ECF cafe (Closed)

預早同老婆去食情人節飯，本來想浪漫一下，去到發覺超吵耳，３個女人一個墟，坐我附近已經幾個墟，吵到聽唔到老婆講什麼，什麼情調都無，但係員工好好服務，我自己叫錯野，成$100元個餐，個經理都換俾我，食物味道不錯，支持

Went there for dinner last night. Quite liked it! food prices were reasonable. We sat there for ages and they never tried to kicked us out or anything even tho it was pretty much packed out last night.would be much better if we had more people and could sat on the half circle sofa table. So i had a dinner set with.....Cream of carrot soup - - so nice! the bread that came with it was actually garlic bread! and i also like the blended small bits of carrot in the soup salmon & fruit salad - woul

約左朋友7點鐘食飯又無訂位﹐去到鼎泰豐好多人懶得等位﹐就去亞士厘道碰下運氣。有個姐姐係門口介紹﹐所有就絕對一試﹗Set Dinner 有湯/沙律同餐飲﹐$100都吾使﹐都算合理。是日晚餐有:A. 牛油果汁龍利柳B. 豬仔比配Angel HairC. 西冷牛排我揀左龍利柳配薯蓉。個湯係"海鮮忌廉湯"... 有忌廉但係就見吾到海鮮! Main Course 黎到﹐賣相不錯﹐朋友個牛排都OK。看到食評上大部份都係笑臉﹐以為味道會有驚喜... 不過我就覺得麻麻地。D野係凍既﹐而且個薯蓉好乾﹐就龍利就更加無味。朋友就牛排非常老... 咬都咬吾開!! 雖然呢度環境幾好﹐又吾係太吵﹐但甘既味道﹐我下次應該吾會再黎!﹗

同男朋友周圍行, 見到呢間野派傳單, 價錢又唔貴, 就上左去試下。我地2個人, 叫左一個頭盤拼盤, 有焗薯, 蝦仁雜菌同帶子, 加一個set dinner四重奏, 跟餐加14 蚊要左個Blue Hawaii。set dinner 有沙律係蟹柳粟米沙律, 一塊包, 以一人份量黎計, 沙律都幾大份, 同埋幾好味, 唔係一般既頹沙律。頭盤拼盤, 有焗薯--好多芝士同煙肉,薯仔係真焗唔係烚完扮焗o個隻, 好好味蝦仁炒雜菌--D蝦都幾多同算大隻, 可惜係雪蝦無咩蝦味, 不過D雜菌炒得好好, 好香同少少辣, 惹味蕃茄焗帶子--上面好多茄汁, 帶子好大粒, 酸酸地好好味四重奏係有羊架, 龍脷柳, 西冷同三文魚沙律, 好多雜菜同車厘茄, 仲有薯仔片, 碟野真係好大......一個人點可能食得晒?4樣野我覺得最好係個羊架, 肉滑, 唔韌, 有羊味, 西冷就熟左D, 就鞋左D......龍脷柳就一般啦, 三文魚沙律有兩件三文魚, 好正啊!!我覺得最抵係Blue Hawaii, 如果去club飲70幾蚊杯既野佢呢度正價都係35蚊, 抵過去任何樓上cafe飲咖啡, 呢個真係最抵讚既地方, 平日去飲杯野同朋友傾

約了 “大班” 朋友 到TST 聚會 食飯, 可惜 有 數位 朋友 “放飛機”~ 只有 三個 人, 原來 想試 的餐廰 多人食 會好d., 於是我們 要 另找 地方食飯. 行經 亞士厘道, 見 ecf cafe環境 頗 整潔舒適, 又吾多食客, 可以 坐下來 慢慢 傾.一人一個 set dinner, 價錢 約 60+, 在 TST 亦算 抵食! 味道 一般, 沒有 大驚喜. 黑椒汁 烤羊架 意 粉~ 羊架 & 意 粉 都 幾乾身, 黑椒汁太 spicy.咖哩炸雞肉飯~ 炸雞肉 似 m 記 的 麥樂雞, 口感一般, 但 幾 得意. 星州 炒意 粉~味道 酸酸甜甜, 幾 開胃. 總括而言: 食物ok 、環境 quit ok、可以一試.

光顧過三次晚餐，三次都好滿意。三次都係叫左dinner set，試過四重奏（羊架，雞，牛，三文魚刺身伴火龍果沙律），芒果忌廉汁龍脷柳。晚餐頭盤可揀湯或沙律，沙律唔係求其生菜加沙律醬，第一次去係雞沙律，雞件烤過，味道唔錯，第二次就係雜菜沙律，呢個就普通左d，湯試過紅蘿蔔忌廉湯，都好味！主菜份量算大，食四重奏時，其實羊架只得一少塊，但侍應亦主動問我要唔要薄荷啫喱及芥末，服務唔錯。芒果忌廉汁龍脷柳，龍脷下面放滿雜菜，仲有好多炸薯塊伴碟，好食之餘都食得健康d！另外小食方面，叫過吞拿魚芝士焗西蘭花，呢個都好味，芝士味唔會太濃！但朋友叫既意粉餐既意粉就林左些少，醬汁都偏淡呢！環境方面幾好，夜晚去，枱上放蠟蠋，都ok浪漫，但當人多既時候，就嘈左d！

友人想再訪這裡, 好啦! 再來試試吧!今次點了牛扒薯菜作為午餐. 牛扒要了五成, 掌握得幾好. 外皮煎得香脆, 內裡剛好帶點血. 但薯菜差點, 薯條不脆, 很淋. 友人要了白汁豬扒飯, 有兩塊大大的豬扒, 很抵食.凍咖啡ok, 頗香濃.

今日約左好友食dinner，放工由中環來這條街搵食，主要想搵個地方可以坐耐d慢慢傾。之前朋友來過，話這裡是傾計的好地方，所就來了這裡。我今日突然好想食意粉，所以好友都就我，叫了兩個意粉。選了芝士蛋汁雜菜焗意粉及菠菜忌廉汁海鮮墨魚麵(+$8轉)。可能因為價錢不平，平均要七十多元一個意粉，所以期望也較高，但估不到意粉味淡，最過份是意粉過淋，完全沒有口感，真係好掛住Suzuki的溫泉蛋意粉呀！！真係我煮都好食過佢，仲要冇咩材料，海鮮好少，又食唔到菠菜，但係就真係好好坐，可以傾計。今次真係俾錢去傾計，但點解咁多人話好？唔通我地今次叫錯野食？真係唔知啦！但如果要食好野，這個價錢有好多更好的選擇。

3/14 (Friday)今晚和幾個同事來這裡Dinner，還是第1次來這裡dinner。之前在這裡食lunch已經覺得很不錯，晚上來，感覺更好......環境好，食物不錯，service很值得讚呢！我們試了兩個頭盤的拼盤，也試了set dinner，亦order了甜品，全部也不錯.....不過甜品的creme brulee，較為遜色，應該下次不會試這個甜品，但反而軟心朱古力蛋糕，很不錯。價錢在TST O黎講，有這種sevice，環境和味道，已經不選太貴....一定會再來的！

閒日晚餐時間上去食，都幾爆場。因為夜晚，所以其實不覺得很地中海。但食物很不錯，而且都叫做幾特別，亦都夠飽。唯一不大好是因為場較細，一爆場就十分之嘈。

本人是這裡常客,無論LUNCH OR TEA SET 都非常好,就算在繁忙時間, 服務同出品都保持到水準, 而且價錢合理,絕對係尖沙咀Sales 飯堂.

尋日去食完烏冬，又去左ECF Cafe，本打算飲杯野傾計，但見d tea set 價錢唔貴，又跟餐飲，又點了越式春卷及薯角，凍柑桔，$25，相當不錯，見到d 意粉/ 焗飯都係$29，賣相又相當不錯...這店環境又不錯，主題是希臘風情吧，晚市應該幾浪漫的^^

早前係Open rice搵地方同未婚妻食平安夜聖誕餐，見到呢間cafe評價同地點都唔錯，打電話去問過個menu同價錢都ok，所以走去預先落左訂。價錢係$198/位，我覺得係TST都叫合理，去落訂時個男經理好有禮貌，我問可唔可以留個窗口位都冇問題，唔似第二d餐廳只話盡量安排，呢度講左係有就係有。24號晚到達時八點幾，男經理招呼幾好，當然係有窗口位喇！未婚妻見到環境幾好，每枱有蠟燭，價錢又唔算太貴(因為唔想係結婚前用咁多錢)，佢都幾滿意，初期都唔算太嘈，後來有張大枱到左成班人就熱鬧左d，不過都可以接受。講番食物，有ABC三個set，我地叫左B set龍脷柳同C set牛扒。先來三文魚火雞沙律，d菜真係好新鮮，三文魚同火雞就正常，聖誕節有火雞食都幾應節。龍蝦湯就好濃好足料，呢個價錢有咁既湯都算幾好。主菜龍脷柳同牛扒就一般左d，龍脷柳算正常魚柳咁喇，隻大蝦就中型size味道一般，塊牛扒質素就差左d，有d似大家樂o個種級數，不過味道係唔錯，兩隻蠔一隻波菜芝士一隻煙肉芝士，都算幾好味，size就係中小型，值得一讚係d薯仔粒伴菜好好味，我地兩個都食清晒隻碟。甜品cheese cake幾好食，好有質感

自選意粉餐$88自選意粉, 包括兩款, 醬汁, 意粉. 什菌+牛柳粒+忌廉菠菜汁+長通粉.size大碟, 賣相一般. 長通粉好大條, 口感ok啦. 兩個問題不大, 不過不失咁. sauce呢, 就稀d, 味道唔濃.總括, 係一間無咩特別上樓cafe, 食味道賣相都好普通而且偏貴. 全場大部份都係女仔幫襯, 呢度好處係環境幾舒服, 仲有一個大U形sofa位, 望落幾舒服, 係gathering好地方.

看了這麼多好comments,決定在聖誕夜試試看六點入場,只有一組客人,但一小時後已經滿座…appetizer叫了芒果大蝦salad,同場偷了傻瓜的一口龍蝦湯。沙律還可以的,蠻清淡,只是芒果酸得厲害了點…湯的味道還濃郁…但有點點涼主菜是羊西冷扒/煎三文魚加兩塊火雞,火雞好像沒味的,但汁挺好,羊扒不覺得羶,味道還好,三文魚吃了一口還可以,傻瓜說如果再熱一點會更好。的確,整餐飯其實都偏冷了點,會否因為隻碟不是hot plate引致?不過就算不是,也有一個好暖心的心太軟蛋糕,食完前兩個dishes一定不夠的,但這個dessert是完全補回之前的不足,不單只是即叫即整,味道更是近乎完美!朱古力味很濃,不是太甜,入面又盛了滿滿的chocolate paste(甚至可以把漏出來的醮伴碟的strawberries-v-)好好味!傻瓜這朱古力癡說再多點paste就更好…(不如買一樽給你算了=~=)埋單大約每人$150,有點點兒貴…但蛋糕真的很好味!還值回票價了吧~