入麵 (Closed)

唔知點解好多人排隊 好奇入去試下佢個名好正，而且同佢個舖位好襯雖然容納人數少，食既野同服務員既態度都好好👍🏻事不宜遲講下 今次食左咩先 日式燒汁豚肉麵🍜麵、豚肉分開上 好細心體貼👍🏻麵好柔軟、有粟米🌽做配襯著 豚肉就唔算太油既😂整體來說，環境可能細小 食物都唔錯 員工態度好好👍🏻

網上睇裝修圖幾好睇，但唔會再食。分量太少，味道唔係出色，有d鹹過頭，麵比較軟，冇乜彈性，好似煮耐左少少。價錢唔抵。野飲叫左珍珠奶茶，普通奶茶，同奶茶鋪當然冇得比，所以寧願唔叫去隔離奶茶鋪買。貢茶青玉，樓下茶星人都有。分量少當下午茶食係ok嘅。服務態度有d差，落order黑口黑面，語氣好唔耐煩。樓下有價錢靚d嘅餐廳。唔貴又食得飽。沙田友果間都幾好，茶餐廳，味道比較出色。吉豚屋食吉列扒，價錢貴多d，但抵食好多。

石門有好多小店，今次趁豬先生過來陪我食lunch，就帶佢試吓公司附近既撈麵店❣️🍜 日式桂花叉燒x日式撈麵 $62呢個「叉燒」其實係五花腩片，但食落唔會感覺好肥膩，因為有桂花汁加持❤️ 好香桂花味同甜味✨✨ 而且仲有半隻溏心蛋👍🏻 撈麵鋪滿木魚，醬汁份量剛好，夠惹味。好慶幸自己點左呢個配搭😚🍜 鹽酥雞球x麻醬撈麵 $58豬先生就揀左鹽酥雞球，雞球稍為炸得乾身，仲有2舊炸薯角（但好似唔夾，好奇怪🆖）麻醬撈麵就唔錯，麻醬香味濃👍🏻跟餐配台式飲品，我地就揀左珍珠奶茶，但味道就認真麻麻，唔介紹了🥴 都係台式手搖飲品店既好飲啲😂

🍖 回味醬骨架麻香醬撈麵 $52💯 評分：🌕🌕🌕🌕🌗 (4.5/5)💬 豬肋骨架有兩大嚿，肉質都唔算嚡口，回味醬亦十分濃郁。麻香醬嘅香氣好出，份量用嚟撈麵剛剛好。🤤🧋珍珠奶茶 (熱)💯 評分：🌕🌕🌕🌕🌗 (4.5/5)💬 珍珠有好多粒，口感既煙韌又彈牙，奶茶嘅甜味亦都恰到好處。😍🥩 蒙古風沙牛仔肉薑蔥蒜撈麵 $54💯 評分：🌕🌕🌕🌕🌗 (4.5/5)💬 有作唔曉何謂蒙古風味，淨係知道啲牛仔肉嘅口感都算得上爽脆，辣度亦恰到好處。至於薑蔥蒜就散發住淡淡嘅香氣，同麻醬嘅份量一樣剛剛好。😋🥤 荔枝玉露 (走甜)💯 評分：🌕🌕🌕🌗🌑 (3.5/5)💬 荔枝味唔係太明顯，不過底下嘅蘆薈既香甜又彈牙，整體嘅質素都可以接受。😚💙 FB：入麵entrance . 撈麵

晏就時間入左石門食飯，入素就食過好幾次，入麵就未食過，今次就黎入麵啦本身睇餐牌好似唔見有飯，但落單時店員問食麵定食飯，我覺得食飯飽啲所以揀左飯本來想試素炸排骨但賣曬，最後揀左素吉列牛蒡扒，套餐仲包左飲品食落好有驚喜，估唔到專賣麵嘅舖頭賣嘅飯都咁好味，飯好有咬口，份量都幾多吉列牛蒡扒好脆，炸衣脆身食食下原來仲有兩舊薯角再食下仲有兩粒車厘茄同幾片青瓜至於飲品都唔錯，桃味幾足，不過甜左少少🤏叫完先發現可以減甜好滿意，要bookmark

#黃店🇭🇰ST-入麵又喺石門嘅小店啦～～小編今次誠意推介呢一間好好食既麵店，佢之前仲被停晚市🥲所以大家真係要大大力懲罰下呢間舖頭呀～～小編成日午市時間叫外賣自取，有九折，仲要成個套餐係包埋台式飲品㗎🤤住附近嘅人可以打電話叫定落單先～因為我成日去到拎外賣嘅時候都見到好多人等😆👅鹽酥雞球口水汁撈麵 (⭐9/10) $58呢個配搭好好食～佢個雞球大概有四五粒，炸得啱啱好，又熱辣辣，唔會太乾，食落仲有少少肉汁😻仲配有兩片青瓜，可以fresh一下😹麵既份量係大大碗 超滿足～～而佢嘅口水汁唔係好辣既 有少少甜甜地 但係好夠味亦都夠晒汁配個麵嚟撈，佢仲有其他口味嘅汁可以揀，不過我淨係試咗口水汁已經愛上左，所以次次都係嗌口水汁撈麵💕好惹味～～然後個套餐我仲配左荔枝玉露飲，荔枝玉露就係正常發揮，偏甜(我成日唔記得叫少甜)🤣🎏地址: 入麵 (沙田)沙田石門安群街3號京瑞廣場1期1樓151號舖#hkig #foodie #hkfoodblogger#likeforfollow #likeforlikeback #香港 #followforfollow #food #yummy#likeforfollow #

-{💛石門台灣菜🍜}第一次入石門嘅京瑞廣場食野😙咁啱等倒2:15pm之後嘅下午茶😌🤤醬骨架配麻香撈麵🤤 ($52)肉質好腍身 仲有啲軟骨咬下😋肉嘅份量好多 仲會提供手套唔會食得咁哩hea🥰鐘意花生醬嘅一定要嗌麻香麵 唔好睇個樣咁頹 其實好好味🥳底勁多麻醬 麵質爽彈🤩份量勁多😂👖褲評: 7.8/10🤤珍珠奶茶🤤 冇乜奶味😀同埋珍珠偏少😂不過跟餐送就冇咩要求👀👖褲評: 4/10下午茶夠曬抵食！all in 醬骨架可以了☺️性價比: 8/10服務: 7/10環境: Nil🚩 入麵 🚩地址: 沙田石門安群街3號京瑞廣場1期1樓151號舖 #fuudjai #fuudjai石門 #fuudjai台灣菜 #fuudjai💛 #fuudjai沙田

餐廳門口有好搶眼嘅燈牌，入嘅裝修擺設都幾有特色。下午茶 回味醬骨架麵(無味精豬骨湯麵+$2) 配 珍珠奶茶 $52醬骨架有兩大嚿，餣得好入味，第一啖食落好香口，但係調味重，愈食愈鹹，食到一半要浸落湯度溝淡啲味。第一嚿肉質偏乾硬，有少少癡骨，要成嚿夾起咬啲肉落嚟；第二嚿就腍好多，可以用筷子篤啲肉出嚟食。配菜有沙律菜、半隻醬油溏心蛋同榨菜。溏心蛋都係偏鹹，但係蛋黃晶瑩剔透，口感軟滑，質素唔錯。榨菜用水沖走表面嘅鹽份，味道清爽。無味精豬骨湯有淡淡嘅豬骨味，素麵幼身、口感偏腍，個人鍾意彈牙少少嘅麵。珍珠奶茶有驚喜，雖然都係奶精溝出嚟，但係茶底係伯爵茶，茶味突出，仲有少少彿手柑嘅餘韻。珍珠就平平無奇，始終餐廳嘅飲品唔可以同出面手搖舖嘅比較。順帶一提，店家提供即棄餐具，而且提供膠手套方便客人用手食醬骨架。雖然比較衛生同方便，但係就唔環保。總結食物味道唔錯，價錢公道，如果下次嚟會想試下佢嘅撈麵。

晏晝排隊排咗唔夠10分鐘就入到去拎位，未到嘅時候店員都好helpful 好熱情地幫手安排座位 我哋有外國朋友一齊，佢哋都好擔心會冷落左客人，一直叫我哋幫手翻譯，都盡量用自己嘅英文同佢哋溝通。點講都好，呢間餐廳都係啲外國朋友推薦㗎，可見上次佢哋嚟嘅時候店員都服務態度不錯。嚟到冇幾耐，朋友都好熟手地叫返自己平時會叫嘅嘢食。甚至都推薦左個餐俾我哋。我叫咗個鹽酥雞球隔日食撈麵，跟餐仲送杯嘢飲，而唔係一般嘅嘢飲，係我最鍾意嘅珍珠奶茶，而係唔需要加錢㗎 ！嘢食來講我又食撈麵嘅仲係冇乜特別，唔太吸引。質量係足夠嘅，但係個味唔係特別濃郁，同隻面唔算特別夾。但係個髯鬚雞球係做得非常出色，上菜嘅時候係熱辣辣嘅，炸得非常香脆，顏色都係金黃嘅。個珍珠奶茶我叫咗熱飲，微糖。出嚟嘅效果亦都的而且確係好清，好香茶味，又有啲有少少咬口嘅珍珠，即刻為個餐唔少分。不過坐位上面就會相對比較窄。

第一次食⋯唔知佢2:15 下午茶2點零幾分左右入去⋯差幾分鐘 諗住等幾分鐘下午茶⋯我幫襯係平日 客人唔係多隔幾分鐘 到左2:15分⋯有個阿姐黎落單 但太態度勁差阿姐：食咩我： 鹽酥雞球麵阿姐： 要邊種麵？我：有咩麵㨂？（第一次食唔知佢得一種麵⋯心諗係唔係有米粉/米線之類㨂⋯但餐牌唔見有寫 所以問下佢）阿姐：你坐左咁耐咁多時間都唔睇食咩 （語氣勁差）（手指指個餐牌）依度寫晒比你睇lor（勁唔耐煩）間野d 服務不知所謂⋯味道又唔係好食⋯唔會再幫襯

叫咗下午茶 (下午茶時段5點25分完結)蒙古風沙風味牛仔肉 (上)日式燒汁風味豚肉 (下)加2蚊, 無味精豬骨湯麵加2蚊, 番茄湯麵送白桃綠茶及荔枝玉露加12蚊, 肉燥時菜我明點解行過成個商場得呢間餐廳咁多人，其他餐廳都冇乜人因為呢個價錢送嘢飲，肉類送另上加半隻流心蛋嘢食又真係有味道(唔係食落冇乜味嗰啲)，唔難食，唔係一般普通茶記，相對商場其他餐廳比較健康係good嘅

今日中午見得閒就去左石門搵間良心小店幫襯支持下💛，呢度有好多小店小本經營，同朋友行左一圈，見呢間有唔少人食緊，但又唔洗等好耐就有位，所以就決定入去試下✨。餐廳座位唔多，但坐落都唔會太逼~客人可自由配搭唔同風味既餸同麵😻我就揀左日式桂花叉燒配薑蔥蒜撈麵朋友就揀左鹽酥雞球配口水汁撈麵🤤大家Share黎食。🟢 日式桂花叉燒配薑蔥蒜撈麵 $62 🟢叉燒好腍但有D太薄，桂花味就比較少。但整體都算入味不錯😚。個薑蔥蒜撈麵就幾香，麵既軟硬程度剛剛好🤗🟣 鹽酥雞球配口水汁撈麵 $58 🟣鹽酥雞球炸得幾酥脆，仲有少少肉汁。味道方面就OK啦🙌。個口水汁好香口之餘又唔太辣偏少少甜，幾啱我呢D唔太食得辣但又想食既人。午市套餐仲有珍珠奶茶添~ 🙆🏻‍♀️呢間小店整體都唔錯，服務又友善。希望佢地可以繼續落去啦。我得閒都會返黎支持架😋。

🌟係入麵食台灣野🇹🇼今日又入石門食野 今次就去左食台灣野🇹🇼去到果時咁啱係佢地嘅下午茶時間🤪叫左個鹽酥雞球 撈麵😆佢地嘅雞炸得好夠脆 有4-5舊雞粒😍食落唔會覺得好熱氣或者好油🙈個雞亦唔會好乾身 幾好食🤭個麵就揀左麻香醬撈麵麵嘅質地有少少硬 但佢比嘅醬都夠撈成個麵👍🏻除此之外配料都相當之多🤩有舖係面嘅柴魚乾同粟米 就咁食呢個麵都唔會太dry 🌽.🍇荔枝白玉 🥤野飲可似喊少甜 都唔會太甜😉.💰$46回頭率💫： 🌕🌕🌕🌕🌘

啱啱出糧緊係要食好啲啦！去左入麵叫左個蕃茄湯底燒汁牛肉麵，估唔到個麵會有咁多料，咁多牛肉，仲可以飲白桃烏龍茶，呢間野無論係野食同野飲都同平時台式食店都唔係好一樣，白桃烏龍茶無論係白桃同烏龍茶味都好濃，如果食厭左紅燒牛肉麵，不妨試吓食入麵。

今日lunch試左個蒙古風沙風味燒雞配薑葱蒜撈麵，$60包埋杯白桃綠茶，價錢嚟講都算公道嘅。雞件皮脆，但有d炸過龍嘅感覺，入口會覺得有d乾😥撈麵都夠大碗，份量係飽肚嘅，但真係真係太咸了😰😰咸到我當時其實係食完第一啖就想放棄，只不過放棄嘅話又好似太浪費😥所以都係頂硬上食😓之後飲左成枝500ml嘅水都唔掂😓真係建議平時食得清淡嘅朋友唔好叫呢個撈麵食，如果真係要嚟食嘢嘅話，湯麵會比較啱你😶