活力果汁店

Open Now

Now Closed

路過呢間果汁舖，買咗杯果汁試下，都ok，價錢都唔算貴，但態度就一般啦，問佢大杯細杯差幾多，我話邊但大杯啲都串串貢咁，問多句都唔太耐煩，未問我拎走定點，就插支飲管落去😂🧃E 美顏三寶 大 $24 (7/10)木瓜紅蘿蔔蘋果，質感都杰身，似牛奶質感，木瓜味比較出，飲到清甜味，微微紅蘿蔔味，有少少澀，有蘋果嘅甜，都ok！飲得出冇加水，真材實料嘅。推薦指數: 7/10果汁正正常常，老細態度一般，冇生意都可以咁唔耐煩，應該係唔太想做生意啦😂

去到三點三ge時間，口淡淡但又5係好想食得太heavy？一於叫返杯果汁啦！呢間果汁店，其實5只賣生果同果汁咁簡單，佢仲有賣下燒賣呀，沙律呀，三文治果d小食，仲有早餐賣tim！聽講佢地做生果店之前，係做開麵包店，所以店裡面仲有雪果子賣，真係好多元化。不過其實今次重點想講ge係店裡面ge老闆娘！所謂一次生兩次熟，幫襯開ge就知老闆娘超級好客，老闆就比較怕醜d，但都算好熱情。個老闆娘認人好叻，幫襯佢多兩次，佢就已經好熱情咁拉你一齊傾計！有時幫佢買得多野，佢直情一大袋生果免費送比你，話叫送埋比d同事一齊食，有時真係幾懷疑老闆娘咁究竟有冇錢賺😂講返個果汁，今次叫左個番石榴益力多同埋個芒果益力多，但真係要等一排先攞到個果汁，因為你真係可以睇住佢係即叫即炸汁。其實我好中意番石榴陣味，但5好意食佢d核，飲果汁就正喇，可以將成隻番石榴ge精華都食哂落肚！

嗌咗個一份腸粉一份燒賣同奶茶, 點知係裝埋一碗, 姐係得半碗腸粉. 冇諗到份量會咁細啲腸粉比汁浸到滷水咁款, 全部都係汁食落好咸... 燒賣又硬... 唔抵食加唔好食, 冇第二次!

30.1.2014再見Quarry Bay系列(19)年三十的下午, 原本是可以放半晝, 但太多工作的關係, 迫住開OT.想吃得健康一點, 就到了這間賣健康果汁的小店, 買份午餐外賣回公司吃. 買了一盒鮮茄雞柳飯配蘋果汁($32). 雞柳也頗多, 肉厚但不算滑, 有些是連著骨的. 飯粒混了紅米, 雖然有點硬身, 但伴著甜甜酸酸的蕃茄, 以及無味精的蕃茄汁來吃, 就容易入口得多. 感覺開胃又健康. 至於蘋果汁就非常濃稠, 差不多是純蘋果蓉而沒有加水份的, 十分十分鮮甜.

薯仔碎蛋沙律$13~口感好滑, 而且好足料~入面有薯仔、粟米、蛋、紅蘿蔔etc...薯仔切得細細粒~好易入口~最重要係粒粒都咁上下大細~刀功好犀利而且材料好新鮮~~醬跟食材的比例好好~每次食的水準都好好~~當初我仲以為「薯仔碎蛋沙律」只係一盒仔的下午茶~睇落以為好輕型~點知原來超飽~超FULL的~!!!!最重要係送外賣的好快手~叫左好多就會送到~各位上班一族~如果唔想lunch出去排隊迫,又想食d健康野食~可以選擇食下沙律XD不過記住, 之前6:00PM想去買外賣, 但已經關門~而且生果盒同沙律都好快賣曬~有買趁早, 日日清~XD

估唔到可以係openrice見到活力食左佢地d三文治同沙律好多次,真係好好味,特別係佢地個薯仔碎旦沙律同燒雞三文治,燒雞加上青瓜同番茄簡直係我最愛,再加多杯果汁都係廿幾蚊,夠飽之餘又經濟,最緊要食得健康今日發現佢地原來有什菜沙律賣,結果買左一個試下,佢地既什菜沙律唔算太多材料,只係得生菜,青瓜,番茄仔同西芹,但係帶比我好大既驚喜,因為佢地唔係用沙律醬同千島醬,而係用我最喜愛既salad dressing,超㊣同埋今日個老細介紹飲士多啤利提子,冇諗過士多啤利同提子溝埋係咁好飲.我幾鍾意飲佢地d果汁,有時食完飯都會去買杯飲下,淨係佢地冇加糖水同冰呢樣野已經值得幫襯,好過佢隔離間果汁舖,果間好明顯地係有加糖水囉.