蛋香烘焙

Open Now

Now Closed

呢排突然間想食雞蛋仔，網上見到唔少人推介北角/炮台山嘅蛋香烘培，一於試吓！星期日3點左右黎到都有唔少人等緊，聽人講原味雞蛋仔最好食，一底$19，兩底$36。要左一底原味雞蛋仔，等左5-10分鐘左右就有喇，雞蛋仔攞到手就梗係趁熱啦，外脆內軟，雞蛋仔好有蛋香味，同埋我比較鍾意淡口味，食乜嘢都要少甜，呢款雞蛋仔啱晒我，唔會太甜。搣開裡面有一半餡，裡面都好有口感，最驚空心雞蛋仔！雞蛋仔質素真係唔錯，下次去開呢頭再黎過！

有次去完福元湯圓發現隔離呢間蛋香烘焙，一經過就會聞到好誘人嘅蛋香味，每次都會忍唔住買一底雞蛋仔/格仔餅👀雞蛋仔我食過唔少，行街一肚餓想食小食嘅時候，雞蛋仔就成為我嘅首選🤭 呢度除咗有賣雞蛋仔同格仔餅，仲有賣自家製飲品！相信唔少食過嘅人都有發現到佢張單嘅員工名有印住周杰倫呢個名🤣 第一次見到嗰時真係笑咗出嚟，有周杰倫幫我整格仔餅真係萬般榮幸🙇🏻‍♀️ 即刻要唱返首周杰倫嘅《等你下課》：「當我開始學會做蛋餅才發現你不吃早餐～🎵🎶」直覺話我知呢位員工一定係深情嘅人😌❤️ 格仔餅 $20格仔餅厚度唔算好厚，口感偏軟腍，我個人比較偏好外脆內軟。甜度適中，花生醬、煉奶落得唔算多，無砂糖同牛油🤔 有豐富蛋香，比上次食嘅濃，可以睇得出店主一直有改良，有進步👌🏻 但下次再幫襯可能會買返雞蛋仔，佢哋雞蛋仔做到外脆內軟，滋味好多😋好食度：⭐️⭐️⭐️ (3/5)餐廳推薦度：⭐️⭐️⭐️ (3/5)如果你咁啱經過附近又口痕都可以試吓💁🏻‍♀️ 我個人比較推薦佢哋嘅雞蛋仔多過格仔餅！

雞蛋仔都係我嘅至愛，基本上都周圍試食，港島區比較出名係北角某雞蛋仔，但實在名過其實，所以今次就試下呢間。俾咗錢之後係即整，感覺好過其他放在到嘅店新鮮。到手後勁香蛋味，食落去脆脆啲，真係正的，難怪都多人幫襯。

下午茶時段因工作需要喺炮台山附近周圍走有點兒肚餓本身想食個下午茶但係經過呢間雞蛋仔舖頭望落去好似好好食所以試一試.見到佢有唔同味道嘅雞蛋仔自己本身特別喜愛芝士而佢又橫掂本身都想食下午茶預咗三十幾蚊見到佢都係$30所以試吓....（原味雞蛋仔$19）大約等咗10分鐘熱辣辣嘅雞蛋仔就到手，一口咬落去真係外脆內軟，但繼續食落去佢大為失望，本身我食嘢偏淡除咗芝士外其他都是比較天然嘅嘢，所以味蕾都比較敏感，但係食呢個紐西蘭低脂芝士雞蛋仔卻吃不出一點芝士嘅味道.....只能夠說很有功力嘅一間雞蛋仔店好可惜花巧嘅嘢卻不值一提....另外試了真心自家煲系列宅男解毒大澳紫貝天葵，味道很真實新鮮但略嫌太甜.總結：回頭率90%（只限原味雞蛋仔）

今天去北角 朋友叫我去試下「蛋香烘焙」的雞蛋仔，她說好多人買的可能要排隊。到了鋪頭只有一位顧客在等候，閑談間老板說現在生意差咗好多，因為學生們未正常上學，人流少，生意額大不如前。我買咗一個 香脆原味雞蛋仔 $19，價錢合理，蛋味濃郁，口感也不錯。 雞旦仔外脆內軟糯，這正是雞蛋仔的特有口感，非常不錯。

同同事搭搭下電車經過依條巷，聽佢話依間雞蛋仔超好味，今日去北角就順便去試下～店鋪位於北角同炮台山中間嘅橋底。試左一個原味蛋香雞蛋仔，即叫即製，要等大概10分鐘，可以坐係花槽度等。整好啦！真係超級熱，影相個陣真係隔住紙袋辣住隻手！特登幫大家影左雞蛋仔嘅橫切面，上面一半係脆皮嘅殼，下面一半係雞蛋仔漿嘅成型，兩層一啖咬落去就會有雙重口感，一定一定要襯熱食！除左普通原味之外，仲有好多特別口味，下次經過再試試～

之前睇人推介呢間雞蛋仔，可能佢地唔係成日宣傳自己，我從來無聽過蛋香烘焙，行過附近時試一試先！一攞上手feel到好脆雞蛋仔不是完全實心，不過我幾鍾意呢個口感，食落好有牛油香，好似食緊蛋捲咁，唔錯唔錯一底雞蛋仔都唔知點樣可以寫夠200字lol， anyway 係幾好食！推介！

原味雞蛋仔 | $18近來食過最高質雞蛋仔！新鮮即叫即製 不但外脆內棉裡面係完美的1/3空心增加香脆感2/3軟棉蛋糕感富有蛋香個人覺得比低調高手更為出色絕對值得一試😋

經過砲台山地鉄站附近的福元路，於其中一間小店買了一客已有一段時間沒吃的雞蛋仔。現在賣$18一底。吃雞蛋仔最好盡快於製作後食用，不然的話會又硬又乾，味道失真了。今天的雞蛋仔烘得有點過火了，外面深啡色，吃來是脆口的，可惜過了五分鐘後，脆變得硬口了，没有鬆脆的效果。另外，雞蛋仔空空的不夠肉，且咬落有點實，外脆內軟的感覺完全沒有了。這次的雞蛋仔質素好像比前退步，希望只是一時失手，不然的話encore 無望。

一講雞蛋仔最出名就肯定係北角雞蛋仔啦，不過原來行過少少炮台山都有一間街坊小店都有賣雞蛋仔，而且據說係全港第二好食！？/原味雞蛋仔🥚💰HK$18完全係即叫即製，就算人多人少都係，我欣賞呢種堅持，新鮮出爐已經贏一半！而且一定會係風扇前攤返十幾秒，確保質感。未食已經聞到好濃既蛋香味，咬落外脆內軟，啱啱好一半蛋味十足嘅fillings, 我食咁多次都一定要即刻食，個種微溫嘅感覺最正～每次都食原味下次試下其他！

難得黎到呢頭，專登上網search 下附近有無雞蛋仔，搵到呢間叫蛋香烘焙，位置都幾隱蔽，而且中午無乜人排。平時我通常都揀綠茶or 朱古力味，今次難得反璞歸真揀左黑芝麻雞蛋仔，其實係因為想試下雞蛋仔既蛋漿係咪好似店名咁有蛋香，果然無令我失望，咬落去有蛋香味，質地外脆內軟得黎亦唔會空心，有d實在感，加上粒粒芝麻落得好足料，多左陣濃濃芝麻香，如果再經過呢邊，呢間可以再encore，有機會下次都想試下低糖抹茶味。

今日去炮台山做運動，做運動前想想一點東西，在電器道記得有數間小食店，見到這間蛋香烘培有雞蛋仔和夾餅，就決定試試。餐牌有不同款式的雞蛋仔，原味、粒粒朱古力雞蛋仔、黑芝麻雞蛋仔，我當然是吃原味啦，最能夠吃得出雞蛋仔的真材實料，有個原味雞蛋仔超值套餐，加$10有檸檬茶，最後結賬$28。雞蛋仔不論賣相、顏色、脆口程度都不差，唯獨是蛋味不夠香濃，略有點失色。檸檬汁顏色非常深，略甜（可能平日習慣走甜），味道不過不失。總評：價錢偏貴，味道可以繼續改善。

雞蛋仔係我兒時嘅街頭小食，一向鐘意食北角利XX今日同朋友去北角食飯，即興到另一間名店新嚐試晏晝兩点，檔口無人排隊，俾錢即整。眾多種類中，我揀原味。即叫即製，等候時間要三分鐘，再用風扇吹下就完工，整個遇程聞唔到香濃誘人的蛋香味得個脆字，蛋味不足，咬開裏面，輕飄飄，好薄削，勉強可以說外脆內軟，無質感，食完無飽足感。整體評論，外表尚可，但內涵就唔多夠，口感一般，吃一次就夠！

早2年D雞蛋仔舖開到周圍都係，又倒果醬，又放雪糕，而家剩落黎就係真係有實力架喇~北角區，其實係比較近砲台山地鐵站，上左地面上行人天橋，一落天橋就見到福元街嘅雞蛋仔舖喇~蛋香烘焙嘅雞蛋仔有好多味道選擇，我係鐘情原味嘅，稍等5-8分鐘就有喇，老闆娘好好笑口，接過剛出爐嘅雞蛋仔，熱辣辣，撲鼻嘅蛋香(哈哈哈，蛋香烘焙呢個名改得好) ，入口好脆好脆，入面剛好半滿，呢個真係要講講，半滿先係脆嘅皇道，我見D 人話唔滿，要滿點解唔食蛋糕呢??半滿先脆嘛~必試!!

香港幾乎每一區都有雞蛋仔的身影，無論是粗製濫造以至近年非常講究的雞蛋仔都會找到，想不到不是以美食出名的炮台山都有找到這個高水準雞蛋仔。店不難找，店面好小不過口味都有係幾時當然就是先試原味喇，大概需要15分鐘才做好,賣相不俗，表面是光滑的。裏面的蛋心是漲卜卜的，不會只是空氣。而且蛋香十足，絕對和他的點名是成正比。是個越吃越想吃的雞蛋仔。唯一覺得和最愛的低調高手相比，這個雞蛋仔的皮會較厚少少,當溫度略為冷卻的時候,皮會有小小靭。當然這個只是小問題,雞蛋仔最好就當然是出來即食，不可逗留片刻。但總括而言,都已經算係非常高水準雞蛋仔。