翠樂庭餐廳

Open Now

Now Closed

來這裡是為了慶祝生日, 朋友們和自己都只是覺得氣氛會不錯, 未敢對食物有什麼期望。但可能就是這樣, 大家都竟然吃得飽飽的, 很滿足的, 食物種類也算多, 魚生有多種, 而且有甜蝦(雖然size勁細), 有sushi, 有翡翠螺, 長腳蟹, 中式點心, 西冷牛, 好像有羊, 但本人不吃, 故不知。炸蝦TEMPURA..." 綠" 粉麵檔,,,沙律BAR, 甜品很多。 唯獨是咸點...有些咸左D, 反而是甜品, 好似幾ok, 個朱古力噴泉有2個, 有一個是士多啤梨朱古力味, 好特別。而且有軟雪糕機...比較新鮮 D士多啤梨都好新鮮, 有D好大粒。可惜那時我沒有打算寫食評...所以這個食評最失敗的地方是沒有太多相片提供真是不好意思LU.....和迪士尼公仔拍照, 他們只有三個角色出現, 若再加多一兩個便好, 那些照片就貴左D, 所以ONLY買了鎖匙扣。

慶祝朋友生日, 又想去一些特別的地方, 最終選擇了迪士尼酒店內的Enchanted食buffet驅車入去, 酒店門口有個免費停車場, 不用擔心冇位book左1800-2000時段, 準時到達, 由我泊定車那一刻, 已經不斷慨嘆..好靚好靚!!!入到去, 更加唔駛講!首先每位會送一杯飲品, 咖啡或茶, 不過我另外叫左杯Birthday Cooler, 可以話係一杯果汁味的雪碧, 不錯不錯!而如果想剖埋生日蛋糕, 就可以加$90就有一個半磅蛋糕, 而且仲有一份禮物, 不同卡通人物都會同你一齊唱生日歌慶祝!當然, 就算冇訂蛋糕, 卡通人物都會行去每一張枱度同人影相, 分別只在於優先問題 老實說, 熟食水準不及甜品, 可能因為甜品太強了!!仲有自助雪糕機, 雲妮拿味, 好滑呀!! 食飽後, 唔想咁快走, 可以出去後花園散步, 夜晚的迪士尼酒店, 真係好靚, 令人感覺好舒服, 忘記煩惱, 可能話就是迪士尼奇妙之處, 一定會再來這個會令人開心的地方!"孩童和成人童話中找感覺極快樂"

我同老公慶祝囡囡一歲生日，於是入住廸廸尼一晚。 去翠樂庭食自助晚餐，坐得舒服唔迫，服務可以，食物選擇亦唔少。 新鮮又多花款，設有小朋友自助餐區，相當細心。 海鮮有開邊龍蝦、雞尾蝦、螺同青口； 雪糕雖然只有一種味道，但香滑無比； 壽司、刺身同冷麵都唔錯； 天婦羅、即叫即整嘅意大利粉、中式點心、沙律吧同熱蕈都有水準； 甜品就一時時，今次無論款式、選擇同味道都好好，有d仲係第一次見，值得一讚!我哋又去翠樂庭食自助早餐。 星期一竟然全場滿座，場面一片混亂，食物選擇好少，只有一d熱湯粉麵、粥加腸粉、腸仔火腿薯餅、少少沙律和鹹甜麵包，價錢算貴，一d都唔值。由於客人太多，服務人員應接不暇，絕無享受可言。 連最大賣點嘅廸士尼公仔影相環節都好趕，每枱點一點就走，安排好差，可以唔去!點解可以有咁大分別呢???

餐廳的最大賣點應該是它的氣氛，一進入酒店已經感覺到很高檔，在餐廳門口的服務員更是很親切。食物方面最驚喜是龍蝦仔，是我第一次在自助餐中見到，魚生也很甜很新鮮，但其他海鮮質素麻麻。不得不提的是咖哩，有很多款式選擇，味道亦很正宗。這餐廳的賣點是有迪士尼卡通人物出來"SOSO"頭幾轉見到佢地都好開心，影左好多相，亦可以同佢地傾計，但當佢地不停在場內行來行去，來到我的檯第三,四次時，真的有點無奈。

上星期五你老公生日, 仔仔個表姐話迪迪尼酒店嘅自助餐有優惠, 所以係三個星期前訂咗位同老公慶祝.自助餐6點先開始, 我地早咗些少到, 餐廳職員無比早到嘅客人入坐先, 要我地係門口等夠鐘先比入, 我就覺得咁樣唔多好.夠鐘可以入場, d卡通人物就即時現身, 仲去同每枱客人影相. 咁啱米奇黎到我地果枱, 仔仔出咗去攞野食, 隻米奇好好人, 佢企度等仔仔返黎, 同仔仔影咗相先去第二枱, 仔仔當然開心啦. 後來高飛過到黎時, 仔仔同老公都一齊出咗去, 我諗住高飛會行開, 哈, 估唔到, 佢竟然同我玩, 又叫d職員同我影相, 我覺得佢地真係好好, 無論大人定細路都一視同人, 唔會只係tum細路而唔理大人, 值得大讚!其實我食量唔大, 所以今次食咗好少種類嘅食物, 不過樣樣都好味.價錢雖然係唔平, 又無生蠔, 但食物質素都唔錯, 而且款式都幾多.長腳蟹一定要食, 真係好鮮, 好正!魚生都好新鮮,翡翠螺雖然有幾隻有沙, 不過唔係隻隻有, 我攞咗6隻, 有兩隻有些少沙, 其餘都無沙.熱葷一般, 無咩特別.軟雪糕好正, 係略嫌個cone大咗d, 成個大甜筒, 唔可以食少少, 一定要攞好大杯.仔仔話下月

真係好開心, 因為今次係我第一次去 "迪迪尼" 食 buffet 慶祝生日..入到 "翠樂庭餐廳" 已經覺得好古典 由於有限時的關係, 所以就要立即開始唔好等喇...我覺得好多野食. 特別係 "長腳觸", "翡翠螺", "凍虾" 真係好鮮甜另外, 啲雞翼亦整得好好味...但由於我地主攻"長腳觸", "翡翠螺", "凍虾", 其他野食都食唔落了,. 不過我覺得真係可以值得一試 ^0^

好開心的一餐食物水準好, 款色亦夠多. 大部分食物都好吃, 其中特別推介炸薯條, 係CHEAP野, 但呢個係我食過咁多個薯條最好味的, (事實上我見好多人拎架) 卡通人物會出現同D客人影相, 但估唔到佢地係食野的2小時內都會出現, 因為好多人都係去慶祝生日, 卡通人物就會走去同生日的人影相. 如果唔係生日都唔緊要, 一定有機會同佢地影相, 我仲影足4隻卡通人物TIM! 同埋卡通人物好生鬼地同你玩的!食到中段有職員派相, 係之前同卡通人物影的, 有KEYCHAIN同相, 但印象中過一百蚊, 當然無同佢地曬相了~極之推介! (食野之前可去東薈城行下, 呢個OUTLET D野都幾好的)

29/8 星期日 ,一行三人,趁暑假結束前去迪士尼樂園酒店"樂庭餐廳"食返個下午茶自助餐,時間由3點~5:30,餐廳門口排隊入去,等5~10分鐘 , 當日都算多人,小朋最多 .我食過咁多自助餐,呢間都算數一數二"吾掂" 食物有半數設有米其樣貌 , 如果對食物無要求可以去吓.小朋友最開心,同公仔人攬攬抱抱影相.

一直是openrice的長期讀者，但遲遲未有交上食評，我就是等這一日，想為小時候的夢而寫下我第一篇食評!是日是小妹的生日，男朋友仔為我準備了一份驚喜禮物-----迪士尼一日遊!在迪士尼樂園渡過了愉快又疲累既的下午，晚上就訂了翠樂庭的自助晚餐，早在op看到餐廳內會有迪士尼卡通人物坐陣，簡直未去先興奮!!! 一進入餐廳，果真見到很多卡通人物但由於實在太過肚餓，還是先去拿食物吧 先是冷盤，夾了一大碟凍海鮮，翡翠螺大大一隻，但一入口不妙!沙沙作響，很多沙有點失望..轉食長腳蟹兩個字----鮮甜!蟹腳多肉味美，且帶點淡淡海鹽作調味，心情立即好起來煙鯖魚小妹未食過煙的鯖魚，魚皮塗滿了黑胡椒碎同香草，吃下去咸咸香香，魚身質感與煙三文魚頖近，唯兩者分別在於鯖魚油份較少肉實而不膩，不錯!西班牙火腿配哈密瓜薄薄的火腿與清甜的哈密瓜果然是絕配!後者中和了風乾火腿既咸味和油膩感，讚!而自助餐必食的刺身有三文魚,立魚,吞拿魚同八爪魚均為普通壽司店貨式，沒啥特別 吃罷冷盤便開始到熱葷區逛逛，這裡有西式,日式,中式和印度菜分隔得清清楚楚，任君選擇，白汁焗龍利

生日去迪士尼, 睇完煙花去食自助餐,當然首選呢度..冷盤有長腳蟹（唔多咸？），凍蝦幾爽，翡翠螺無味，西班牙火腿配哈蜜瓜、火腿超薄，又唔咸，反而哈蜜瓜好味D魚生有三文魚，吞拿魚同立魚, 普通壽司店質素，都可以一試青口勁細，又無生蠔同龍蝦，有D失望蟹粥有甜味，其它熱野無乜特別，剰係記得小籠包好快食晒生果無乜選擇，甜品亦都無乜特別最奇係揾唔到有『米奇頭』既食物同甜品，一大失望現場有卡通人物Micky, Minnie,跳跳虎同小豬陪大家影相；Micky, Minnie好有禮貌,每一枱都say Hi!! 九點食到十點半，Refill算幾足整體服務唔錯，要熱水同幫手影相都有求必應環境清雅，廁所好乾淨，果然係酒店級数 原價＄$458加一，用酒店(web site)coupon減一百，折實$404一位，嗯，果然係迪士尼收費 總結：　環境5星（原本request一張較靜的table,不過可能假期前夕，還是比較多人，so比較嘈吵，或許選擇閒日嚟用餐會較寫意吧！）　價錢4-5星 (如果你不是迪士尼迷，相信用這個價錢在外面可以吃得更好啊！）　服務4-5星 (除了米奇與米妮，其他公仔似乎唔會四圍掃台，隻粉紅小豬

Charging $400 after discount but only providing fast food service. We started the dinner buffet at 6:15. At 6:45, a waiter came and told us to order the drink. We asked why so early and he said they were busy and wanted to take order first. 30 mins later, another waiter came and asked us to settle the bill. I got angry and told them we will not run away and they don't need to ask us to settle the bill that early. The restaurant took many photos for us and we just left them on the table,

因為媽咪生日, 就去左食自助餐, 間餐廳係幾靚, 夠古典, 但估唔到係無生蠔囉冷盤 ~ 長腳蟹、凍蝦、翡翠螺, 長腳蟹夠新鮮有海水味, 幾甜都唔錯西班牙火腿配哈蜜瓜, 好好味; 魚生(三文魚，吞拿魚等), 好少款, 普通貨式 壽司, 無食過, 得三款, 沙律bar, 睇得出d菜好靚夠新鮮, 食落好爽口同甜身湯 ~ 人參燉湯, 阿妹飲, 佢話用料足唔錯熱盤 ~ 羊扒、豉油王大蝦、印度咖喱, 炒飯，薄餅都好好味甜品 ~ 軟雪糕( 無食過, 因為部雪糕機居然嘔水, 見到都唔開胃都唔夠膽食) 朱古力噴泉、cheese cake、麵包布丁、橙汁啫喱..... 平時我一定食唔少但今次就…食咗唔多啦款式~ 其實唔係好多但會不停refill, 算幾難得, 講真選呢間店最好味就係會有卡通人物出來同你影相囉, 都有求必應既.服務~ 初頭加水都好快手，跟住就嗌先加, 再跟住扮見唔到, 有次媽咪要暖水唔要凍水就連影都無埋, 收野又係, 初初好鬼快架, 後尾就經過都唔收, 最激氣就係book咗21:30送蛋糕延遲到22:10因太多人生日, 但我覺得唔係理由囉, 到22:10都未見影, 要追至有sorry都無句,

通常去Disneyland會玩全日，好少只去食晚餐。那天，我們六時前便到達，參觀一陣酒店環境，便往餐廳進晚餐。由於我喜歡食甜品，急不及待到甜品專櫃去看看，結果有我喜歡的朱古力噴泉，有藍梅蛋糕，仲有米奇頭雪糕，很開心。當天，仲有好多公仔陪我拍照，唯一美中不足是配合一個美麗的環境，但小朋友聲太多，如果要浪漫，一定不是好地點。但大伙兒進晚餐卻很開心。魚生和冷麵都很好食。熟食方便，意粉和咖哩也不錯。服務也很好，我一離開坐位，會有人協助收取餐碟。

琴晚我同女友去左呢間店食自助餐補祝情人節,呢間店超靚,好古典,隱隱散發出貴氣同莊嚴,好好,食物選擇勁多,有中式,西式,意式,印度式,日式,仲有好多魚生同凍海鮮,最估唔到係d印度菜同中式野食,出奇地好食,尤其係炒印度飯,佢真係用印度米,長身,口感不錯,加d咖喱加串羊肉串燒,真係好好食.d魚生都好新鮮,而且所有野都會不停refill,就算去到最後冇乜人,佢地都係咁refill,真係難得.另外呢間店有好多種甜品比你選擇,個人最鍾意芝士餅.味道不錯.呢間店o既最特別之處就係會有卡通人物出來同你影相,我地兩個就同左米奇美尼同布魯圖影左好多張相,佢地會自動行埋來,唔洗出去搵,而且d小二同d卡通人幾乎有求必應,一人加埋一都係$450到,值得一試.

食完前一天的垃圾,今日黎返自己住既酒店食,我地今次醒la,問帶位姐姐可唔可以入去睇完先睇下食唔食,之後果位十分有教養的靚女說當然可以la,我帶左你去睇下buffet你地覺得o唔ok先,睇完,我明白一分錢一分貨,靚好多,我地又唔想走黎走去,最後入座了,開餐了,第一樣見到,(可怕長腳蟹),但係我又好鐘意食,選擇了全碟最細的小蟹腳,之後返枱開餐,第一口,我已經知道我可以放心大吃一餐了,就開始大吃大渴了,燒牛肉燒得好靚,d main都做得幾好,甜品唔可以話好好,不過同作晚比就有9條街之遠,$418有buffet食,有公仔同你影相同你玩,我覺得已經好好了,大家也要明白,成本貴呀,現在在香港有咁既服務同中上既食物,對我已經很滿足了,這麼多食物,這麼多客人,可能未必能做到個個都會鐘意食,但對我黎講,這裡已經好好了,多謝他們,我今晚玩得好開心呀!這裡今晚有4位卡通人選,我最愛的跳跳虎同朱朱,米妮同米奇,哈哈,不停同佢地影相,各位既態度十分親切,哈哈,如果我再去迪士尼樂園玩我一定會入黎食................................