Espuma (QRE Plaza) (Closed)

上個月去完西葡，見到呢間咁多好評諗住試吓，點知中伏。完全唔正宗，非常港式，又日式又南洋風味，都算…but then 個牛頰肉兩塊幾好食，兩塊乾過沙漠-.- 個tortilla完全唔係tortilla，一塊蛋上面求其擺幾舊餸，完全冇厚度，似迷你蠔仔蛋多啲… 舊鵝肝半生熟又冇味，至於個西班牙橡果黑毛豬龍蝦汁砂鍋飯呢…好乾，啲豬肉好難咬，勁似煲仔飯，仲有飯椒添😅😅仲要個名長到乜咁，收你268蚊但同茶樓嘅味道無異…

星期六下午時段嚟食下午茶餐廳地點容易搵，入到餐廳，環境非常清幽，人唔多，可以享受寧靜舒適環境食物方面，味道很好，賣相亦一流服務員態度非常好👍🏻親切有禮，適當時候會嚟執檯，而且無限時，無急速急客走嘅情況誠意推介👍🏻👍🏻

叫左2份set dinner~前菜: 芝士松露醬薄多士烤得香脆的多士，好香黑松露味嘅拉絲芝士，一口size剛剛好！巴馬風乾火腿季節沙律唔會太硬太鹹嘅Parma ham，好高質😍加上芥末蛋黃醬沙律👍🏻👍🏻是日餐湯係蕃茄忌廉湯，好軟滑龍蝦汁西班牙海鮮燉飯 $338超級熱辣辣！擺左一陣都仲係好熱，飯底係傳統義大利米，索哂啲龍蝦汁😋海鮮有帶子，責口，魷魚等，全部都好新鮮！香草橄欖羊架伴牛頰肉配忌廉薯蓉及炒菜 $368好有驚喜嘅羊架😍煎得香脆，油脂同肉分佈平均，超香羊味但冇羶味！薯蓉好香牛油味又軟滑招牌水果茶 +$15加$15就有特飲就梗係加啦😆超足料，有好多蘋果橙百利甜酒咖啡 +$15比想像中更重酒味，咖啡好香，鍾意baileys者不容錯過！

临时能订到座位都是有原因的。东西难吃，环境蔽遮，一个男的中年矮胖服务员态度很粗鲁，很大声。并没有坐满，但还是给你安排去垃圾桶边狭窄座位。湾仔这家店是第一次来，也是最后一次。

西班牙橡果黑毛豬柳西京汁珍珠麵 💰158黑毛豬肉質嫩滑 肉汁豐富 珍珠麵在外面很少會吃到 口感煙韌 一粒粒很特別 巴馬風乾火腿蘑菇薄餅 💰148由巴馬火腿 蘑菇 芝士 羽衣甘藍 車厘茄等材料做成 口感味道豐富 薄餅鬆脆 泰式奶茶味麻糬窩夫配雪糕 💰158打卡一流的甜品 巨型棉花糖 甜品內是窩夫 配上多款水果粒 楓糖合桃雪糕😍😍

其實系其他區食過，第一次嚟灣仔呢間，食物質數系okay嘅，個蟹tart熱辣辣，一上枱就香噴噴，Parma Ham薄餅夠香夠脆，叫咗個豬手啲焗得香脆但有就小小干，不過唔同嘅醬同酸椰菜絲就加分，至於個sangria 飲落怪怪哋，叫做不過不失，但爭咗唔知咩嘢🤔至於service就有進步空間，一入嚟就催落單，講明曬你最多坐到9點半，但介紹果度仲系10點ar,而且話曬系灣仔，趕收工都好，可以開心啲🤪不過多謝佢哋咁趕都寫咗生日字落個甜品度❤️

黎到灣仔想食下特色菜 搵到間西班牙餐廳一入到去見到好多花花既裝修 好浪漫好有情調環境夠哂開揚同光猛 感覺好舒適♥︎➜ Knuckle & Wing $178秘製招牌香脆咸豬手(半隻)焦糖牛油雞翼 脆炸芝士薯條佢哋新推出呢個豬手拼盤好吸引豬手皮脆肉厚 調味又唔會太咸仲有唔同醬汁比我地點 特別喜歡甜甜地既蘋果蓉牛油雞翼好香口 仲有小小焦糖拉絲甜甜地芝士薯條夠香濃 配埋黑松露沙律醬就更正➜燉牛肋肉寬條麵 $158燉牛肋肉好入味 簡單嘅調味已好好食比一般加左忌廉嘅醬汁無咁重口味寬條麵軟硬適中 仲有彈牙既口咸➜雞肉牛油果蔥油餅 $98估唔到呢個配搭都幾好食蔥油餅煎香後好脆口 食落仲有韌感餡料好多 滿滿既牛油果醬同雞肉粒每一啖入口都食餡料 呢樣好加分➜玫瑰烏龍茶 $46用左台灣茶葉沖調 加上玫瑰蜜 唔會太甜 味道份外清新本身仲想嗌呢度既招牌鬆餅做甜品但真係食唔落 唯有下次再試☺️

舊同事聚會，今次去到灣仔食西班牙菜。餐廳環境幾舒適，食物整體都唔錯，重適合飲返兩杯傾下計。辣味蟹肉撻🦀撻皮香脆，啖啖蟹肉足料，但我哋都食唔出有辣味🤣唔通廚師落少漏落辣椒？秘製招牌香脆鹹豬手🐷上枱已經切左件，方便大家share食。豬手調味做得幾好，唔會死咸，外皮好酥脆，肉質軟熟肥瘦適中，可以配傳統酸菜、芥末或者檸檬汁食解解油腻👍🏻暫時係我係香港食過做得幾好嘅鹹豬手之一🥳烤澳洲肉眼扒配薯條沙律菜🥩牛扒叫5成熟，廚師煮得剛剛好唔會過火。都係切好晒好方便，見到入面微微粉紅色，但又唔會出血水，境界好高👏🏻👏🏻流心軟芝士麻薯鬆餅🥞呢個寫到明準備時間要30分鐘，賣相簡單，但一切開就有澎湃嘅芝士流出來，好正。鬆餅質地鬆軟，介乎梳乎厘同蛋糕之間，有蛋味，不過麻薯唔太突出。招牌鮮雜果麻糬窩夫配雪糕🧇鋪滿鮮果同雪糕，賣想好吸引！呢個就明顯食到麻薯，不過都唔係好多。窩夫外脆內軟，配雪糕一流。腰果意式奶凍🍮平時麻麻地奶凍嘅我，覺得呢個都幾特別幾好味。加左腰果，香滑得黎食到啲沙沙地嘅腰果蓉，口感唔錯，甜度都適中👍🏻總括成餐飯樣樣above average，甜品選擇多又好味，鍾意食甜品嘅可以黎試一試🤟🏻

地點方便就腳就黎試下野食都好多選擇 尤其甜品 大份抵食CP值唔錯會再幫襯🥰.✨牛肉芝士蔥油餅 $98有4塊 多牛肉夠咸香好食😋有沙律菜伴碟 可以轉下口味唔會好滯.✨巴馬風乾火腿蘑菇薄餅 $148香脆薄披薩增添口感 大塊火腿好正呢個size兩個人食剛剛好～.✨招牌鮮雜果麻糬窩夫配雪糕 $98 (Half)好多水果份量唔馬虎 Movenpick雪糕可以揀味 我揀左冧酒提子 唔會太甜 想再encore🤤.✨招牌雜果冰沙 $58✨草莓蜜桃冰沙 $58超大杯 建議兩個人share一杯 適合夏天飲 水果味好足 唔會太淡.📍Espuma灣仔皇后大道東202號QRE Plaza 25樓

心思思想過來Espuma 食野，見到有食評講招牌香脆咸豬手小食拼盤，今日特意book 位同T先生黎試吓。入座後睇唔到有呢個menu, 於是問店員，2位店員都不能即時回應，吞吞吐吐，後來經理過來，只要模糊地解說沒有便算了😓😓🤔😲這令到我地感覺不太良好。我地後來order 了牛肉芝士蔥油餅蔥油餅夠熱，餅少少脆但亦軟腍腍；牛肉芝士都juicy夠味，不會過咸，配搭上很不錯。可推薦冇拼盤，只能order 招牌香脆咸豬手都大份，豬手烤好但冇想像中咁熱，豬皮脆，啖啖口，配有芥辣醬，蘋果蓉和酸菜，更加惹味。餐廳都播放著輕鬆的音樂，令人放鬆。食物黎講，只試左2款，味道唔錯，整體都有3.5 out of 5。至於服務，建議餐廳給予店員有清晰指引，回應客人查詢要明確。如果餐廳在餐牌上有特別安排，可以講比客人知道。而今次服務質素，唔太理想。

去Espuma吃飯…一定會想吃他們的窩夫甜點，但我們最近發現了新菜式登場，就馬上約了友人去試試🤩✦ 秘製招牌香脆咸豬手(半隻)、洋蔥圈、紐倫堡腸 $198Espuma剛剛推出豬手菜式🤩擺盤非常吸晴，豬手脆皮焗得好香脆、肉質Q彈軟嫩，另外附上有醬汁蘋果蓉，可沾些少蘋果蓉，味道會較為清新。配菜有香脆洋蔥圈配沙律醬、還有德國紐倫堡腸，腸身煎得微微香脆，充滿肉香味道。✦ 巴馬風乾火腿蘑菇薄餅 $148薄餅的口感酥脆，配上香氣四溢的巴馬風乾火腿和蘑菇，令我們食指大動。配菜有磨菇、芝士、羽衣甘藍、車厘茄等等，也給這道薄餅增添了濃郁的味道。✦ 泰式奶茶味麻糬窩夫配雪糕 $158去Espuma 當時必食甜品😍這款甜品是打卡影相一流，有一個巨型棉花糖，入面裝滿了香脆窩夫，配冧酒提子及楓糖核桃雪糕，味道層次好豐富。

「優零先生」好喜歡食咸豬手，但二個人叫一隻份量又多了點，食唔到其他野！咁啱見到 @espuma_hk 有個招牌咸豬手拼盤，而且上網見到個環境都幾有情調🤭當哄哄佢開心吧！😂雞肉牛油果酥油餅$98酥油餅煎得酥脆夠乾身，牛油果拌雞肉份量好足，配搭住沙律菜感覺上都幾健康！西班牙橡果黑毛豬柳西京汁珍珠麵$158我強烈推薦依道菜式😂黑毛豬柳既油香真係零舍不同，油脂滲透左去個珍珠麵到，珍珠麵既西京汁都好特別唔會覺得好膩而且口感得意😎值得大家一試！招牌香脆咸豬手小食拼盤$198招牌菜果然無另人失望，豬手表皮夠脆卜卜而且咸度適中，紐倫堡香腸都好香口有濃濃肉香，份量都幾多我都食唔哂😅洋蔥圈炸得幾好，夠乾身脆口配他他醬係勁夾既！流心軟芝士麻糬鬆餅$135大大既鬆餅切開有流心軟芝士，芝士味不算太濃淡淡的，配上大量新鮮生果，感覺舒服！😌但要留意👀要預返30分鐘製作時間呀！整體食物質素幾高，環境又寬躺舒服，服務態度很好很好！絕對值得下回再來❤️

如果想一次過滿足唔同人要求，呢間餐廳係首選！因為呢間餐廳有多國菜😋😋豬手拼腸仔拼洋蔥圈醬碟有酸菜、蘋果醬、他他醬，豬手咬落去卡卡聲好香脆，肉質唔會好乾，調味都岩岩好，唔會好咸，餸酒飲一流！鴨胸關東煮湯底有海帶、蜆肉、黃蘿蔔、蘿蔔、春卷、鴨胸，湯底好soft，飲落好舒服牛油果🥑雞胸夾餅啲料超足，雞胸有好多粒，牛油果都好新鮮，夾埋熱辣辣嘅夾餅好好味！不過要趁熱食士多啤梨smoothie 好靚，打卡一流！有士多啤梨🍓係面，唔酸幾甜下，好fresh👍🏻👍🏻店入面仲有唔同打卡位，坐得又舒服，價錢每碟都係百幾蚊，唔貴，如果同成家人或者一大班朋友唔知食咩好可以試下呢間👍🏻

之前中環食過呢間fusion餐廳，價錢都幾合理，而且食物選擇都好多. 原來QRE Plaza都有.環境依然歐洲風+夠晒寬敞，位置於25樓景觀都幾開陽🤓🌸 雞肉牛油果蔥油餅💰98蔥油餅無油膩感👍 雞肉牛油果餡料好飽滿，調味適中！配埋沙律菜，食落清新健康😌🌸 辣味蟹肉撻 💰85👍啖啖都係蟹肉，仲有少少菇增添口感😋上枱已經香噴噴，食落有少少川椒香同微辣，撻皮好香脆！🌸 秘制招牌豬手半隻，焦糖牛油雞翼，脆炸芝士薯條💰178 推廣價份量好大好抵食😆 配上4個醬：酸菜，蘋果蓉，黑松露沙律和茄汁～豬手啖啖肉，沾上蘋果蓉解膩👍雞翼微甜帶少少牛油香😋🌸 招牌鮮雜果麻薯窩夫🧇配雪糕💰98 半份👍我好中意食呢度嘅麻薯waffle,蛋味香又有煙煙韌韌口感😋

餐廳加入歐陸各地尤其西班牙的特色，配合亞洲元素與不同嘅烹調方法，打造出色fusion料理，創製多道驚喜菜式。小編尤其喜歡他們嘅Tapas，款款精緻，見相片已經食指大動，更重要係價錢唔貴，小編今次就已經叫咗三款，三款都同樣出色，已經安排下次再嚟。◇ 𝗧𝗵𝗲 𝗣𝗼𝗿𝗸 𝗗𝘂𝗼 秘製招牌香脆咸豬手(半隻)、洋蔥圈、紐倫堡腸咸豬手係招牌，他們推出全新兩款咸豬手小食拼盤，咁正就揀咗這款Pork Duo試吓，主角咸豬手外皮香脆，肥膏好少，肉質結實爽口，上碟已經切開一片片，味道香口，沾上搭配嘅蘋果蓉更係一絕，又甜又清爽又可以減輕油膩感，而來自德國嘅紐倫堡腸，因為加入馬鬱蘭減低肥膩感，沾上他他醬更香口◇ 𝗦𝗹𝗼𝘄-𝗰𝗼𝗼𝗸𝗲𝗱 𝗚𝗮𝗹𝗶𝗰𝗶𝗮𝗻 𝗢𝗰𝘁𝗼𝗽𝘂𝘀 𝗦𝗲𝗿𝘃𝗲𝗱 𝘄/ 𝘄𝗮𝘀𝗮𝗯𝗶 𝗺𝗮𝘀𝗵𝗲𝗱 𝗽𝗼𝘁𝗮𝘁𝗼 & 𝗽𝗮𝗽𝗿𝗶𝗸𝗮 慢煮加利西亞風味八爪魚伴芥末薯蓉加利西牙章魚或八爪魚係西班牙著名經典開胃菜，通常八爪魚是烤的，但這碟用慢煮烹調，更能保持八爪魚本身肉質嫩滑，囗感爽口彈牙兼清爽，切開一片片薄片易入口，驚喜係搭配嘅薯蓉，白色幼滑兼有少許芥末味，同八爪魚好夾◇ 𝗙𝗿𝗲𝘀𝗵 𝗠𝗮𝗻𝗴𝗼