台灣ET鹽水雞

Open Now

Now Closed

位於葵廣地下一隅，位置需時找尋。葵廣店的鹽水雞較旺角店的份量大同抵食，我加了五蚊加豆漿。胃口較大的男士們可加10冷面。但可能因下班時間多人輪候，調味沒有完全拌勻，開頭沒甚麼味道，卻愈吃愈咸，建議食家們食前再拌一拌，味道更佳。整體來說蠻不錯的，已有台灣夜市的水準的78成，很適合心在台身在港的朋友們就近解一解對台灣的思鄉之情。推介各位一試：）兩人食：半隻雞加三種配菜（$75)加豆腐（$5)食完大半飽再上三樓掃街

收工去左葵涌廣場食ET鹽水雞，已經唔係第一次食佢，雖然價錢一D 都唔吸引， 叫個1人餐都要$44，加埋冷麵$54，同去餐廳坐底食個飯差唔多價錢。我叫左西蘭花，杏胞菇，雞珍。份量係多，味道好味，會食上引，第一次加冷麵好失色，就算撈完都可以零味道，建議唔好加麵。不過食完個口渴左一整天，味精甚濃

自從好多年前喺台灣食過鹽水雞，就對鹽水雞上左癮，可惜喺香港咁耐都唔見有真正台式嘅鹽水雞食！其實呢間嘅味道同台灣嗰D完全唔同，但奇又奇在佢有另一種嘅好味！😂所以既然食唔番台灣嗰隻就唯有食呢隻港式嘅頂下隱！而事實證明佢又幾受歡迎，我食過好多次，但次次都好多人同埋要等！佢最低消費係一隻雞脾加三款配菜，我果日去配菜都賣得7788，唯有揀左雲耳同秋葵，我一向食開西蘭花同金菇，好在都好食！同埋佢勝在雞肉夠嫩滑，同埋份量都多，所以我嚟緊都應該會繼續幫襯！

路過葵廣最低層，出奇點解呢層都聚集左咁多人立食之後就發現佢地食緊ET鹽水雞！未試過，羊群心理嘅心態，就一於試下佢喇！首先要填紙仔揀下要咩餐先，紙仔都寫得好詳細，1個人嘅可以揀A餐，可揀雞胸/雞腿/雞翼3隻之後再加3款配料。配料選擇好多，但發現有青蘋果哈蜜瓜咩事呀？夾咩？但見到好多人都點水果餐，表面上睇落應該真係會夾得黎，但我都仲未衝出到自己心理關口，都係點返d正常野試下先喇！今次就試下要雞腿+配料（雞翼+冰豆腐+西蘭花）+蒜，無叫辣。一試就覺得真係有幾分似西門町的鹽水雞，好濃味，而且撈得好勻循，雞腿在台灣吃的時候會覺得比較韌，但係香港係好滑，應該係雞種的問題。但我反而覺得滑係有驚喜，已經唔記得自己係身處香港吃雞翼係有骨的，要留到最尾食，西蘭花好入味，同埋佢會張一舊長嘅西蘭花剪到細細舊，易入口而且唔會覺得好少至於冰豆腐，我應該係點錯左喇，入唔到味又唔滑，好怪⋯整體黎講，係會有想再食嘅衝動，但食完之後唔知係咪太重味精，失眠呢同埋聽到有食客大讚辣得好味，下次應該都會試下食小辣。點餐紙下面有寫分店地址，但其實有好幾間都結左業架喇，所以想食都可能要去返遠少少喇

每次去葵廣都忍唔住要去整返個一人餐，$44可以選擇雞脾肉 或 雞翼3隻，次次我都會選擇雞脾，貪佢啖啖肉，方便食；而配菜可以三款，呢個時候選擇困難症又發作了......每次都好貪心想選齊所有生果，鳳梨、哈密瓜、芭樂.......但又想要招牌洋蔥、豬血糕、青瓜、高麗菜........最後因爲之後要返媽媽家食飯既關係，就選左罪惡感無咁重既鳳梨、哈密瓜同豬血糕，仲挑戰埋中辣畫好菜單，比錢後；大概幾分鐘就有得食喇！雞真係好滑好滑，連雞皮既皮下脂肪都呈半透明狀，好爽口；而佢地既香辛既配料配合埋新鮮香甜既生果，咁就十分無敵perfect match呀！Btw......其實荃灣都開左，但唔知係唔係情意結，硬係覺得葵廣呢間係特別好味

鹽水雞是去台灣必食的小吃之一。爽口的雞塊與入味的配菜實在令人難以忘懷。但始終香港很少餐廳售賣正宗的鹽水雞...... 但是在眾多售賣鹽水雞的商舖中，葵涌ET 鹽水雞也尚算不錯，可以解解口癮。今次我便在ET 鹽水雞就點了雞塊伴麵，而辣度方面就點了小辣。雞塊一如以往的爽脆，不會太過難下口。而配菜西蘭花非常入味，再加上其特有的食物質地，實在特別。另外，微微的辣味亦增加了整體的開胃感。整體來說，ET 鹽水雞也是挺不錯的，價錢也合理。

鹽水雞專門店香港很多地方都有，葵芳廣場的質數可為較為穩定。半隻雞翼兩個人吃，現在已經需要75元正。雞的分量也是十分多，而配菜方面覺得他們給的也是足夠，吃到尾也有。配菜方面點了苦瓜、芭樂及貢丸。 心得是綠色的蔬菜配雞比較合適，爽身的就更撘配。發覺中辣鹽水雞才是比較好吃，而辣度亦都剛剛好，可以吃完才去買飲品。吃完也沒有太口渴的感覺。點單紙上面可以自由選擇需要蔥或者需要蒜。

鹽水雞以往係大埔開咗冇幾耐就執咗，可惜比起油炸嘅鹽酥雞，我更愛呢個唔熱氣嘅鹽水雞某日路經葵廣，咁梗係要幫襯下啦，呢間舖比其他大，服務都好有系統，先落order,比錢，拎牌仔，等叫，拎嘢叫咗二人餐，友人推介甜不辣，我就堅持我嘅最愛黃瓜同豆干可能呢間店好多人食，去貨速度驚人，所以材料非常新鮮，見唔到有雪得太耐而令材料乾咗或發黑嘅情況👍🏻等拎嘅時間見到叔叔撈得起勁，廚内姐姐剪雞剪得起勁食鹽水雞記住加蒜呀👍🏻

轉新工之後唯一好處就係離美食十分近，仲要係出名美食雜中地既葵涌廣場，真係日日放工都心郁郁想食下啲小食先返屋企嫁！今日忍唔住放工都去食一食鹽水雞先，個人覺得呢間最好食最有台灣風味。放工時間黎到，排晒隊嫁！除左主要既雞之外，仲有好多配菜可以揀，青瓜、菇、西蘭花、木耳，樣樣睇落都新鮮，可能因為多人買，流量大，菜都新鮮唔會擺好耐。成件事好簡單，拎張紙剔你想要既餐，雞份量越多越貴，再揀配菜，比錢後會拎到號碼牌，等叫號就得喇。因為仲想食其他野，叫左一人餐雞腿加三款配菜，配菜揀左菇、木耳同青瓜。一人餐無論雞同配菜份量都好多，加埋蔥睇落真係好想要碗白飯黎送呀。雞完全去骨，食落唔洗怕咬到細骨，雞皮同雞肉中間仲有晶瑩剔透既啫喱，食落超嫩滑。揀左小辣同蒜，真係超惹味，辣度適中，適個唔太識得辣但又想食濃味野既人。

鹽水雞是一間主打食雞的小店，佐以其他不同的配菜 有一人份量、兩人份量、或多人份量。最喜歡就是他的招牌洋蔥，洋蔥味非常強勁，吃起上口感爽甜， 還有甜不辣、杏鮑菇，一試難忘。

放工番屋企前, 當然要到樓下最多食肆既葵涌廣場覓食啦。小妹是晚諗極都冇咩方向, 又不太感肚餓, 一於到廣場地下的''ET鹽水雞''買盒外賣。店家提供不同套餐, 主要以主菜(雞胸或雞脾)配以不同配菜形成(亦有30多款)。食客亦因應不同份量選擇多少份配料, 更有單買雞肉或配料供選擇。老實說, 若單看未經調味及顏色暗淡的配料, 確未必能勾起小妹的食慾。但經調味後, 外觀即時亮麗起來。一人餐(雞脾, 招牌洋蔥, 甜不辣, 齋根)雞脾肉美味可口, 肉質嫩滑略帶嚼勁, 以小辣調味惹味非常。而招牌洋蔥香脆, 甜不辣香甜。簡單混成美食一頓。

之前都在深水埗西九龍廣場光顧過這鹽水雞，但是是比較平價的下午茶。吃了個二人餐，好像較抵，想不到，原來內裏竟然有很多雞肉。雞胸肉，可說網網千斤，雞肉份量不少，還有雞翼；所選的配料「甜不辣」亦都份量不少；雞脾及背部的肉較具質素，不會鞋不會乾；甜不辣本來帶甜，撈完之後就更加吸味。底下還加了個麵條，但是麵條的質素，卻比西九龍那一間差得多，這兒裏面條太軟林，而且不夠滑身。裏面的餡料還有不少青瓜，同樣爽脆。廚房內看見幾名店員，默默撈東西及弄雞肉

這家在夏天時吃過好幾次，當時味道真的不錯的，雞肉滑滑雞皮也爽口。今天買了外賣回來吃，都是那些料：雞、芋絲、鳳爪根、蜂巢豆腐，但一打開竟看到有出水情況，雞肉是"鞋"的，感覺是很不新鮮，而味道也很淡。我之前都是選小辣或不辣，並不會覺得如此淡口，真失望！不知是否春節過後剛開市的原故。

呢度真係有驚喜，估唔到咁難食，呢d撈撈下嘅野食好難整得難食，但係呢度做到，直頭有陣怪味，d麵又煮到淋晒，求其到爆，夠膽賣成50幾蚊，所以話食野之前一定要睇下負評先

呢間鹽水雞係我覺得好食過台灣，今次同朋友叫左半隻雞腿加豬耳、蘿白同杏鮑菇。雞腿入味而且非常嫩，有陣獨特嘅胡椒味。平時我地會叫埋麵一齊撈架，個汁真係不得了！🤤另一個推薦叫青瓜，真係食啖肉再一啖青瓜，非常清爽，仲有加海帶，諗起又想走轉葵廣😈