮沒選擇這一個,叫龍利柳及意粉的朋友沒有給什麼評價,反而叫豬仔脾的朋友說只是一般。餐湯方面大部份人都認為好味,只有2位覺得咸了一點老實說叫餐是比較值得；一來有湯有飲料，二來可以用優惠價加要春捲(+$24),特飲(+$8)及甜品(二十多元左右)。特飲中我推薦蘆薈奇異果冰綠茶,淡淡的奇異果香還可吃到蘆薈粒粒,場中不少人也點這個呢後來我們還叫了甜品~心太軟,CHEESECAKE,焦糖燉旦,香蕉船心太軟我覺得一般,不是我喜歡的一類,但朋友好像很喜歡CHEESECAKE帶點檸檬味,我也不算很喜歡,可能近來吃太多cheesecake焦糖燉旦一向是我的最愛,難得味道

上個禮拜五同朋友去食飯兼慶祝生日。我地bk左枱係九點,我地去到,等佢執一執枱就有位喇我地七個人叫左四個set dinner,一個自選意粉。我地三個女仔就覺得飽,男仔就覺得差d,我諗下次叫5/6個set dinner,會好d。個Set dinner就有一個扒,一個沙律/湯,一個小食(我地揀左薯茸)同一杯飲品。$100都唔駛,幾抵~我地分別叫左燒春雞、四重奏、牛扒,燒骨 同蒜蓉香草意粉。樣樣都好好味~係個牛柳有d部分有少少唔腍。個薯茸同出面ge有d唔同,唔似快餐有汁但係好香香草味,好食~同埋,我鍾意佢地碟碟都好多菜同車厘茄,食肉ge同時都好多菜,比較健康~最值得讚ge係佢ge服務: Waiter 服務好好,不停幫我地加水,又有笑容。我地同朋友切蛋糕冇candle,佢又送同點埋比我地。不過,最衰環境比較嘈,要好大聲講野。