遇見您

Open Now

Now Closed

⭐️ 自家秘製火山骨 - 細 $88細嘅份量都唔少🤣肉質煮得好腍，吸晒啲特製醬汁，加埋肉上面有大量芫荽😋食落入味又過癮😆⭐️ 冬陰功海鮮意粉 - $118意粉唔會overcooked，食落彈牙。而冬陰公味唔會太重，我覺得酸辣度剛好😋海鮮份量都足，有帶子、青口、蝦同魷魚，唔驚唔夠飽🤣⭐️ 野菌忌廉酥皮濃湯配松露油 - $68湯煮得好濃菇味，而且夠濃郁同潔身，廚師真係落足本去煮🤣加上酥皮一齊食，連埋本身嘅蘑菇粒，口感倍增😋

住在土瓜灣的朋友帶路，來到這家泰式fusion菜，性價比高自家秘製火山骨（細份） $88上桌有3大件，份量很足，味道是秘製醬汁，不辣但香濃惹味，肉質嫩滑，用叉子一下便骨肉分離，必點菜式芝士鮮茄焗厚切豬扒飯 $108即叫即焗，需時15至20分鐘，炒飯底乾身，芝士份量很足，豬扒貼心地已經切好，茄汁酸甜香濃，不愧是招牌菜冬陰功海鮮意粉 $118非常有驚喜的意粉，冬陰功味道酸辣，海鮮份量很多，新鮮足料，意粉軟硬適中，個人私心推介裝修走Cafe路線，寬敞舒適，食物性價比高，還可以帶寵物，會再來

終於俾我搵到一間唔辣嘅火山骨。平時只見有泰式火山骨，酸酸辣辣，呢度個火山骨係偏滷水味，味道偏甜，完全食得出豬肉同豬骨嘅鮮味。$88有三大大舊，份量同出邊食百幾蚊嘅差唔多。佢哋另外一個出名嘅係芝士鮮茄焗厚切豬扒飯，即叫即焗，有炒飯底，份量十足。拉絲芝士同埋新鮮蕃茄，豬扒就厚切，而且幫你切開咗仲非常之淋添，成個飯食落好濕潤，果然係王牌。佢呢間餐廳其實好近高山劇場，去睇show之前過嚟食返餐就非常之順路喇

究竟呢度算係紅磡定土瓜灣呢？小編就覺得呢間餐廳係踩正中間😂😂呢間「遇見你」有好多唔同嘅菜式選擇小編之前食過佢哋嘅下午茶都唔錯 尤其是係佢哋嘅小食😌不過今次食咗好多款佢哋嘅主菜尤其是係佢哋推出嘅火山排骨😌就覺得相當之唔錯😝🐷自家秘製火山排骨細份諗住細份 應該都唔會多得去邊？點知多到我哋食唔晒… （盡力食咗八成）好香蒜頭味 啲肉都幾腍 所以搭配埋個醬汁唔錯好彩餐廳有手套可以加 如果唔係嘅話食得冇咁方便😂😂仲有就係上面有好多芫荽同埋蔥😚係小編最愛嘅兩樣配料啊😭😭😭當然啦 如果你唔食芫荽蔥嘅話就記住同店員講聲先..😌 因為芫荽個味道..然小編鍾意食芫荽 但係呢度真係好多☺️☺️大家自行斟酌🐷芝士鮮茄焗厚切豬扒飯開頭以為呢度嘅豬扒飯應該同平時大x樂 大x活質素差唔多不過佢哋嘅豬扒已經切好咗一塊塊俾我哋而且口感唔乾 所以真係好方便同埋好食啲因為如果成塊豬扒擺上嚟嘅話 就會連埋啲骨上嚟都冇咁方便㗎個味道都幾濃郁 面頭有芝士同蕃茄 兩樣嘢都融合得幾好 同下面個西炒飯+啲豬扒幾夾可惜小編嘅朋友唔食得 咁上面嘅部份由有我 獨自一人享用😝🐷冬陰功海鮮意粉冬陰功湯粉就食過啦 冬陰功意大利粉又有冇食呢？😚😗其實睇落

CP值超高、超窩心嘅土瓜灣Cafe🤩 行過路過土瓜灣呢頭真係唔好錯過😋🔸自家秘製火山骨見每台客都有嗌呢個秘製火山骨🤩 果然係必食推介🤤 骨頭肉質鮮嫩，經過慢火燒烤，外皮烤得香脆，裡面卻保持著豐富的肉汁，而且煮到好腍好容易同骨分開。醬汁的味道特別入味，帶有一絲微辣和甜味，令人一口接一口停唔落來。搭配啲香菜和蔥花，增添咗一啲清新感，真係好好味！如果你係食肉獸呢個菜絕對唔可以錯過‼️🔸芝士鮮茄焗厚切豬扒飯厚切豬扒烤得啱啱好，肉質嫩滑而且鬆軟，加上香濃嘅芝士，真係好邪惡👅鮮茄醬汁酸酸甜甜，平衡咗豬扒嘅油膩感。飯粒吸收咗汁液之後，炒飯底味道更加豐富🤪🔸黑松露蘆筍鮮蝦炒飯一上菜嘅時候，黑松露香氣四溢🥹真係極濃郁。黑松露的獨特香味同新鮮蝦肉嘅鮮味混合，形成咗一個豐富嘅層次感。蘆筍加咗一啲脆口感，令整碗飯多咗一啲口感上的變化。

原來喺高山劇場附近都開咗一間餐廳，呢間餐廳個名都幾浪漫㗎，叫做「遇見您」🫶🏻。餐廳提供嘅食物都比較多元化，有香港特色本地菜、泰國風味，同時都有 fusion 菜，而今次我哋就點咗一個自家秘製火山骨🔥，以及具有香港特色嘅芝士蕃茄焗豬扒飯🍅🐷🍚，最後嚟多個 fusion 菜 **冬陰功海鮮意粉** 🍝，成餐飯都超級滿足！最緊要係近高山劇場，完咗活動可以同朋友去食好西！🌟 自家秘製火山骨🐷🦴🔥可以選擇辣或者唔辣，而今次我就揀咗個唔辣嘅，佢唔係好似泰國嘅酸酸辣辣火山骨，食落去係甜甜的火山骨，有啲似平時食開嘅豬軟骨！😋🌟 芝士鮮茄焗厚切豬扒飯🍅🐷🍚可以講係我食過最好食嘅焗豬扒飯🍽️，醬汁分配得剛剛好，再加上厚切嘅豬扒，食落去唔會鞋鞋烚烚，係超Juice嘅豬扒！😍🌟 冬陰功海鮮意粉🍝佢哋嘅冬陰功海鮮意粉都唔錯㗎，酸酸鹹鹹辣辣三種口味結合埋一齊得到一個平衡點，而且海鮮份量都唔少，有帶子、青口及魷魚，超級正！🦪🦑

朋友知道我鐘意食火山骨，佢話土瓜灣有間餐廳有火山骨食，所以帶我去試下。自家秘製火山骨（細）火山骨可以揀落唔落辣汁，所以唔食得辣嘅朋友都可以試。火山骨超級大件，份量好多，啱晒同朋友一齊share！火山骨底下嘅醬汁亦都非常惹味。黑椒豬手配酸菜飯豬手肉份量都幾多，質感非常軟腍，亦都整得非常入味。酸菜同醬汁都好惹味，送飯食真係一流！芝士鮮茄焗厚切豬扒飯焗豬扒飯即叫即焗，熱辣辣新鮮出爐！芝士非常拉絲，再配上炒飯底！豬扒好厚肉，質感濕潤，唔會乾。

今日同朋友相約喺土瓜灣食飯，揀咗呢間小店𝔼𝕟𝕔𝕠𝕦𝕟𝕥𝕖𝕣，呢間餐廳菜式都幾fusion：冰室嘅豬扒飯、泰式嘅火山🌋排骨、西餐嘅意粉⋯⋯全都有！裝修風格就似西餐廳/Cafe，座位都幾舒服，同朋友過嚟食飯都唔會好有壓迫感！第一次食一定揀必食推介：🤎野菌忌廉酥皮濃湯配松露油🥣酥皮湯一定要趁熱飲啦，否則過一陣就冇咁香脆！呢款酥皮香脆較薄身，同香濃嘅忌廉湯屬於完美配搭！忌廉湯質感幼滑唔會太過濃縮，入面充滿嘅野菌粒粒，每一啖都會飲到粒粒增加口感，飲完呢個湯會有開胃感覺，之後更加食慾大增！🌶️冬陰功海鮮意枌 $118鍾意食泰國嘢嘅朋友都好鍾意食，呢個辣度屬於小辣，醬汁非常香濃，一上枱就聞到香辣冬陰功味，顏色方面呈奶白色，應該混合咗忌廉醬汁，入面充滿海鮮🦞：海蝦、青口同埋魷魚，面頭上仲少少香草調味，超美味，可惜對我來講辣少少之外（平時最多食五小辣🌶️），如果唔係一定可以食晒！必點🍍鎮店豬寶💛芝士鮮茄🍅焗厚切豬扒 $108推薦！食落去有好香甜嘅菠蘿味，醬汁酸中有甜，入面都加咗蕃茄，但味道平衡做得幾好，食落去唔會太酸，可能因為選用嘅菠蘿都好香甜唔會太酸！另外豬扒都好食，豬扒外皮焗得好香脆，微微焦香又不會燶，

今日去左土瓜灣既西餐廳叫遇見您，環境寬敞，格局有些似酒吧和cafe混合自家秘製火山骨🐷 $128 (大）別具一格的自家秘製醬油火山骨，以多塊豬脊骨堆砌成一座誘人的「火山」，肉質鮮嫩，醬汁風味獨特😚芝士鮮茄焗厚切豬扒飯🧀🍅🐷🍚 $108濃郁芝士香氣撲鼻而來，厚切豬扒肉質鮮嫩多汁，酸甜鮮茄更添滋味，焗至金黃香脆😋黑松露蘆筍鮮蝦炒飯🦐🍚 $78粒粒分明的炒飯，伴隨著黑松露的濃郁香氣、蘆筍的清甜和鮮蝦的鮮美，口感豐富

平時好少土瓜灣果邊，咁似過去處理d事就附近搵左間餐廳食飯，位置雖然唔算顯眼，但餐廳內都有好多款式。今次同朋友快食叫得唔多，同大家推薦下呢兩款菜式。———————————————🌟 自家秘製火山骨($108)呢個火山骨真係不得了！雖然叫咗細份，但份量一啲都唔細，足足有4大舊，絕對夠兩個人分享。豬肉煮得超級腍身，一拆就離骨，入口即化～麻辣汁要另加$10，但絕對值得！麻辣汁香濃惹味，辣度適中，帶少少麻香，食到停唔到口。🌟 芝士鮮茄焗厚切豬扒飯 ($108)豬扒飯一上枱已經聞到濃濃嘅芝士同茄香，表面焗到金黃，賣相非常吸引！厚切豬扒煎得外層微微焦香，內裡保持嫩滑多汁，完全唔乾柴。飯粒焗得乾身，吸收晒芝士同鮮茄嘅精華，每一啖都充滿層次感，真係令人食到好滿足～

今日同朋友去咗土瓜灣嘅遇上你食咗晚餐我同佢揀咗-自家秘製火山骨火山骨味道濃郁，肉質嫩滑，搭配獨特醬汁。呢個係應該一定要試，因為佢整得好腍，秘製醬料香氣增添了肉的層次感。十分鼓勵一定要食這個。-芝士解茄焗厚切豬扒飯呢個係「鎮店豬寶」豬扒全搭在豬扒飯面上。外脆內嫩，芝士濃郁與番茄酸甜是perfect 。焗的過程使芝士融化，增添了整體香氣。-凱撒沙律麵包粒整得好脆，唔會太硬，呢樣嘢稍為驚喜。羅馬生菜脆口，搭配脆脆培根，清新又滿足。我哋只要喺社交平台嗰度like就可以食一個甜品啦😍😍😍今日是藍莓芝士蛋糕🫐藍莓酸甜搭配滑順芝士蛋糕，口感柔和又不膩，底部的餅乾層增加了脆感

遇見您 📍土瓜灣漆咸道北423-433號怡輝大廈地下1號舖⭐️ 自家秘製火山骨 細份$88比起坊間一般嘅泰式火山排骨，佢嘅味道似中式調味，滿滿嘅蒜香同埋芫荽味！雖然佢係細分，但係其實都已經好多，同埋煮到啲肉好腍，好容易就可以拆到骨，超滿足！⭐️ 芝士鮮茄焗厚切豬扒飯 $108估唔到佢係咁大份😂 豬扒份量好多，而且肉嫩唔鞋唔痴牙！酸酸甜甜好易入口 ✨⭐️冬陰功意粉 $108個人覺得最出色嘅就係呢一個冬陰功味嘅意粉🍝呢排食過好多間冬陰功意粉，但係呢個係令我覺得最物超所值嘅！佢唔會太過酸，然後有少少辣辣地，我係keep住狂食🤣 而且佢有幾多海鮮，包括有帶子、青口、魷魚，已經完全超出我預期🤣 推薦！

呢間餐廳位於土瓜灣既西餐廳，環境浪漫又有少少酒吧格調甘，呢度出名既火山骨同埋焗豬扒飯，所以我地都黎食下，叫左份細既火山骨，調味好特別加埋叫左辣味既醬汁食落好香口，少少辣又少少甜甘，呢度既火山骨分左細份同大份，細份好似有d未夠喉既感覺想繼續食多幾啖甘，下次要叫大份先得。另外豬扒飯係即叫即焗既要大約整20分鐘左右所以想食記得早少少叫呀～免得遲左叫要等好耐，佢塊豬扒比起平時食既更厚切，下面仲好開心係炒飯底，芝士同蕃茄醬汁都好夠味。

今次覓食在土瓜灣‼️年尾食豪左，年頭就要收斂返啲～～呢一區有好多平民美食，朋友推介食呢間冰室cafe！點解叫冰室cafe⁉️因為食物種類係平時冰室都有嘅美食，但環境就係cafe格局「芝士鮮茄焗厚切豬扒飯」鮮茄汁唔會杰撻撻，甜酸味好適中好香新鮮蕃茄嘅清新口味，炒飯底炒到粒粒夠乾身，最加分係豬扒好有彈性，唔會比鬆肉粉醃到冇晒口感！「野菌忌廉酥皮湯」呢個忌廉湯濃而不膩❤️菇菌味好香，仲有粒粒野菌嘅口感果然係主廚推介‼️「自家秘製火山骨」泰國夜市名物，好多香港人都鍾意其震撼感～～用豬脊骨推疊成一座山，肉質一啲都唔鞋，醬汁有別於泰式辣汁，味道係秘製醬油，個人覺得泰式辣汁會開胃啲

遇見您 @encounter.bnr 📍：土瓜灣漆咸道北423-433號怡輝大廈地下1號舖🚗：土瓜灣地鐵D1出口 步行7分鐘📞：+852 2889-2238💲：~HKD120/head for dinnerFood quality✔️：野菌忌廉酥皮濃湯配松露油、自家秘製火山骨(細)👌🏼：芝士鮮茄焗厚切豬扒飯總結：😋外表睇落係間西餐廳 但餐牌一開招牌竟然係快餐店嘅焗豬同泰菜嘅火山骨 仲有意大利粉扒等西餐 真係間頗多元化嘅餐廳😋嚟到試咗三樣招牌 火山🌋骨 酥皮湯同焗豬 當中最好食就酥皮湯 落好足料 每啖都食到顆粒嘅菇 香而濃郁 個人覺得可以落少啲松露油 呢個好飲😋火山骨都推薦 冇諗過竟然連泰菜都有 好細心咁分大同細 叫咗細份$88都好大份 有5-6舊 調味就落咗蒜頭芫荽🌿葱 肉質都頗軟腍 不過食落似中式風情多啲 香港版嘅火山骨😋環境有裝修所以真係唔似食緊快餐 坐得舒服 員工都頗友善 會加水執拾得頗勤 🤔招牌焗豬都唔錯 而且佢鮮茄味好香配飯一流 不過焗耐啲會好少少🤏🏼🤔會收加一 大家要留意下