Video
Telephone
24352636
Payment Methods
Other Info
Online Reservation
Reward Dining Points
Above information is for reference only. Please check details with the restaurant.
-
Online Booking Service Not Available
待應態度十分惡劣，會主動罵客人，我比錢幫襯你都仲要受你氣，依個係咩野服務態度？上菜速度又慢，難怪愈來愈多人北上消費，所有野都係香港餐廳自己羅黎呼籲住附近的青衣居民不要光顧
continue reading
屋邨酒樓無外來客，生意比較難做，但呢個屋邨算大人口多，見7成枱都有坐人。而且一邊座位大大個玻璃窗，景觀幾舒服。黎開都知服務一向一般般，食物亦都一般般，點心選擇亦少，通常想近近哋又唔想等位先會考慮呢度，不過今次感覺衛生差左污糟左，杯碗明顯洗得唔乾淨。平時都會有微微油漬，今次喺肉眼見到一粒粒上一手客殘餘物資不過都理解屋邨酒樓係甘上下。order咗一個滑雞煲仔飯，唔知點解啲雞有類似梳打粉嘅拿口味，好彩啲飯冇野....飯照食希望下次黎唔好再差異落去，咁大間酒樓，睇怕好難搵人接手，到時又少一間選擇。4個人9碟點心，埋單$34X
continue reading
今日探長輩又黎陪嘆茶☕明明記得上次黎仲係叫德星，而家已經變咗雅殿，不過入到去就寫住仲係under德星集團，呢d屋邨酒樓成日改名，真係唔知係咩把戲。 酒樓大門係長青邨平台，需要再行上一層先到用餐區域🎢入去都係長方形既格局幾試正，揀咗坐美食吧既對面，聞住即煎美點好香。 特價點心紙都有🐦紅燒乳鴿長輩特別鍾意食乳鴿，的確夠皮脆肉嫩，絕對唔係放咗好耐既貨幾抵讚，肉香多汁。 🎋上湯鮮竹卷呢款就蒸得太耐，令到腐皮都變得軟爛難以夾起，上面既蔥花都已經變啞色，入面餡料都食唔出咩味。 🐷脆皮燒腩仔燒味類表現幾出色，可以看得出是層次分明，爆汁肉質和鬆化脆口的豬皮很合拍。 🌯蜜汁叉燒腸叉燒的size啱啱好，令到成條腸粉更加口感，咬咬下就就甜味滲出。 🥟潮州蒸粉果粉果皮唔夠煙韌，一夾就變得好易散，不過d餡唔錯，一咬就好香。 🍳香煎蘿蔔糕外脆內軟就係蘿蔔糕既標配，入面仲有絲絲蘿蔔幾好味。
continue reading
今日去青衣辦事，之後去長青邨揾野食。見到這屋邨街坊酒樓下午茶選擇多，價錢又實惠，便一個人入去嘆下午茶。酒樓下午茶下午二時開始。見到有很多老街坊在嘆茶吹水。叫了碗燒鵝飯和一碗上湯水餃。燒鹅飯$28.8一碗。飯大大碗米靚有飯味，燒鵝肥瘦得宜，皮脆肉结實，又香又好味。點埋酸梅醬，正。上湯水餃王($22.8)也錯。水餃多肉木耳脆，有埋西生菜和韮黄，绝不欺場。茶錢$8一位好便宜。坐了個多鐘，一人一枱，冷氣夠，衛生清潔，服務不錯，食到超飽，埋單加埋一只是$66，超值。
continue reading
前名德聲而家叫雅殿，長青邨的街坊茶樓.有做團餐同街坊茶聚團等等⋯⋯亦有做雀局，樓下有2間獨立房間，而樓上就有2間大房，每房約有6枱因為是剛轉名約半年吧，所以裝俢都係新的經常來開餐，因為貪佢唔洗等. 但屋邨就冇泊車優惠😔😔今日又黎飲早茶啦，食物質素價錢不過不失啦布拉白腸粉 中點$20.8 蝦餃皇 特點$27.8流沙包 中點 $20.8鳳爪 大點$24.8牛柏葉 大點$24.8鮮蝦腐皮卷 特點$27.8燒鵝飯 $43茶位每位$8 另加一服務費
continue reading