Espresso Alchemy

Open Now

Now Closed

有心事時你會點?自己想方法解決?還是找朋友傾談?我就多數選後者。今日一放工就約了同事吃early dinner傾談生活事。以粉橙紅色為主調，裝潢簡約優雅，燈光柔和，感覺舒適寫意。地方闊落，座位挺多。沒有套餐，全是單點。飲品分別有Feature Drinks、Coffee、Chocolate & Tea，而食物就有Salad、Sandwich &Toast、Special 、Burger、Panini、Pasta和Dessert。******************************我地點了牛肉意式香草包伴蘑菇芥末醬及沙律配檸檬醋醬 Herb Foccacia with Beef and Sautéed Mushrooms, Salad and Homemade Lemon Vinaigrette Dressing ($107)，份量勁足，勁！香草包烤烘至外脆內軟，塗上很香的芥末籽醬，中間大量肥牛和雜菇菌，很豐富。肥牛肉嫩油潤，菇菌爽口兼有菇香，烹調入味，很美味！旁邊配了些雜沙律菜和車厘茄，新鮮清爽，拌入酸咪咪的檸檬醋汁，清新開胃神，同時亦可中和一下肥牛的油膩感。*********

Espresso Alchemy 裝潢復古，以啡紅色為主調，營造出一個舒適且優雅的環境，聊天/嘆啡真係無得頂。Baileys Chocolate以濃郁的Baileys配上順滑巧克力，入口味道濃厚，柔滑順口，口感誘惑，帶來了一種奢華的享受。青醬雞胸沙律配檸檬醋醬爽脆的沙律加上微酸的檸檬醋恰到好處，而雞胸配上青醬，做到鮮嫩清新，軟身有肉汁，充滿層次感。香煎虎蝦配辣蕃茄汁意粉虎蝦做到爽口彈牙，沾滿了辣蕃茄汁，口感惹味鮮美，而意粉都做到掛汁效果，令人食慾大開，越食越開胃。

又去左Espresso Alchemy,今次係將軍澳分店，環境一如其他分店咁都係好靚好舒適。牛油果碎蛋貝果配沙律: Bagel焗得好靚，呈金黃色，個口感好煙煙韌韌，中間係mix好晒嘅牛油果碎蛋，都好多餡架。食埋個沙律，健康又飽肚。宇治抺茶鮮奶：抺茶味濃厚，鮮奶泡香滑綿密Cold Brew Coffee:係酸質較多嘅冷萃，同時帶有果甜Homemade Banana Loaf Cakes: 聞落食落都好香香蕉味，焗完個面微脆但中間keep住夠濕潤，好食！

Espresso Alchemy進駐將軍澳，以後又多一個地方享受悠閒嘅一天。青醬雞胸沙律配檸檬醋醬 ($92)雖然係雞胸，但一啲都唔會嚡熠熠，而且調味得宜，沙律菜爽脆，加埋酸酸甜甜嘅檸檬醋醬，味道清新。香煎虎蝦配辣蕃茄汁意粉 ($129)虎蝦厚肉，口感爽彈，蝦味香濃，每隻都有去蝦腸，值得一讚！意粉入味帶辣勁，開胃惹味。Baileys Chocolate (Alcoholic) ($73)Baileys味突出，酒香醇厚，但同時亦滲透淡淡朱古力味，易入口又唔好甜。

聖誕放假，當然要出去食個早餐，感受吓聖誕氣氛同慶祝呢一年嘅付出。講起西式早餐，我就幾鍾意去呢一間Espresso alchemy。早餐有唔少選擇，環境又坐得舒服。雜菌黑松露醬芝士意大利三文治麵包鬆軟，外面烘得香脆，黑松露醬好香，Mozzarella cheese有拉絲效果。雜菌多到滿瀉，每一口都有雜菇香氣。套餐仲可以加$22有勁大份沙律。沙律菜好新鮮，加上酸甜檸檬汁，清新好fresh。香蕉蛋糕估唔到呢度嘅甜品都唔錯，香蕉蛋糕係偏向濕潤厚實，蛋糕口感實在，係會有飽腹感，香蕉味道亦都香濃。Mocha一早起身一定要飲杯咖啡提神，味道香濃，朱古力味濃厚。

💡休閒舒適咖啡店呢間咖啡店坐位好舒適，裝修好有格調，令到人有種relax的感覺。🍳菠菜芝士奄列配多士 🥬🧀奄列以新鮮菠菜和濃郁芝士製作，搭配香脆的多士，口感豐富，營養滿分！🍄雜菌黑松露醬芝土意大利三文治 🍞三文治用多種雜菌，再搭配黑松露醬，味道豐富。另外再加埋沙律菜，夠曬fresh。🍽️全日早餐 包含炒蛋、雜菌、火腿、烤土豆，仲有大大個香脆牛角包，好飽肚🤣☕️Flat White 濃郁的濃縮咖啡和絲滑的奶泡製成，口感順滑，香氣誘人。🍵Matcha Latte 抹茶拿鐵以優質抹茶粉和牛奶調配，色澤清新，香氣悠然，好濃抹茶味❤️

食過幾次，食物質素ok今次試下飲茶葉，但貴到無朋友，$38/杯 Earl Grey 係正常邊估到叫咗$58嘅龍井，只有正常杯1杯嘅份量，最大問題係「無茶葉」….貴過半島😒離晒譜😖😖

放聖誕假🎄玩完一晚喺屋企附近揾咗間舒適coffee shopChill 下😎一入去就聞到好香嘅咖啡香ღ青醬忌廉雞肉長通粉 $104長通粉軟硬度適中，入口彈牙加上香噴噴嘅醬汁，好creamy雞肉份量多，食落軟綿有口感ღ法式西多士配自家製雜莓醬 $56法式西多士口感鬆軟香口加上香甜嘅雜莓醬好開胃🤤ღ 香蕉味蛋糕 $33喺counter見到有幾款自家製嘅蛋糕忍唔住都揀咗其中一款口味試下ღ宇治抹茶鮮奶 $44有靚靚嘅拉花帶有抹茶嘅甘香口感順滑

今日收工返到將軍澳，喺地鐵站附近睇吓有咩好食，搵到呢一間位於 Popcorn 商場嘅簡單輕食。其實之前放假都食過，不過淨係飲咖啡，今日就嚟試吓佢嘅主食。鮮奶巧克力熱朱古力好香濃，飲落又唔甜，奶泡打得好靚，呈心形，好治癒。Panini青醬烤雞蕃茄芝士意大利三文治Panini有兩款都有烤雞，試咗比較輕盈嘅一款，賣相好靚，分成兩份，擺到成個心型咁。烤雞有數塊肉質鮮嫩，配合青醬好新鮮。加埋蕃茄芝士都幾健康。菠菜芝士意粉配忌廉汁望落以為細細碟，原來份量都幾多，菠菜鮮甜清新，同芝士意粉夾埋一齊食就無咁滯，配搭得好好😌自家製藍莓合桃蛋糕最期待嘅甜品出場，估唔到咁大件，可以開心share。藍莓甜甜地，合桃有咬口，食完好滿足🍰🧸評分：🧸🧸🧸🧸4/5

一直都有留意呢間裝潢幾靚嘅cafe，豆沙色為主，每次見入面都坐滿人。但入到去，發現餐廳坐位與坐位之間勁近🫂中庭就放張流線型設計嘅圓枱，岩打卡，好睇唔仲用，將梳化位嘅客人迫到難以自由出入，佈局嘅舒適度好差。坐低睇完menus之後要出返去counter order意粉+賣單，相對有啲麻煩，唔會稱為restaurant🫢 今次order左個Spaghetti Carbonara with Pancetta Affumicata Bacon + Hot Latte (Regular size)。先講意粉，意粉煮得過軟，相中亦可以睇到意粉過熱導致汁油分離、好稀、唔掛汁，啲煙肉好似分開放，完全無味，無煙肉油香、無蛋香、無芝士味，覺得自己食緊白灼意粉，口感有啲軟爛🤔至於杯Hot Latte，比連鎖店cafe遜色，偏向重奶，飲唔出咖啡香，奶泡同espresso比例有待改善。食完仲肚痛，真係唔會再光顧了😓

餐廳燈光柔和，座位有空間感，想搵個舒服嘅地方嘆杯靚啡呢度係唔錯嘅選擇✨🎈青醬雞胸沙律配檸檬醋醬 雞胸同沙律菜鋪滿一碟，真心被佢嘅份量驚艷到雞胸以青醬調味，搭配新鮮蔬菜、蕃茄乾同橄欖🫒食沙律都可以好滿足🥗🎈檸檬汁烤雞煙肉芝士意大利三文治熱壓Panini上枱時依然熱烘，口感鬆軟中帶點煙韌🥙以雞肉、蕃茄、芝士做餡料，嫩滑雞肉加上芝士奶香同檸檬清香，層次豐富🎈Americano咖啡在水準之上，咖啡香而溫和，口感滑順🎈自家製香蕉蛋糕 甜品都一樣有水準，蛋糕質感濕潤外層烘得微脆，食到甜品之餘唔會有罪惡感

這家咖啡店裝潢簡潔，座位闊落。⭐️特濃巧克力小小一杯，就像在吃朱古力，濃厚的巧克力香氣在口中迸發，讓人感受到如絲般的順滑。⭐️生酮意式芝士卷外形吸睛，充滿了濃郁的芝士咖啡風味，內餡則柔軟滑順。⭐️檸檬汁烤雞煙肉意大利三文治麵包皮烘得非常脆，咬下去時發出清脆的聲音，讓人食慾大開。雞肉鮮嫩多汁，搭配檸檬的清新酸味，與煙肉的鹹香配合得很好。⭐️牛油果蕃茄芝士意大利三文治新鮮的牛油果與新鮮的蕃茄相結合，搭配芝士，既健康又美味。

忙裡偷閒．揀咗將軍澳呢間Cafe慢活一下Lunch Menu 多款菜式選擇揀咗兩個Set 味道都好有水準✨香煎虎蝦配辣蕃茄汁意粉虎蝦大隻．口感爽彈配上新鮮露筍．帶點芝士 同 微辣嘅蕃茄汁熱辣辣 有溫度✨牛油果多士配沙律沙律菜新鮮嫩綠烘烤過嘅多士．配上新鮮牛油果．口感香脆✨宇治抺茶鮮奶抺茶味道濃郁不苦澀．鮮奶比例恰好✨Brew Coffee跟餐跟滴漏咖啡．味道香濃醇香環境舒適以後同朋友聚會又多個high tea嘅好地方

Espresso Alchemy 好欣賞佢地裝修 💕色調以橙啡為主調環境舒服真係好適合過來嘆返下午茶chill下今日來到將軍澳分店～係popcorn 商場入面叫左一份沙律、兩款蛋糕甜品、同埋咖啡渡過一個悠閒嘅下午👏🏻而且不設+1服務費🤪⭐️青醬雞胸沙律配檸檬醋醬健康好味之選！雞胸口感紮實配上青醬非常清新⭐️生酮宇治抹茶忌廉卷減肥人士嘅福音⚡️抹茶味濃香忌廉滑溜⭐️自家製合桃藍莓蛋糕～口感層次豐富！　☕️Mocha ～ 朱古力味濃郁帶有淡淡咖啡香📍將軍澳唐賢街9號PopCorn 1 1樓F54號舖

💡休閒舒適咖啡店呢間再訪咖啡店，同朋友傾計最好嘅選擇，舒適，空間感十足。🍝青醬忌廉雞肉長通粉 🍗濃郁的青醬搭配奶油，令整成個醬汁滑順可口，雞肉嫩滑，通粉吸收左醬汁的香氣，食落好滋味。🍞雜菌黑松露芝士意大利三文治 雜菌的鮮香和黑松露的獨特風味令芝士的香氣更加濃厚，搭配香脆的麵包，整體口感層次豐富。🍌自家製香蕉蛋糕 鬆軟的蛋糕裡充滿了香甜的香蕉味，搭配一點點的堅果，口感既柔軟又有嚼勁。☕凍Latte 🧊綿密的奶泡同濃郁的咖啡香氣好夾，清涼又提神，令整餐體驗更加完美。