Espuma (H8) (Changed Hand) New Restaurant

👧🏻Wodafoodie in Tsim Sha Tsui食晏真係好鍾意去厚福街，勁多選擇咩菜色都有，特別係H8，去足一星期都可以食到唔同野。最近去左H8 2/F間西班牙餐廳，lunch time做緊買二送一，環境好舒適，又有背景音樂，氣氛幾好。Set Lunch 有餐湯、蒜蓉包、沙律、主菜、餐飲同甜品，最平 $78+1，包咁多野算幾抵🎃 雜菌南瓜意大利飯 $78飯好有煙韌有口感 味道較清淡 感覺幾健康🦑西班牙墨魚汁海鮮飯 $168有青口、蜆 、大蝦，飯都係一樣咁有口感咁好食，墨魚汁好濃郁，比南瓜飯味道更香濃；可惜焗太耐，海鮮好乾，連殼都焗到一掂就裂開。🍝香蒜欖油蜆肉扁意粉 $98相較之下，味道最淡呢個，唔知係咪我食慣濃味；不過蜆肉幾新鮮聽餐廳講佢地一個月先換一次lunch menu，最近我食左幾次食到有d悶，如果佢地可以隔2星期換一次會更好，咁我會再多d幫襯🤣📍Espuma (尖沙咀)尖沙咀厚福街8號H8 2樓

Lunch去到坐底，睇左好耐餐牌 原來無比lunch set menu,問佢拎張lunch set menu, 侍應比左張diner set,有無搞錯，最重要係，發覺佢每張枱都特登唔放定lunch set menu 係到 ， 好似唔想人地睇到咁！而且lunch set d餐勁少，無以前咁多種類，唔好再比佢以前d餐牌同食評呃左，128$個個牛扒餐無左，一人海鮮飯係仲係到，但最平都要168$加一，勁貴！又唔好食！總結，服務差，食物麻麻。都唔知點解咁多like

見佢排名都高分所以試下囉，點知好失望，我求期點左set lunch ，頭盤有啲沙津菜嗰個都ok啦，然後黎個蛋，真係堅難食，個海鮮飯都過得去，然後黎多個招牌豬手，硬到咬都咬唔落，叫杯啤酒，問佢咩牌子，完全唔想答你咁，咪生啤囉！堅無service !無下次，無諗過咁難食，最後連甜品都唔敢再嗌，最欣賞佢杯coffee沖得幾好同好埋好濃好香！

座落於尖沙咀的食街🤩交通非常方便，H8成棟大廈都有好多出色既食肆🤤今次係睇中咗呢個打卡甜品😍又見到餐廳環境舒適寬敞，好適合去慶祝生日影下相📸 再加上諗起都好耐冇食過西班牙菜😋經openrice訂座仲有九折🤑🤑🍟 黑松露薯條($78)新鮮滾熱辣炸起🤤 又香又熱辣辣🤩 分量多到嚇親😂 相信有一般份量嘅double有多😂😂😂😂 最後當然係太多食唔晒🙈 個黑松露醬更加係值一百分💯仲有配埋黑醋沙律，真大件夾好食😍😍😍🍕巴哈風乾火腿蘑菇薄餅($128)餅底薄脆，好多磨菇同ham，餡料正常發揮🥬 香煎帶子忌廉菠菜汁意大利飯($158)香煎帶子大大粒🤤新鮮熱辣啖啖肉😋忌廉菠菜汁好香🥬但意大利飯偏硬🙈🎂棉棉白兔糖布丁($68)今晚嘅主角🤩🤩 主要用黎影相😂😂 好多生果伴碟😍藍莓士多啤梨西柚，生果好新鮮好甜，棉花糖裝飾係打卡之選，拖肥布丁加朱古力撻偏甜🤣餐廳環境舒適寬敞😌服務滿意😚黑松露薯條係必點🤤食物大部分都好靚☺️而且唔貴🥰下次黎想試埋個至尊海鮮西班牙飯同打卡棉花糖玻璃樽雪糕窩夫(全份先會有棉花糖送🙈)因為都偏大份🤩真係食唔落了😂😂可以叫多啲朋友一齊食🥳 記得經openrice book有九折🤗

這裏主打西班牙菜式 ～喜歡環境舒適裝修雅緻～餐桌之間不會太擠迫 ～ 尤其是逆境之下保持距離係最重要!可慢慢享受我午餐!餐牌上幾款菜式我都想試！選擇我至愛蘑菇湯做起點! 特別鍾意超薄pizza個皮好脆 I like it…酥皮香辣橄欖蒜片意大利麵…哇!真係好大個酥皮下面意大利粉味道唔錯令人有驚喜炒得乾爽配料味道好~正!飲品選擇咗芒果沙冰清爽黃色仲好大杯喎最後當然唔少得甜品～雖然兩人食～ 因為這個甜品出半份係無咗個棉花彩雲決定要全份出大筒～ 有得玩有得食我們似小朋友一樣開心!甜品桶內有海鹽雪糕藍色好靚 焦糖吉士窩夫新鮮生果菠蘿草莓藍莓～上面放彩雲咁嘅棉花糖似頭咁大 一個悠閒下午餐又賞心悅目食得開懷！ 下次一定再嚟試其他美食！

生日同屋企人一齊食生日lunch，細妹揀咗Espuma～其實自己search過幾次但都無去試，今次就去試試🥳假日食lunch唔需要點等位，入到去環境好闊落，好鍾意佢個玻璃窗😍🥖餐湯係蘑菇忌廉湯，蘑菇蓉好明顯，好重蘑菇味，我好鍾意。另外有一塊牛油蒜蓉包，蒜味唔算重，但好香脆，配湯食不錯(´▽｀)🍝黑松露醬炒鮮雜菌寬條麵黑松露味濃郁，寬條麵幾彈牙，菇嘅份量都幾多，其實佢就完全係平時嘅黑松露雜菌意粉，不過不失咁🤣🍛海鮮西班牙炒飯(1人份)呢度嘅海鮮西班牙炒飯每粒飯都好大粒，好有嚼勁。雖然係一人份，但海鮮份量同種類都算多，有青口、魷魚、大蝦、蜆同西班牙腸。分享食嘅關係，我淨係食咗蜆同西班牙腸，蜆仲有淡淡嘅海水味，幾鮮甜！西班牙腸好大塊，食落有D似中式臘腸，偏乾身，值得一試！🍛西班牙橡果黑毛豬柳西京汁珍珠麵呢個珍珠麵其實有D似大麥飯，比起普通米飯需要更多嘅咀嚼，細妹話望落有D似發大咗嘅西米😂不過我覺得珍珠麵唔係好吸收到西京汁嘅味，食落比較寡，定係其實佢嘅定位係健康餐?🤔黑毛豬柳望落好似有D乾，食落又完全唔係乾，食到有西京汁味噌加蜜糖嘅甜味。不過個人口味關係，我麻麻地呢個珍珠麵😛🍕巴馬風乾火腿薄餅

感覺溫馨西餐廳🥰呢間餐廳適合親子食或者特別節日，例如慶生，或者情人節，見到唔少家長同小朋友係到慶祝。西班牙黑毛豬pizza都係薄脆餅底，不過黑毛豬煙肉略咸，同埋芝士一齊食，有點油膩🐷松露雜菌意粉反而有驚喜，夠曬醬汁，而且松露味香濃惹味，一上碟個陣已經覺得相當吸引，所以好快食曬成碟。飲品同甜品賣相唔錯，如果生日或者紀念日仲會幫你用朱古力寫低，影相幾靚，服務都唔錯，會幫手影相唔會黑面。人均大約150蚊到，性價比都幾高😌

覓食在尖沙咀呢間餐廳 係搵食平台一直高企 同友人就去試下佢既lunch 估唔到假日都有set lunch 😚😚 Set lunch 由$7x-$130 包餐湯，沙律，主菜，甜品，飲品 😌抵食之選🥩主菜點左牛排 😊 優質喎 👍👍👍叫左7成熟 肉質仍然好林 而且牛味都好濃.🍕另一個主菜揀左辣肉腸pizza 呢個就無咩特別 😭.🥗至於餐湯 / 沙律 都算唔錯 完全唔係hea 你.... 餐廳係蘑菇湯 都算濃濃的 .總括黎講 幾值得再黎食😌😌😌😌

係Openrice見到有午市3人同行1人免費優惠，反正係附近返工，近近地一於黎試下。套餐方面有8個選擇，價錢由$78起，除左餐湯沙律同飲品，仲有甜品食。我同兩個同事分別叫左烤肉眼牛扒、 香煎大蝦辣茄醬意粉同厚切豬扒配黑醋芥末汁 。牛扒以$128呢個價錢黎講，性價比高，份量足夠。厚切豬扒肉質唔錯，都算幾鬆軟juicy。意粉方面，香辣伴蕃茄嘅酸甜味道很好，大蝦彈牙，但得一隻唔係幾夠喉。午市黎講係一個不錯嘅選擇。

咁啱要去尖沙咀果頭做野，做完就諗住係附近食夜晚，太懶費事自己煮XD。尖沙咀搵野食都係幾個地方，最後就去左厚福街食，上openrice對呢間有印象所以就決定食呢間。睇menu見都幾多野食，但最後見到個好特別既意粉!!! 個意粉叫酥皮香辣橄欖蒜片意大利麵，idea係好似D酥皮湯咁樣去整個意粉，好特別~而我又好鍾意食酥皮既，呢個意粉真係good fit!另外亦都叫左個雞翼小食。 意粉一上枱有D驚喜，因為勁大碟，完全唔洗唔驚食唔夠。一切開個酥皮，D香味同煙即刻湧出來。酥皮入面係香蒜意大利粉，加左D辣肉腸、意瓜配菜調味令到有少少辣，幾正~真係第一次見咁樣整既意粉!雞翼就用左蜜糖去燒，再加左小茴，食落除左甜甜地之外仲好惹味，做小食真係正。飲品就嗌左杯latte，正正常常幾好。其實見menu仲有好多特別既野，下次會再來食!

同朋友補祝生日，佢介紹黎espuma試下。第一次黎覺得環境唔錯幾舒適，每樣食物質素都幾高。我地一共叫左四樣野，分別係黑松露醬芝士薯條、馬介休炸薯波、蝦醬蝦乾鮮蝦扁意粉同埋醬燒豬肋骨。蝦醬蝦乾鮮蝦扁意粉：上枱已聞到陣陣香味，蝦醬加上忌廉汁再搭配蝦乾， 味道濃郁，口感好不錯！個人十分推薦！醬燒豬肋骨：肉質鬆軟多汁，份量岩岩好，性價比高。馬介休炸薯波： 薯波炸得金黃香脆，入面夠creamy，不過馬介休咸味可以再多一些。黑松露醬芝士薯條是我朋友至愛，上枱已經食左一大半， 影相都影唔切。總結黎講，呢度食物有驚喜，價錢經濟抵食， 係一個聚餐好地方 ，下次會試下呢度嘅甜品。

Lunch set 厚切豬扒配黑醋芥末醬 $108一上檯老公已經嘩一聲，話點解白雪雪咁，好似無煎過，同埋係分開左2舊，算！（無寫開食評，所以無影相嘅習慣）都照試，點知一食，係瘦肉質感，而唔係豬扒嘅肉質，咁就試下第二舊啦，仲衰，乾到好難切得開，仲要一路切一路有肉碎散出嚟，平日唔太難食嘅，我都盡量唔會煩經理，但今日個餐真係食唔落，叫經理嚟問佢你哋有無試過啲野食？呢間餐廳好幾年前食過一次，印象中係偏貴，但未至於難食，今日過後，真係永遠唔會幫襯！

疫情嘅影響依然未過，以往人潮不斷嘅厚福街H8如今只有一兩枱食客，不禁有點唏噓。可能人流減少，入貨量難以預計，食物質素比大半年前退步不少。套餐沙律餐湯餐飲一括在內，沙律正常水準，簡單黑醋調味，份量偏少；餐湯稀而無味，完全飲唔出係甘筍定南瓜煮成🤧輕煎大西洋鱈魚配甜薯 $118雪藏魚柳，未完全解凍就拎去半煎炸，但仍然掩蓋唔住陣腥味，口感似橡膠；份量雖少，但食咗兩舊已經食唔落，係個檸檬牛油汁好少少，都算有檸檬香。烤肉眼牛扒配黑椒汁 $128嗌rare，上枱medium🤦‍♀️可能牛扒出貨量較大，肉質比鱈魚新鮮，唔韌，有筋不過易切，但都係無肉味；黑椒汁唔夠椒香，唯一加分係以蕃薯蓉代替薯條，無加糖調味，較為健康。底下係蛋白海綿蛋糕，味道清淡，上層mousse落勁多糖，甜到難以入口🤧成個set每樣食物都係食得兩啖，估唔到疫情影響最大嘅唔止生意，仲有食物質素🤦‍♀️🤦‍♀️🤦‍♀️

今次叫左一個pancake: 伯爵茶芝士麻糬厚鬆餅🥞鬆餅係即叫即做嘅，等咗大概20分鐘，到嘅時候熱辣辣香噴噴。鬆餅嘅外圍比較乾，中間嘅位置切開有伯爵茶流心醬，鬆軟香甜，不過就唔係好食得出麻薯同芝士味。

做緊三人同行一人免費嘅優惠，非常抵食。推薦輕煎大西洋鱈魚配甜薯，百里香蜆肉忌廉扁意大利麵都相當唔錯，飲品亦睇得飲得，水果茶和朱古力咖啡都幾好飲！同朋友坐左成個下午！