遇見您

Open Now

Now Closed

自家秘製火山骨 （細） $88以前喺泰國見過但冇食到，竟然喺香港見到就即試雖然點咗細，但竟然有3大嚿，係豬胸骨做嘅，排骨既肉同骨一切就分離，煮得啱啱好，肉質唔會太腍，肉質又嫩滑，最精彩係骨上面有大量芫茜及蔥調味，同埋個特製醬汁，有少少辣，超級好味，推薦💯野菌忌廉酥皮濃湯配松露油 $68至愛嘅酥皮面，加埋濃濃嘅忌廉湯同超級多野菌粒，黑松露味濃郁，口感好豐富好滑😋芝士鮮茄焗厚切豬扒飯 $98厚切豬扒好嫩，口感鬆軟，份量唔少，配埋酸甜鮮茄汁同炒飯底，焗得金金黃黃，啱啱好，必食👍🏻茶餐廳價錢，食物有高級餐廳嘅質素，超級抵食👍🏻👍🏻👍🏻

小妹同豬去完何文田探朋友，走圍搵野食😋就見到呢間門口好有聖誕🎄氣氛既餐廳🍴再睇吓餐牌見到價錢幾抵，又係食快餐🤩就入去食～由於餐廳🍴裝修得好靚，完全唔似出面既茶餐廳🍴座位闊落，坐得舒服😌自家秘製火山骨🐖🍲呢款火山排骨雖然係小，但份量不少，有3大嚿🌝 排骨既肉與骨之間易分離，肉質好軟腍，面頭亦有大量芫茜及蔥調味，味道👅好似住家湯煲既豬骨味道🤗但特別在於佢既秘製醬汁同平日食既火山排骨泰式風味好唔同…呢款醬汁偏微鹹，非常特別😌芝士鮮茄焗厚切豬扒飯🐖🧀 🍛雖然看似普通的晚飯🥣但呢間焗豬扒飯既芝士🧀做到少少拉絲既效果😎每塊豬扒都有一定的厚度，肉質同樣軟腍鬆軟🤩配埋酸甜鮮茄汁🥫真心不錯及開胃🤤焗法式啤梨撻配雪糕球🍐🍨雪糕球只有一種味道就係雲呢拿味🍨味道正常；焗法式啤梨撻🍐🍰係第1次食🫢中間包住咗一粒啤梨粒，味道甜甜；呢款撻亦非常特別，感覺似蛋糕底，非常鬆軟，與小妹想像不一🤣整體黎講，呢間茶餐廳唔似平日既茶餐廳🍴食物既價錢符合返食物既味道👅餐廳亦會播放音樂及超有聖誕氣氛，相當不錯，感覺好舒閒用膳😙😋

❇️環境設計浪漫，寧靜環境，適合聚餐1️⃣ 自家秘製火山骨特製醬汁，肉吸收得啱啱好，好入味肉質鮮嫩，一咬啲肉就出尼，忍唔住要用手食！2️⃣ 芝士鮮茄焗厚切豬扒飯厚切的豬扒外焦里嫩，搭配融化的芝士與新鮮的番茄仲要係好吸引嘅炒飯底，讚3️⃣ 蜜糖煙鴨胸沙律鴨胸肉烹調得恰到好處搭配新鮮的沙律菜，非常清新開胃4️⃣ 野菇忌廉酥皮濃湯配松露油超級鍾意脆脆嘅酥皮面濃郁的忌廉湯中融合了超級多細粒野菇，有口感餐廳環境舒服，換碟都好勤快，適合與朋友或家人一同享用！

係土瓜灣做完野經過見到呢間餐廳好似唔錯就決定試下啦野菌忌廉酥皮濃湯配松露油 呢個湯入口好驚豔到我! 黑松露香味濃郁而且野菌份量好多 再浸埋酥皮食口感好豐富自家秘製火山骨 (細份)一直都好想試火山骨 估唔到細份都有成5舊咁多 豬肉肉質細嫩 灑上大量嘅蔥花同芫荽嚟增香 配埋秘製醬汁食好惹味芝士鮮茄焗厚切豬扒飯厚切又大塊嘅豬扒鋪滿成個焗飯 食落仲有肉汁 米飯吸收哂芝士同茄醬嘅精華 仲有d菠蘿 蛋同洋蔥係入面 帶點微酸好開胃 唔怪之得可以成為招牌

朋友知我鍾意食焗飯，特登帶來我黎呢到試下，喺土瓜灣站行過去都唔係好遠，餐廳環境唔錯，樓底高坐得都幾舒服。芝士鮮茄厚切豬扒飯要等15 20分鐘製作時，厚切豬扒份量都幾多，囗感咬落鬆軟，焗得啱啱好，上面覆蓋融化嘅芝士，都可以拉絲，而炒飯底粒粒分明，唔錯。自家秘製火山骨 話係店內人氣之選，有大份同細份揀，我地揀左大份，一碟有3件。大大件豬胸排，肉質都幾嫰堆疊成火山， 再加埋香菜和蔥粒，秘製醬汁鹹中有甜幾惹味。

在高山劇場附近，我遇見了一間有誠意的餐廳——「遇見您」。「遇見妳」不僅是一頓飯，更像是一場與美食的相遇，感受到用心和熱情。餐廳內部環境以木製枱椅為主，簡約卻不失溫馨，空間闊落舒服，還有一個室外區域，適合想感受陽光或晚風的人。這次點了兩道招牌菜，都是店員熱情推介的。在兩道主菜上桌前，先來了一份清新的🏅「經典凱撒沙律」（$78）。生菜鮮脆爽口，配上香濃的芝士和脆口的煙肉粒，醬汁調味剛好，不會太膩，為接下來的美味打開了完美序幕。🏅「芝士鮮茄焗厚切豬扒飯」（$98），豬扒軟滑入味，配上濃郁的芡汁，鹹香中帶點微甜，不是普通茄膏製作，讓人一試難忘，還附送了一碗香濃的粟米湯，喝一口便覺滿足。🏅「自家秘製火山骨」（$88）則是驚喜之作，與常見的泰式風味不同，這裏用生抽和芫荽蔥調味，三大件大排骨肉質鮮嫩多汁，淋而不柴。我忍不住用手拿起來，一口一口拆骨起肉，吃得豪邁又痛快。缺點是食完要去洗手😂。

搭巴士常常經過土瓜灣，見有很多食店，今日終於決定中途落車，在這裏晚飯。煙三文魚黑松露蘆筍炒飯（$88）煙三文魚碎、黑松露、蘆筍和飯炒得均勻，粒粒分明，口感乾爽，不油膩，黑松露味香噴噴，鹹味適中。雞扒滑蛋蓋飯 （$68）大大塊的香煎雞扒皮脆肉嫩，雞肉充滿香草味。蛋蓋也很嫩滑，生熟度掌握得很好。炒雜菜 （跟餐+$38）不同款式的菜蔬皆十分鮮嫩，再加上香濃的蒜蓉，營養豐富而且美味。吉列炸魚拼薯條 （$68）兩塊炸魚塊，不會太厚炸粉，微鹹香口，肉質滑溜，有沙律醬另外配上。薯條香脆不覺油膩，也是微鹹香口，另有番茄醬配上。凍檸茶（跟餐+$8）（另收加一服務費）

自從近排成日要去土瓜灣開會，就多咗好多機會試吓舊區嘅美食 ✨酥皮黑松露雜菌湯 絕對會為咗呢一個酥皮湯再次拜訪！湯底非常濃郁，加上松露油嘅味道更加香滑，雜菌份量極多，口感豐富得黎再浸上酥皮，大滿足！✨自家秘製火山骨有細有大可以選擇，餐廳選用豬胸肉，淋上秘製醬汁同芫荽，入口非常滋香，千祈唔好介意用手食，因為真係食到舔舔脷。✨芝士鮮茄焗厚切豬扒飯作為餐廳嘅招牌果然有所原因，豬扒厚切得過分，咬落Juicy又爽嫩，芝士同鮮茄嘅配搭拿捏得剛剛好，有奶香得來又帶點酸甜。✨香芒牛油果辣蝦沙律大愛呢個沙律🥗芒果嘅軟甜加上綿滑嘅牛油果，淋上橄欖油同黑醋成為沙律最經典嘅配搭，蝦仁🍤都有預先煎香，足見誠意。👌🏻蜂蜜雪梨蘋果茶進入流感季節，當然要飲番啲潤喉嘅果茶，但係唯獨味道太淡，性價比而言就略低。

今日同朋友嚟到土瓜灣呢間「遇見你」，見佢個門口貼咗張相，芝士焗豬扒飯睇落去好吸引，所以就叫咗嚟試吓！芝士鮮茄焗厚切豬扒飯個豬扒真係好厚切，焗到金黃色，上面鋪滿芝士同茄汁，賣相一流！食落去豬扒好嫩滑，芝士又香又濃，配埋個茄汁飯，真係好邪惡呀！秘製火山骨呢個火山骨就真係名副其實，份量十足！肉質又嫩滑，個秘製醬汁甜甜辣辣，好開胃！餐廳仲安排咗手套方便進食，好細心。黑松露炒飯香味濃郁，飯炒得粒粒分明，都算唔錯

與朋友在土瓜灣看傢俬後，在附近看到這西餐廳，環境不錯，便進入去晚餐，我們點了烤黑毛猪肋骨和煙三文魚沙律，好味番。烤黑毛猪肋骨，肉質美味，嫩滑，多汁，軟腍度剛剛好，看得出是經過恰當的烹調和烤制。配汁正宗美味，是外國西餐的味道，能配合和帶出豬肋骨的味道來。煙熏三文鱼沙律，新鮮，味美。搭配大量蔬菜，剛剛好可以配合烤黑毛猪肋骨一起來吃。再來兩杯飲品，爽。這頓晚餐的質素，味道，環境，從相片已經感受得到，很享受。

其實屋企附近係美食沙漠區，所以15分鐘步行距離黎到呢間小店已經是最近的綠洲了。喺呢個綠洲, 先講佢既環境有室外室內架，室外係BBQ場，室內就普通堂食。老公一睇page 1 見到是日精選有紅酒燴牛尾(配飯) 同埋可以同時飲紅酒就好開心, 不過我當日就比較鍾意A La Carte 既選擇, a la carte 既選擇唔只有西式, 還有東南亞菜，例如口水雞飯，海南雞飯等等。不過我覺得簡單又健康之選：磨菇汁雞胸紅糙米 反而比較難得，但仍然，我覺得喺呢個難得到訪既美食綠洲一直都好想飲到店中signature 既野菌忌廉酥皮湯配松露油果然無令我失望，因為個松露油真係好香，湯既野菌粒粒口感令到個湯不再單調！

見到咁多個好評 覺得應該質素都唔差小店一路都好想去支持吓勢估唔到可以失望而回甚至乎可以話，冇可能再返轉頭勢估唔到 蔥油雞飯 蔥油係凍嘅 飯質仲差過大家樂嘅水平 慢煮雞胸意粉 應該比連鎖集團撒莉亞仲差本身都好支持小店但係都要小店對得住起收嘅價錢$78 蔥油雞飯 $98 意粉 冇嘢飲連埋加一 $198如果service好好，或者環境好好都會明白環境食服務連呢兩方面都冇嘅話，真心睇唔出點解會咁好食評呢？真心好多地方更值支持如果只係得所謂招牌嗰三樣嘢係好食不如索性專心做好嗰三樣嘢

餐廳西式元素會比較多，但也有點像平常冰室的感覺，有挺多不同的款式可以吃到，就像今天一口氣吃到泰式，港式和西式的感覺，挺特別的！自家秘製火山骨（細）火山骨一共有三大件，燉煮得很軟嫩入味，味道是鹹甜口味的，帶點蒜香，最後撒上大量的芫荽和蔥花來增香解膩。豬骨吃起來很有豬肉香，肉質鮮嫩，帶點油脂，所以吃起來特別香。芝士鮮茄焗厚切豬扒飯挺多人叫的焗厚切豬扒飯，豬扒超過１ＣＭ厚，真的很厚很大塊，但吃起來不會乾，仍有肉汁，肉質也挺嫩的，也有肉香。而上面是焗得焦香的芝士，下面是鮮茄汁加炒飯底，味道酸甜開胃。煙三文魚黑松露蘆筍炒飯愛黑松露的要試試這個炒飯，味道非常濃郁，而且炒飯炒得也很乾身，味道挺鹹香的，又帶有陣陣的煙三文魚香。

之前好似係走較高檔西餐廳路線，一直冇過入來試，不過就有試過外賣卡邦尼意粉，印象中都幾creamy幾好味嘅今日路過就入來試吓，都幾多人，十二點零就已滿坐，睇得出好多都係街坊餐牌各樣菜式都有，茶餐廳感覺，又西式，日式西式，中式，泰式乜都有我哋點了日式豚肉生姜燒飯配湯，湯是中式湯，好茶餐廳feel😅豚肉用五花腩肉都幾好味，不過好似太多姜，每一啖都有😅食到出汗口水雞套飯感覺唔似口水汁，同預期有啲出入，個人覺得似沙嗲汁撈擔擔面汁多啲，雞較鞋唔夠滑不過就對得住價錢嘅，人均$70，茶餐廳價錢，不能有太高要求😂

📍遇見您 (土瓜灣)📍土瓜灣漆咸道北423-433號怡輝大廈地下1號舖🩷今日打風唔想煮飯❤️呢間餐廳第一次食！好推介❣️❣️❣️🧡侍應哥哥又靚仔又溫柔💛野食好好食！好鍾意個酥皮湯！上菜時酥皮脆卜卜！牛油味香噴噴～個湯非常熱辣辣！酥皮索曬蘑菇湯，充滿濃郁奶香！💚見openrice好多人推介個火山骨，就即管叫份細嘅試一試。點知好大碟…有4大舊骨，舊舊都大過手掌🖐️而且肉質又嫩滑，入口即溶，完全唔起渣！但係最驚喜都係佢個醬油😂🤣🤣🤤🤤🤤好香噴噴！🩵三文魚沙律不過不失～煙三文魚合格😚沙律大大碟！食到最後就覺得少少咸💙桂花烏龍亦都好驚喜！下邊有小燭火溫住唔怕凍，而且淡淡嘅桂花香氣包裹住烏龍茶香，不苦不澀，透明嘅茶壺見到粒粒金黃嘅桂花望落好賞心悅目。💜哈哈哈 下次再去！🤭