蛋香烘焙

Open Now

Now Closed

今日同朋友路過炮台山，經過聞到這間賣雞蛋仔的鋪頭，咁岩有啲肚餓，所以就買來試試。我地叫左一個原味雞蛋仔、一個特濃朱古力雞蛋仔。價錢絕對稱唔上平，原味$18、朱古力$23，不過真係俾出面平啲的好味。先講原味，個雞蛋味好重、好出，入面亦都有一半係雞蛋，而外皮相當脆。同埋間鋪頭一定係即叫即製，所以會熱辣辣，唔洗擔心質素有參次。至於個特濃朱古力，入面的朱古力係我食過咁多間雞蛋仔其中一間最濃的，絕對值得再食。

Being local to North Point, we are very familiar with this waffle/eggette place that even the owner recognizes us and knows what we want before we order. Hidden in a walkway opposite Fortress Hill station and next to crowds of people waiting for their 'tong yuen' is one of the best eggette places you'll find around. Whatever flavour you get, you won't be disappointed. I like the green tea one as it's less sweet than the original one and perhaps that makes me feel less guilty, but I also like the

平日成日都鐘意食雞蛋仔，食得最多就係北角雞蛋仔，今日即興附近找來一間來試試，見佢口味都幾多，又有我最愛抹茶🍵尼到主打健康雞蛋仔，低糖低脂，岩晒又怕肥又口痕既女仕們即係我尼種本來想試晒兩款，低脂芝士雞蛋仔都好吸引，但最後揀左一個來試左先，揀左《低糖抹茶🍵雞蛋仔》$22價錢吾算平又吾算太貴Order完好快就有，應該整定左，不過仲係暖笠笠望落去就吾太綠色，食落都有抹茶味，不過就真係會淡口一點，可能健康野係咁不過得得抹茶可以再濃味d，雞蛋仔口感麻麻。唯一要讚就係有內餡，味道普通。除左雞蛋仔外仲有自製健康飲品加配尼間食過一次就夠了

因為食材同租金問題，12月1日起會加價，我收到風即刻趕泥食最後一隻平🐣。甘耐冇泥周杰倫仲係度做，依然亂甘入機入左「抺茶雞」😂🐣有好多隻味，為左減低罪惡感，我決定叫懶健康既低糖抺茶🐣蛋仔。等左5分鐘就有得食，快手影張相先個樣好脆又墜手咬開入面好足料，有點QQ，抺茶味幾重，但低糖屬於正常甜，我仲以為會係7分甜。外面幾脆，入面口感唔錯，整體泥講幾好味，加上價錢比北角區某出名🐣蛋仔平，性價比算高。有4粒⭐️如果你鍾意我今次既分享，俾個like同關注我😬

我呢啲80後好懷念小學時$5底雞蛋仔，但現今想搵個好食嘅雞蛋仔係一件非常難嘅事，我曾經排哂長龍用左$2x 係尖沙咀分店買左一間北角好有名氣嘅雞蛋仔，食完不外如事，什至覺得好貴好後悔。我食過唔少雞蛋仔(包括離島馳名碳燒雞蛋仔)，但無一間比得上呢間好食，仲要係$17 only.佢做到外脆內軟，仲要入面唔係空心，食一底都真係非常之飽，最佳下午茶，什至做午餐都可能得我公司啲女仔會一人一半share一底雞蛋仔，因為一個人食一底有啲太飽啦

香港的雞蛋仔質素越來越好，食譜及技術已可以在網上隨處找得。只要經過反覆練習便可以製造一底香脆美味的雞蛋仔，所以除左嗰啲以普通質素但種類繁多的連鎖小食店之外，很多做雞蛋仔的小店所做出來的質素亦普遍不錯。哩間在炮台山的小店更可以說來家庭式經營，通常都只得一次兩個人看鋪，做雞蛋仔的機器亦只得兩三部。不過勝在價錢不貴，原味雞蛋仔再加自家製的檸檬茶都是20多元。凍檸檬茶只能夠講是飲得出鮮檸味完全感受到是新鮮檸檬和紅茶的混合出來的味道，加上不太甜愛健康的人士之物。主角雞蛋仔登場，外皮烤得光滑，咬下去感受到鬆脆的感覺而內裏是軟滑的。正如店名，絕對感受到蛋香味。論整體程度絕對不輸筲箕灣高手，北角那一家和現在開得成行成市的「母親雞蛋仔」。

粒粒朱古力雞蛋仔 $22落單時無人排隊 俾錢即整等左三分鐘 入手後睇賣相就覺得無揀錯根據過往中伏經驗 同一間店格餅好食唔代表雞蛋仔好食 某款雞蛋仔好食又唔代表另一款好食 今次呢款朱古力口味表面睇落幾足料 食落都係表裡如一 難得既係用料分布幾均勻 唔會一邊有朱古力味另一邊無 而且除左朱古力其實仲有一定蛋味口感方面一咬係脆身既 即時有幾分中獎feel 再望下鋪頭真係有掛部風扇吹下新鮮製作既雞蛋仔 始終唔係咁多鋪頭肯花多呢廿秒吹既時間 資深既朋友都知呢點係脆唔脆既關鍵比起我試過好幾次既另一間港島東既人氣脆口雞蛋仔 呢間我會形容內外兼備 脆得黎又夠餡唔會空心 食落幾豐富飽滿下 唯一缺點係價錢高於市價 捨得使既雞蛋仔愛好者不妨一試

已經幫襯這間小店幾年，雞蛋仔好好食，隱形檸檬茶都好飲。雞蛋仔雞蛋味重，皮脆香口，亦有餡，不是空心的。等候時間唔耐，亦比其他出名的雞蛋仔店好食！算係香港最好食的雞蛋仔。

喂！好足料呀！記得對上一次食已經係三四五年前啱啱開張嗰陣印象中嘅佢好重料 雞蛋仔都好重手估唔到幾年後拜訪仍然係咁重份量😱😍蛋味依舊咁香濃 而且雞蛋仔依舊咁重手😱🤤😍1⃣️綠茶雞蛋仔（HKD20）一拎上手熱辣辣脆卜卜綠茶味就無得要求太高啦 老實講我都唔係好覺有綠茶味🤔但係雞蛋仔真係好足料！粒粒都係實心 求球體體積？😛-2⃣️格仔餅（HKD19）雖然做唔到好厚好厚嗰種格仔餅嘅效果但係呢度嘅格仔餅同樣好重手🤤重點係鍊奶花生醬都落得好足雖然無好fancy嘅口味 但係簡單就是好敢話佢地做得甚至好過同區好出名嗰d連鎖店🙈🌟Rate:8/10

我的香港農曆新年，終於到最後一日的「元宵」佳節，既然去到「元宵」，過「元宵」自必須要食湯圓。不過我懶得煮糖水，所以通常會出街食湯圓，今次我就刻意走到香港島的「東區」的「炮台山站」。「東區」在香港島內的劃界區分範圍都頗為廣大，大得我今次光顧的湯圓店，本來應位置在北角，但是湯圓店的港鐵站的位置，卻被推到「炮台山站」。我一走出「炮台山站」，立刻發現「炮台山站」面積細小得可憐，小得可以媲美「將軍澳線」的「坑口站」。我一去到原本要幫襯的湯圓店，卻發現湯圓店還未開門營業，已經有一大堆顧客慕名敲門，詢問湯圓店的老闆，想訂購他們製造的「生湯圓」。我就因為只是一名，不懂得煮湯圓糖水的初哥，所以只有在湯圓店外，苦苦等候湯圓店開門營業的一刻。我在等候期間，無意中忽然發現湯圓店附近，還開了一檔很多人幫襯的雞蛋仔格仔餅小食店。那個賣雞蛋仔與格仔餅的小食店，店名就叫做「蛋香烘焙」。我看見「蛋香烘焙」店舖不斷有顧客上門幫襯，生意看來頗為理想，我亦按捺不住，拍下了一張照片後，立刻進入食店。雖然「蛋香烘焙」留下櫃檯面前不少的位置，給食店逗留了在食店內，但是「蛋香烘焙」實際沒有餐檯，可以讓食客在食店享用，拿着雞蛋仔和格仔

This place has the best egg waffle I've had in Hong Kong, I've tried both the waffle and the egg puff.The egg puff is so crispy, everything is made to order. The waffle is very fluffy and the balance of the peanut butter and condensed milk is perfect. This is a must get if you are in Fortress Hill!

買過福元湯圓後發現這附近有不少食店，在抵不過食物的香氣下，便選了這家蛋香烘焙。兒時很愛吃雞蛋仔，但自從少有吃到美味的，便漸漸遺忘了雞蛋仔的存在，而老公卻仍是鍥而不捨的尋找着。除了北角雞蛋仔外，少有遇上蛋香烘焙這種專賣雞蛋仔、夾餅的店，門前掛着兩個叫號顯示牌還真是個異數，選上這家就是看上了它那自信滿滿的樣子吧！雞蛋仔能賣到$17一底，對其要求理應要苛刻一點。看店家的自我介紹，在原材料上是下了工夫，但還得看味道才知是否物有所值。脆口可說是這家的最大特色，特別是邊位的位置，雖帶蛋香但蛋味稍欠，雞蛋仔內芯也不夠豐滿，吃下一整份也不會有飽意。雞蛋仔的口味從來是因人而異的，若然喜歡吃脆口的是合格有餘，但在我而言就不會是非吃不可的程度了。

這家位於北角電器街的雞蛋仔藏匿在天橋底下 當天光顧因為是平日下午三點多並沒有等候太久他們家的雞蛋仔/格仔餅套餐蠻特別的在其他家沒有看過點餐完等叫號叫號後臉很臭的小姐很熟練的把雞蛋仔吹15秒左右才會給你剛出爐熱辣辣的朱古力雞蛋仔飄著濃濃的朱古力香他們家的朱古力雞蛋仔是將粒粒朱古力混著麵糊一起整的 每一口都可以吃到朱古力 皮脆內Q且甜度適中還有完美的蛋香奶香比例 好食!一底20元和媽咪雞蛋仔的價格一樣但皮比媽咪雞蛋仔稍微薄一些個人更喜歡吃 除了服務生的態度很差以外其他都是很完美的!

蛋香烘焙位於炮台山，地鐵出去過一條馬路就到，都好易搵到平時放學時段，就會開始多學生排隊食身為雞蛋仔愛好者，當然要黎試下味店內列明主要原材料的源地 令人食得更放心雞蛋仔採用來自泰國/荷蘭的雞蛋、美國麵粉、紐西蘭牛油、荷蘭黑白淡奶、韓國糖雞蛋仔$15一底 $28兩底格仔餅就$17一底仲有不同配搭的套餐原味雞蛋仔 $15Order時說了要脆d(個人喜愛) 店員即叫即做 5分鐘就有了一拎上手 非常的輕飄飄~ 真的很輕雞蛋仔脆到已經裂開左了口感像吃曲奇非常香脆！蛋奶味都濃 真的不錯整體不錯 價比性高不知遲d會不會推出更多口味比人選擇呢~大家經過不妨試下

同事介紹呢間蛋糕仔比我食，話北角嚟講覺得好食過近北角碼頭嗰間（北角雞x仔）。我試過之後覺得呢間既比較脆口，都唔錯，但我就比較偏好蛋糕感重d雞蛋仔，即係咬開仍然有餡嗰種，所以口味既野真係因人而異。不過呢間地方近我d又平d, 我都會去食既。