Espresso Alchemy

Open Now

Now Closed

係尖沙咀美麗華商場行完街，攰攰地梗係搵個地方醫肚hea一hea, 於是用open rice搜尋，發現美麗華商場一期B1有間coffee shop, 呢間分店我係太古坊都試過，二話不說坐電才落去。由卡位於B1關係，商店吾多，坐低無太多吵雜聲，係盡情放鬆既好地方。Coffee shop位吾多，但位與位之間足夠空間，閒聊都有足夠私隱。講返食物先，叫左一杯鮮奶咖啡，一杯金萱烏龍茶；煙三文魚沙律配意大利黑醋汁，生酮意式芝士卷，生酮宇治抹茶忌廉卷，因為吾太肚餓關係，淨叫左呢幾樣，志在閒閒地放空一下。鮮奶咖啡拉花好靚，咖啡味濃佢保留鮮奶味，打既次數足夠有好多泡。烏龍茶一壺仔吾算大杯，足夠fill三小杯，茶香夠，提神一流。煙三魚沙律必點，因為超大份，蔬菜夠新鮮，煙三文魚份量夠，配埋平時難食到既意大利黑醋汁，夠健康之餘又香口。抹味卷要試，我第一次食已讚不絕口，首先個蛋卷用綠茶粉打成，忌廉芯鬆軟，好香，吾試就走寶。芝士味蛋卷，相比抹茶卷會少少失色。人流吾多，坐得好舒服

每次行經美麗華都會食Espresso Alchemy，因為我覺得佢嘅煙三文魚黑醋沙律係超級好食。不過今日就揀咗其他嘢食，估唔到都唔錯。呢度午市時段其實都幾多人，不過今日我去嘅時候係兩點幾，所以都好快有位。呢度係自己出去叫嘢食，跟住就有店員為你送上食物，坐得舒服，亦唔使加一服務費。厚切意大利煙肉配卡邦尼意粉 $106佢嘅煙肉切得夠厚，所以鹹香味更濃，同我哋一般食到嘅真係唔同。卡邦尼汁亦都好濃稠，醬汁裹上意粉亦唔會變得太腍。煙三文魚多士 $82繼三文魚黑醋沙律之後，呢個就係我第二推薦。同樣配菜都有黑醋沙律，佢嘅醬汁真係好好味，酸酸甜甜，所以令每一片沙律菜都入味。呢度嘅煙三文魚，我覺得同其他地方唔同，佢會冇咁鹹，但係魚香味咁重。以多士的份量來說，煙三文魚都俾得好足夠！下面仲有沙律蛋，經過鹽和黑椒的調味，已經能帶出蛋香。下面嘅多士亦都烘得香脆，整體感覺營養豐富，好味！生酮意式芝士卷$62喺tiramisu 嘅味道，裏面的忌廉滑溜，而且蛋糕亦都鬆軟。Mocha $47朱古力味濃郁比咖啡更出！

剛從客戶尖沙咀公司開完會，天色已近黃昏，肚子有點餓，原來午餐沒有吃過什麼，一於去附近搵食嘢。記起美麗華商場地庫那層有兩三間咖啡店。決定呢間是我常來的，無論環境，氣氛也不錯。三文魚沙律，配意大利黑醋汁三文魚，沙律菜，車厘茄，橄欖，醃製蕃茄乾比起之前食過，配料豐富咗，層次多咗，再配上了黑醋汁，完美配搭。三文魚切成一朵玫瑰花，好美！有點不捨得食。Cappuccino 品牌保証，咖啡芳郁，餘韻力強。菠蘿青檸雪葩粒粒菠蘿清甜味美。青檸雪葩酸味十足，醒胃甜點。

早上最開心就係可以休休閒閒甘食個早餐，呢間cafe設計簡約，空間感都算好好，order左個早餐Avocado, Tomato & CheesePanini+Cafe Latte (Large)，都只係$86，係呢類似嘅cafe嚟講，都算好抵食。雖然賣相幾靚，不過食物質素就真係一般，有啲失望，好彩咖啡就幾好飲，可以加番分!

同個朋友傾下計食少少野，coffee shop 就岩哂，呢度既咖啡同食物真係唔錯！我地叫左青醬雞肉忌廉長通粉、朱古力咖啡、檸檬雪葩以及檸檬汁烤雞肉芝士意式三文治。青醬雞肉忌廉長通粉- 每一啖都能感受到青醬既清新同忌廉既濃郁，雞肉嫩滑檸檬汁烤雞肉芝士意式三文治 - 酸爽既檸檬汁與嫩滑雞肉完美結合，再加上芝士濃郁同蔬菜既清爽，味道豐富而平衡朱古力咖啡結合左濃郁咖啡香氣同濃郁朱古力口感，為你帶來前所未有既美味享受最後就係檸檬雪葩，檸檬既酸甜同雪葩既柔軟口感，給人一種清新既感覺，為下午帶黎一點甜

餐廳位於商場中間位，有好多花花草草嘅裝飾，環境舒適，有休閒嘅氣氛包圍！氣泡黑咖啡、生酮意式芝士卷黑咖啡帶有苦甘味道，口感清新提神。芝士卷朱古力味香濃，內層濕潤柔軟，入口濃郁👍🏻兩者搭配好夾。蟹肉茴香忌廉意粉意粉麵條纖細，配搭豐盛嘅蟹肉，加上茴香，入口有少少似香茅+海鮮味嘅組合，唔錯。美麗華 Parma Ham 全日早餐有冇人好似我咁，無時無刻都愛食早餐😄All Day Breakfast令人食慾大增，材料有炒蛋、帕瑪火腿+蜜瓜、煙燻牛肉、烤香蕉、烤番茄、炒蘑菇、炸薯餅、沙律和迷你牛角麵包，即叫即整，睇得出係用心製作，連牛角包都熱辣辣，質地鬆軟，充滿香氣，烤香蕉都好特別，上面有一層焦糖，又脆又juicy，整個set豐富多樣，好滿足！

呢間餐廳地點一流，位於Mira mall 地下，shopping 行到攰攰地，坐喺度嘆吓都幾好🥰氣泡黑咖啡深深黑色嘅咖啡冒著氣泡，好吸引，無糖配方，入口絲滑唔會太濃，微微苦味，再慢慢回甘，唔錯👍🏻三文魚沙律配意大利黑醋汁三文魚片擺成花形，加上色彩繽紛嘅沙律，賣相吸引，沙律菜夠脆爽，和黑醋汁好夾，味道酸酸地又清新，入口凍冰冰，越食越開胃，略略覺得如果份量再多啲就好了。厚切意大利煙肉配卡邦尼意粉煙肉切成厚片，表面帶點煎至金黃嘅顏色，口感紮實。意粉好上汁，卡邦尼汁奶味和忌廉味平衡得好好，同煙肉嘅鹹香融合，絕對能夠滿足喜愛肉味嘅朋友！

行過已經聞到好香咖啡味, 原本之前喺如心廣場嘅espresso alchemy, tst都開左分店, 咁岩下午茶時間, 即刻入去試下首先叫左杯Flat white味道好好，好香nutty 朱古力味，不錯朋友叫左long black, 佢係偏fruity嘅口味，啱晒佢而主食就係salmon toast,佢嘅分量好大份，兩個人食就啱啱好，作為下午茶好味甜品當然唔少得佢哋嘅signature matcha roll,一啲都唔甜，好健康，仲要係keto㗎最後兩人都係食咗200幾，大滿足

久違的享受假期，特地為自己安排了面部護理跟泰式按摩好讓自己從日積月累的壓力中放鬆～ 當然少不了安排自己去吃一頓慢活一下享受生活美麗華 Parma Ham 全日早餐 $164Milk Chocolate 熱飲跟餐免費 冷飲 +$3店家每家分店都會有該店獨有的signature all day breakfast，食材組合各有不同，這店的有炒蛋、風乾火腿、蜜瓜、煙燻牛肉、烤香蕉、烤蕃茄、炒蘑菇、薯餅、沙律跟迷你牛角包，用料跟顏色同樣豐富，當中還有一些平常不會在ADB見到的食材，個人很喜歡烤香蕉跟牛角包，前者的焦糖脆面令香蕉的甜度增加；後者麵包牛油味重暖暖的又鬆軟～ 由於來光顧的時候還是早餐時段，部份飲料可以免費跟配，這杯Hot MIilk Chocolate就是其中之一！漂亮有質感的拉花令人賞心悅目，入口幼滑細緻朱古力味濃郁，熱飲的關係更突出奶香，入口滿有可可香氣，如果朱古力味再強烈一點就更加完美！生酮宇治抹茶忌廉卷 $61想吃點甜，但不太愛甜點的我在這裡找到我需要的！生酮友好的食品近年大熱，除了受到生酮飲食者的追棒以外，對於我這種不嗜甜和年長不可以吃太多甜食的老友記來說同樣是福音～ 在選

喺尖沙咀，肚餓要食嘢仲想飲杯咖啡☕️，諗吓距離我位置近近哋有乜好地方，用咗5秒諗到呢間🤣，咁就嗱嗱聲行過去醫肚兼整番杯咖啡🤣揀咗 $93「煙三文魚多士 Smoked Salmon on Toast 」，早餐包 large size espresso-based coffee，揀咗 Cappuccino🤩Cappuccino 大大杯有奶香但係又唔會太多奶，兼夠濃夠滑😋「煙三文魚多士🥪」：煙三文魚有幾香嘅煙燻味😋，煙三文魚下邊仲有啲蛋沙律😋，多士🥪就脆脆哋😋，亦都有啲新鮮爽脆嘅沙律菜🥗$61「生酮黑芝麻竹炭忌廉卷 Keto Bamboo Charcoal Sesame Roll Cake」：蛋捲好輕身，裏邊嘅忌廉亦都做得好輕身，整體唔係好甜，食落一啲都唔膩🤩食完再加個 $42 Espresso Tonic，有濃郁咖啡味 加埋 Tonic water 味，清新幾好飲🤩

呢間餐廳喺電梯底，有意粉咖啡沙律甜品，好悠閒嘅感覺。我就首先叫咗一個牛油果沙律，牛油果好新鮮，好多菜，好健康，最重要係好大份有啲芝士、有啲生菜、青瓜，好開胃跟住叫咗一杯咖啡，我轉左almond milk好滑,咖啡味好香濃,呢一隻nutty 豆幾好👍之後叫咗一個西多士西多士好香牛油味，上面有白砂糖，煎得好香跟住仲有忌廉熱辣辣脆波波，好有口感，兩個人一齊食最好下次可以再叫埋佢嘅多士麵包意粉係傳統嘅食物，但係煮得淋漓盡致

行開美麗華，記得之前想試下呢間cafe，唔太heavy，就揀左呢間餐廳食晚餐我地2個人，揀左雞胸沙律，蟹肉意粉，All day breakfast ，冷萃茶雞胸沙律份量都多，超大件雞胸，原本好怕雞胸會好鞋，呢度都整得幾好，幾健康晚餐都要食all day breakfast 🤣我鐘意食all day breakfast 主要原因係貪心，因為可以試到唔同食物，有焦糖香蕉，Parma Ham配密瓜，整體都好食蟹肉意粉，都幾多蟹肉，味道算不錯冷萃茶，跟一隻放左好大粒冰既杯，飲到最後粒冰都未完。茶味淡淡的，不過唔知係唔係呢杯茶，飲完夜晚訓唔著🥹可能位置問題，客人唔會太多，環境都幾舒服下次要試下呢間甜品，好似幾吸引🤩

Grilled Chicken with Green Sauce :The succulent grilled chicken breast, perfectly cooked, was accompanied by a vibrant and herbaceous green sauce that elevated the dish to new heights. The sauce struck a delicate balance between creaminess and tanginess, with hints of fresh basil and parsley dancing on the palate. The tender chicken paired harmoniously with the zesty notes of the sauce, creating a symphony of flavors that left me craving for more. Tomato and Cheese Italian Sandwich:The crusty ye

同幾位朋友食Tea ，第一時間諗到呢度，地點就腳，環境舒服，野食好味😋咖啡係必叫既🤣自己要左杯latte ，奶夠多，香滑，滲出香濃既咖啡味，唔錯！青醬雞胸沙律雞胸好大舊，好多蛋白質🤣雖然係雞胸，但唔會好鞋，嫩滑既呢度既青醬好特別，好香，唔辣，好好食，每次黎都會想食佢，配雞胸食一流！煙肉卡邦尼意粉個汁好濃，好creamy!煙肉厚切，，唔會乾爭爭！食到停唔到口🤣抹茶忌廉捲呢度既甜品唔算多選擇，所以簡左一個，大家share，相比想像中大件，好鬆軟又creamy，好濃抹茶味，岩晒我地，好味！值得推薦既cafe🥳

good place to chill around in tstfood and coffee are averagewill come again if i have to kill some time in tst🤓😋味道　：6.5 / 10💰性價比：7.0 / 10💕回頭　：6.0 / 10🍴 煙三文魚牛油果莎莎配沙律及多士 · Smoked Salmon and Avocado Salsa with Salad and Toast - $93🍴 厚切意大利煙肉配卡邦尼意粉 · Spaghetti Carbonara with Pancetta Affumicata Bacon - $106🍴 澳白咖啡 · Flat White - $45